Deixamos á disposición do público o catálogo onde se recollen as obras da exposición conxunta das Concellarías de Cultura da Coruña e de Vigo, "Abreverba", comisariada por David Barro, e na que se integran artistas de ambas cidades: Bosco Caride (Vigo, 1963), Almudena Fernández Fariña (Vigo, 1970), Xurxo Gómez-Chao (A Coruña, 1960) e Tatiana Medal (A Coruña, 1971): Abreverba A Coruña Vigo 2011.

Martes 1
CGAI (Durán Loriga 10)
18:00 e 20:45
Entradas: 1,20 euros (0,60 euros con carné xove).

Dentro do Ciclo "Luis Miñarro presenta...", proxección de "La mosquitera" (España, 2010, 95 minutos). Dirección e guión: Agustí Vila. Terceira longametraxe do singular Agustí Vila, unha claustrofóbica reflexión sobre os códigos de supervivencia que elude todo tratamento convencional para centrarse nun dos temas clave do mellor cine español, a disección da célula familiar. Unha familia en crise, cuxos membros viven atrapados nun mundo de culpa e sentimentos enfrontados. Un adolescente refuxiado no silencio rebélase contra o mundo dos adultos, exemplificado nos pais, Alicia e Miguel, e María, unha anciá con Alzheimer. O rapaz acolle todo tipo de animais e todos parecen atrapados por unha rede invisible que os illa, o mosquiteiro.

Do venres 28 de xaneiro ao domingo 20 de marzo
Kiosko Alfonso
De luns a domingo: de 12:00 a 14:00 e de 18:00 a 21:00 h.
Entrada libre até completar capacidade.

"Abreverba" é a primeira exposición promovida conxuntamente polas Concellarías de Cultura de Vigo e A Coruña e comisariada por David Barro, na que se integran artistas de ambas cidades: Bosco Caride (Vigo, 1963), Almudena Fernández Fariña (Vigo, 1970), Xurxo Gómez-Chao (A Coruña, 1960) e Tatiana Medal (A Coruña, 1971). "Abreveverba" é unha mostra que parte da idea de facer un obrigado exercicio de unión e anamnese que permita lembrar algúns dos nomes cos que se constrúe a historia máis recente da arte galega. Son artistas, todos eles, que superan a barreira considerada como arte nova e que, sen lugar a dúbidas, conservan unha actitude fresca que non deixa de achegar novos camiños niso que se deu en chamar arte contemporánea, e que neste caso crean lazos a partir dunha idea de pintura híbrida e posta en relación con outros contextos. A exposición estivo na Casa das Artes de Vigo entre o 17 de decembro e o 23 de xaneiro, e posteriormente será inaugurada no Kiosko Alfonso da Coruña o 28 de xaneiro ás 20:00 horas.
Con respecto á exposición, a idea de titular cun palíndromo (abreveverba) ten que ver con esa vontade de comprender que na arte contemporánea a lectura dunha traxectoria ten que ser, necesariamente, de ida e volta e varias veces. Palíndromo, do grego palin dromein, significa volver ir cara a atrás. E esa necesidade á hora de entender este encargo tamén de ida e volta, con dobres exposicións que reúnen a estes catro artistas en Vigo e na Coruña, nace da experiencia de comprobar como as novas xeracións de críticos e comisarios descoñecen a arte máis recente para só conseguir construír unha historia a partir dos últimos nomes, das últimas urxencias. O palíndromo en galego, ‘abreveverba’, incide tamén na necesidade de subliñar unha serie de datos partindo de citas que nos permiten camiñar por cada unha das traxectorias lembrando as súas exposicións máis destacadas e o que delas e da obra destes artistas se ten dito no seu momento, e de aí que as imaxes se acompañen dunha biografía comentada. De aí que a intención sexa trazar un percorrido por entre as palabras e as imaxes, procurando atopar nos arquivos da memoria unha serie de frases que nos permitan saber a importancia de cada xesto, descubrir o breve verbo que nos desvele a súa ollada pictórica, a experiencia do tempo e do espazo.

Domingo 30
Teatro Rosalía de Castro
19:00
Entradas: 9 euros (carné xove, maiores de 65 anos e desempregados: 7 euros).

"Double Track" é un conxunto de tres pezas de danza de pequeno formato que se presentan reunidas nun mesmo programa, grazas á colaboración entre La Macana (Galicia, Caterina Varela e Alexis Fernández) e EMBER (País Vasco e Cataluña, Jorge Jáuregui e Laura Arís). A velada comeza coa peza "La era de los cosmonautas", un dúo creado e interpretado por Laura Arís e Jorge Jáuregui. De seguido a peza "Ven", dúo creado e interpretado por Caterina Varela e Alexis Fernández que conseguiu o 1º Premio, Premio do Público e Premio da Crítica do "XXII Certamen Coreográfico de Madrid" no ano 2008, e puido verse en numerosos paises ademais de España como Cuba, Suecia, Alemania, Brasil, Portugal, Luxemburgo, Franza, Italia, Chipre, Inglaterra, Suiza, República Checa e Finlandia. E remata a velada con "Cola de gallo", un cuarteto que se estreou en Huesca en Maio de 2010 dentro do Festival Trayectos, e que estivo no importante festival "Dies de Dansa" de Barcelona no mesmo ano.

Domingo 30
Palacio da Ópera
Horario: 12:15
Entrada libre até completar capacidade.

Concerto da Banda Municipal de Música, baixo a dirección de Marcel van Bree.

Sábado 29
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 coa obra "Grillos y luciérnagas", da Compañía La Machina (Cantabria), dirixida a un público maior de 5 anos, cunha duración aproximada de 45 minutos. ¿Que pasa cando esperta a noite? Cambia a luz, cambian as cores, pero o mundo non desaparece. Hai outras luces e outros sons, que non se encontran polo día, e os soños, que nos envolven cando durmimos. Un mundo fantástico de verdade e misterio. "Grillos y Luciérnagas" fai referencia ás luces e os sons da noite e o debuxo teatral, un xogo poético entre unha muller e un home, que está dedicado aos máis pequenos, ao seu asombro. Con Patricia Cercas e Luis Oyarbide, baixo a dirección de Valeria Frabetti.

Sábado 29
CGAI (Durán Loriga 10)
18:00
Entrada libre até completar capacidade.

Dentro do Ciclo "Off Galicia", proxección de "Muro público" (2011, 16 minutos). Dirección, guión e produción: Pablo Outón. "Esta curtametraxe experimental, a modo de time-lapse documental, propón unha reflexión en torno ao concepto de propiedade da arte pública a través do apropiacionismo creativo na contorna urbana, onde un colectivo de artistas integra pictoricamente a publicidade que ateiga as rúas nas súas sucesivas obras murais e dando voz de narrador á cidadanía que transita o espazo entrópico do encadre visual", en palabras do seu director; e "Macho Alfa en el gabinete del Dr. Tirano" (2009, 11 minutos). Dirección: Paula Carro. Macho Alfa non sabe que o combate máis difícil da súa vida está por chegar e non se vai librar dentro do ring… Unha visita ao dentista convértese nunha loita épica. Música de "Santos Morcegos!!!".  Presentación coa presenza dos seus autores.

Sábado 29
Biblioteca Miguel González Garcés (Rúa Miguel Glez. Garcés, s/n.)
11:30
Entrada libre até completar capacidade.

Dentro da programación infantil da Biblioteca, "Contos cos trasnos", pola Compañía do Trinke Trinke, para nenos e nenas entre 3 e 7 anos.

Sábado 29
MACUF (Avenida de Arteixo, 171)
18:00
Entrada libre até completar capacidade.

Dentro do Ciclo "13 pelis para as/os peques", organizado pola Concellaría de Mocidade, Solidariedade e Normalización Lingüística, proxección de "O Cid, a lenda".

Sábado 29
Centro Cívico dos Mallos (Avenida de Arteixo, s/n.)
13:00
Entrada libre até completar capacidade.

O Servizo de Bombeiros e Protección Civil do Concello celebrará unhas xornadas dirixidas ao persoal de emerxencias, dentro das que destaca a representación da obra de teatro "3 brujas con mucho humo", orientada a nenos e nenas de de 8 a 12 años. Non é preciso inscribirse pero si sería conveniente, se se sabe, dicir o número de persoas adultas e de nenas e nenos que van asistir, comunicándoo ao enderezo de correo electrónico:  f.fuente at coruna.es.

Domingo 30
Fórum Metropolitano
20:30
Entradas: 2 euros.

Representación de "Medea" pola Asociación Juvenil Retrato e o Grupo Parrocha.

Venres 28
Palacio da Ópera
20:30
Entradas: 9’30, 14’70, 18’50 e 27’20 euros.

Baixo a dirección do especialista Antonio Florio, ofrécese un concerto que se abre co "Salve Regina", de Giovanni Battista Pergolesi (1710-1736), no cal apunta un estilo expresivo semellante ao que nos brinda o seu "Stabat Mater" para soprano, contralto, cordas e continuo. O programa incorpora tamén a interesante audición da "Salve Regina" do napolitano Nicola Porpora, a cargo de solistas do prestixio de Roberta Inverzini, soprano,  a tamén especialista no repertorio barroco italiano, Sonia Prina, mezzosoprano, e a continuo Patrizia Varone.

Venres 28
Fundación Caixa Galicia (Cantón Grande)
20:30
Entrada libre até completar capacidade.

Estrea do proxecto de fusión artística "Fuso Negro", -nome quitado dunha personaxe de Ramón del Valle-Inclán-, que tenta ser un proxecto cultural, tipo "spoken word", no que o poeta Xoán Abeleira, o baixista Álvaro Muras, o guitarrista Julio Cuns, o percusionista Karlos Barral e o batería Bruno Couceiro fusionan, basicamente, a música, o teatro e a poesía de vangarda.

O sábado 29 de xaneiro terá lugar a entrega do "Facho de Ouro", concedido pola Directiva da Agrupaçom Cultural O Facho a Bernardino Graña Villar, como testemuña e recoñecimento á súa longa traxectoria na defensa da dignidade e da cultura do País. O acto cívico será acompañado dunha cea homenaxe que se celebrará ás 21:00 horas no Hotel Riazor da Coruña. O prezo por persoa é de 30 euros, podendo facerse as reservas nos teléfonos 981.269.663 (tardes) e 698.147.851, ou ben no correo electrónico  lobezan at yahoo.es. No mesmo día, e na lembranza dos Precursores e Mártires, celebrarase a tradicional ofrenda floral nos xardíns de Méndez Núñez, diante do monumento a Curros Henríquez ás 12:30 h. Na cerimonia haberá música de gaiteiros.

Do venres 28 de xaneiro ao luns 28 de febreiro
Libraría Endo (Rúa Entrepeñas, 41, baixo)
De luns a venres: de 10:00 a 14:00 e de 16:30 a 20:30 h.
Sábados: de 10:00 a 14:00 e de 17:00 a 20:00 h.
Entrada libre até completar capacidade.

A segunda exposición de autores galegos na Libraría Endo está dedicada a Manel Cráneo e as láminas orixinais da súa última obra "Os lobos de Moeche". A inauguración terá lugar o venres 28 de xaneiro ás 20:30 h., na que estará presente autor, quen asinará exemplares da súa obra.