Este venres, ás 17:00 inaugúrase a Biblioteca Municipal do Castrillón. Ao día seguinte, sábado, 11 de outubro, a partir das 18:00 terán lugar nas instalacións da mesma unha serie de actividades encamiñadas aos veciños e veciñas do barrio. Haberá lecturas, música, humor... Se queres asistir, podes conseguir a túa invitación na propia Biblioteca, na Praza Pablo Iglesias.

A próxima semana, dous acontecementos especiais: o luns 13, ás 19:00, na sala de exposicións do Concello inaugúrase a exposición sobre Curros Enríquez da Real Academia que leva por título “Na frente unha estrela” que estará con nós até o 23 de novembro. E o xoves 16 de outubro, ás 21:00, no Teatro Rosalía Castro, concerto de RAIMON E MIRO CASABELLA.