Venres 19 ás 20:30 h.
Sábado 20 ás 20:30 h.
Domingo 21 ás 19:00 h.
Teatro Rosalía de Castro
Entradas: 6, 7, 9, 13 € (carné xove, maiores de 65 anos ou desempregados/as, desconto dun 20%).

A obra "Memoria de Helena e María", de Roberto Salgueiro, a cargo da compañía Teatro do Atlántico, baixo a dirección de Xúlio Lago, e coa interpretación de Lucía Regueiro e María Barcala, recolle o texto que foi premiado en 2006 co Premio Abrente de Teatro, enmarcada nos meses previos á guerra civil, nunha vila de Galicia, prodúcese o primeiro encontro entre Helena e Manuel. Un encontro que desembocaría nun amor inmenso. O comezo da guerra de 1936 levaría a Manuel á fronte republicana, e a perder a súa vida en Albacete un ano despois. Á morte de Manuel, Helena, á súa viúva, queda na vila, coa súa filla pequena, María, froito daquel amor, e con outra herdanza, deixada tamén polo seu home, que lle trae dramáticas consecuencias. Sesenta anos despois, por boca da súa filla, imos coñecer as características da tal herdanza e as consecuencias da súa conservación. Palabras e atmosferas que van conformando a paisaxe na que se desenvolve esta conmovedora obra.