No mes de abril na Casa Casares Quiroga desenvolveranse diversas actividades arredor do Día da República. Para comezar, este xoves ás 20 horas presentarase o libro A fuxida do Portiño, escrito por Dionisio Pereira, Eliseo Fernández e Carlos Velasco. A entrada ao acto é libre até completar a capacidade do recinto.

Pasamañá xoves na Casa Museo Emilia Pardo Bazán (Tabernas, 11) dentro do ciclo Os xoves da Rúa Tabernas haberá unha velada literaria dedicada a Wenceslao Fernández Flórez conducida por Alicia Longueira, da Fundación Wenceslao Fernández Flórez. O acto comeza ás 17:00 e a entrada é libre até completar aforo.

O vindeiro día 2 de abril, xoves, o profesor e investigador Carlos Taibo pronunciará dentro do ciclo Economia, História, e Realidade Social unha palestra co título O nacionalismo español. O acto, organizado por O Facho, celébrase ás oito do serán no local da Fundación Caixa Galicia no Cantón Grande da Coruña.

Carlos Taibo é profesor de Ciencia Política e da Administración na Universidade Autónoma de Madrid. Firme activista do movimento antiglobalización, a súa obra investigadora é recollida en diversos libros tanto en galego como en castelán: O castelo de fogos. Nove ensaios sobre ou porvir da Europa do Leste, Europa sen folgos, Un novo Terceiro Mundo, Miserias da globalización capitalista, Fendas abertas: Seis ensaios sobre a cuestión nacional, La desintegración de Yugoslavia, Guerra en Kosova: Un estudio sobre la ingeniería del odio, El conflicto de Chechenia, Crisis y cambio en la Europa del Este, Rapiña global ou Sobre política, mercado y convivencia, en colaboración co economista e escritor José Luis Sampedro.

Hoxe ás 21 horas no Fórum Metropolitano, concerto da cantante e ilustradora francesa Françoiz Breut.

O ciclo de divulgación científica Os luns con ciencia, patrocinado por Caixanova, ofrece hoxe un zapping científico con secuencias de películas, series de TV, anuncios e outras produccións audiovisuais que reflicten ideas sobre a evolución de Darwin. A actividade estará conducida por José Manuel Sande, membro do equipo de programación do CGAI e do consello de redacción da Revista AG, quen dará paso ás intervencións de Ernesto Carmena, biólogo que actualmente traballa no campo da imaxe dixital e autor do blog El Paleofreak, unha das referencias mundiais en español sobre a evolución e a crítica ás teses creacionistas, e de Martin Pawley, un dos responsábeis da Mostra de Ciencia e Cinema e autor do blog días estranhos, unha das bitácoras veteranas da Internet galega.

Hoxe domingo 29 no Teatro Rosalía de Castro haberá unha nova sesión do ciclo Ghilladas de danza contemporánea. A compañía Entremans presenta o espectáculo Concerto desconcerto, coproducido coa AGADIC a través do Centro Coreográfico Galego. A función comeza ás 19 horas e o prezo das entradas é de 9 € (os usuarios de carné xove, maiores de 65 anos e desempregados teñen un prezo especial de 7 €).

Concerto desconcerto é unha peza onde os/as bailaríns/as executan a música a partir do movemento, recreando o espazo sonoro de cada escena. Poñerlle son ao movemento, deixar escoitar a danza, descubrir un mundo de sensacións onde a música nace do propio intérprete. Nesta peza o público pode verse involucrado tomando certo protagonismo no transcurso da representación, desarticulando o espazo escénico formal e transformando toda a sala nun espazo en común. A obra conta co asesoramento e produción musical da gran artista galega Mercedes Peón. Participan na peza os bailarín Alexis Fernández, Kirenia Martínez, Armando Marten e Caterina Varela.

Hoxe no Palacio da Ópera terá lugar o concerto do cantante Joan Manuel Serrat programado dentro do ciclo Música con raíces. A gran expectación polo concerto fixo que as entradas quedase esgotadas hai xa máis dunha semana. A próxima entrega do ciclo será a actuación de Mariem Hassam o próximo 9 de abril no Teatro Rosalía de Castro.

Hoxe venres 27 e mañá sábado 28 o Rosalía de Castro será o escenario dunha nova sesión do ciclo Caixanova, desta volta coa obra de Ramón María del Valle Inclán Los cuernos de Don Friolera. A montaxe corre a cargo do Teatro Español e ten como protagonistas a Rafael Núñez, Teté Delgado e Nancho Novo; completan o reparto Alfonso Delgado, Inma Cuevas, Manuel Millán, Antonio M.M, Pepe Soto, Luis Arrasa, Isabel Ayúcar, Sergio Macías, Gloria Villalba, Diego Pizarro, Fernando Ruíz e Mahue Andúgar, baixo a dirección de Ángel Facio. A función comeza os dous días ás 20:30 e o prezo das entradas é de 10, 12, 15 e 21 € (os usuarios de carné xove, maiores de 65 anos e desempregados teñen un desconto dun 20%).

O venres 27 ás 20 horas, na Biblioteca de Estudos Locais (Durán Loriga, 10).

O filme Ese escuro obxecto do desexo de Luis Buñuel, esta semana na Sala Fernando Rey do Fórum Metropolitano dentro do ciclo Buñuel francés. O filme proxéctase en versión orixinal con subtítulos en castelán.

Horario: Xoves 26, 20:30. Venres 27, 20:30 e 23:00. Sábado 28, 17:30 e 20:30 (a proxección do venres ás 23:00 é gratuíta).

Foul gesture (Mal xesto) de Tzahi Grad, esta semana na Sala Marilyn Monroe do Fórum Metropolitano dentro do ciclo A eterna loita. O filme proxéctase en versión orixinal con subtítulos en castelán.

Horario: Xoves 26, 20:15. Venres 27, 20:15 e 22:45. Sábado 28, 17:15 e 20:15 (a proxección do venres ás 22:45 é gratuíta).

Mañá mércores 25 de marzo o escritor Manuel Rivas visitará a Biblioteca Municipal de Estudos Locais para falar da súa obra como peche do Obradoiro de escritura que veu realizándose na Biblioteca no presente trimestre conducido por Pedro Ramos.

O encontro terá lugar ás 19:00 h.nos locais da Biblioteca (Durán Loriga 10 1º) y estará aberto a todo o publico.

Exposicións temporais na Casa das Ciencias, novos programas de planetario, observacións e cursos astronómicos conforman un completo programa durante todo o 2009, ano no que se repartirá de manera gratuita (ata agotar existencias) a Guía do Ceo, editada pola Concellaría de Cultura do Concello da Coruña.

EXPOSICIÓNS NA CASA DAS CIENCIAS

- Constelacións. Colección de cadros da artista Luz Antequera dedicados ás constelacións. Xullo e agosto.
- Da Terra ao Universo. Unha mostra fotográfica sobre o significado científico das imaxes astronómicas mais fermosas. Estrea en outubro.
- Astrónomos por vocación. Exposición cunha selección dos mellores traballos de afeccionados á astronomía de Galicia. De xuño a outubro.
- O ceo invisible. Exposición dun libro en braille con imaxes da NASA.

PROGRAMAS DE PLANETARIO

- Evolución. A primeira producción do novo Planetario da Casa das Ciencias en colaboración cos planetarios de Pamplona e o Museo das Ciencias de Castilla-La Mancha. Estrea no Planetario da Casa das Ciencias o 24 de abril.
- Dúas pezas de vidro. Un programa sobre os descubrimentos de Galileo hai 400 años. Estrea en setembro
- Jors Jars Jurs e os Galigalitos. Programa infantil creado polo planetario do Museo de la Ciencia y el Cosmos de Tenerife. Estrea en xuño
- A noite do Vampiro. Programa infantil creado polo Planetario de Pamplona. Estrea en decembro.

OUTRAS ACTIVIDADES

- Medición do radio da Terra segundo o método de Eratóstenes, en colaboración con centros educativos de distintos lugares de España.
- Curso de Iniciación á Astronomía no Planetario da Casa das Ciencias. Un curso práctico dirixido a persoas sen coñecementos previos na materia que desexen aprender a gozar da astronomía a simple vista. Do 23 ao 26 de marzo.
- 100 horas de astronomía. Evento global do Ano da Astronomía con xornada de observación de manchas solares e a Lúa, e observación astronómica na Praza de María Pita, A Coruña. Do 2 ao 5 de abril.
- Festival Internacional de Espinho. A Casa das Ciencias participará neste festival de planetario fulldome coa presentación do programa “Evolución”. Do 24 ao 26 de abril.
- Día da Ciencia na Rúa. Actividades de astronomía e maratón de sesións de planetario no Día da Ciencia na Rúa. Se celebra o 9 de maio.
- Astronomía na aula. Curso para profesores. Celebrarase en outubro.
- Conferencia de David Galadí, astrónomo do Observatorio de Calar Alto (Almería). En outubro.
- Curso de iniciación á astronomía. Nova edición do curso en novembro.
- Guía do Ceo. Distribución gratuíta ata esgotar exemplares desta guía que recolle, entre outras cousas, algúns consellos para iniciarse na observación do firmamento, a orientación, as ferramentas a empregar, así como mapas do ceo mes a mes. Editada pola Concellaría de Cultura do Concello da Coruña.

Aquí vos deixamos algunhas fotografías da foliada que celebramos o luns de antroido dentro do ciclo Forumfolk. Se queredes ter as fotografías con máis resolución, escribídenos ao enderezo electrónico que figura na pestana de Contacto.

A primavera, o sangue altera? é o tema da terceira sesión de Os luns con ciencia, o ciclo de actividades de divulgación preparado polos Museos Científicos co patrocinio de Caixanova. O coloquio intercultural de hoxe, que moderará Pablo Portabales, xornalista de RadioVoz, tratará sobre o cambio de estación desde a perspectiva da psicoloxía, a medicina, a literatura, a astronomía e a bioloxía. Para iso contarase coa intervención de profesionais das diferentes materias, como son Manuel Fernández Blanco, adxunto do Servicio de Psiquiatría do Complexo Hospitalario Universitario da Coruña; Xavier Seoane, escritor, profesor e crítico de arte, Pedro Galán, profesor titular da área de Zooloxía da Universidade da Coruña e Borja Tosar, vicepresidente da Agrupación Astronómica Io. O acto celebrarase na Domus (r/ Santa Teresa 1, A Coruña) a partir das 20 horas. A entrada é libre e gratuíta.