O Planetario da Casa das Ciencias conectará este venres co Instituto de Astrofísica de Canarias para ver traballar en directo os seus telescopios. As persoas que desexen asistir a esta actividade, que é gratuíta, deben reservar praza chamando ao teléfono 981 189 844.

Será este venres, 23 de abril, ás 21:45 horas, e durante un par de horas realizarase unha conexión dende o Planetario da Casa das Ciencias co Instituto de Astrofísica de Canarias (IAC). Durante a sesión o público poderá ver traballar en directo os técnicos do telescopio IAC80 e charlar con eles a través de webcam e chat, o que permitirá pedirlles imaxes dalgún obxecto. Tamén se ensinará aos asistentes a localización do telescopio e, se as condicións o permiten, conectarase coa sala de control do Gran Telescopio Canarias (GTC) para saudar aos astrónomos que estarán a traballar esa noite no que actualmente é o telescopio de maior tamaño instalado no mundo.

Casa das Ciencias (Parque de Santa Margarida - A Coruña).
Entrada gratuíta. Aforamento limitado.

Un paso máis do ciclo de recitais poéticos dirixido pola poeta Yolanda Castaño e organizado pola Concellaría de Cultura do Concello da Coruña coa participación mañá martes 20 de abril dos escritores Kirmen Uribe e María Lado. O acto comezará ás 20:30 na Casa da Cultura Salvador de Madariaga (rúa Durán Loriga, 10).

Kirmen Uribe "naceu nunha familia vencellada á pesca. Licenciouse en Filoloxía Vasca en Vitoria e cursou estudos de postgrao de Literatura Comparada en Trento (Italia). O seu primeiro premio literario importante recolleuno en 1995 cando estaba a cumprir condena por ser insumiso e negarse a ir ao servizo militar obrigatorio. O 14 de outubro de 2009 concédenlle o Premio Nacional de Narrativa 2009 pola súa obra Bilbao-New York-Bilbao." (Wikipedia)

«A maría lado parírona alá por 1979 nun coche da velvet underground nalgún lugar da nada que une a nada do cee que figura oficialmente como lugar de nacemento e santiago de compostela, a gran nada no centro da nada.

Pero ela non podía con ese baldeiro e medrou enchéndoo de pegadas. ten publicados tres libros con textos deses que non chegan ao final da liña: a primeira visión (letras de cal, 1997), casa atlántica casa cabaret (xerais, 2002) e berlín (concello de santiago-El correo gallego-aelg, 2005). [...]» (AELG)

Este luns 19, dentro do ciclo "Luns con ciencia", Juan Freire (Universidade da Coruña) ofrecerá a conferencia "A biodiversidade no medio mariño". Será ás 20:00 na Domus.

Entrada: libre até completar capacidade.

A sede da Fundación Caixa Galicia no Cantón acolle desde onte a exposición ‘Posgraffiti, xeometría e abstración’ incluida no programa do MUAU (Museo Urbano de Arte Urbana) impulsado polas concellarías de Cultura, Igualdade e Participación Cidadá, e Turismo xunto coa Fundación Caixa Galicia e a Deputación da Coruña. A mostra, presentada durante a mañá aos medios de comunicación, proponse como a primeira dunha serie de exposicións próximas á arte urbana. Nela estudiaranse as súas diferentes formas, épocas e tendencias, funcionando como unha ferramenta historiográfica, didáctica e por suposto, intelixible. Nesta edición cóntase coa participación de artistas invidados como Momo, Eltono, San Bassett e Marlon de Azambuja. Trátase dunha exposición que reflexa a idea do arte urbano como un evento máis que coma un obxecto na que se trata de reflectir o verdadeiro significado deste tipo de arte nunha exposición que aliméntase da rúa.
Tamén dentro do MUAU e complementando a exposición que poderase visitar desde mañá ata ao vindeiro 27 de xuño, a Concelleira de Igualdade e Participación Cidadá, Margarida Vázquez, destacou a intervención que terá lugar mañá pola tarde no barrio do Ventorrillo na que participará ‘El niño de las pinturas’ xunto con artistas locais e ofrecerá a continuación un obradoiro baixo o nome ‘Muralismo; a escala, do boceto ao muro”.

A CIDADE QUE LE ~ A CORUÑA 2010 é unha campaña que ofrece unha programación resultado do traballo de moitas persoas desta cidade, de colectivos, de entidades convencidas do valor e da necesidade de ler e de ler máis. Algunhas das actividades que aquí apuntamos teñen un carácter de excepcionalidade porque responden ás efemérides propias do ano ou porque xorden neste momento, mais sérvennos de motivación para dedicarmos un esforzo extra para reivindicar, para celebrar, para impulsar, para chamar máis xente á lectura. E nacen, desde logo, con vocación de facerse estables e permanentes.
O certo é que a maioría das propostas son actividades permanentes ou de ciclo anual xa consolidadas nas bibliotecas, pero tamén noutros espazos, impulsadas pola Concellaría de Cultura mais tamén polas outras bibliotecas públicas da cidade e pola Asociación de Escritores en Lingua Galega, pola Real Academia Galega, por asociacións culturais, pola Fundación MM, Fundación da biblioteca da Casa do Consulado, pola ASPG, pola Asociación de libreiros, por AGPI, pola Deputación, pola Universidade, pola Xunta de Galicia, por moitos coles, pola Casa Museo Emilia Pardo Bazán, pola Escola Pablo Picasso, pola Escola de Imaxe e Son, por galerías de arte, por empresas privadas....

E como a unión fai a forza así todas xuntas conforman un programa de amplo espectro en diversidade de contidos, formatos, tempos, idades. Hai oferta para todos os gustos e necesidades. Na cidade lectora que é A Coruña imos ter neste ano 2010….

Poderase ir consultando o programa na páxina específica de A CIDADE QUE LE.

Este martes, 6 de abril ás 18:00h na Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña: Mesa Redonda sobre Comercio Xusto e Consumo Responsable".
Participarán:Clara Raposo González (membro da ONG A Cova da Terra e especialista en Comercio Xusto e Agricultura Ecolóxica), Carmen Beltrán Moreiras (responsable da Tenda Ecolóxica da ONG Intermón Oxfam), María Paz Gutiérrez (Directora da ONG Solidaridade Internacional Galicia), membros da Cooperetiva de Consumo Responsable"Zocaminhoca" da Coruña.

Organiza Enxeñería Sen Fronteiras Galicia e a Oficina de Cooperación e Voluntariado da Universidade da Coruña.
Máis información na páxina web oficial do curso e Facebook.
- Enxeñería Sen Fronteiras Galicia
Escola Técnica Superior de Enxeñeiros de Camiños, Canais e Portos.
Campus de Elviña, s/n.
981 16 70 00 Ext.: 1479
info@galicia.isf.es
http://www.galicia.isf.es

- Oficina de Cooperación e Voluntariado da UDC
Facultade de Socioloxía.
Campus de Elviña, s/n.
981 16 70 00 Ext.: 1740
ocv@udc.es
http://www.udc.es/cooperacion