LVIII Festival da Ópera: “Otello”, de Giuseppe Verdi

Conferencia de Juan Fridman en Portas Ártabras

Museos Científicos: horarios e actividades a partir de setembro

Venres 3
Praza de Azcárraga
22:00
Entrada libre.

Comeza o Festival On 2010 coa proxección das seguintes curtas:
- Pigeon: impossible, de Lucas Martell, animación (Estados Unidos, 6 minutos, 2009). Un axente secreto novato da CIA enfróntase cun problema pouco común: que facer cando unha pomba queda atrapada no teu maletín ultrasecreto.
- O elixido, de Chema Gagino, ficción (Galicia, 16 minutos, 2009). O elixido está desacougado. Leva días sen durmir e está aburrido. Pero non hai nada que o reteña á forza nese cuarto. A parella que o vixía, Edi e Nadia, tamén están nerviosos. Se continúan nese hotel, darán con eles e non poderán cumprir a súa misión. Pero o elixido xa tomou unha decisión.
- Marina, de Álex Montoya, ficción (España, 13 minutos, 2010). É de noite e Marina chora. Un home achégase. Pregúntalle: “Canto?".
- Instalación, de José Díaz, ficción (Galicia, 14 minutos, 2010). Acosada polas críticas, a directora dun museo de arte contemporánea busca unha instalación de urxencia que salve o seu prestixio e o seu financiamento. Sen apenas ter referencias previas acepta acoller a obra dun descoñecido artista. Pero o que ignora é a natureza da instalación.
- Retrato, de Ignacio Busquer, documental (Arxentina, 9 minutos, 2009). Un percorrido a través da labor do artista plástico Jorge Ponce, creador de máis de 3500 obras. A historia dun home que adicou toda a súa vida á arte e a estudar os vellos oficios dos pintores renacentistas e flamencos en pos da procura do seu propio universo.
- Quid pro quo, de Fran Araújo e Manuel Burque, ficción (España, 15 minutos, 2009). Alejo non lembra onde aparcou o seu coche e, mentres o busca, tropeza con Claudia en estrañas circunstancias. A partir dese momento estarán en débeda para sempre: quid pro quo.

Martes 7
Teatro Rosalía de Castro
20:30
Entrada libre até completar capacidade.

LÚAS DE OUTONO pretende ser a rememoración dunha vida e dunha obra e a reivindicación da súa vixencia, comemorando o sexto aniversario do pasamento do poeta Manuel María. Nesta gala de homenaxe Uxía cantará poemas do autor chairego, acompañando un recital no que participan Pilar Pallarés, Luz Pozo Garza, Cesáreo Sánchez Iglesias e Miguel Anxo Fernán Vello. O acto está organizado pola Fundación Manuel María e a Concellaría de Cultura do Concello da Coruña.

Venres 3
FNAC (Praza de Lugo)
20:00
Entrada libre até completar capacidade.

Con motivo da presentación da antoloxía bilingüe alemán-galego: Ein Rosenfeure, das uns Verstört: 4 Dichter aus Galicien, 4 poetas galegos, publicado polo Centro de Estudos Galegos de Kiel (Alemaña), desenvolverase un recital dos seus autores: Miguel Anxo Fernán-Vello, Manuel Rivas, Xulio L. Valcárcel e Xosé María Álvarez Cáccamo.

Este é o vídeo do recital de poesía, música e pintura, I Encontro en Milpedras, acontecido o pasado 23 de xullo:

Grazas a O Levantador de minas.

Estas son as principais actividades e horarios dos Museos Científicos Coruñeses desde este mes de setembro:

Casa das Ciencias. Horario: de 10:00 a 19:00 todos os días. Entrada xeral: 2 € (menores de 14, maiores de 65 e carné xove: 1 €). Entrada ao Planetario: 2 € (menores de 14, maiores de 65, carné xove e tarxeta Vinte: 1 €).

Proxeccións no Planetario (sábados, domingos e festivos):
- 12:00 h. A noite do vampiro (infantil, galego)
- 11:00 h. O ceo para enteirados (só o último sábado de cada mes)
- 12:00 h. O ceo do mes (só o último sábado de cada mes)
- 13:00 h. Evolución (español)
- 17:00 h. El mundo de Fugaz (infantil, español)
- 19:00 h. Evolución (galego)
(Contido e idades recomendadas)
Exposicións:
- O asombro de Mr. Darwin.
- Palabras de la ciencia.
- Da Terra ao Universo. Exposición fotográfica.

Aquarium Finisterrae. Horario: de 10:00 a 19:00 todos os días (até as 20:00 h. os sábados, domingos e festivos. O acceso péchase unha hora antes do peche do Aquarium). Entradas: xeral: 10 €; (menores de 14, maiores de 65, carné xove e tarxeta Vinte: 4 €).

Exposicións:
- Farmacuáticos. A botica do mar.
- Mare oceanum.
- Wildlife Photographer of the year (Fotógrafos da natureza). Até o 3 de setembro.
- Peixes electrónicos, de Wolfgang Trettnak. Até o 30 de setembro.
- Charca das Caricias.
- O príncipe e a sardiña. Do 1 ao 19 de setembro.

Domus. Horario: de 10:00 a 19:00 horas. Entrada xeral: 2 € (menores de 14, maiores de 65 e carné xove: 1 €). Entrada ao cinema: 4 € (menores de 14, maiores de 65, carné xove e tarxeta Vinte, 2 €).

Proxeccións:
- Monstros mariños 3D. De luns a venres ás 18:00 h. Sábados, domingos e festivos: 12:00 e 17:00 en galego; 13:00 e 18:00 en español.
Exposicións:
- Eureka!. Ciencia e creatividade.
- Un anaquiño de Nicaragua. Exposición fotográfica de Fernando Bellas. Até o 30 de setembro.
- Homínidos e homínidas.

O concerto previsto para hoxe xoves da Banda Municipal de Música na praza da Fonte de San Andrés ás 19:30 h. foi suspendido.

Venres 3
Biblioteca Infantil e Xuvenil (rúa Durán Loriga, 10, baixo)
18:30
Entrada libre (información no número 981-184388 ou na web www.coruna.es/bibliotecas).

Obradoiro: “Como debuxar o manga”, por Marisa Irimia.

Xoves 2 e venres 3
Portas Ártabras
20:00 h.
Entrada libre até completar capacidade.

Juan Fridman, coñecido axente turístico israelí e especialista en viaxes de contido bíblico dará unha conferencia sobre "Terra Santa", como preparativo á expedición cultural que nos primeiros días de outubro realizará este colectivo por Israel, Palestina, Siria e Xordania. Un intenso recorrido adentrándose na arqueoloxía, historia, arte e etnografía das culturas que máis teñen incidido no evoluir do occidente: a palabra, a lei, as relixións, os permanentes conflictos... Con especial atención a áreas arqueolóxicas, cidades da antiguidade como Meggido, Ebla, Dura-Eropos, Palmira, Petra, Damasco, Alepo, Xerusalén, etc.

Xoves 2
Palacio da Ópera
20:00
Entradas: 15, 35, 50 e 65 euros.

Dentro do LVIII Festival de Ópera da Coruña, representación de "Otello", de Giuseppe Verdi, con Marco Berti (tenor), Ainhoa Arteta (soprano), Claudio Segura (barítono), Francisco Corujo (tenor) e Elia Todisco (baixo), acompañados pola Orquestra Sinfónica de Castela e León, o Coro da Ópera de Brno e o Coro Infantil Cantábile, baixo a dirección musical de Miguel Ángel Gómez Martínez. Organizado pola Asociación de Amigos de Ópera da Coruña. Máis información aquí.

O 1 de setembro finaliza o prazo de envío de produccións ao CONCURSO BIBLIOCLIPS, consistente na realización de curtas (dun máximo de 35 segundos) inspirados nas bibliotecas e na lectura. A publicación do nome da persoa gañadora e dous finalistas será a partires do 1 de outubro do 2010. Entrega de premios: 24 de outubro do 2010. As bases poden consultarse aquí (PDF). Animámosvos a enviar os vosos traballos entre hoxe e mañá.
As Bibliotecas Municipais da Coruña convocan o concurso de BIBLIOCLIPS para amosar o feito lector entre os cidadáns cunha visión diferente, persoal e lúdica das bibliotecas públicas. O concurso consiste na realización dun Spot Publicitario dunha duración máxima de 35 segundos de visionado, inspirados na biblioteca e a lectura. A curta poderá estar ou non gravada nun espazo bibliotecario. En calquera caso, valorarase a orixinalidade e a capacidade de expresar calquera punto de vista relacionado co tema do concurso, así como as posibilidades de emisión dos traballos presentados. Esta actividade enmárcase dentro das que se desenvolven na campaña A Cidade que le.

A A. C. Alexandre Bóveda convoca a II edición do Premio de Ensaio Curto “Alexandre Bóveda”, co obxecto de honrar a figura do insigne galeguista e premiar un traballo que signifique unha contribución ao pensamento e a reflexión sobre a Galiza actual. O tema para desenvolver na presente convocatoria será, como no seu día xa fixera Alexandre Bóveda, a análise económica de Galiza, en calquera das súas facetas. O prazo de presentación de orixinais será do día 1 de setembro ate ao día 29 de outubro.

O comité organizador está composto por:
Presidenta: Dna. María Xosé Bravo San José, Concelleira de Cultura do Concello da Coruña.
Director do Certame: D. Roberto Catoira Viñán, Presidente da A. C. Alexandre Bóveda.
Vogal: Dna. Ana Mourelle Quintáns, Vicepresidenta da A. C. Alexandre Bóveda.
Vogal: D. Miguel Mato Fondo, Vogal da A. C. Alexandre Bóveda.
O xurado, á súa vez, está formado por:
Presidente: Anxo Calvo (profesor titular e Doutor do Departamento de Economía Financieira e Contabilidade da USC).
Vogais: María do Carme Sánchez Carreira (profesora do departamento de Economía Aplicada da USC), Francisco X. Sanjiao (profesor titular de Economía Aplicada da USC) e Miguel Pardo (xornalista económico).
Como secretario da Asociación, con voz e sen voto, D. Xosé Manuel Sánchez.

Toda a información pódese descargar nas Bases do II Premio de Ensaio Curto ou consultar na web da Asociación Cultural Alexandre Bóveda.

Todos os venres de setembro, a partir das 22:00 h., proxectaranse curtas na Praza de Azcárraga. A programación para cada día será a seguinte:
Venres 3 de setembro: Pigeon: impossible, de Lucas Martell, animación; O elixido, de Chema Gagino, ficción; Marina, de Álex Montoya, ficción; Instalación, de José Díaz, ficción; Retrato, de Ignacio Busquer, documental; e Quid pro quo, de Fran Araújo e Manuel Burque, ficción.
Venres 10 de setembro: On line, de Federico Santillana, animación; Dous homes e un suicidio, de Iria López, ficción; El tránsito, de León Siminiani, documental; Ofelia, de Anita Sinkovic, ficción; Amona putz! (A avoa inchable), de Telmo Esnal, ficción; Viejos perdedores, de Rubén Ordieres, ficción; e La historia de siempre, de J. L. Montesinos, ficción.
Venres 17 de setembro: A nena que tiña unha soa orella, de Rubén Coca, animación; A porta, de Andrés Goteira, ficción; Flat Love, de Andrés Sanz, ficción; En un lugar del cine, de Eduardo Cardoso, ficción; I love Luci, de Colin Kennedy, ficción; e Rodilla, de Juanjo Giménez, ficción.
Venres 24 de setembro: O soldadiño de chumbo, de Virginia Curiá e Tomás Conde, animación; Empatía, de Carlos Seijo, ficción; Steps, de Barney Cheng, ficción; Todo es maybe, de Asier Urbieta, documental; Por la mañana, e A señora María, de Toño Chouza, ficción; Lost, de Alberto Dorado, ficción; e Voltereta, de Alexis Morante, ficción.
Este é o dossier do Festival on 2010.

Con motivo da celebración dos dez anos do Foundation, e un dos principais a nivel internacional, locais da Coruña mostrarán durante a última quincena de agosto e ata o día 4 de setembro actuacións e exposicións enmarcadas dentro dos seus locais e escaparates con motivos relacionados co Festival e o seu mundo. Son:

- Bazar de Pepe: rúa Real, 80. O que no seu día era unha tenda de xoguetes ao uso tornouse hai uns anos nesta tenda, sen dúbida orixinal e de gran personalidade. Exposición: Neste local expoñeranse os LIONS (moeda de cambio do festival) e os Carteis publicitarios das dez edicións do Foundation Reggae Festival.
- Nova Colón: Olmos, 9. Unha das máis emblemáticas librarías da Coruña, con máis de 75 anos, recoñecida polo seu estilo e bo gosto ao decorar o seu escaparate utilizando elementos propios, prestados e reciclados, sempre orientados cara a un tema, neste caso o Foundation. Exposición: Monográfico sobre as viaxes por África, obras de escritores africanos e edicións sobre a música reggae.
- Catro Eles: Rúa Galera, 41. Un recanto especial no corazón da cidade con multitude de produtos novidosos de todas as orixes. Exposición: Dedicada integramente a pezas étnicas do Continente Africano (máscaras, teas, vasillas, figuras e xoiaría).

Locais confirmados - regalo bolsos:
Ademais das exposicións, os seguintes locais de hostelaría e tendas especializadas colaborarán coa promoción do Foundation por medio do regalo de bolsos, que repartirán entre os seus clientes: El Sigo, O'DeLito, La Bata de Guata, Fuzz, Cume Norte, Bristol, Cuatro Eles, Soho, Pub Filloa e Rock & Roll.

Venres 27
Portas Ártabras (rúa Sinagoga, 22).
20:00
Entrada libre até completar capacidade.

Conferencia sobre “O neolítico do Sáhara Occidental”, por Daniel Quiroga.