Hoxe 5 de xaneiro de 2010 ás 17 horas inaugúrase no Fórum Metropolitano a exposición Tecendo Redes: 2º Aniversario.

Tecendo Redes é un grupo que naceu hai dous anos na rede coa intención de organizar encontros fotográficos en diferentes vilas e cidades de Galicia. O grupo foi tomando relevancia co andar do tempo e reúne entre as súas páxinas case seiscentos afeccionados. Corenta deles conformarán a exposición do Fórum, que é itinerante e visitará logo diferentes salas de Galicia.

A exposición recolle imaxes de temática moi variada, tomadas en calquera dos vinte eventos fotográficos que o grupo organizou no último ano.