O director Nicolas Klotz e a súa compañeira e guionista Elizabeth Perceval visitarán esta semana o CGAI, onde presentarán os tres filmes que compoñen a chamada “Triloxía dos tempos modernos”, Paria, La blessure e La question humaine. A parella de cineastas participará ademais o venres 24 nun coloquio sobre a súa obra. A entrada a todos os actos é gratuíta. O mesmo venres 24 desenvolverase no CGAI o seminario A herdanza de Shoah. A propósito de La question humaine, dirixido por Angel Quintana e que ten coma ponentes a Miguel Morey, Adán Kovacsics, Santos Zunzunegui e Santiago Filloll. A asistencia ao seminario é gratuíta previa inscrición.

Luns 20 de abril, 20:30: Paria (2000)
Martes 21 de abril, 20:30: La blessure (2004)
Xoves 23 de abril, 20:30: La question humaine (2007)
Venres 24 de abril, 19:30: coloquio con Elizabeth Perceval e Nicolas Klotz. Despois, ás 21.30 h., proxección das curtametraxes Jeunesse D’Hamlet e La consolation (Klotz-Perceval) e do documental Les amants cinéma, dirixido pola filla da parella, Héléna Klotz.