Prosegue o XXI Festival Internacional de Teatro Universitario da Coruña, que comezou onte coa representación da obra Máquina Muller (Aula de Teatro da Universidade da Coruña). As representacións desenvolveranse ao longo da semana segundo esta axenda:

Martes 21: Figurantes, de J. Sanchís Sinisterra. Aula de Teatro da Universidade de Vigo (Campus de Pontevedra).

Mércores 22: Hide (Oculto), de F. Dacosta. Aula Maricastaña da Universidade de Vigo (Campus de Ourense).

Xoves 23: Xogos á hora da sesta. Aula de Teatro da Universidade de Santiago de Compostela.

Venres 24: Mariana Pineda. Aula de Teatro da Universidade de Zaragoza

Todas as funcións terán lugar no Fórum Metropolitano ás 21:00 (antes, ás 19:00, haberá unha performance da Aula de Teatro e Danza da Universidade da Coruña). As entradas custan 5 € (2,5 € para a comunidade universitaria, usuarios de carné xove, maiores de 65 anos e desempregados/as).