Carmelo Gómez e Silvia Abascal abren a programación de outono do Rosalía
Días de vino y rosas é o título escollido polo Teatro Rosalía de Castro para abrir a súa programación de outono. A obra foi adaptada por David Serrano e ten como parella protagonista a Carmelo Gómez e Silvia Abascal, guiados pola enorme experiencia na dirección de Tamzin Townsend.
O Teatro Rosalía programou funcións ás 20:30 o sábado 26 e o domingo 27. As entradas para os dous días xa están esgotadas.
