Venres 29
21:00
Taller de Litografía Milpedras (Rúa Brasil, 3, baixo)
Entrada libre até completar capacidade.

No Taller de Litografía Milpedras desenvólvese a segunda edición de Encontros en Milpedras, unha proposta de unión en diálogo libre, ao vivo, de poesía, música e artes plásticas. Actuarán recitando poemas Begoña Paz, Dores Tembrás, Luís Mazás e Iolanda Aldrei, en paralelo á música de César Morán e a creación plástica de Nando Lestón.

Venres 29
FNAC (Mercado Eusebio da Guarda – Praza de Lugo, s/n)
19:30
Entrada libre até completar capacidade.

Presentación do novo libro de Manuel Rivas "Todo é silencio", publicado en Xerais. No acto estará acompañado por César Morán e Xosé Taboada. Ao finalizar a presentación, o autor asinará exemplares da súa obra.

Venres 29
Centro Cívico de San Pedro de Visma
20:00
Entrada libre até completar capacidade.

Conferencia de Xurxo Souto: "San Pedro de Visma. A Coruña por todo o alto", e actuacións do Coro Sarabia e a Polifónica Coruñesa Canticorum.

Xoves 28. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Darkened horizons (Karen Aqua & Ken Field, 2010) 4 min. Esta película animada reflicte o derrame de petróleo da plataforma petrolífera Deepwater Horizon no Golfo de México e o seu impacto medioambiental. Foi creada por estudantes de entre once e trece años da escola secundaria Sidney Gutierrez de Roswell, Novo México, Estados Unidos, baixo a dirección da animadora Karen Aqua e o compositor Ken Field. Os estudantes realizaron os debuxos a man e crearon todo o deseño artístico, os efectos de son, a música e a narración da curta.
Cellular movie (Xurxo González, 2010) 4 min. (Ficción) Un filme vai cambiar o destino da humanidade…
Black rain (Ruth Jarman & Joe Gerhardt, 2009) 3 min. Black Rain nace de imaxes compiladas polo satélite solar stereo; o que vemos é froito dos datos obtidos polo HI (Heliospheric Imager) no seu seguimento do vento solar e as execcións de masa da coroa en dirección á Terra. Igual que nunha curta anterior dos Semiconductor, Brilliant noise (segundo premio na Mostra 2008) Joe Gerhardt e Ruth Jarman traballan con datos de satélites científicos que aínda non foron limpados e procesados para o consumo público.
Beste Steve (Herman Asselberghs, 2010) 45 min. Dear Steve amosa a desmontaxe suave e desapiadada dun Macbook-Pro do trinque e o acto de mirarlle as tripas a esta ferramenta de traballo dixital.
Higgs, into the heart of imagination (Hannie van den Berg & Jan van den Berg, 2009) 54 min. Este documental trata da curiosidade, a paixón e o poder da creatividade na ciencia. Amosando ao longo de catro anos o traballo dos físicos do CERN os directores crearon unha viaxe ao corazón da imaxinación. Seguen a Stan Bentvelsen, xefe do grupo de investigación holandés do CERN, e observan como el prepara ao seu equipo para a posta en marcha do LHC, así como a competición científica por atopar a esquiva partícula de Higgs.
The ancient astronomers of Timbuktu (Guy Spiller, 2009) 60 min. Científicos de hoxe en día exploran por primeira vez o gran arquivo de manuscritos de Tombuctú. Os donos dos manuscritos e os expertos en conservación enfróntanse ao espectacular clima de Tombuctú para preservar os documentos mentres os investigadores actuais descobren o coñecemento astronómico dos eruditos africanos de hai séculos.

- Planetario (Casa das Ciencias)
16:30 h. Heard laboratories, de Ernst Karel. Audición colectiva do seu traballo de etnografía sonora nos espazos de investigación científica da Universidade de Harvard. 30 min.

- CGAI
18:00 h. Secrecy. Peter Galison e Robb Moss, 2008. 85 min. Un achegamento ao amplo e invisible mundo da seguridade e os segredos de goberno. A película explora o seu papel e consecuencias, da necesidade ou procura de garantías democráticas ao deterioro das liberdades civís. Participa no Festival de Sundance e gaña premios en Newport e Boston.
21:00 h. Twist of fate (Karen Aqua, 2009). Proxección en 35mm + sesión Lois Patiño. 90 min. Esta curtametraxe experimental de animación explora a transformadora experiencia de ser diagnosticado cunha enfermidade que pon en perigo a vida. Esta peza expresionista captura impresións derivadas desta experiencia: convulsión, incerteza, a sensación de intromisión física, a perda de control. Ao explorar esta paisaxe física e emocional, o filme visualiza un mundo interno dentro do corpo, imaxinado a nivel celular.

- Teatro Rosalía de Castro
20:30 h. Son & moon. Manuel Huerga, 2009. 90 min. ESTA PROXECCIÓN SUSPÉNDESE POR PROBLEMAS TÉCNICOS. TODAS AS DEMAIS ACTUACIÓNS PREVISTAS ATÉ O SÁBADO MANTÉÑENSE.

Venres 29
Fundación Caixa Galicia (Cantón Grande)
20:00
Entrada libre até completar capacidade.

Dentro do ciclo "Lingua, Literatura e Nación" da A. C. O Facho, o escritor José-Maria Monterroso Devesa falará sobre "Os nosos apelidos galego-portugueses". Ten dictado conferéncias aquén e alén mar, no Brasil (con motivo do irmanamento Coruña-Recife), no Uruguai, na Arxentina (Buenos Aires, La Plata, Rosario) e en Santiago de Chile nas últimas décadas acerca da matéria xenealóxica e onomástica (froito dos seus estudos sobre antepasados galegos de familias rioplatenses e máis centrándose nos apelidos galaico-portugueses espallados polo mundo).

O ciclo das artes escénicas para todas as idades Todo Público presenta na súa tempada 2010 / 2011 un total de 9 espectáculos. Trátase dunha coidada e exquisita selección de espectáculos nacionais e internacionas que non so responden a uns baremos de gran calidade senón tamén de diversidade tanto nas súas propostas artísticas como de procedencia. A proposta artística ofrece unha interesante mestura de diferentes expresións artísticas (teatro, monicreques, música, etc.) e tendencias no mundo do teatro para nenos e nenas no que prima a clave poética e a imaxinación da man das mellores e máis prestixiosas compañías de teatro para nenos e nenas. A diferente orixe dos espectáculos, Finlandia, Italia, Cantabria, Castela e León e Andalucía así como Galicia, pretende á súa vez ser un escaparate do que se está a facer neste ámbito nos diferentes lugares.
O ciclo Todo Público combina como todos os anos funcións para escolares (infantil e primaria), ao longo da semana, e funcións familiares os sábados. As estimacións contan con máis de 15.000 espectadores. Tomarán parte na proposta escolar un total de 52 centros escolares da cidade e da súa comarca con case 13.000 nenos e nenas.
A maior parte do ciclo ten lugar no Forum Metropolitano, levando ao Teatro Rosalía só aqueles espectáculos que polas súas necesidades técnicas ou artísticas requiran dun espazo maior.
Os espectáculos previstos son:
- 13/11/2010. 19:00 h. "Inventos de Calder el ingeniero". La Baracca, Italia. Fórum Metropolitano. Público: +4 anos. Duración: 50 minutos.
- 20/11/2010. 19:00 h. "La doncella de la luna". Auraco, Finlandia. Fórum Metropolitano. Público: + 4 anos. Duración: 40 minutos.
- 27/11/2010. 19:00 h. "La casa del abuelo". La Rous, Andalucía. Fórum Metropolitano. Público: + 5 anos. Duración: 45 minutos.
- 04/12/2010. 19:00 h. "Saltimbanquis". Teatro do Morcego, Galicia. Teatro Rosalía. Público: +5 anos. Duración: 60 minutos.
- 29/01/2011. 19:00 h. "Grillos y luciérnagas". La Machina. Cantabria. Fórum Metropolitano. Público: + 4 anos. Duración: 45 minutos.
- 12/02/2010. 19:00 h. "Josefina". Teloncillo Teatro, Castela e León. Fórum Metropolitano. Público: +7 anos. Duración: 55 minutos.
- 19/02/2011. 19:00 h. "Rosalía a pulga que escribía". Galitoon, Galicia. Fórum Metropolitano. Público: +4 anos. Duración: 50 minutos.
- 26/03/2011. 19:00 h. "Malas palabras". Katarsis, Galicia. Fórum Metropolitano. Público: + 7 anos. Duración: 55 minutos.
- 07/05/2011. 19:00 h. "Cuentos del mundo". Ara Malikian, Armenia. Teatro Rosalía. Público: + 7 anos. Duración: 50 minutos.

As entradas para todos os espectáculos son de 5 euros, cun abono familiar de 3 entradas por 12 euros (como mínimo un adulto e un menor).

"Somers Town", de Shane Meadows (Reino Unido, 2008, 75 minutos, V. O. en castelán), dentro do ciclo Encrucilladas. Proxeccións: xoves 28 ás 20:15; venres 29 ás 20:15 e 22:45; sábado 30 ás 17:15 e 20:15. Entradas: 3 € (carné xove, maiores de 65 anos e desempregados/as, 2 €). As sesións do venres ás 22:45 e a do sábado ás 17:15, 1,50 €.

"Die herbsyzeitlosen", de Bettina Oberli (Suíza, 2006, 90 minutos, V. O. en castelán), dentro do ciclo Cabaret. Proxeccións: xoves 28 ás 20:15; venres 29 ás 20:15 e 22:45; sábado 30 ás 17:15 e 20:15. Entradas: 3 € (carné xove, maiores de 65 anos e desempregados/as, 2 €). As sesións do venres ás 22:45 e a do sábado ás 17:15, 1,50 €.

Xoves 28
Biblioteca Municipal de Monte Alto (Praza dos avós, s/n.)
18:30
Máis información na Biblioteca de Monte Alto.

Coa axuda do famoso ilustrador infantil, debuxante, autor de cómics... e gañador do Premio Merlín en 2009, o vigués Jacobo Fernández Serrano, repasaremos, con todos os nenos participantes, algúns dos elementos da linguaxe do cómic, e poñerémolo en práctica debuxando unha páxina entre todos. Para nenas e nenos de máis de sete anos. É imprescindible inscribirse previamente, a partir do 18 de outubro, na túa biblioteca de Monte Alto (a través do teléfono 981 184 382 ou do correo:  bmontealto at coruna.es).

Xoves 28
A. C. Alexandre Bóveda (rúa Olmos 16-18, 1º)
20:30
Entrada libre até completar capacidade.

Proxección de fotografías sobre "O Sudoeste de Francia", por Roberto Catoira.

Xoves 28
Biblioteca da Sagrada Familia (rúa Antonio Pereira, 1)
19:30
Entrada libre até completar capacidade.

Continúa o ciclo "Os xoves na Sagrada", que ata decembro mostra na Biblioteca Municipal Sagrada Familia unha rica escolla de música das diferentes culturas que forman parte do barrio. Este xoves é o momento da música africana representada por Galuteranga-Galsen. Trátase dun grupo formado por senegaleses residentes na cidade. Desde a súa creación, no 2006, levaron a música e os bailes de Senengal por toda España. Cos seus instrumentos tradicionais (thoug, sabar, djembe e casang casang), e as súas voces, interpretan música Asicó e Mbalakh e representan bailes africanos como Bale e Sabar. O seu nome procede dos vocábulos wolof “Galu” (caiuco) e “Teranga” (hospitalidade).

Mércores 27. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Wild opera (Lauren Frapat, 2010) 75 min. Coas máis grandes composicións clásicas coma fondo musical, de Beethoven a Dvorak e de Bach a Vivaldi, Wild Opera lévanos de Tanzania a Kenya en compañía de ñus e cebras nunha longa viaxe migratoria de ida e volta.
Plug & Pray (Jens Schanze, 2010) 91 min. Poderá o ser humano ir alén da bioloxía? A creación de máquinas intelixentes que igualen en capacidade aos seus creadores humanos é un soño moi antigo. Expertos en computación de todo o mundo, coma Raymond Kurzwell e Hiroshi Ishiguro, esfórzanse para satisfacer este empeño. Ao mesmo tempo, un dos pioneiros da computación, Joseph Weizenbaum, loita contra a fe ilimitada no poder da tecnoloxía.

- Fundación Caixa Galicia
18:00 h. Retrospectiva Semiconductor (Ruth Jarman & Joe Gerhardt). 60 min. Presentación en HD de filmes da parella Semiconductor, Ruth Jarman e Joe Gerhardt, gañadores do segundo premio do festival en 2008 coa curta "Brilliant noise".
19:05 h. Double tide (Sharon Lockhart, 2009). 99 min. Double tide documenta o traballo dunha mariscadora na costa de Maine, xusto no día en que a maré baixa sucede dúas veces en horas de luz -ao amencer e ao solpor. Un retrato dun traballo singular definido polas máis elementais e mutantes forzas da natureza.

- Fundación Luís Seoane
De 12:00 a 14:00 h. e de 17:00 a 20:00 h. Proxección en bucle dos filmes 7 queens de Verena Paravel. Gravada durante un paseo (anti-)etnográfico baixo os pasos elevados da liña de metro número sete de Nova York, 7 Queens experimenta coa idea de borde e fronteira física e captura a noción efémera de intimidade a través de encontros casuais e ás veces abortados, e The truth about Cuba de Bridget Hanna. Cinco estudantes americanos propóñense descubrir (e fracasan) a verdade sobre Cuba.

- CGAI
18:00 h. Sweetgrass. Ilisa Barbash & Lucien Castaing-Taylor, 2009. Subtítulos en español. Elexía carente de sentimentalismo sobre o Oeste americano. Un longo traballo de documentación sobre os últimos vaqueiros dos nosos días, unha viaxe cos rabaños para pacer durante o verán cara ás fermosas e perigosas montañas Absaroka-Beartooth (Montana). Extrema na súa beleza e brutal na veracidade, preséntanos un mundo onde natureza e cultura, vulnerabilidade e violencia, se entrelazan intimamente. Presentada en Berlín, gañou o premio á mellor película no Play-Doc de Tui.
21:00 h. Wünder der Schöpfung. Hanns Walter Kornblum, 1925. Subtítulos en galego. Filme mudo alemán que constitúe unha auténtica lección ilustrada de astronomía. Aderezado por efectos especiais e segmentos de animación erixe unha festa narrada lúdica e chea de información que percorre a historia da astronomía e os seus descubrimentos e tópicos.

- Teatro Rosalía de Castro
21:00 h. Jazz + Ciencia. Recital de textos científicos a cargo de Belén Regueira e Susana Rois. Actuación musical de Abe Rábade.

Do venres 22 de outubro ao domingo 30 de xaneiro de 2011
Fundación Caixa Galicia (Cantón Grande)
De luns a venres: de 12:00 a 14:00 h. e de 16:00 a 21:00 h.
Sábados, domingos e festivos: de 12:00 a 21:00 h.
Entrada libre.

"Cen por cen Seoane" está conformada por 350 pezas orixinais e centos de documentos e imaxes. Coincidindo co seu centenario, vén ser a maior exposición sobre o artista galego que se fixo nunca, coproducida canda a Fundación Luís Seoane. Xosé Díaz, unha das persoas que máis e mellor coñeceu ao artista, é o comisario, que nos agasalla cunha estrutura do contido en cen seccións para amosar a riqueza e complexidade da personalidade deste creador plástico, promotor de empresas culturais, deseñador, editor, escritor e xornalista. Máis información aquí.

Martes 26. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
A road not taken (Christina Hemauer & Roman Keller, 2010) 66 min. Ensaio documental que conta a historia dos paneis solares que o antigo presidente dos Estados Unidos Jimmy Carter instalou no tellado da Casa Branca en 1979. O seu sucesor, Ronald Reagan, ordenou a retirada dos paneis, dentro dunha campaña de rexeitamento radical da política enerxética de Carter. Os moi simbólicos paneis solares foron gardados nun almacén e caeron no esquecemento. Trinta anos despois Christina Hemauer e Roman Keller seguen a pegada dos paneis solares e trazan a súa historia na viaxe que os leva de volta a Washington e Atlanta.
Let's talk about sex (James Houston, 2009) 77 min. Unha mirada aos adolescentes e a cultura do sexo en América, á luz dos problemas sanitarios arredor deste asunto.
Oykiagay, el poder del cielo (Diego Julio Ludueña, 2010) 30 min. Durante o Ano Internacional da Astronomía un grupo de astrónomos do Observatorio Astronómico de Córdoba (Arxentina) percorren pobos e paraxes no Impenetrable Chaqueño e en Formosa, levando un telescopio itinerante. Nesta viaxe descobren novas interpretacións sobre o ceo e tamén sobre a Terra.

- Fundación Caixa Galicia
19:15 h. Lunch break. Sharon Lockhart, 2008. Vídeo HD. Por primeira vez na súa carreira move a cámara ao longo dun moi preciso corredor do asteleiro Bath Iron Works en Maine durante a parada para o almorzo, mentres os obreiros se sentan para comer e falar.

- Fundación Luís Seoane
20:00 h. Tres semanas después (José Luis Torres Leiva, 2010). Tres semanas después é unha meditación visual sobre a paisaxe despois dunha catástrofe. Gravada durante oito días na zona máis afectada polo sismo de febreiro de 2010 en Chile, narra unha viaxe que subxectivamente cruza todas as imaxes e sons vividos durante ese período. Este documental forma parte do proxecto 8,8 do artista chileno Fernando Prats. Twist of fate (Karen Aqua, 2009). Esta curtametraxe experimental de animación explora a transformadora experiencia de ser diagnosticado cunha enfermidade que pon en perigo a vida. Esta peza expresionista captura impresións derivadas desta experiencia: convulsión, incerteza, a sensación de intromisión física, a perda de control. Ao explorar esta paisaxe física e emocional, o filme visualiza un mundo interno dentro do corpo, imaxinado a nivel celular. Heliocentric (Semiconductor, 2010) (85 min). Heliocentric emprega a fotografía time lapse e técnicas de seguimento astronómico para trazar a traxectoria do Sol a través dunha serie de paisaxes.

- CGAI
18:00 h. Chaiqian. J. P. Sniadecki, 2008. Subtítulos en galego. Retrato do espazo urbano e as condicións laborais dos traballadores emigrantes en Chengdu (provincia de Suichuan, China). Desde a observación de paisaxes en transformación á participación e interacción cun grupo de traballadores desprazados, unha análise das desigualdades da natureza transitoria da experiencia urbana.
21:00 h. Sweetgrass. Ilisa Barbash & Lucien Castaing-Taylor, 2009. Subtítulos en español. Elexía carente de sentimentalismo sobre o Oeste americano. Un longo traballo de documentación sobre os últimos vaqueiros dos nosos días, unha viaxe cos rabaños para pacer durante o verán cara ás fermosas e perigosas montañas Absaroka-Beartooth (Montana). Extrema na súa beleza e brutal na veracidade, preséntanos un mundo onde natureza e cultura, vulnerabilidade e violencia, se entrelazan intimamente. Presentada en Berlín, gañou o premio á mellor película no Play-Doc de Tui.

"Merendas con contos" é unha actividade destinada a nenos e nenas de 3 a 7 anos acompañados dos seus pais ou coidadores. Recolle o convite dende o sábado anterior á realización da actividade. Os contos sobre os que xira a actividade desta semana (A amizade) son: "Ter amigos é divertido" de Rob Lewis e "Pastel para enemigos" de Derek Munson.
As datas das sesións e para retirar os convites son:
Sábado 23 ás 18:30 h. Biblioteca Infantil e Xuvenil (rúa Durán Loriga, 10). Convites desde o sábado 16.
Martes 26 ás 17:30 e 19:00 h. Biblioteca Municipal da Sagrada Familia (Antonio Pereira, 1). Convites desde o sábado 23.
Mércores 27 ás 18:30 h. Biblioteca Municipal de Monte Alto (Praza dos Avós, s/n, 3º). Convites desde o sábado 23.
Xoves 28 ás 18:30 h. Biblioteca Municipal do Castrillón (Praza de Pablo Iglesias, s/n). Convites desde o sábado 23.
Venres 29 ás 18:30 h. Biblioteca Municipal dos Rosales (Praza Elíptica, 1). Convites desde o sábado 23.

Martes 26
Biblioteca Infantil e Xuvenil (rúa Durán Loriga, 10)
De 18:00 a 20:00 h.
Entrada libre. Máis información no teléfono 981 184388.

Por cuarto ano consecutivo a Biblioteca Infantil e Xuvenil realizará un obradoiro de escrita creativa para adolescentes. A primeira parte deste curso estará dedicada á relación da poesía e a música. Os participantes no obradoiro lerán textos de Boris Vian, Francisco Nieva, Federico García Lorca, Antonio Machado, Miguel Hernández, Lois Pereiro, Francisco Umbral e Rosalía de Castro. Estas lecturas serán complementadas coas letras de Antonio Vega, Jim Morrison, Sr. Chinarro, Patti Smith, Deluxe, Nacho Vegas e Enrique Morente entre outros. O seu coordinador é Pedro Ramos.