Novas proxeccións de El andamio e Profit motive… no CGAI
Alén da proxección xa anunciada na programación de decembro de Great expectations (Cadenas rotas) dentro do ciclo dedicado ao director David Lean polo seu centenario, o CGAI despide un ano de cinema con novos pases de dous filmes recentemente exhibidos na sala. Hoxe ás 19 horas e para compensar o s problemas técnicos da anterior proxección repiten Profit motive and the whispering wind, de John Gianvito, con entrada gratuíta. E mañá á mesma hora poderemos ver outra vez El andamio, curtametraxe rodada hai cincuenta anos por Rogelio Amigo que a semana pasada conseguiu encher a sala do CGAI por dúas veces.
