A Concellería de Cultura vén de editar unha Guía Didáctica sobre o Castro de Elviña, que fica a disposición do profesorado dos distintos centros escolares co obxetivo de dar a coñecer e difundir o patrimonio da Coruña e o mesmo tempo facilitar o achegamento dos máis pequenos ao Castro.

O material editado pola Concellaría de Cultura está organizado en catro unidades didácticas formadas por diferentes fichas.

-Visita escolar, Guía para o profesorado: breve descrición do Castro seguindo o percorrido da visita.
-Caderno para o profesorado con información, orientacións e respostas das unidades didácticas.
-Unidades Didácticas ou Cadernos de Campo:
Unidade Didáctica 1: Coñecemos o Castro (recomendado para 1º e 2º ciclos de Primaria)
Unidade Didáctica 2: Situación e características do Castro.
Unidade Didáctica 3: A arquitectura do Castro.
Unidade Didáctica 4: Do Castro ao Museo.
- CD que contén todo o material.

Pola súa banda a responsable das visitas guiadas ao Castro de Elviña e redactora da guía, Begoña Bas, explicou que esta guía enviarase a todos os centros escolares da cidade e tamén a algúns da provincia. Ademáis da Guía de recursos para profesorado, publicáronse outras como Coñecemos o Castro, Situación e Características, Do castro ao Museo e A Arquitectura do Castro. O ano pasado houbo máis de 250 visitas organizadas ao Castro de Elviña grazas ás cales 3200 persoas puideron coñecer o recinto. Todos os domingos ás 12:00 hai visitas de balde e sen inscripción previa; para máis información pódese chamar ao teléfono do Museo Arqueolóxico, 981 18 98 50, ou a través do correo electrónico.

Organizado pola Concellería de Cultura en colaboración co Colexio Oficial de Arquitectos de Galicia (COAG), o ciclo de conferencias Xentes, Espazos e Lugares desenvolverase no Forum Metropolitano desde mediados de febreiro até o mes de maio. O ciclo é un programa anual de divulgación e formación non regrada dirixido á cidadanía en xeral no que se pretende ofrecer unha visión plurar e complexa dos espazos e os ugares que habitamos, tendo moi presente como se desenvolve a nosa vida neles.

Este ciclo busca ser un punto de encontro para arquitectos, urbanistas, artistas plásticos, xeógrafos, xornalistas, escritores, sociólogos... que fican convidados a compartir as súas reflexións sobre como foi e como é a nosa interacción cos espazos que habitamos ao longo do tempo. O perfil dos asistentes é de persoas de 30 a 70 anos, con interese nos temas que afectan á colectividade máis alá de compromisos profesionais específicos, polo que se busca que o ton e profundidade das intervencións teña un carácter marcadamente divulgativo e coloquial atendendo á condición de non especialistas que teñen os destinatarios do programa tal e como destacou o coordinador do curso, Xosé Manuel Rosales.

Este é o programa completo do ciclo:

18.02.2010: Felipe Senén, Os espazos da Cultura
25.02.2010: Xoan Vazquez Mao, A fronteira como ventaxa competitiva: Presente e futuro da Eurorrexión
04.03.2010: Delegación do COAG na Coruña, Iniciativas cidadás: A cidade dos Barrios
11.03.2010: Bert Wasmer, A vivenda na ecocidade de Friburgo
18.03.2010: Manolo Rúa, Urbanismo en Galicia: Do eu ao nós
25.03.2010: Belen Gesto, Habitabilidade básica
08.04.2010: Hector Pose, Por un habitar pedagógico
15.04.2010: Jose Mª Ezquiaga, Sustentabilidade e Territorio
22.04.2010: Luis Sepulveda, A literatura como memoria da paisaxe
29.04.2010: Martín Fernandez, Mobilidade e Territorio
06.05.2010: Mabel Ribera / Enrique Banet, As feridas do territorio: A Serra da Groba
13.05.2010: Joan Busquets, Habitares presentes e futuros

As inscripcións poden facerse na Conserxería do Fórum Metropolitano ou en Servinova (desde o 3 de febreiro). A cuota é de 50 €.

Os numerosos seguidores de Albert Pla terán ocasión de poder velo en directo o día 18 de febreiro no Teatro Rosalía de Castro no concerto de presentación do seu último disco, La Diferencia. Desta volta Albert Pla está só no escenario, de maneira que deberá cantar mentres toca a guitarra sen esquecer controlar o son e apagar e encender os focos que colgan dunha estrutura a xeito de gaiola. É este "paraugas de luces" o que acaba por vestir unhas cancións que contan historias tráxicas e delirantes, cotiás e sorprendentes, delicadas e surreais, nas cales o verdugo é tamén vítima, a calma muda en tormenta, a comedia convive coa traxedia e a serenidade desemboca no desenfreo. Todo para facer evidente a estreita liña que separa o ben do mal, o branco do negro, o positivo e o negativo.

O concierto está programado para as 21 horas e as entradas xa están á venda a dez, doce e quince euros.

O libro Ramón Barreiro: humor, parodia e modernidade, coordinado por José Luís Castro de Paz e Xaime Fandiño, será presentado hoxe ás 20:30 no Centro Galego de Artes da Imaxe. A sesión complétase coa proxección do filme El sobrino de don Buffalo Bill, escrito e dirixido por Ramon Barreiro (1906-1981), nacido en Valladolid mais fillo de galego e criado en Pontevedra.

A entrada é gratuíta.

O Teatro Rosalía de Castro acolle hoxe o último concerto do Festival Iberojazz coa actuación de Baldo Martínez Grand Ensemble, que presentará o seu Projecto Minho. A formación está composta por Baldo Martínez (contrabaixo, composición e dirección), Maite Dono (voz), Germán Díaz (zanfona), Chiaki Mawatari (tuba), David Herrington (trompeta e fiscorno), Antonio Bravo (guitarra eléctrica), Alejandro Pérez (saxos tenor e soprano, clarinete), Pedro López (batería e percusión electrónica) e Lucía Martínez (vibráfono e percusión). A función comezará ás 21.00 horas e as entradas van desde os 6 aos 13 euros (carné xove, maiores de 65 anos ou desempregados/as, desconto dun 20% ).

Despois, e para pechar o festival Iberojazz, o dúo de baixistas ourensáns Loren Tabarés e David Cid ofrecerán un concerto no pub Garufa que baixo o nome Beatles Jazz Bass recreará a música dos Beatles.

Descargar dossier "Proxecto Miño": PDF, 115 KB

As bandas Lady Evil e El viejo caracol ofrecen hoxe un concerto solidario de axuda a Haití no Fórum Metropolitano. O acto está organizado por Solidaridade Internacional de Galicia. A función comeza ás 20:30 e o prezo das entradas é de 5 € (fila cero 2091 0530 39 3040011953).

Hoxe o CGAI dedica unha sesión á obra de Xosé Manuel Bazarra "Sepi", coa proxección das curtametraxes Os días do caos, Berberecho, Los reyes del columpio e Berberecho II. O director estará presente e manterá un coloquio cos espectadores. A entrada é gratuíta.

Hai uns días foron presentadas polas Concelleiras de Cultura e Mocidade as novas salas de ensaio e concerto do Coliseum, que estarán funcionando a pleno rendemento a mediados de marzo.

As salas de ensaio representan unha mostra de apoio aos grupos xuvenís da cidade, que desde agora disporán de tres salas de ensaio e unha de control e gravación para dar a coñecer os seus traballos e realizar os seus ensaios. Actualmente a Concellaría de Mocidade está no proceso de contratación do acondicionamento acústico das salas (9.000 euros), o backline no que se inclúen mesa de mestura, baterías, amplificadores para guitarra e baixo e teclados (12.000 euros), un sistema de vídeo (6.000 euros) e o equipamento da sala de control (35.000 euros). O prazo de solicitude para os grupos xuvenís (compostos maioritariamente por menores de 30 anos) está aberto ata o 31 de marzo; pódese descargar a folla de inscripción a través da páxina web do Novo Espazo Xuvenil do Centro Municipal de Información Xuvenil. As novas salas de ensaio darán cabida a un total de 40 grupos polo que de superarse esta cifra procederase ao sorteo, tal e como se recolle no Regulamento que foi consensuado co sector, tanto para a entrada de grupos como para establecer os horarios. Este sorteo será semestral para permitir que disfruten destas salas o máximo posible de grupos da cidade.

A Concellaría de Cultura presentou pola súa banda a nova sala de concertos do Coliseum: "O Túnel", con capacidade para algo máis de 600 persoas e que permitirá traer a cidade unha serie de propostas que ata o momento non tiñán cabida pola falta dun espazo axeitado. O nome O túnel fai referencia tanto á súa forma e ubicación dentro do Coliseum como á súa vontade de dar resposta a un nicho de mercado existente na cidade nunha aposta pola música urbana sen limitacións en canto a estilos musicais.

Froito dun investimento de máis de medio millón de euros, esta nova sala de concertos conta cun espazo de 300 metros cadrados e funcionará en conexión e coordinación coas salas de ensaio contando ademáis con programación cultural propia. Deste xeito non só permitirá descubrir aos grupos con máis futuro da cidade, senón tamén axudar os máis novos a darse a coñecer funcionando como unha factoría de creación. Así esta sala de concertos acollerá as propostas máis vangardistas con estilos moi variados: indie, música electrónica, rap, rock ou pop independente...

Asimesmo permitirá traer á Coruña propostas artísticas que á iniciativa privada non lle sexan rendibles introducindo O túnel nos circuitos estatais. O obxectivo do seu departamento é que esta nova sala de concertos teña programación propia desde finais de abril e animou a todos os axentes e promotores da cidade a poñerse en contacto coa Concellaría para poder disfrutar desta nova sala. María Xosé Bravo incidiu no feito de que esta sala traballará tamén baixo outras marcas xa consolidadas e para iso están a manterse contactos co sector, caso dos organizadores do Festival Sinsal. Os obxetivos a medio prazo pasan por situar nun par de anos O túnel dentro do panorama estatal como un referente neste tipo de concertos e cuns prezos razoables.

O concurso vai dirixido ao alumnado de Educación Secundaria de Galicia. O tema é libre. As fotografías poden presentarse en branco/negro ou cor, cun máximo de tres fotos por participante en soporte papel, por correo electrónico a este enderezo ou por bluetooth no instituto. A data límite de entrega é o 15 de abril de 2010. Descargar bases completas: PDF, 873 KB.

Roberto Somoza, un dos mellores saxofonistas e frautistas de jazz de Galicia, presenta o seu novo disco The Vangard coa súa gran formación Roberto Somoza Jazz Orquestra no auditorio do Forum Metropolitano no marco do Festival Iberojazz mañá xoves 28 de xaneiro ás 21 h. O auditorio do Forum convertiuse ao longo do ciclo nun auténtico clube de jazz onde poder escoitar o mellor jazz ibérico nun ambiente distendido e co servicio da cafetería ao dispor do público.

Roberto Somoza é hoxe por hoxe un dos grandes músicos de jazz do noso país. Con esta nova formación non só rinde homenaxe aos grandes formatos senón que ademáis experimenta coas súas propias composicións, fermosas melodías inspiradas nos grandes da historia do jazz mais tamén nas orixes desta música.

ROBERTO SOMOZA Jazz Orquestra:

ROBERTO SOMOZA, saxofonista, compositor e arranxador, é
profesor de Saxofón (especialidade de Jazz) no Conservatorio de Música
da Coruña, líder de varias formacións (coas que editou catro discos) e
saxofonista dos grupos Clunia e Atlantic Bridge.

The Vanguard (Xingra / Jazz) é un tributo ao saxofón alto, cheo de composicións e arranxos contemporáneos que explotan ao máximo o formato da orquestra moderna de Jazz. O disco que se presenta foi gravado nos estudos Bruar para a discográfica Xingra e está composto, arranxado e dirixido por Roberto Somoza. Unha sección de cinco ventos e trío de ritmo danlle forma a este disco, que conta tamén coa colaboración do gran pianista e compositor Nani García e coa produción de Javier Ferreiro.

MÚSICOS: Roberto Somoza (saxofón alto), Hansel Luís Díez (trompeta e fliscorno), Ricardo Costa (trompeta e fliscorno), Edward Machado (trombón), Nandor Kasza (trombón), Jacobo de Miguel Bueres (piano), Kin García (contrabaixo), Fernando Llorca (batería).

Máis información: web oficial / MySpace

El Otro de Ariel Rotter (Arxentina, 2007), esta semana na Sala Marilyn Monroe do Fórum Metropolitano dentro do ciclo Alén mar.

Horario: xoves 28 ás 20:15; venres 29 ás 20:15 e 22:45; sábado 30 ás 17:15 e 20:15. Os pases do venres ás 22:45 e o sábado ás 17:15 son "sesións do espectador" con entrada reducida (1,5 €). O resto de sesións teñen o prezo de 3 €.

Persepolis de Marjane Satrapi e Vincent Paronnaud (Francia, 2007), esta semana na Sala Fernando Rey do Fórum Metropolitano dentro do ciclo Animación.

Horario: xoves 28 ás 20:30; venres 29 ás 20:30 e 23:00; sábado 30 ás 17:30 e 20:30. Os pases do venres ás 23:00 e o sábado ás 17:30 son "sesións do espectador" con entrada reducida (1,5 €). O prezo do resto de sesións é de 3 €.

Pintor, ceramista, vidreiro, deseñador de cartaces, decorador escénico... poucas foron as actividades artísticas que non coidou Gerardo Porto, nacido na Coruña en 1925 e falecido onte en Amsterdam. Gerardo Porto traballou en colaboración co arquitecto Antonio Desmonts nun dos monumentos emblemáticos da cidade, o Obelisco Milenium, pintando sobre os seus vidros escenas representativas da historia da Coruña.