Martes 27
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

No ciclo "Foules sentimentales", proxección de "Le roi de l'evasion" (Francia, 2009, 97 minutos, V. O. S. en castelán). Dirección: Alain Guiraudie. A cotidianidade de Armand é soporífera. Farto do seu traballo como comercial de maquinaria agrícola, entre xantares e sestas ve pasar a súa vida de solteirón homosexual. Unha noite mentres pasea pola rúa media nunha pelexa entre un grupo de adolescentes e unha moza, Curly. Entre ambos comeza a desenvolverse unha relación á que, pese á oposición do entorno, ningún pensa renunciar.

Luns 26
Portas Ártabras (Rúa Sinagoga 22, baixo)
19:45
Entrada libre até completar capacidade.

Proxección, no ciclo "Patrimonial cultural en tempo de guerras", da película "O tren" (1964), de John Frankenheimer, que ten como argumento a angueira do traslado do máis significativo do patrimonio cultural francés á Alemaña de Hitler.

Sábado 24
CGAI (Durán Loriga 10)
18:00
Entrada libre até completar capacidade.

Dentro do Ciclo "Off Galicia", "Festival Freakemacine 2.0" (117 minutos): "El ataque de los robots de Nebulosa-5" (España, 2008). Dirección, guión e produción: Chema García Ibarra; "Jack" (Canadá, 2009). Dirección: Kryshan Randel; "Brutal relax" (España, 2010). Dirección: Adrián Cardona; "Les bessones del carrer de Ponent" (España, 2010). Dirección e guión: Marc Riba e Anna Solanas; "Dolorosa" (Francia, 2009). Dirección e guión: Christophe Debacq; "Jugando con la muerte" (España, 2010). Dirección e guión: Paul Urkijo; "Por gloria divina" (España, 2010). Dirección e guión: Rodrigo Atiénzar;  e "La terrible malédiction" (Bélxica, 2009). Dirección e guión: Stephane Papet.

Venres 23
Fundación Luís Seoane (Rúa San Francisco, s/n.)
20:30
As entradas recolleranse por anticipado en Alita Comics (Rúa Orzán, 110) e a Peluquería Oh Dios mío! (Rúa Orzán 25).

Por vez primeira a Fundación Luís Seoane participa no Festival Freakemacine 2.0 coa proxección dunha escolla das curtametraxes de ciencia ficción e fantásticas que participan neste certame:
- "Birdboy" (España, 2010). Dirección e guión: Pedro Rivero, Alberto Vázquez. Duración: 12 minutos.
- "Tufty" (Irlanda, 2009). Dirección e guión: Jason Bultler, Brendan Butler. Duración: 8,30 minutos.
- "Deus irae" (Arxentina, 2009). Dirección e guión: Pedro Cristiani. Duración: 14 minutos.
- "Juan con miedo" (España, 2010). Dirección e guión: Daniel Romero. Duración: 11 minutos.
- "El círculo Goligher" (España, 2008). Dirección, guión e producción: Jaime Herrero Llácer. Duración: 19 minutos.
- "Scape" (Estados Unidos, 2010). Dirección: Andrés Rosende. Duración: 16 minutos.
- "Martians go home" (España, 2006). Dirección: Dani Moreno. Duración: 20 minutos
- "Clemency" (Estados Unidos, 2009). Dirección: Joseph Albanese. Duración: 18 minutos.
- "St. Cristophorus Roadkill" (Alemaña, 2010). Dirección: Gregor Elder. Duración: 24 minutos.

Sábado 24
Fórum Metropolitano
19:00
Entradas: 5 euros (abono familiar de 3 entradas por 12 euros).

Dentro do ciclo "Teatro en Familia", representación de "Oh, que bonito é Panamá!". Unha fermosa caravana é o fogar de Oso pequeno e Tigre pequeno, no bosque, á beira do lago. Oso pequeno pesca e cociña e Tigre pequeno recolle cogomelos. Un día, Oso pequeno pesca unha misteriosa caixa con olor a plátano que leva inscrita a palabra "Panamá" e deciden emprender viaxe. Un xogo de teatro, marionetas, música e clown coa inocencia, a amizade, o respecto á natureza e a felicidade das pequenas cousas como protagonistas absolutos. Por Panamesiana Teatro, con Con Mónica García, Tomás Lijó e Petra Hofmann, baixo a dirección desta última. Para público maior de 4 anos.

Venres 23
Auditorio do Conservatorio Profesional de música da Coruña
20:00
Entrada libre até completar capacidade.

Recital de Alba López (soprano), dentro do Ciclo "As novas voces galegas".

Venres 23
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

No ciclo "Foules sentimentales", proxección de "White material (Una mujer en África)" (Francia, 2010, 101 minutos, V. O. S. en castelán). Dirección: Claire Denis. O exército prepárase para restablecer a orde. Tamén para eliminar ao oficial rebelde coñecido como "O Boxeador" e liberar o país dos nenos soldados que deambulan sen saber onde ir. Os estranxeiros marchan, mais María Vial non está disposta a deixar a súa plantación de café. Ela, o seu sogro e o seu ex marido están convencidos de que Chérif, o alcalde dun pobo veciño, protexerá as súas vidas. Ten garda persoal, unha milicia privada con homes armados e ben adestrados.

Venres 23 e sábado 24
Teatro Rosalía de Castro
20:30
Entradas: 8, 10, 13 e 17 euros (carné xove, maiores de 65 anos, desempregados, desconto dun 20%).

Dentro do Ciclo Principal, representación de "El evangelio según Pilatos", de Eric-Emmanuel Schmitt. "Pilatos, que ao lavarse as mans condénao á morte, non admite a resurrección de Xesús de Nazaret. Inicia unha busca, entre desesperada e poliaca, do cadáver que desapareceu da tumba, para atallar así o rumor da volta á vida do "mago de Nazaret", porque está convencido de que este asunto só lle traerá problemas. Pero as súas investigacións, moi constantes e intensas, sempre fracasan. O corpo non aparece. Ademais a súa esposa Claudia Prócula, da que está moi namorado, vaise pouco a pouco facendo cristiá. Nace o cristianismo, os discípulos e a mesma Claudia afirman ver a Xesús resucitado". Con Joaquín Kremel, José Luis Madariaga e Julia Torres. Adaptación e dirección: José Sámano.

"Kynodontas", de Yorgos Lanthimos (Grecia, 2009, 93 minutos, V. O. S. en castelán), dentro do ciclo Estreas en V. O., na Sala Marilyn Monroe, N. R. M. de 18 anos. Coa complicidade da súa esposa, o propietario dunha empresa de seguridade educa os seus tres fillos completamente fóra do mundo, illados na casa que os viu crecer, enganados, convencidos de que un avión que suca o ceo non é máis que un simple xoguete, ou que os gatos son criaturas perigosas. Proxeccións: xoves 22 ás 20:15; venres 23 ás 20:15 e 22:45; sábado 24 ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). Abono de 5 entradas por 12 euros. As sesións do venres ás 22:45 e a do sábado ás 17:15, 1,50 euros.

"Mammut", de Lukas Moodysson (Suecia, 2009, 127 minutos, V. O. S. en castelán), N. R. M. de 12 anos, dentro do ciclo O novo cine nórdico, na Sala Fernando Rey. Leo é un home que alcanzou o éxito na industria dos videoxogos. E Ellen, a súa muller, traballa como médico. Ambos viven en Nova York coa súa filla pequena, que, debido a que os seus pais están absortos nos seus respectivos traballos, pasa a maior parte do tempo cunha coidadora chamada Gloria, asunto que preocupa en gran medida a Ellen, medorenta de perder o agarimo da pequena. Un día, e debido a un asunto de negocios, Leo deberá realizar unha viaxe ao estranxeiro, e a partir dese momento terá lugar un cúmulo de feitos que afectarán de forma profunda á súa vida familiar. Proxeccións: xoves 22 ás 20:30; venres 23 ás 20:30 e 23:00; e sábado 24 ás 17:30 e 20:30 h. Entradas: 3 euros (carné xove, maiores de 65 anos e desempregados/as, 2 euros). Abono de 5 entradas por 12 euros. As sesións do venres ás 23:00 e a do sábado ás 17:30 h., 1,50 euros.

Mércores 21
Normal (Paseo de Ronda 47 – Antiga Escola de Maxisterio)
21:00
Entrada libre até completar capacidade.

"Fume" é unha performance audiovisual da bailarina Ángela Blanco e o videoartista Miguel Mariño.

Xoves 22
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

No ciclo "Foules sentimentales", proxección de "La fille du RER" (Francia, 2008, 105 minutos, V. O. S. en castelán). Dirección: André Téchiné. Jeanne vive nunha casa nas aforas xunto á súa nai Louise. Lévanse ben. Louise gaña a vida coidando cativos, mentres Jeanne procura traballo sen moita convicción. Un día, Louise le un anuncio por internet que lle fai crer que o destino intervén. Ten a esperanza de que a firma de Samuel Bleistein, un coñecido avogado figura da súa xuventude, contrate á súa filla. O mundo de Jeanne e o de Bleistein están lonxe, pero unha incrible mentira de Jeanne fará que se atopen.

Do martes 11 ao xoves 13 de outubro
Manicómicos (Rúa Andrés Gaos, 16, baixo)
De 17:00 a 21:00 h.
Contacto e inscripcións:  manicomicos at hotmail.com – Tlfnos: 981262604 / 692213292. O prezo xeral é de 60€, pagables o primeiro día do taller (prazas limitadas: reservas por orde de inscrición).

Taller de improvisación libre para músicos, bailaríns, artistas escénicos, poetas... con Chefa Alonso. "Para os que aínda non me coñecen e para os que se están preguntando e que nos ensinará Chefa?, aquí van unha serie de ideas e propostas de traballo, que non vos explico en detalle porque para iso está o taller, pero que vos poden dar unha idea do que imos facer. En termos xerais, exporei diversos exercicios para traballar aspectos específicos da improvisación e tamén (máis ben ao final), contareivos un pouco sobre os meus sinais e os meus criterios de condución:
1. Apertura e procura: desaprender o aprendido. Sós e dúos encadeados.
2. Debuxando o esqueleto: outras referencias. Miniaturas.
3. Buscando o propio espazo: onde e cando bailar. O tres desexos.
4. O só e o fondo: cando asollar e cando integrarse no grupo. Grupos con solistas.
5. Buscar o noso propio material ou desenvolver un material dado. Os sós.
6. O traballo en grupo. A orquestra ou o corpo de baile."

Máis información neste enlace á web de Manicómicos.

Mércores 21
18:00 e 21:00
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

No ciclo "Foules sentimentales", proxección de "Un cuento de navidad" (Francia, 2008, 150 minutos, V. O. S. en castelán). Dirección: Arnaud Desplechin. Unha muller madura, Junon Vuillard, descubre que padece unha enfermidade xenética que anos atrás acabou coa vida dun dos seus catro fillos. Achégase o Nadal e ten que atopar un donante entre os membros da súa familia. Paul, o seu neto, un adolescente problemático, parece o candidato apropiado. Toda a familia vai pasar tres días na casa de Roubaix. Por moitas razóns agochadas é o momento de axustar contas.

Do venres 16 ao xoves 22
Fórum Metropolitano
De 09:00 a 21:00 horas
Entrada libre até completar capacidade.

A exposición "Mulleres Mayas Unidas" contén 50 imaxes realizadas por mulleres indíxenas guatemaltecas que mostran desde unha rigorosa perspectiva de xénero, a realidade cotiá a partir da súa propia experiencia. As catorce protagonistas recibiron un curso de fotografía documental como ferramenta para contar a súa historia e a das súas comunidades: Mª do Mar, O Triunfo, A Verde de Aztlán. O propósito da mostra é romper cos estereotipos e prexuízos que crean unha subxectividade única e estática da muller indíxena.

Luns 19
Portas Ártabras (Rúa Sinagoga 22, baixo)
19:45
Entrada libre até completar capacidade.

Proxección, no ciclo "Patrimonial cultural en tempo de guerras", de "Las cajas españolas", de Alberto Porlán, onde se tratan aspectos da intrincada historia do traslado do tesouro do Museo do Prado a Xenebra durante a Guerra Cívil