Mañá sábado 28 de febreiro ás 20:00 no Paraninfo da Universidade da Coruña (edificio do Rectorado, na Maestranza) terá lugar o concerto final co que remata a edición 2009 do obradoiro de cancións A Coruña Son, dirixido polo cantante e compositor Santiago Auserón e organizado polas Concellarías de Cultura e de Mocidade do Concello da Coruña co obxectivo de fomentar, descubrir e promocionar novos autores e autoras de canción popular en galego. O concerto estará conducido pola cantante Uxía Senlle e nel intervirán os creadores e creadoras das dez cancións seleccionadas: Sandrísima (canción Tic-Tac), Sergio Zearreta (Fincapé), Fracasados de antemano (Menezes), Pulpiño Viascón (Quérote na praia do Orzán), Magritte (Alpinista), Supersound (Onde estás), Marisol Manfurada (Instinto básico), Maus vizinhos (Gira caindo), Ángeles Dorrio (O cativo) e La pelvis (Psicomuiñeira). As dez finalistas e todas as cancións que se presentaron ao certame poden ser escoitadas e descargadas na web do certame. A entrada ao concerto é libre até completar o aforo.

Desde o 19 de febreiro e até o 22 de marzo o Palacio Municipal de Exposicións Quiosco Afonso acolle unha mostra dedicada á obra do artista galego Manuel Facal. A exposición realiza un completo repaso á obra de Facal a través de 62 obras que arrinca nos anos 70 e chega ás súas últimas creacións, deténdose naquelas etapas máis significativas: as esculturas de tecidos, as composicións cargadas dun informalismo expresivo de gran forza, os gravados, os cosidos ou os libros. Toda unha traxectoria caracterizada pola coherencia creativa, a personalidade inqueda, o dominio técnico e uns resultados tan potentes como inquietantes e intensos.
O Quiosco Afonso está aberto ao público de luns a domingo de 12:00 a 14:00 e de 18:00 a 21:00.

Extrarradios (comedia de mulleres desamparadas) de Eduardo Alonso é a obra que hoxe venres 27 e mañá sábado 28 representará no Rosalía de Castro a compañía Teatro do Noroeste. O mesmo Eduardo Alonso é quen dirixe a peza, protagonizada polas actrices Luma Gómez e Victoria Pérez. A obra é candidata ao Premio Max das Artes Escénicas que se entregarán o próximo 30 de marzo en Las Palmas. A función comeza os dous días ás 20:30 e o prezo das entradas é de 7 € (carné xove, maiores de 65 anos e desempregados, 5 €).

Hoxe venres 27 de febreiro a Orquestra Sinfónica de Galicia interpreta obras de Franz Joseph Haydn (Sinfonía nº 26 en re menor, "Lamentatione" e As sete últimas palabras de Cristo na Cruz) e György Ligeti (Melodien) baixo a dirección de Hansjörg Schellenberger. O concerto comeza ás 20:30 no Palacio da Ópera da Coruña, e o prezo das entradas é de 9, 14’30, 18 e 26’40 €.

Dentro da programación do obradoiro de canción popular A Coruña Son hoxe xoves 26 de febreiro Xurxo Souto impartirá unha conferencia co título O influxo afro-americano na canción galega. Durante o relatorio haberá ocasión de escoitar diferentes exemplos que reflicten a pegada dos sons atlánticos na música popular galega. O acto terá lugar no auditorio do Fórum Metropolitano de cinco a oito da tarde, con entrada libre.

O músico e escritor Xurxo Souto é autor entre outros dos libros O retorno dos homes mariños, Contos da Coruña e Os tres trebóns. Desde outubro de 2005 é Director de Programas da Radio Galega, emisora na que conduce o espazo musical Aberto por reformas.

O filme El baño del Papa de César Charlone e Enrique Fernández, esta semana na Sala Fernando Rey do Fórum Metropolitano dentro do ciclo Alén do mar.

Horario: Xoves 26, 20:30. Venres 27, 20:30 e 23:00. Sábado 28, 17:30 e 20:30 (a proxección do venres ás 23:00 é gratuíta).

Cando sobe a marea (Quand la mer monte) de Yolande Moreau e Gilles Porte, esta semana na Sala Marilyn Monroe do Fórum Metropolitano dentro do ciclo Retallos de muller. O filme proxéctase en versión orixinal con subtítulos en castelán.

Horario: Xoves 26, 20:15. Venres 27, 20:15 e 22:45. Sábado 28, 17:15 e 20:15 (a proxección do venres ás 22:45 é gratuíta).

Auserón imparte un taller de canciones evocando el ritmo de Aristóteles o los cantos de la «Odisea»
Rodri García

Agarró la guitarra que estaba sobre el escenario, la extrajo de su funda y la afinó durante unos momentos. Los acordes sonaron en el auditorio del Fórum Metropolitano, mientras los asistentes al taller de canciones A Coruña Son 09 se iban sentando. Luego, Santiago Auserón guardó la guitarra y se dispuso a iniciar su docencia (aunque la escuela no era de calor). El gesto del ex líder de Radio Futura, que confesó su falta de experiencia pedagógica, parecía el del futbolista que acaricia la hierba y se santigua antes de pisarla. «Los autores de canciones somos un gremio privilegiado; en otros tiempos se diría sagrado y, aunque no soy especialmente religioso, me gusta ese sentido de lo sagrado», arrancó. Luego evocó a los griegos, con sus dioses, para afirmar que los compositores son «hijos de las musas, nietos de la memoria (la Mnemósine) y quizá bisnietos del olvido, porque a veces es necesario pasar página, cambiar de rumbo».[Ler artigo completo]

Sesión de mañá (10:00-14:00):
TEORÍA: A harmonía desde a Antigüidade até os nosos días. Cuestións filosóficas e musicais. PRÁCTICA: Análise melódica e interpretación das cancións.

Sesión de tarde (17:00-20:00):
RELATORIO: "O influxo afro-americano na canción galega", por Xurxo Souto. Mostras sonoras e exemplos, con intervención dos participantes.

Lugar: auditorio do Fórum Metropolitano.
Máis información: web A Coruña Son.

Sesión de mañá (10:00-14:00):
TEORÍA: A melodía e as súas relacións co ritmo, coa harmonía e coa frase.
PRÁCTICA: Análise melódica e interpretación das cancións.

Sesión de tarde (17:00-20:00):
Sesión dedicada ás cancións participantes no Certame que non foron seleccionadas para o Obradoiro. Debate sobre posíbeis melloras no Certame e no Obradoiro.

Lugar: auditorio do Fórum Metropolitano.
Máis información: web A Coruña Son.