O xoves 8 de abril, ás 19,30, a responsable da oficina de inmigración da C.I.G., Laura Bugallo, ofrece unha conferencia sobre Muller e Inmigración, coincidindo coa clausura da mostra Muller sen máis que desde o pasado 4 de marzo está na Biblioteca Municipal Sagrada Familia. Laura Bugallo traballa desde hai 16 anos en temas de inmigración dentro do sindicato nacionalista, e o seu labor é recoñecido amplamente entre toda a poboación inmigrante e colectivos sociais tanto en Galicia como no resto do Estado. A entrada ao acto, na Biblioteca Municipal Sagada Familia, é libre.