A Coruña será a partir de 2009 a sede permanente de Cultur.gal, a Feira Galega das Industrias Culturais, segundo acordou o Consello Asesor da feira, que recomenda ademais a súa celebración nas primeiras semanas de decembro para que sirva como panca coa cal promover a compra de produtos culturais galegos no Nadal. A decisión obedece á extraordinaria resposta do público coruñés: arredor de 37.000 persoas pasaron pola Feira ao longo dos catro días, unha cifra que case cuadriplica a asistencia á anterior edición. É un gran logro para a cidade que visibiliza o interese que nela hai pola cultura que se produce no noso país. A Concellaría de Cultura do Concello da Coruña quere facer explícito unha vez máis o seu profundo agradecemento a todas as coruñesas e coruñeses que co seu apoio ao Culturgal fixeron da Feira un éxito rotundo.

Xa se poden descargar na web as cancións do disco A Coruña Son 2008:

Tonhito de Poi: Marinheira [1]
Chámalhe Xis: Canto aquí, canto onde me peta [2]
Mr. Carácter: Xabarín-manía [3]
Pablo Díaz: O moucho [4]
Chus Silva: A lagoa dos soños [5]
O sonoro maxín: A rúa do perigo [6]
Nat: Nunca te quixen [7]
Os John Deers: De que me vale [8]
Iria Pinheiro: Violoncello [9]
Santiago Auserón: A Misteriosa [10]
D-Laxe: As túas mans [11]

O ciclo 4x2 trae o venres 19 e o sábado 20 ao Teatro Rosalía de Castro a peza de Quico Cadaval Obra (No comment), representada pola compañía Producciones Excéntricas. No reparto, Marcos Orsi, Víctor Mosqueira e Borja Fernández. A obra está programada pola Rede Galega de Teatros en colaboración co AGADIC. A función comezará os dous días ás 20:30; o prezo das entradas é de 9 € (6 € para os usuarios de carné xove, maiores de 65 anos e desempregados)

O Nadal trae música ao Fórum Metropolitano. Este domingo 21 ás 18:00 terá lugar a II Xuntanza de Acordeonistas Nadal 2008, organizada pola Asociación de Amigos do Acordeón, que contará coas actuacións de Manolo Bello, As dúas e Oleg Sharov. O prezo das entradas é de 3 €, con tarifa reducida a 2 € para os usuarios de carné xove, maiores de 65 anos e desempregados.

O día seguinte, luns 22, distintas asociacións de música tradicional da nosa cidade ofrecerán ás 20 horas un concerto de Cantos de Reis, que incluirá as pezas máis populares. A entrada é libre até completar a capacidade do recinto. participan neste concerto interpretando as cancións de Reis máis populares. E para rematar a benvida ao Nadal, o martes 23 haberá unha actuación da Coral A Gaiteira-Villamor, organizada pola Sociedad Recreativa e Instructiva A Gaiteira. A función comezará ás 20:30 e o prezo das entradas é de 5 €.

City lights (Luces da cidade) de Charles Chaplin, esta semana na Sala Fernando Rey do Fórum Metropolitano dentro do ciclo Música para Chaplin. A proxección do sábado ás 20:30 contará co acompañamento musical en directo de Jacobo de Miguel.

Horario: Xoves, venres e sábado ás 20.30 h.

Ali Zaoua, príncipe de Casablanca de Nabil Ayouch, esta semana na Sala Marilyn Monroe do Fórum Metropolitano dentro do ciclo Outras realidades.

Horario: Xoves, 20.15 h. Venres, 20.15 e 22.45 h. Sábado, 17.15 e 20.15 h (a proxección do venres ás 22.45 h. é gratuíta).

Mañá mércores 17 de decembro terá lugar a quinta edición da xornada anual de divulgación científica organizada pola AIRS, Asociación de Investigadores Ramón de la Sagra. A sesión celébrase en horario de tarde, de 17 a 21 horas, no Centro Sociocultural Caixa Galicia (na rúa Médico Rodríguez), con entrada libre até completar a capacidade do recinto. A seguir relatamos o programa da xornada:

-Presentación da xornada por Xosé Antón Fraga, presidente da Asociación de Investigadores Ramón de la Sagra.

- A actividade científica de Ramón de la Sagra, por Ascensión Cambrón, profesora da Universidade da Coruña. Ramón de la Sagra iniciou os seus estudos na Escola de Náutica e Navegación, creada polo Real Consulado de A Coruña. Despois traladouse a Santiago en cuxa Universidade estudou ciencias naturais, lóxica e matemáticas. Os seus profesores foron Domingo Fontán, José Rodríguez e Antonio Camiña. Desde Santiago desprazouse a Alcalá de Henares. Xa na illa de Cuba (como catedrático de ciencias naturais e Director do Xardín Botánico de la Habana), para realizar as tarefas encomendadas polo goberno español. Neste período mantivo relacións con importantes científicos. La Sagra non foi un “descubridor” senón máis ben un cualificado divulgador dos conocimientos máis vanguardistas da súa época. Todo iso axuda a comprender a relevancia internacional que acadou.

-A divulgación cientifica en Internet a través dos blogs. Experiencias cun blog sobre evolución, bioloxía e paleontoloxía: "El PaleoFreak", por Ernesto José Carmena Riesco, licenciado en Bioloxía pola Universidade Complutense de Madrid. Autor do libro sobre o creacionismo (El Creacionismo, ¡vaya timo! Ed. Laetoli).

- Unha editorial da divulgación científica, Le pourquoi pas?, por Julio Casal e Óscar Sánchez, quen comentarán a súa experiencia ao longo destes últimos dous anos como editores de libros de divulgación científica. Le pourquoi pas? é un selo editorial nacido na Coruña en 2007.

- Un xeito de divulgar ciencia, Neurocom, por Xurxo Mariño, Profesor Contratado Doutor do Departamento de Medicina da Universidade da Coruña; membro do grupo de investigación Neurocom.

- Giacomo Casanova e as subprime . Unha experiencia de divulgación da economía e as matemáticas, por José Luis Fernández, profesor de Análise Matemática da Universidade Autónoma de Madrid, director da Revista Matemática Iberoamericana. A Teoría da Probabilidade permite xestionar (razonablemente ben) o azar nas compañías de seguros e nas entidades de crédito e asemade úsase para deseñar estratexias de apostas en xogos de azar e inversións en mercados financieiros. A conferencia explicará a maneira, e analizará tamén o papel das Matemáticas e os matemáticos na crise financieira que se iniciou en xullo de 2007.

- O reto de divulgar. Ciencia e literatura para o século XXI, por Martí Domínguez, Universidade Valencia, director de Métode, revista de divulgación científica.

Hoxe martes 16 ás 20:30 no Centro Galego de Artes da Imaxe preséntase a copia restaurada do filme El andamio, escrito e dirixido en 1958 por Rogelio Amigo coas interpretacións de José María Pujalte e Marisa Naya e fotografía de Carlos Docampo, unha curtametraxe dramática de produción amateur rodada en diferentes localizacións da cidade da Coruña. A sesión complétase coa estrea do documental 50 años en el andamio, escrito e dirixido por Ángel Rueda con produción de Lilí Films. O acto, de entrada gratuíta, contará coa presenza de Rogelio Amigo, José María Pujalte, Antonio e Carlos Docampo, Ángel Rueda e Silvia Longueira.

A secretaria xeral de Política Lingüística, Marisol López, inaugura hoxe luns 15 de decembro no Kiosco Alfonso da Coruña a mostra itinerante “As nosas palabras, os nosos mundos”, para pechar na nosa cidade o Ano Internacional das Linguas despois de pasar por Santiago de Compostela, Vilagarcía de Arousa, Bilbao, Bruxelas, Vigo e Madrid. A exposición, que permanecerá aberta até o vindeiro 4 de xaneiro, reivindica a creatividade galega e quere achegar a todos os visitantes a vitalidade da nosa lingua na música, no cine, na televisión, na publicidade, nas artes plásticas e na literatura. O horario de visitas, coma nas outras salas do Concello, é de luns a domingo de 12:00 a 14:00 e de 18:00 a 21:00.

A cantautora galega Silvia Penide celebra os seus primeiros dez anos nos escenarios cunha actuación especial este mércores 17 no Teatro Rosalía de Castro; dez anos marcados polo éxito de público e crítica conseguido polos seus tres discos, Kilómetros (2003), Invisible (2005) e Desafinante Crónica (2008). O concerto vai ser gravado ao vivo para logo editalo en formato CD e DVD na primavera do vindeiro ano. A función comeza ás 21 horas e o prezo das entradas é de 6, 7, 9 e 13 € (os posuidores de carné xove, maiores de 65 anos e desempregados teñen un 20% de desconto).

Axenda dos Circuitos Culturais para os próximos oito días:

Luns 15: no Centro Cívico Elviña, actuación da CORAL SAÚDE, ás 19:00. Entrada libre até completar capacidade.

Martes 16: no Centro Cívico Palavea, actuación de CÁNTIGAS DA TERRA, ás 19:30. Entrada libre até completar capacidade.

Venres 19: no Centro Cívico Os Mallos, actuación de ANTOLOXÍA, ás 20:00. Entrada libre até completar capacidade.

Luns 22: no Centro Cívico Artesanos, actuación do DUENDE SICO, ás 18:00. Entrada libre até completar capacidade.

“Do 4 ao 7 de decembro celebramos na Coruña o Cultur.gal, unha festa da cultura para pequenos e maiores, que participaron activamente no amplo abano de actividades programadas ao longo destes catro días. Máis de 35.000 persoas pasaron pola Feira para mercar, para informarse das últimas creacións da nosa cultura, asistir a concertos, presentación de novidades editoriais, espectáculos infantís...

A cidadanía da Coruña volcouse co Cultur.gal: a súa implicación masiva vén demostrar a necesidade desta posta en común da cultura que facemos. A Concellaría de Cultura non pode máis que AGRADECER esta participación, verdadeira protagonista da mostra”.

María Xosé Bravo, Concelleira de Cultura da Coruña

O domingo 14 a Rondalla Tanxedoira ofrecerá un concerto no Fórum Metropolitano para celebrar o seu vinte e cinco aniversario. A función comeza ás 17 horas e a entrada é libre até completar capacidade. Organiza a Asociación Cultural Tanxedoira. E o mesmo domingo, mais pola mañá, o tradicional concerto da Banda Municipal da Coruña dirixida por Marcel van Bree, coma sempre ás 12:15 no Pazo da Ópera e con entrada libre.

Hoxe venres 12 e mañá sábado 13 de decembro a compañía Lagarta Lagarta porá en escena no Teatro Rosalía de Castro a obra “Aeroplanos”, de Carlos Gorostiza, coa que pecha o ciclo Caixanova. O espectáculo está dirixido por Rosa Álvarez e conta coas actuacións de Ernesto Chao e Xosé Manuel Olveira “Pico”. A actividade está programada pola Rede Galega de Teatros en colaboración co AGADIC. A función comeza os dous días ás 20:30 e o prezo das entradas é de 6, 7, 9 e 13 € (os posuídores de carné xove, maiores de 65 anos e desempregados teñen un 20% de desconto). Esta obra pecha o ciclo

O domingo 14 é o turno de “Buscando a Hilary”, de Elise Varela, representada pola compañía de Blanca Marsillach, coa coñecida actriz coma protagonista e a participación dos actores Fran Sariego e Miguel Foronda. Dirixe Esteve Ferrer. A función comeza ás 19 horas e o prezo das entradas é de 6, 7, 9 e 13 € (os posuídores de carné xove, maiores de 65 anos e desempregados teñen un 20% de desconto). Patrocina o Xacobeo (Consellería de Innovación e Industria da Xunta de Galicia).

No Fórum Metropolitano prosegue o ciclo Todo Público, desta volta cun espectáculo de títeres, ”Un ratiño e a Lúa”, da compañía arxentina Omar Álvarez Títeres. A narración corre a cargo de Isabel Blanco. Dirixen Rafael Curci e Omar Álvarez. A función celébrase o sábado 13 de decembro ás 19 horas e está pensada para maiores de 4 anos. O prezo das entradas é de 5 €; o abono familiar para tres persoas ten un prezo de 12 €.

Do xoves 11 ao sábado 13 de decembro o Fórum Metropolitano acolle a primeira edición do festival de curtametraxes COR-10, Coruña Tendencias, que reúne obras audiovisuais de formatos e temáticas moi variadas. As pezas proceden de vinte e cinco países e centros de ensino dos catro continentes e achégannos as últimas tendencias creativas que se están a producir no mundo. As proxeccións terán lugar no Fórum Metropolitano en horario de tarde, de 16 a 19 horas. COR-10 está organizado por Isabella Audiovisual e conta co apoio da Axencia Audiovisual Galega. Detallamos a seguir o programa do certame:

Xoves 11
LOS INDIVIDUOS (España-Alemaña)
ON EARTH AS IT IN HEAVEN (Canadá)
WITH MY FATHER I LIVED BY THE SEA (Alemaña)
KALLAH (GB-Israel)
UNDER CONSTRUCTION (China-Francia)
4 KILOMETERS (GB-Israel)
PORTUGUESE MAN O'WAR (Francia)
WHITE BALANCE (España)

Venres 12
EL HUECO DE TRISTAN BOJ (España)
DISSOLVE (India)
MIRASLAVA (Canadá)
ADEUS EDRADA (Galicia)
REVOLT OF THE MOUSES (España)
BLINDSPOT (Holanda)
A CLOSE UP STUDY OF HUMAN BEHAVIOUR (Suecia)
ROTARY DISEASE (GB)

Sábado 13
TAKE YOUR TIME (Galicia)
ELEVATOR (Rumanía)
A BAG FULL OF BLOOD (Italia)
LA MAIN DES MAITRES (Francia)
OCHI (GB)
O PINTOR DOS CEOS (Galicia)
GALETTEN (Suecia)
NO CORRAS TANTO (España)
FLASHBACK AL REVÉS (España)