A novela Pirata de María Reimóndez será presentada mañá xoves 1 de outubro na Sala Maremágnum do Aquarium Finisterrae da Coruña. No acto participarán ademais da autora o editor Manuel Bragado, a escritora Yolanda Castaño e o músico Xabier Díaz.

Continúan os actos conmemorativos da inauguración da nova Biblioteca dos Rosales. Hoxe mércores 30 “SOÑOS E POEMAS DE CIRLOT”, un espectáculo poético-musical do grupo OURIOL (Eva Veiga, Bernardo Martínez e Fito Ares). A partir das 20:00, con entrada libre.

Hoxe martes 29 ás 20:30 no CGAI, presentación do documental 36/75 coa presenza do seu autor Xurxo González. A entrada é gratuíta.

36/75 (Galicia, 2009). Dirección, guión e produción: Xurxo González. Duración: 40 minutos. Sinopse: A Guarda. Febreiro 2009. Eleccións Galegas. O sentimento democrático ilumina friamente lugares anónimos onde se esvaeceron os sinais do paso do “demo”. Reflexión sobre a dificultade de lembrar, dos problemas da Historia, do paso do tempo, da significación dos espazos, da fraxilidade da memoria, da natureza documental e da vontade de esquecer dunha parte da sociedade que convive, sen querer darse de conta, en escenarios que testemuñan a barbarie

Dentro da programación de Outonarte do 5 ao 9 de outubro terá lugar un taller/seminario co título Son e poder. Tecnoloxías sonoras de control social. Armas acústicas, impartido por Chiu Longina, Escoitar.org. O taller trata de mostrar unha panorámica actual dos diferentes usos, desenvolvementos e implementacións tecnolóxicas baseadas en tecnoloxía sonora cuxa utilización ten como obxectivo exercer control social e poder ou atacar e defenderse (o caso das armas acústicas).

DIRIXIDO A: Artistas, músicos, científicos sociales, activistas sonoros e creadores nas áreas da imaxe, o son ou a produción multimedia interesados na experiencia acústica. Maiores de 16 anos.

INFORMACIÓN E MATRÍCULA: picar aquí

Dossier informativo: [descargar]

A Fortiori Editorial presenta na Coruña 10 experimentos con pelos, o primeiro libro da colección Ciencia Infinita, dirixida a nenos de máis de 8 anos. Será hoxe martes 29 de setembro na Biblioteca Pública da Coruña Miguel González Garcés ás 20 h. O acto será presidido pola directora da editorial, Natividad de la Puerta Rueda e estarán presentes os autores do libro, Marcos Pérez Maldonado, Francisco Franco del Amo, Patricia Barciela Durán e Francisco Armesto Ramón, dos Museos Científicos Coruñeses.

O dia 29 de Setembro, terça-feira (martes), a Agrupaçom Cultural O Facho comeza as actividades do período 2009-10 coa palestra O governo Opus/P.P. e a sua política etnocida contra a Língua Galega dentro do ciclo “Língua, Literatura e Naçom”. A conferencia correrá a cargo do escritor Xabier P. Docampo. Será a partir das oito do serán na Fundación Caixa Galicia, no Cantón Grande da Coruña.

Programa de actividades

Luns 28 de setembro, 19 h: Performance inaugural no Fórum da Fnac.

Martes 29 de setembro: ás 21 h, Cabaréncrise a cargo da Compañía Femme Fatale (A Coruña), no auditorio do Fórum Metropolitano. Ás 23 ho a compañía de Vigo St James Street Band actuará no café bar La Belle Epoque.

Mércores 30 de setembro: ás 21 h Lilí Berlín, pola Compañía Branca Cendán (Santiago) no auditorio do Fórum Metropolitano. Ás 23 h Encabareta2 da Compañía Fun Fanfarria Teatro (Madrid) no café bar La Postrería.

Xoves 1 de outubro: ás 21 h El desahucio pola Compañía Zanguango Teatro (Burgos) no auditorio do Fórum Metropolitano. Ás 23 h Siesta continental de Iria Pinheiro & Sul Produccións (Vigo) no café bar La Postrería.

Venres 2 de outubro: ás 21 h Máxico Circus Cabaret co Mago Cayetano Lledó (Santiago) no Fórum Metropolitano. Ás 23 h El orgasmo es cosa de mujeres coa Compañía Mundo Mandarina (Barcelona) no café bar La Belle Epoque.

Sábado 3 de outubro, 21 h: Gala Femme Fatale no Teatro Rosalía de Castro. Interveñen: St James Street Band, Iván Villar, Carla de Figueredo, Amparo Novas, Cayetano Lledó, Compañía Mundo Mandarina, Nelson Quinteiro e a Compañía Femme Fatale.

Máis información, na páxina web Cabaré3.

Dossier de prensa: [descargar]

Continúan os actos conmemorativos da inauguración da nova Biblioteca dos Rosales. Hoxe luns 28 de setembro ás 18:30 viaxaremos a mundos fantásticos e imaxinarios coas narracións do escritor Xabier P. Docampo e cos debuxos do ilustrador Xosé Cobas. A entrada é libre.

Onte inaugurouse a exposición Rodin e a mitoloxía simbolista, que estará aberta ao público até o 15 de novembro de 2009 no Pazo Municipal de Exposicións Kiosco Alfonso (Xardíns de Méndez Núñez, 3). O horario é de luns a domingo de 12 a 14 h e de 18 a 21 h. A exposición conta co patrocinio da Obra Social Fundación ”la Caixa”.

Podedes descargar o folleto informativo picando nesta ligazón

Hoxe sábado día 26 inauguramos na Coruña unha nova biblioteca: a Biblioteca dos Rosales. Compartimos con todos vós o texto de presentación do convite:

Logo dun longo camiño de proxectos e trámites, de reunións e conversas, de acción e de colaboración de moita xente, chega a celebración, celebración dos veciños que xa poden gozar dun novo espazo público en que se encontraren cos outros, coa cultura, coa información, …e celebración de todos e todas os/as que participamos deste proxecto desde os seus inicios porque conseguimos materializalo en algo real e tanxible. Pero tamén celebración doutra xente: docentes, membros de asociacións e colectivos do barrio e da cidade cos que traballamos no desenvolvemento dun proxecto cultural e educativo coa cidadanía. E isto sen nos esquecermos de moitas máis persoas: bibliotecarios e bibliotecarias, políticos e políticas, creadores e creadoras…, compañeiros e compañeiras de ilusións, de desexos, cómplices dun soño: bibliotecas de todos e para todos.

Por iso contamos con vós para participardes en todos os actos que aparecen no programa do convite da nova Biblioteca dos Rosales.

Folleto de presentación e programa de actividades: [Descargar]