Aínda hai tempo para apuntarse aos campionatos de Trivial
Mañá martes 13 de xaneiro remata o prazo para se inscribir nos campionatos de Trivial que a Asociación Sociopedagóxica Galega organiza en colaboración cos Museos Científicos da Coruña. Pensado por igual para a xente moza como para a que non é tanto, o Trivial.Gz é unha maneira de achegármonos á nosa literatura, á nosa historia ou á nosa xeografía a través do lecer e o xogo; unha ferramenta elaborada, pois, para aprender xogando. Teñen máis información sobre o proxecto picando neste enderezo.
