"Enky xa Scheherazade (Mulleres do Cairo)", de Yousury Nasrallah (Exipto, 2009, 135 minutos, V. O. en castelán), N. R. M. de 12 anos, dentro do ciclo Retallos de muller, na Sala Marilyn Monroe. Karim e Hebba son un matrimonio de xornalistas. Un día a el prométenlle un ascenso no seu diario se ela non fala máis de política en televisión. Hebba acepta de mala gana e empeza a tratar temas femininos, con consecuencias imprevisibles. Proxeccións: Debido ao longo prazo de duración da película, proxectarase unicamente o xoves 3, venres 4 e sábado 5 ás 20:30. Entradas: 3 euros (carné xove, maiores de 65 anos e desempregados/as, 2 euros).
"En la ciudad", de Cesc Gay (España, 2003, 117 minutos, V. O. en castelán), N. R. M. de 13 anos, dentro do ciclo Valores cívicos, na Sala Fernando Rey. Un grupo de amigos dunha gran cidade reúnense a miúdo. Con todo, a pesar desta proximidade, o coñecemento duns e outros non vai máis aló das aparencias; entre eles descoñécense. Cada un co seu desencanto, coas súas cousas fóra do grupo, cada un cunha vida propia que só os espectadores coñecen. Proxeccións: xoves 3 ás 20:30; venres 4 ás 20:30 e 23:00; sábado 5 ás 17:30 e 20:30. Entradas: 3 euros (carné xove, maiores de 65 anos e desempregados/as, 2 euros). Abono de 5 entradas por 12 euros. As sesións do venres ás 23:00 e a do sábado ás 17:30, 1,50 euros.