Mércores 7
Teatro Rosalía de Castro
20:30
Entrada libre até completar capacidade.
"Homenaxe a Manuel María", no sétimo cabodano do seu falecemento, coa estrea do audiovisual "De amor e cantería", de Pixel Films, dirixido por Anxa G. Refoxo e realizado por Mikel Fontes, traballo de 10 minutos de duración que recrea os poemas de "Sonetos á casa de Hortas" nos que o autor chairego expresa a significación que para el tivo a súa casa natal en Outeiro de Rei. Posteriormente terá lugar a actuación musical de Xabier Díaz e Guillerme Fernández, no que estrearán cinco pezas sobre poemas de Manuel María e outras gravadas en traballos anteriores.
Martes 6
Taller de Litografía Milpedras (Rúa Brasil, nº 3)
21:45
Entrada libre até completar capacidade.
Proxección das 15 curtametraxes finalistas do Festival Itinerante 5C (5 Céntimos), organizado pola Asociación Ad'Art. É o resultado dunha convocatoria internacional na que 5C propón aos participantes usaren os novos dispositivos de gravación (móbiles, cámaras web, mini-cámaras dixitais, etc.) e as novas ferramentas de edición audiovisual para facer pezas dun máximo de dez minutos. O certame é un punto de encontro de creacións de diferentes partes do mundo e que proceden tanto de pequenas productoras como de grupos de amigos, familias ou escolas de audiovisual. Este acto conta coa colaboración do Taller de Litografía Milpedras e o Proxecto Cárcere.
Entre o luns 8 e o domingo 14, Viñetas desde o Atlántico converte a rúa "Paseo de coches", nos Xardíns de Méndez Núñez, na "Rúa da Banda Deseñada". Nela sitúanse as casetas da feira de libreiros e editores e a Carpa do Cómic. Os horarios son: de 12:00 a 14:00 h.; e de 18:00 a 22:00 h. O acceso é libre para todo o público interesado.
O martes 9 de agosto terán lugar as seguintes actividades:
- 12:00 h. José Antonio Padrón, Ana Amado, Felipe Trillo e Alberte Pérez presentan "Barreira 13".
- 13:00 h. Presentación do DVD da curtametraxe "Radiografía dun autor de tebeos".
- 18:00 h. Iniciación aos xogos de rol.
- 18:30 h. Partidas de demostración de xogos de mesa e cartas.
- 20:00 h. Partidas de demostración de xogos de estratexia e pintura.
Sábado 30
Libraría Endo (Rúa Entrepeñas, 41, baixo)
Das 11:00 ás 20:00 horas
Entrada libre até completar capacidade.
As Xornadas "Anime Endo" están organizadas pola Libraría Endo e RKB Fansub, que se encargarán de traernos anime de estreo e anime da tempada pasada e películas subtituladas ao galego e ao castelán. Durante toda a xornada poderanse ver algúns dos animes de estreo de máis éxito entre os afeccionados, como son "Dog Days" e "Ao no exorcist", visionar series de animación de culto, como o capítulo semanal de "Naruto" ou "Durarara", o novo anime do creador de Baccano, para os otakus e fans da animación nipona. Haberá tempo para descubrir e comezar a ver "Deadman Wonderlans", e "Yojou-han Shinwa Taikei", e proxectaranse dúas películas: "Fate/stay night" e "Welcome to the space show". Adicionalmente, terán lugar concursos e charlas sobre anime.
Sábado 6
Libraría Endo (Rúa Entrepeñas, 41, baixo)
Das 11:00 ás 20:00 horas
Entrada libre até completar capacidade.
O Festival Tanabata 2011 é unha actividade lúdica, cultural e gratuíta se pode aprender e disfrutar dunha das festas populares estivais máis importantes de Xapón. O programa conta con charlas, proxeccións e obradoiros, celebrando a tradición ao colgar os desexos dos asistentes nunha árbore para logo queimalos.
Presentaración do programa infantil de planetario "La niña que sabía caminar al revés". É un conto boca abaixo, unha historia dada a volta que quere invitarnos a contemplar o que nos rodea desde un novo punto de vista. Aquí todo é diferente, e alí onde antes viamos soamente chan, agora quizá podamos ver o ceo. A estrea deste novo programa abre a campaña de verán na Casa das Ciencias, ampliando a oferta para os máis pequenos. É unha produción do Planetario de Pamplona adaptada ao planetario dixital da Casa das Ciencias, pensada para nenos e nenas de entre 6 e 12 anos.
Martes 28
Fórum Metropolitano
20:30
Entrada libre até completar capacidade.
Actuación do proxecto de fusión artística "Fuso Negro", tipo "spoken word", no que Xoán Abeleira (voz e percusión), Karlos Barral (percusión), Bruno Couceiro (batería), Julio Cuns (guitarra), Kale Thunström (baixo) e Tono Galán (obras, escenografía, fotos, vídeos...), fusionan, basicamente, a música, o teatro e a poesía de vangarda.
Do luns 20 de xuño ao venres 29 de xullo
Normal (Paseo de Ronda, 47)
De luns a venres: de 11:00 a 22:00
Entrada libre até completar capacidade.
"Acción #1" é unha exposición de Polaqia, o colectivo galego de comic, referente e multipremiado, que se despide xunto a dous nomes capitais de arte urbana actual e futura de aquí e de aí: Nin9 e Sr.X, cunha exposición que amosará un total 36 debuxos e páxinas de banda deseñada, así como un mural, vinilos e unha peza audiovisual.
Finalizan as "Xornadas do Cárcere" na Antiga Prisión Provincial, promovidas polo Proxecto Cárcere, coas seguintes actividades para o sábado 11:
- 11:30 h. Concentración da Comisión da Recuperación da Memoria Histórica coa presenza de persoas que por motivos políticos pasaron por esta prisión. Lectura do manifesto "Nós tamén estamos indignados" e colocación dunha placa conmemorativa lembrando a prisión como lugar de represión franquista, e como homenaxe a todas as persoas que loitaron pola liberdade e democracia.
- 17:30 h. Palestra "Represión Franquista e as vivencias na cadea". Charla a cargo da Comisión da Recuperación da Memoria Histórica coa participación de ex-presos políticos que estiveron no cárcere da Coruña.
- 18:30 h. Proxección de "O segredo da Frouxeira", coa presenza do seu director Xosé Abad, que tamén estivo no cárcere da Coruña.
Continúan as "Xornadas do Cárcere" na Antiga Prisión Provincial, promovidas polo Proxecto Cárcere, cun amplo programa de actividades que chegará até o sábado 11 de xuño.
As actividades do venres 10 son as seguintes:
- 16:50 h. Feira de troco de obxectos. Rede Troco Coruña e Cooperativa Zocamiñoca.
- 17:00 h. Charla-obradoiro: "Embarazo, maternidade e porteo respetuoso". Ser Doulas.
- 18:00 h. Coloquio sobre feminismo e a lei da familia. Cafés Feministas.
- 19:00 h. Debate aberto: "O futuro do cárcere. E ti que vas facer aquí?".
- 20:30 h. Presentación mundial do Grupo Surrealista Galego.
- 20:30 h. Performance: "Xénero Escea. Área de descanso". Compañía Gayo Pinheiro.
- 21:30 h. Música: "Fados de Lisboa". Gonçalo Guerreiro.
- 22:00 h. Danza: "Bótoche unha man?". Compañía Catro no metro.
Actividades continuas:
- "Da horta á mesa! Consumo consciente e responsábel". Elaboración de petiscos de produción local e ecolóxica seguindo princípios de consumo consciente e responsábel. Cooperativa de Consumo Responsábel Zocamiñoca.
- Actividade participativa: Mural feminista. Colectivo Nomepisesofreghao.
A Plataforma Proxecto Cárcere convida a participar das Xornadas de Portas Abertas no Antigo Cárcere Provincial da Coruña que terán lugar do mércores 8 ao sábado 11 de xuño. A inauguración das xornadas está prevista para o mércores 8 de xuño ás 18:30 horas.
Durante as xornadas realizaranse actividades sociais, culturais e da memoria organizadas por diversas persoas e colectivos da nosa cidade co fin de mostrar o grande potencial que ten este edificio, noutroras símbolo da represión, como espazo de encontro e liberdade dende onde a cidadanía podamos participar activamente na construción da nosa comunidade.
As xornadas son un paso máis nun proceso que comezou a finais do 2010 cando un grupo de aproximadamente 40 persoas e colectivos decidiu constituir a Plataforma Proxecto Cárcere e traballar conxuntamente cara á recuperación do antigo cárcere como centro sociocultural e da memoria. Por iso, alén de visibilizar in situ esta iniciativa enchendo o cárcere de actividades e persoas, e de promover o apoio e participación da sociedade coruñesa, pensan as xornadas como unha oportunidade de debater e reflexionar sobre a construción do proxecto xa cara a presentación futura dunha proposta firme e consensuada desde a participación e xestión cidadá. Con este fin haberá debates abertos á participación de todas as persoas e colectivos interesados en temas como: modelos de xestión e financiamento, titularidade do espazo, participación cidadá, construción de comunidade, creación e producción artistica, tecido asociativo da cidade, etc.
Alén da programación de actividades tamén se poderá visitar no mesmo cárcere de forma aberta durante os 4 días de xornadas a exposición LIBERDAD.É. Esta exposición é o resultado dun chamamento aberto para producir obras que explorasen o concepto de Liberdade como símbolo de ruptura co espazo que o cárcere ten representado historicamente no noso imaxinario. Nesta exposición participan por volta de 20 artistas con esculturas, videoarte, fotografía, pintura, instalacións, etc. A inauguración de LIBERDAD.É terá lugar o mércores 8 de xuño ás 19:15 h. despois da leitura do manifesto da "Plataforma Proxecto Cárcere".
Mércores 8:
19:00.- Inauguración das Xornadas: Lectura do manifesto Plataforma Proxecto Cárcere, acompañados do saxofonista Marcos Casás.
19:15.- Inauguración da exposición "Liberdad.é".
20:00.- Debate aberto: "Producción e xestión cultural".
21:30.- Obradoiro a cargo de Fredi Muíños do colectivo Manicómicos.
22:00.- Concerto de Manu Clavijo.
Actividade continua:
- Demostración e degustación: "Cociña solar e consumo responsábel". Juan Bello e Cooperativa Zocamiñoca.
- Mural participativo: "Cultura-Sociedade-Memoria". Plataforma Proxecto Cárcere.
Xoves 9:
19:00.- Debate aberto: "O movemento cidadán 15-M".
21:30.- Concerto de Álvaro Muras.
22:30.- "Cabaret As3": Carmen Cotelo, Noemí Miranda, Alba Fernández.
Venres 10:
16:50.- Feira de troco de obxectos. Rede Troco Coruña e Cooperativa Zocamiñoca.
17:00.- Charla-obradoiro: "Embarazo, maternidade e porteo respetuoso". Ser Doulas.
18:00.- Coloquio sobre feminismo e a lei da familia. Cafés Feministas.
19:00.- Debate aberto: "O futuro do cárcere. E ti que vas facer aquí?".
20:30.- Presentación mundial do Grupo Surrealista Galego.
20:30.- Performance: "Xénero Escea. Área de descanso". Compañía Gayo Pinheiro.
21:30.- Música: "Fados de Lisboa". Gonçalo Guerreiro.
22:00.- Danza: "Bótoche unha man?". Compañía Catro no metro.
Actividades continuas:
- "Da horta á mesa! Consumo consciente e responsabel". Cooperativa de Consumo Responsábel Zocamiñoca.
- Actividade participativa: Mural feminista. Colectivo Nomepisesofreghao.
Sábado 11:
11:30.- Concentración da Comisión pola Recuperación da Memoria Histórica da Coruña coa presenza de persoas que estiveron no cárcere por motivos políticos, lectura do manifesto "Nós tamén estamos indignados" e colocación de panel conmemorativo.
17:30.- Palestra: "Represión franquista e vivencias na cadea". Comisión pola Recuperación da Memoria Histórica.
18:30.- Proxección do documental "O segredo da Frouxeira", coa presenza de Xosé Abad.
ACTIVIDADES PERMANENTES
- Recepción: Punto de información con dípticos, camisetas, chapas.
- Ordenador con web cam para "fichar ao público e participantes" (foto de frente e perfil).
- Paneis temáticos participativos onde a xente poda participar activamente no proceso.
- Espazo de proxeccións: Lugar onde se proxecten en bucle vídeos.
- Bar: Estará aberto durante todas as xornadas. Serviremos cañas, auga, refrescos e algún pincho.
- Radio: Cuac FM.
- Cobertura fotográfica: Ollo de vidro / Lomo colectivo.
Do martes 7 ao xoves 30 de xuño
Casa Museo Casares Quiroga (Rúa Panadeiras, 12)
De martes a sábado: de 10:30 a 14:00 e de 17:30 a 20:00 h.
Domingos e festivos: de 10:30 a 14:00. Luns, pechado.
Entrada libre até completar capacidade.
"O corpo e o espazo" recolle traballos de alumnos da Escola de Arte e Superior de Deseño Pablo Picasso da Coruña, e permanecerá aberta todo o mes de xuño. A exposición terá dúas sedes, unha na Casa Museo Casares Quiroga e a outra na Escola de Arte e Superior de Deseño Pablo Picasso (Rúa Pelamios, 2). O visitante poderá atopar intervencións de pintura mural, videoarte, cerámica artística, deseño gráfico, escultura, fotografía, maquetas, proxectos de interiorismo e obras de dourado e policromía. Todos os diversos estudos que se poden cursar na Escola Pablo Picasso están representados. O fío condutor da mostra integra as diversas lenguaxes e manifestacións artísticas. A figura humana ten sido un dos temas fundamentais da arte de todos os tempos, esta mostra vai máis aló porque coas súas instalacións intervén e dialoga cos propios espazos da exposición.
7
14
