Do martes 1 ao xoves 10 de febreiro
CEIP Curros Enríquez
De 18:30 a 21:30
Matrícula: 99,99 euros. Inscrición no teléfono 666014494, no correo electrónico  cabare3 at gmail.com, ou mediante transferencia bancaria ao número de conta 2091 0004 10 3040015025 indicando como concepto o nome do alumno/a.

Curso de Cabaré e Casting para a Compañía Femme Fatale. Neste enlace pódese consultar o contido da Unidade Didáctica.

Sábado 23
Teatro Rosalía
20:30
Entradas: 7 e 11 euros (carné xove, maiores de 65 anos ou desempregados/as, 5 e 7 euros).

Un ano máis o teatro máis emblemático da cidade volve converterse nun cabaré para celebrar o 5º aniversario do Festival Galego de Cabaré e da Compañía Femme Fatale. 5 anos de traballo que se verán reflexados nun grande espectáculo con multitude de artistas en escena, entre músicos, actrices, bailarinas, cantantes, artistas da danza vertical, dos malabares ou da acrobacia, tecendo unha ponte entre Euskadi e Galicia, e ofrecendo unha gala que dá conta do traballo realizado e os proxectos futuros. Coa música en directo da St. James Street Band, as voces de Carla de Figueredo ou Izaskun Kintana, cos malabares de asSircópatas, a danza aérea de En Pie Aéreos, e coma sempre o cabaré puro e duro da Compañía Femme Fatale acompañadas nesta ocasión das artistas do novo proxecto que acaban de emprender Cabaré3 e hACERÍA Arteak en Bilbao. Coa colaboración especial de Amparo Novás, un dos talentos máis consolidados da danza contemporánea en Galicia ou con artistas convidados e espontáneos para esta ocasión. Máis información aquí. Pódese ver un resumo da anterior gala (2009) neste enlace.

Venres 22
Fórum Metropolitano
20:30
Entradas: 7 euros (carné xove, maiores de 65 anos ou desempregados/as, 5 euros).

Coralie Yap-Chine (París, 1984) é a cantante de Les Trois de Cora, unha banda que tenta achegar ó público galego a chanson francesa tecendo logo un espectáculo que mestura música e teatro. Forman o grupo, ademais de Cora, Olivier Cano e Alexandre Salgueiro, dous músicos galegos que se fan cargo dos teclados, as frautas ou o saxo. Acompáñaos nesta ocasión, a modo de cuarteto, Miguel Paz, que se ocupa das láminas e a multipercusión, enchendo a atmósfera cunha calidade musical de forte pegada. O programa completo pódese descargar neste ficheiro: Programa do Festival Galego de Cabaré 2010.

Venres 22
Bar Flotante (rúa Gómez Zamalloa, 26)
22:00
Entrada libre até completar capacidade.

Finalizan as actuacións en bares do 5º Festival Galego de Cabaré coa actuación de Peter Punk, un artista do clown, dos malabares ou da interacción co público que desenvolve unha actividade moi interesante nun espectáculo que el mesmo titula como "Chungo chungo que te cagas". O programa completo pódese descargar neste ficheiro: Programa do Festival Galego de Cabaré 2010.

Xoves 21
Bar Ink (rúa do Traballo, 11)
23:00
Entrada libre até completar capacidade.

Unha proposta de luxo a cargo da compañía vasca Tearto Teatro co seu espectáculo "El feeling es así", que, empregando un tocadiscos de vinilo, se recrea no mundo das pequenas cousas. O programa completo pódese descargar neste ficheiro: Programa do Festival Galego de Cabaré 2010.

Xoves 21
Fórum Metropolitano
20:30
Entradas: 7 euros (carné xove, maiores de 65 anos ou desempregados/as, 5 euros).

Investigando as orixes do cabaré en Europa, homenaxeando ao Dadá, Cabaret Voltaire ou á dupla Bretch-Weill, e acompañada de músicos de luxo como Luca Frasca ("Mastretta", "El show de Dodó", "Blue Perro") ou Raúl Márquez ("La cabra mecánica", "Sara Baras") entre outros, Pia Tedesco ofrece un espectáculo no que percorre, tema a tema a historia do cabaré dende a súa orixe até a actualidade, sempre en interacción co público e interpretando as súas cancións como auténticos textos dramatúrxicos. O programa completo pódese descargar neste ficheiro: Programa do Festival Galego de Cabaré 2010.

Mércores 20
Pub Garufa (rúa San Francisco,
23:00
Entrada libre até completar capacidade.

"Ás 3", da compañía formada por Carme Cotelo, Noemi Miranda e Vera López trasladan o seu cabaré á Sala Garufa. Sketches e monólogos moi simpáticos nun derroche de actitude poñendo unha lanza polas artistas da Coruña. O programa completo pódese descargar neste ficheiro: Programa do Festival Galego de Cabaré 2010.

Mércores 20
Fórum Metropolitano
20:30
Entradas: 7 euros (carné xove, maiores de 65 anos ou desempregados/as, 5 euros).

"Diva di Palo", de Tearto Teatro é unha obra de cabaré que os autores desta compañía vasca definen como dramón existencial, e que amosa un novo xeito de facer cabaré no que a dramaturxia cobra grande intensidade. Mergullándose no mundo da caspa máis "cañí" e narrando unha historia de certo paralelismo ao caso "Ángel Cristo / Bárbara Rey", retransmitindo a morte de Franco en directo, ou sorteando un xamón entre os asistentes ó espectáculo, Diva di Palo ofrece un novo xeito de facer cabaré, de enorme ritmo, e que desemboca nun desenlace de enorme enerxía e brillo actoral. A escenografía deste espectáculo ficará instalada no Auditorio do Fórum o resto dos días de espectáculos, convertendo o espazo nun cabaré moi coqueto e con engado de seu, para albergar as seguintes propostas escénicas que se darán cita dentro deste festival. O programa completo pódese descargar neste ficheiro: Programa do Festival Galego de Cabaré 2010.

Martes 19
Fórum Metropolitano
20:30 e 23:00
Entradas: 7 euros (carné xove, maiores de 65 anos ou desempregados/as, 5 euros. O aforo está limitado a 70 espectadores por pase).

Gañadora dos laboratorios de creación da Fira Tárrega 2009, "Copacabana" COPACABANA é unha cea-espectáculo na que os integrantes da Compañía Ponten Pie dirixida por Sergi Ots transforman o espacio escénico nun auténtico restaurante no que colocan ao espectador dende un punto de vista ben diferente: como comensal. Neste estrambótico restaurante nada é o que parece; e xogando co teatro de obxectos, teatro de sombras, máscaras ou cabaré, os integrantes da Compañía Ponten Pie farán as delicias literais dos seus comensais. A escenografía deste espectáculo ficará instalada no Auditorio do Fórum o resto dos días de espectáculos, convertindo o espacio nun cabaré moi coqueto e con engado de seu, para albergar as seguintes propostas escénicas que se darán cita dentro deste festival. O programa completo pódese descargar neste ficheiro: Programa do Festival Galego de Cabaré 2010.

Luns 18
Bar Bristol (rúa Torreiro, 11)
22:00
Entrada libre até completar capacidade.

"Traga Tiérrame" é un espectáculo a cargo do polifacético artista vigués Roi Borrallas, instalado recentemente en Valencia. Chegado do mundo do circo e dos zancos (formou parte da Compañía Zancalino Produccións), lánzase ó formato "One man show" con este "Traga Tiérrame" que dun xeito algo gamberro ven rirse dos tópicos do mundo da maxia. O programa completo pódese descargar neste ficheiro: Programa do Festival Galego de Cabaré 2010.

Domingo 17
Rúa Real-Rúa Torreiro
19:00
Acceso libre.

"Bonjour Bonjour!" é a máis recente montaxe da compañía Femme Fatale, unha instalación urbana que traslada unha perruquería a pé de rúa inspirándose nun salón de beleza dos anos sesenta. O programa completo pódese descargar neste ficheiro: Programa do Festival Galego de Cabaré 2010.

Venres 15
Prazas de Abastos da Coruña
De 10:00 a 13:00 h.
Entrada libre.

A Compañía Femme Fatale e St. James Street Band percorrerán todas as prazas de abastos da cidade tras o pregón inaugural na Praza de San Agustín ás 10:00 h., aledando as rutinas e quefaceres da xente que nos atende día a día, poñendo unha nota de música dixie, cabaré e swing sobre a situación actual. O programa completo pódese descargar neste ficheiro:Programa do Festival Galego de Cabaré 2010.

Do venres 15 ao sábado 23 de outubro desenvolverase a quinta edición do Festival Galego de Cabaré, que terá o seguinte programa:
15 outubro. De 10:00 a 13:00. Prazas de Abastos da Coruña. CabaréTabastos.
17 outubro. Ás 19:00. Rúa Real-Rúa Torreiro. Bonjour Bonjour!
18 outubro. Ás 22:00. Bar Bristol. Traga Tiérrame.
19 outubro. Ás 20:30 e ás 23:00. Forúm Metropolitano. CaPaCabana.
20 outubro. Ás 20:30. Forúm Metropolitano. Diva di Palo.
20 outubro. Ás 23:00. Sala Garufa. As Tres.
21 outubro. Ás 20:30. Forúm Metropolitano. Cabaret Tóxico.
21 outubro. Ás 23:00. Bar Ink. El Feeling es así.
22 outubro. Ás 20:30. Forúm Metropolitano. De Bellevige a Pigalle.
20 outubro. Ás 22:00. Bar Flotante. Peter Punk.
23 outubro. Ás 21:00. Teatro Rosalía de Castro. Gala Femme Fatale.

O programa completo pódese descargar neste ficheiro: Programa do Festival Galego de Cabaré 2010.

Sábado 18
Teatro Rosalía de Castro
22:30
Entradas: 6, 7, 9 e 13 euros (carné xove, maiores de 65 anos e desempregados, -20 %).

O Cabaret Líquido de Lavi e Bel é unha viaxe por Oriente, o leste de Europa, París, Berlín e Latino América no que predomina o aspecto musical. Está composto por unha serie de números que tratan os temas máis variados cunha linguaxe de cabaré, unha linguaxe para cambiar o ánimo, unha linguaxe na que se intercalan cancións, maxia, clowns, danza e música en directo. Humor, música, amor e morte convivirán no escenario durante 85 minutos. O máis sorprendente para o público será ver como os nove actores, actrices e músicos transitan por distintas culturas, personaxes e disciplinas sen que lles trema o pulso. Foi premio Max 09 ao Mellor Espectáculo Musical. Con Nerea Cordero, Camino Miñana, Javi Parra, Larisa Ramos, Javi Viana, Piñaki ruiz, Oriol Baixader, Miguel Pérez e Morten Jespersen. Baixo a dirección de Emilio Goyanes.

Xoves 22; 19:00; Xardíns de Méndez Núñez.
A compañía Femme Fatal representará BONJOUR, BONJOUR! A fermosa perruquería. Unha perruquería a pé de rúa, con moitos rulos, e un vestiario do máis acorde coa época son os ingredientes escollidos para recrear unha década tan esquecida como idealizada. Dentro das actividades da Festa do libro.