Homenaxe a Alexandre Bóveda
A Concellaría de Cultura organiza hoxe unha homenaxe a Alexandre Bóveda, intelectual galeguista executado polas forzas franquistas o 17 de agosto de 1936. Alexandre Bóveda desempeñou unha importante actividade política durante a Segunda República e foi unha figura esencial na consolidación do Partido Galeguista nos anos trinta.
O acto celébrase en colaboración coa Agrupación Cultural Alexandre Bóveda e terá lugar ás 20:00 na Praza de Catro Camiños, na rúa que leva o seu nome.
