Do martes 31 de maio ao domingo 26 de xuño
Sala de Exposicións do Palacio Municipal
De 12:00 a 14:00 e de 18:00 a 21:00 horas
Entrada libre até completar capacidade.

"Miradas dunha Torre" é un proxecto aberto e heteroxéneo da pintora poeta Ánxeles Penas e do fotógrafo Pablo Candamio, no que, cautivados pola beleza, o magnetismo e a maxia da coruñesa Torre de Hércules, buscan reflectir as súas caras ocultas e dimensións artísticas a través das súas persoais miradas. Neste mes de xuño no que se celebra o segundo aniversario do recoñecemento da Torre de Hércules como Patrimonio da Humanidade, fotografía, pintura e poesía renden homenaxe á icona da nosa cidade. A inauguración terá lugar o martes 31 de maio ás 20:00 horas. Deixamos aquí a portada: Miradas dunha Torre 2011-06 portada, e o interior:  Miradas dunha Torre 2011-06 interior, do catálogo desta exposición.

Mércores 1
Teatro Colón Novacaixagalicia
20:00
Entradas: 10 euros.

Do xoves 2 ao domingo 5 de xuño, terá lugar na Coruña a "2ª Mostra de cinema periférico". Como inauguración da Mostra o mércores 1 proxéctase a versión íntegra de "Metrópole", de Fritz Lang, co acompañamento en directo da partitura orixinal do filme interpretada pola Orquestra Filharmónica Cidade de Pontevedra. O acto está coorganizado coa Filmoteca de Cantabria.

Venres 3
Normal (Paseo de Ronda, 47)
Inscrición aquí.

Xornadas "Migracións transnacionais: xénero, racismo e exclusión social". O programa do día 3 de xuño é o seguinte:
- 16:00 h. Mesa redonda "Transnacionalismo, xénero e exclusión social no Sur de Europa":
* Jorge Malheiros: "Problemas de exclusión residencial dos inmigrantes en Portugal: perspectiva de xénero".
* Rosa Parisi: "Familias transnacionais e matrimonios mixtos en Italia: unha etnografía das familias marroquí-italianas".
- 17:30 h. Pausa.
- 18:00 h. "Xénero, raza e etnicidade unha mirada cruzada das migracións en África, Asia e América Latina"
* Ángeles Ramírez, Universidad Autónoma de Madrid.
* Amelia Saiz, Universidad Autónoma de Barcelona.
* Mercedes Jabardo, Universidad de Alicante.
* Ramón Grosfoguel, University of California, Berkeley.
- 20:30 h. Proxección da película "Flores doutro mundo" (Icíar Bollaín, 1999) e debate. Actividade coordinada por Laura Suárez Grimalt e Martín Vázquez Añel.

Xoves 2
Normal (Paseo de Ronda, 47)
Inscrición aquí.

Xornadas "Migracións transnacionais: xénero, racismo e exclusión social". O programa do día 2 de xuño é o seguinte:
- 16:00 horas. Inscrición.
- 16:30 horas. "Coñecendo o Cape Coloured". Unha dimensión de xénero sobre o racismo en Sudáfrica. Obradoiro a cargo de Lara Mantiñán Búa, xornalista freelance e Isgak Stemmet, artista contemporáneo.

Mércores 1
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

No ciclo "O Ceo na Terra: Nathaniel Dorsky, Phil Solomon, Robert Beavers", proxección de "A aura de todas as cousas" (Estados Unidos, 1975-2010, 74 minutos). Todas as películas de Robert Beavers reflicten o seu intenso estudo da poesía, a música, a pintura e a arquitectura. Herdeiro de pensadores e escritores como Leonardo Da Vinci ou John Ruskin, rescata a mirada renacentista cara ao mundo natural e o creado polo home: "Ruskin" (1975-1997), "Pitcher of colored light" (2007) e "The suppliant" (2010); e, ás 20:45 horas, no ciclo "Guy Maddin", proxección de "Waiting fot twilight" (Canadá, 1997, 60 minutos, V. O. S. en castelán). Dirección e guión: Noam Gonick. A rodaxe de "Twilight of the Ice Nymphs" case finiquita a carreira de Maddin, envolto nunha odisea laboral (problemas cos produtores, imposición do reparto, traballo nun novo formato, 35 mm.). Afortunadamente, un documental de Noam Gonick recolle a estraña atmósfera xurdida. Narrada por Tom Waits, unha indagación no perfil creativo de Maddin, os seus inicios, filias, paixóns, entusiasmos e desesperacións.

Martes 31
A. C. Alexandre Bóveda (Rúa Olmos, 16-18, 1º).
20:30
Entrada libre até completar capacidade.

Presentación dun vídeo e unha publicación sobre "A recuperación microtopónimica da Península da Torre". Na realización destes traballos tiveron especial importancia o percebeiro Emilio Mariñas e Xurxo Souto, xunto coa axuda da Concellaría de Mocidade, Solidariedade e Normalización Lingüística.

Martes 31
Fórum Metropolitano
20:00
Entrada con convite a recoller na conserxería do Fórum.

Representación da obra teatral "A noite vai como un río", de Álvaro Cunqueiro, polo Grupo de Teatro do Fórum Metropolitano.

Ainda quedan prazas para o obradoiro de Collagraph ou técnicas aditivas da grande mestra e artista arxentina Alicia Díaz Rinaldi, que se celebrará os vindeiros días 2, 3 e 4 de xuño. Máis información na páxina de Milpedras.

Luns 30
Domus (Rúa Santa Teresa, 1)
20:00

Os Museos Científicos Coruñeses proseguen coa terceira edición do ciclo "Os luns con ciencia", co título "A saúde é o primeiro", coa intervención, que continúa a segunda fase deste ciclo, dedicada aos hábitos cardiosaudables, do Dr. Fernando Cordido, especialista en Endocrinoloxía e Nutrición do CHUAC, que falará sobre "A obesidade, o buraco negro metabólico". O O Dr. Cordido é catedrático de Endocrinoloxía e Nutrición do Departamento de Medicina da Universidade da Coruña. As súas liñas de investigación fundamentais son a obesidade e a neuroendocrinoloxía. Foi galardoado con 12 premios científicos, e é autor de numerosas publicacións, moitas das cales se citan en textos médicos de prestixio, como o Harrison Principles of Internal Medicine, ou o Williams Textbook of Endcrinology. Nesta terceira edición de "Os luns con ciencia" o tema central é a saúde, tratando específicamente os trasplantes, os hábitos cardiosaudables e a obesidade. Por iso, ademáis da colaboración da Universidade da Coruña (Unidade de Divulgación Científica), se conta coa do Complexo Hospitalario Universitario de A Coruña (CHUAC). O ciclo Luns con Ciencia ten como obxectivo incorporar a ciencia á axenda cultural dos cidadáns.

Luns 30
Biblioteca Municipal dos Rosales (Praza Elíptica, 1)
19:00
Entrada libre até completar capacidade.

Con motivo da entrega de premios do "Concurso de contos do Barrio dos Rosales", terá lugar un programa de actos composto por unha pequena presentación, a actuación musical dos rapaces da Escola de Música e, posteriormente, a entrega de premios.

Martes 31
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

No ciclo "O Ceo na Terra: Nathaniel Dorsky, Phil Solomon, Robert Beavers", proxección de "Revelacións nocturnas" (Estados Unidos, 1980-2002, 65 minutos). Phil Solomon presenta ás súas pezas de xeito cronolóxico amosando a beleza do seu traballo, a forza emocional e melancólica das imaxes: "Nocturne" (1980), "The exquisite hour" (1989), "Psalm Li: walking distance" (1999), "Yes, I said yes, I will, yes" (1999), e "Seasons..." (2002); e, ás 20:45 horas, proxección de "Cancións cinemáticas" (Estados Unidos, 1976-2000, 85 minutos). Nathaniel Dorsky, cineasta xa clásico da vangarda norteamericana, ten dúas grandes motivacións: as posibilidades da luz e o silencio, e a exploración dese campo de enerxía creado entre a pantalla e o espectador. Mestre da montaxe, mergúllanos nun universo exquisito e hipnótico: "Triste" (1978-1996), "Alaya" (1976-1987) e "Arbor vitae" (1999-2000).

Martes 31
MACUF (Avda. de Arteixo, 171)
20:00
Entrada libre até completar capacidade.

Dentro do Ciclo de Mesas Redondas, Encontro con María Dueñas.

Luns 30
Normal (Paseo de Ronda, 47)
20:30
Entrada libre até completar capacidade.

O Ensemble IXOR está formado por alumnos do Taller de Interpretación de Música Clásica Contemporánea do Conservatorio Superior de Música da Coruña. O programa está composto polas seguintes obras:
- Fuminori Tanada: "Mysterious Morning III" (1996) saxofón soprano.
- Karlheinz Stockhausen: "In Freunschaft" (1977) saxofón soprano.
- François Rossé: "Le Frêne Égaré" (1979) saxofón alto.
- Christian Lauba: "Adria" (1985) 2 saxofóns altos.
- Jean Claude Risset: "Voilements" (1987) saxofón tenor e cinta.

Luns 30
Portas Ártabras (Rúa Sinagoga 22, baixo)
19:45
Entrada libre até completar capacidade.

Proxección, no ciclo "Clásicos do cine dos anos 60. A Paramount", de "Barbarella", de Roger Vadim.

Luns 30
FNAC (Praza de Lugo, s/n.)
19:00
Entrada libre até completar capacidade.

Proxección de "Sempre Xonxa", de Chano Piñeiro, dentro do ciclo "Cine en Galego".