A Concellaría de Cultura presentou hoxe dous folletos, que deixamos á libre disposición do público en formato .pdf (pódense descargar nesta páxina):

- "O Rosalía de Castro da Coruña, Teatro da liberdade", de Xurxo Taxes: O Rosalia de Castro, teatro da liberdade, por Xurxo Taxes.

- "Santo Amaro dos Mortos", un traballo sobre o Cemiterio do mesmo nome: Santo Amaro dos mortos.

A Asociación Cultural Xacarandaina convoca unha nova edición da Ludoteca de Nadal, un entretemento asegurado, coa que se contará con cine de animación en pantalla xigante, xogos tradicionais e cooperativos, manualidades, globoflexia, lectura, cultura tradicional etc. Poderán apuntarse todas as nenas e nenos de 3 a 12 anos. Os días nos que se elaborará a ludoteca son o 23, 24, 27, 28, 29, 30 e 31 de decembro e o 3, 4, 5 e 7 de xaneiro. O horario comprenderá de 09:00 h. a 14:00 h. (5 horas de diversión garantizada!). Os interesados poden consultar máis información no teléfono 981-277315, no correo electrónico  info at xacarandaina.com, ou na propia páxina web da entidade.

Sábado 27
Domus (Rúa Santa Teresa, 1)
16:45
Entrada: 1 euro, con inscrición previa na Domus, no teléfono 981-189840.

Nesta nova edición de ExploraDomus, os pequenos exploradores verán a nova película en 3D "SOS Planet", e a continuación farán experimentos con fenómenos importantes para a vida no noso planeta. Os participantes farán un experimento para explorar que é o efecto invernadoiro, comparando as diferenzas nunha planta cando está dentro dun pequeno invernadoiro e cando está fóra del. ExploraDomus é unha actividade dirixida a nenos e nenas de entre 6 e 10 anos, e ten lugar na Domus os sábados ás 16:45 horas. A duración da actividades é de hora e media.

Como en anteriores anos o Programa Lecer no Outono do 2010 ofrece á cidadanía un amplo abano de obradoiros e actividades dirixidas a todos os públicos (aquí se pode descargar en .pdf o Lecer Outono 2010):
- Cidade: Coñecer Coruña e Coruña, á túa vista, introdución ao uso das cámaras dixitais e á fotografía artística dixital.
- Música: Paixón pola música, A golpe de música, Os misterios da ópera, e Descubre o jazz.
- Literatura: Relatos creativos, As nosas letras, Cunha pluma... A Coruña, Os roteiros da literatura, e Actualidade literaria.
- Arte e Historia: Explorar as exposicións, Emociónate coas artes, O mundo da pintura, A volta ao Mundo en..., O Renacemento, e Personaxes, momentos e lugares da nosa cultura.
- Ciencias: Baixo o firmamento, para descubrir entretidamente o universo.
- Cine e teatro: A historia do cine, Filmoteca Fórum, Descubrindo o teatro. Iniciación, A escena en acción. Perfeccionamento, Xuntos ao Rosalía, onde se tratarán as postas en escena presentadas no Teatro Rosalía.
- Manualidades: Tapiz en alto lizo, Tapiz gobelino, Artesanía galega, e Domadores de coiro.
- Habilidades sociais e mentais: Pensando polo mundo, Cos cinco sentidos, Ximnastas do intelecto e A actualidade a debate.
- Monográfico: Luís Seoane, cun achegamento á súa figura en todos os seus contextos.
- Oferta específica para maiores de 65 anos: Fagamos memoria I e II e Memoria da Cidade.
- Nunca é tarde: obradoiros de iniciación á lectura e á escritura, Nivel I e Nivel II.
- Oferta específica para nenos/as: Xogando no Fórum.

Condicións para os obradoiros de lecer:
- Destinatarios: A oferta diríxese preferentemente ás persoas empadroadas no concello da Coruña.
- Preinscrición: Os días 13, 14 e 15 de setembro as persoas interesadas en solicitar unha reserva de prazas para os obradoiros, poderán facelo na conserxaría do Fórum Metropolitano de 9:00 a 14:00 e de 16:00 a 20:00 horas. Cada solicitante poderá anotar ata catro obradoiros na ficha, tendo en conta que a adxudicación respectará a orde fixada polo solicitante e esta non poderá ser modificada unha vez realizado o sorteo. Cada solicitante recibirá un número que servirá para poder fixar a orde de preferencia. Adxudicaranse un máximo de dous obradoiros agás no caso de que queden prazas libres.
- Sorteo: As solicitudes ordenaranse a partir do día 16 de setembro, de forma correlativa, comezando polo número que corresponda no sorteo público que se realizará as 10:00 h. na conserxaría do Fórum Metropolitano. Unha vez adxudicado o número máximo de participantes a un obradoiro, o resto de peticións formarán parte dunha listaxe de agarda segundo a orde do sorteo.
- Inscrición: As reservas serán adxudicadas segundo a orde fixada polo sorteo. Será necesario formalizar a inscrición dos días 20 ao 22 de setembro na conserxaría do Fórum Metropolitano de 9:00 a 14:00 e de 16:00 a 20:00 horas. As prazas reservadas só poderán ser ocupadas polos gañadores do sorteo. As prazas non ocupadas durante estes tres días adxudicaranse ás persoas na listaxe de agarda.
- Listaxe de agarda e prazas vacantes: As persoas na listaxe de agarda terán preferencia en ocupar as prazas non feitas efectivas polas reservas do taller correspondente. O resto de prazas vacantes nos diferentes obradoiros poderán ser ocupadas polo público en xeral, ainda no caso de que xa lle fosen concedidas prazas en dous talleres. A partir do 23 de setembro as persoas interesadas en solicitar prazas vacantes nos obradoiros, poderán facelo na conserxaría do Fórum Metropolitano de 9:00 a 14:00 e de 16:00 a 20:00 horas. As prazas serán adxudicadas por orde de petición, agás nos obradoiros con listaxe de agarda.
- Pago de cotas: Os obradoiros teñen fixada unha cota. Os maiores de 65 anos só aboarán a metade da cota. Ao formalizar a inscrición aboarase a cota fixada. Prezo: 24 euros.
- Participación:Os/as novos/as participantes terán preferencia nos obradoiros con prioridade a novos participantes, aínda que por sorteo estean máis lonxe do número agraciado no sorteo; en caso de prazas vacantes, terán a posibilidade de se anotaren e repetiren obradoiro.
- Inicio dos obradoiros: A partir do 27 de setembro, no día e hora que lle correspondan a cada obradoiro. As persoas que falten a máis do 50% das sesións perderán todos os dereitos de matrícula.

Clubs e círculos
Clubs. Son agrupacións de persoas cun interese común que tratan de indagar en profundidade sobre a temática elixida. Desta forma, convértense en foros participativos de reunión para intercambiar ideas, experiencias e valoracións que enriquezan todos os seus integrantes.
Círculos. Son actividades dedicados a unha temática concreta que están dirixidas por unha persoa que de modo voluntario comparte os seus coñecementos cos demais.
Inscrición. As persoas que xa formaban parte destas actividades conservan a súa praza, mais deben confirmala na conserxaría do Fórum Metropolitano ata o 8 de outubro (de luns a venres de 9:00 a 14:00 e de 16:00 a 20:00 h), mentres que os novos participantes poderán solicitar estas actividades anotándose nas listaxes correspondentes na conserxaría do Fórum Metropolitano a partir do 20 de setembro. No caso de existir vacantes as persoas admitidas serán avisadas telefonicamente por rigorosa orde de inscrición para iniciar a actividade a partir do 11 de outubro. Os clubs e círculos comenzarán a partir do 27 de setembro igual que os obradoiros.
Clubs: Palillos, Labores, Lectura, Canastra, Pintura, Filosofía, Tapiz no alto lizo, Sendeirismo, Tapiz gobelino, Abelorios e Comparte aficións.
Círculos: Técnicas de encaixe, Manualidades e Pintura.

FORMACIÓN PARA DINAMIZADORES XUVENÍS

-Data: 17 de xullo de 2010
-Destinatarios: mozos e mozas entre 14 e 30 anos
-Lugar de realización: Vilasantar, Escola de Agricultura Ecolóxica
-Horario: das 9.00 ás 19.00 h (saída en bus desde o Fórum)
-N.º de prazas: 25
-Inscrición: do 1 de xullo ao 10 de xullo, a través da web: www.coruna.es/nex.

Esta xornada formativa, dirixida a mozos e mozas de 14 a 30 anos, pretende achegar ferramentas básicas para a dinamización e a participación xuvenil no contexto do ocio. A liña de traballo nesta xornada, así como a estrutura e os contidos da proposta, serán flexibles e adaptables aos participantes, conxugarase a parte formativa, coa cal se iniciará un percorrido educativo sobre diversos centros de interese (educación, xénero, medio ambiente, interculturalidade...) e ámbitos de actuación (físico-deportivo, cultural, artístico, tecnolóxico...), o que propiciará un coñecemento sobre as opinións da xente nova e os seus recursos e a dinamización, posibilitando deste xeito aos/ás participantes a posta en práctica das ideas e propostas de creación propia.

Do 1 ao 30 de xullo, de luns a venres
De 09:30 a 13:30
A. C. Xacarandaina
Prezos: socios 6 euros por día ou 100 euros todo o mes; non socios 8 euros por día ou 150 euros todo o mes.

Durante todo o mes de xullo, nas mañás de luns a venres, a A. C. Xacarandaina organiza a Ludoteca de Xaca, con cinema de animación en pantalla xigante, xogos tradicionais, obradoiros, lectura e cultura tradicional. Está destinada a nenos entre 3 e 10 anos. Máis información aquí.

A Concelleira de Cultura, María Xosé Bravo, presentou hai uns días o programa Lecer no Outono 09 do Forum Metropolitano que este ano ofertará 850 prazas e conta cunha amplia e variada oferta de obradoiros e demáis actividades nas que se teñen en conta todos os públicos.

Así atopamos dentro destes obradoiros de lecer os relacionados coa cidade como Coñecer Coruña, O que contan os nosos barrios ou o novo Coruña, a túa vista que suporá unha introdución ao uso das cámaras dixitais e á fotografía artística dixital como xeito de entretemento e relación social.

No apartado musical hai actividades como Paixón pola música, A golpe de música, As outras músicas ou Descubre o jazz no que se amosan dende as orixes ata as últimas tendencias con audicións orientativas e actividades complementarias.

Nos obradoiros literarios inclúense a Actualidade literaria, Os roteiros da literatura galega, Relatos creativos ou Cunha pluma... A Coruña no que se darán a coñecer escritores e persoaxes ilustres viviron, contaron, crearon e transformaron a historia da nosa cidade.

En Arte e historia atopamos Explorar as exposicións nas que se ensinarán os principios básicos e visitarán as distintas exposicións da cidade, Emociónate coas artes, O mundo da pintura, As nosas mitoloxías, Ao longo do Camiño no que será unha aproximación aos Camiños de Santiago como un compendio de artes que conforman un fiel reflexo da cultura: arte, literatura, arquitectura, sociedade, ... con saídas e actividades complementarias.

Ademáis haberá outros moitos obradoiros relacionados coas ciencias, cine e teatro, manualidades, habilidades sociais e mentais, e un monográfico sobre Patimonio da Humanidade no que se fará un achegamento aos distintos contextos históricos, artísticos, literario, social... que influíron dalgun xeito na Humanidade ao longo do tempo e que son distinguidos por iso.

En canto a oferta específica para maiores de 65 anos incluese un novo obradoiro As mates na rede no que se favorecerá a memoria por medio de propostas variadas a través dos programas informáticos na rede.

O programa inclúe ademáis distintos clubes e círculos nos que os que o desexen pódense unir e compartir afecións. Asi existen os clubes de lectura, sendeirismo, tapiz no alto lizo, tapiz gobelino, de palillos, labores, canastra, pintura, e filosofía.

A oferta do programa Lecer no Outono dirixese preferentemente ás persoas empadroadas no concello da Coruña. O prazo de preinscripción vai do 8 ao 10 de setembro. Os obradoiros teñen fixada unha cuota de 24 euros por cada actividade e os maiores de 65 anos só abonarán a metade.

->Descargar folleto do programa Lecer no Outono en PDF

O vindeiro 16 de xuño ábrese o prazo de inscrición para os campamentos de verán do Fórum que terán lugar entre o 29 de xuño e o 21 de agosto. Nun total de catro quendas baixo as temáticas Baixo un manto de estrelas, Un misterio por resolver, Mitos mariños e Artistas do cómic pretenden que os nenos e nenas da Coruña teñan a posibilidade de ocupar parte do seu tempo de lecer estival a través de todo tipo de producións plásticas, musicais, motrices, de expresión otral e escrita... cuxa finalidade é a relación grupal entre os participantes e o descubimento da súa cidade. Nesta edición dos campamentos Fórum destácase especialmente o seu enfoque cultural. Utilizaranse especialmente os recursos que neste sentido ofrece a cidade e faranse saídas relacionadas coas temáticas de cada quenda.

Duración: Haberá quendas de dúas semanas, con actividade de luns a venres das 10:00 ás 14:00 horas, agás o último día de campamento en que se prolongará o horario até as 17:00 h para realizar unha xornada de convivencia, fóra da cidade. As familias que o desexen poderán solicitar a ampliación de horario de 09:00 a 10:00 h, no momento da inscrición.

1.ª quenda: do 29 de xuño ao 10 de xullo
2.ª quenda: do 13 ao 24 de xullo
3.ª quenda: do 27 de xullo ao 7 de agosto
4.ª quenda: do 10 ao 21 de agosto

Participantes: Poderán participar os/as nenos/as nados/as entre 1998 e 2005, agrupados por idades. Terán preferencia os menores empadroados no Concello da Coruña.

Cota: O prezo será de 26 euros por participante e quenda.

Horarios de inscrición: Terá lugar no Fórum Metropolitano das 9:00 ás 14:00 h e das 16:00 ás 20:00 h.

Proceso de inscrición nos campamentos do Forum: Realizarase a inscrición no Fórum Metropolitano. Cada participante poderá inscribirse nun máximo de dúas quendas. No caso de non cubrir as prazas, poderase optar ás prazas vacantes nas outras quendas. Do 16 ao 19 de xuño poderán inscribirse os nenos empadroados e as nenas empadroadas na cidade da Coruña. O día 22 de xuño abrirase o prazo de inscrición para as prazas vacantes e os nenos e as nenas empadroados fóra da cidade.

Temáticas

Baixo un manto de estrelas - 1ª quenda : No 2009 celébrase o Ano Internacional da Astronomía, da que se di é a ciencia máis antiga da humanidade. Descubrir de xeito entretido as estrelas, os planetas, o universo, con prácticas e experimentos, fará de todos nós uns intrépidos coñecedores do máis lonxano. Saída curta: Casa das Ciencias. Saída longa: Entorno cercano a cidade.

Un misterio por resolver -  2ª quenda: A través de adiviñas, enigmas e probas buscaremos infinidade de segredos, coñeceremos e descubriremos dunha forma diferente os libros, a cidade, os persoaxes, o medio que nos rodea, e un largo etcétera. Saída curta: Kiosco Alfonso. Saída longa: Entorno cercano a cidade.

Mitos mariños -  3ª quenda: A posibilidade de coñecer e descubrir as historias do mar, os seres mitolóxicos que viven nel, as lendas e contos populares achegarannos o mar de forma entretida e moi variada a través de distintas actividades. Saída curta: Casa dos Peces. Saída longa: Entorno cercano a cidade.

Artistas do cómic -  4ª quenda: Por medio de distintas expresións plásticas experimentaremos con variados materiais, para poder aventurarnos no mundo do cómic: moitas perspectivas e sobre todo moita imaxinación. Saída curta: Viñetas do Atlántico Casa das Ciencias. Saída longa: Entorno cercano a cidade.

Descargar folleto en PDF.