A mítica banda española de rock Barón Rojo pasará pola Coruña dentro do tour que celebra o seu trinta aniversario. O grupo recupera a súa formación orixinal para dar no Coliseum da Coruña o vindeiro 6 de marzo ás 22 horas o seu único concerto en Galicia. As entradas poranse á venta mañá martes no despacho de billetes da Praza de Ourense (no horario habitual, de luns a venres de 9.30 a 13 horas e de 16.30 horas a 19.30 horas), a través do servizo de televenta de Caixanova ou o mesmo día do espectáculo no propio Coliseum. O prezo das entradas é de 23 € (20 € en venta anticipada).