A Concellaría de Cultura do Concello da Coruña, coa colaboración da Asociación de Veciños da Cidade Vella "María Pita" e a Asociación de Artistas Plásticos Galegos, convoca o "III Certame de Pintura Cidade Vella", suxeito aos seguintes requisitos:
O día 15 de maio de 2011, entre as 9:00 e as 12:00 horas, os participantes deberán presentarse no local da Asociación de veciños da Cidade Vella "María Pita" (Rúa Santa María 10. Esquina Sinagoga) para cumprimentar a autorización e selado do soporte da obra. A partir dese instante pódese comezar a pintar. De 19:00 a 20:00 horas procederase á entrega da obra sen asinar. O xurado reunirase de seguido e o fallo farase público a partir das 21.00 horas. A organización non se responsabiliza das posibles perdas ou danos que poideran sufrir as obras. As bases son as seguintes:
- 1. REQUISITOS DOS PARTICIPANTES: Persoas de calquera nacionalidade, de 16 anos en adiante, provistas de DNI ou pasaporte.
- 2. TEMÁTICA: Interpretación libre, relativa á Cidade Vella da Coruña.
- 3. TÉCNICA: Libre.
- 4. SOPORTE: Cada participante presentará un único soporte a concurso, debidamente selado. Asimesmo levará o material necesario para o desenvolvemento da súa obra.
- 5. DIMENSIÓNS DA OBRA: Tanto a lonxitude como a anchura estarán comprendidas no intervalo de 40 cm. (mínimo) a 100 cm. (máximo).
- 6. COMPOSICIÓN DO XURADO: O xurado, cuxa composición se dará a coñecer antes da data do certame, estará formado por profesionais das artes plásticas, e de secretario exercerá unha persoa designada pola Asociación de veciños da Cidade Vella "María Pita".
- 7. A PARTICIPACIÓN NO CERTAME SUPÓN A ACEPTACIÓN DAS SÚAS BASES.
- 8. PREMIOS:
• Primeiro premio: 1.300 euros.
• Segundo premio: 500 euros.
Estes premios, que estarán suxeitos á retención fiscal que legalmente corresponda, poderán declararse desertos. A decisión do xurado é inapelábel, reservándose a Concellaría de Cultura o dereito de publicar o resultado desta convocatoria na maneira e polos medios que estime máis acaídos.
- 9. PROPIEDADE DAS OBRAS. As obras presentadas ao certame serán propiedade dos seus autores, se ben, ao participaren, autorizan ao Concello da Coruña a reproducilas e utilizalas con fins de promoción e difusión da cultura.

Os Museos Científicos Coruñeses convocan o concurso de vídeo afeccionado A ciencia na miña vida, que se realizará simultáneamente en todas as cidades europeas participantes no proxecto CASC (Cities and Science Communication). Trátase de realizar unha gravación curta, de menos de 3 minutos, cuxo contido responda á seguinte pregunta: Que problemas che gustaría que resolvesen a ciencia e a tecnoloxía no futuro?

O obxectivo é invitar aos cidadáns, especialmente aos mozos, a reflexionar sobre o papel que a ciencia xoga nas súas vidas e en particular cales son as súas expectativas acerca do que pode proporcionarlles para o seu propio futuro e o da sociedade. A actividade invítaos ademais a desenvolver a súa creatividade explorando linguaxes audiovisuais e o uso de redes sociais para promover debates sobre estes temas.

Os traballos sera valorados por un xurado que terá en conta a orixinalidade, a claridade da mensaxe e o valor artístico dos vídeos. A calidade técnica non terá moita consideración, polo que as gravacións poden ser realizadas mesmo con teléfonos móbiles ou webcams.

Categorías

Os participantes poden presentarse en dúas categorías:
- Escolares con supervision dun profesor
- Público xeral (os menores necesitan autorización do seu titor legal)

Datos técnicos

Os vídeos poden presentarse en calquera formato estandar (.avi,.flv, .mp4,.mpg,.wmv...) e poden incluír recursos como entrevistas, animacións, imaxe fixa, timelapse, etc. O contido debe ser orixinal. Os traballos, en arquivo dixital, deben enviarse, ata o 16 de abril, aos Museos Científicos Coruñeses por correo postal, ou estar dispoñibles para descargarse en Internet. Cada presentación debe ir acompañada dunha ficha co título, unha breve descrición do contido, nome dos autores, correo electronico de contacto; no caso de escolares, ademais deses datos, o nome, dirección e teléfono do centro e a ficha de autorización dos pais ou titores.

Concurso CASC
Casa das Ciencias
Parque de Santa. Margarita s/n
15005, A Coruña
Correo electrónico

Premios

Un xurado composto por profesionais da comunicación científica seleccionará ao gañador en cada categoría. Os gañadores en cada país serán premiados cunha cámara de vídeo e unha viaxe a Bruxelas, onde competirán cos seus traballos cos gañadores do resto de países participantes. Máis información e ficha de inscrición no sitio web dos Museos Científicos Coruñeses.

O pasado día 1 de febreiro abriuse o prazo de presentación para o VI Concurso Galego de Reggae - VI CGR. Concurso para bandas noveis non profesionais organizado pola Asociación Cultural Negus e co que colaboran os Concellos de Culleredo e A Coruña, A Deputación dá Coruña e a Xunta de Galicia. O prazo para presentar traballos estará aberto ata o 1 de maio. Os finalistas participarán nunha "Final en Directo" xunto a un artista xa consolidado. O gañador do VI CGR participará na décima edición do X Foundation Reggae Festival 2010 e como finalista do European Reggae Contest Spain a celebrarse no Rototom Sunsplash como representante da Comunidade Galega.

Bases

Inscrición online

O concurso vai dirixido ao alumnado de Educación Secundaria de Galicia. O tema é libre. As fotografías poden presentarse en branco/negro ou cor, cun máximo de tres fotos por participante en soporte papel, por correo electrónico a este enderezo ou por bluetooth no instituto. A data límite de entrega é o 15 de abril de 2010. Descargar bases completas: PDF, 873 KB.

18:00 – CGAI: Coloquio “A industria musical galega, esa utopía”. Proxeccións: Rapabestas X.M. Budiño (Tareixa Montes), I'll See You In London Deluxe (Miguel Asensio – EIS Someso), No sé qué me das Fangoria (B.Montero / J.Lesta), Mentalismo Astrud (B.Montero / J.Lesta), Parrús, Parrús Diplomáticos de Monte Alto (Fran Pego)

22:00 – Pub Velvet (R/Alfonso IX (Cidade Vella): Proxección bloque Velvet Goldmine "Tendencia e Modernidade”:

O pase da morte (Igloo). Director: Víctor Moreno (Evofoto)
El himno de la bala (Triángulo de Amor Bizarro). Director: David Gomez & Ivan Lopez Gimeno
Como un caracol entre lobos (Franc3s). Director: Alberto Gende + Ivipop
Less Love (Silvia Superstar). Director: Joel Mestre & Cinemacircus
1608 (Paranoid). Director: Melanie Rodriguez
Last Ulcer (Holywater. Director: Víctor Moreno (Evofoto)
Sister (Cat People). Director: Adrián P.D. & Tania Verduzco (Nephasto
Tempo (Drama). Director: Samuel Fernández
Xigantes (Ruxe – Ruxe). Director: Segundo Grandío (Casa de Tolos)
Setembro non está tan lonxe (Nadadora). Director: Nano Besada
Camiños (Lamatumbá). Director: Segundo Grandío (Casa de Tolos)
1960 (Cornelius). Director: Eduardo Gabin (Congo Producciones)
Te llevo en el corazón (Le Punk). Director: Alberto Baamonde
Si nadie me encuentra (Stereotipos). Director: Marcos Prego Lopez
El Bosque (Nadadora). Director: Alberto Baamonde e Cristina López
España ás oito (Elodio e os seres queridos). Director: Alberto Baamonde e Piño
Superdiscotropical (Juan Rivas). Director: Alberto Baamonde
Sin City Lies (The Blows). Director: Nacho Abia
Quedamos nesa praza (Som do galpom). Director: Ramsés Rivera
Luciérnagas y mariposas (Lori Meyers). Director: Alicia García (Codirección: Alfonso Hervás e Fran Montoro).

24:00 – Discoteca Ola Green (Paseo Marítimo (San Roque). Concerto Miguel Costas + Grupo Invitado (5,00€ / 8,00€)

Máis información: web da Mostra VKRS.

18:00 – CGAI: Coloquio Videoclip, obra de autor ou produto publicitario. Proxeccións: Galicia Sitio distinto (A.Reixa), Viúda Gómez (X.Villaverde), Salvamento e Socorrismo (A.Reixa), Matar está máis preto (A. Simón).

23:30 – Café Old School (R/ División Azul, Falperra): Proxección bloque Easy Rider "Orgullo e paixón”:

Su factura, caballero (A pedir de Milkhouse). Director: Juan Galva
Inventar (Glass Onion). Director: Jacobo Casal
Dr. Hyde (Hyde Casino). Director: Fernando Cortizo (Artefacto Producciones
Five Versus the Shadows (Moon Cresta). Director: Juan Martínez
Néboa (Shroud of TearS). Director: Jairo Iglesias
No camino sólo (Twenty Fighters). Director: José Louzao (25 Produccións
Alarido (Forraje). Director: Inmaculada Ricoy.
Pois Eu (Quant). Director: Rubén Coca.
13th Floor Elevator (Hyde Casino). Director: Manuel Vidal
As cores da solpor (Loretta Martin). Director: Jairo Iglesias.
Ekilibrio (Ekilibrio). Director: Juan Luis Gomez Frieiro
Welcome to London (Capitán Morgan). Director: Capitán Morgan
Laberinto (Baldosa Amarilla. Director: Andrea Taboas & Ana Belen Diz
I Wanna See Your Pussy under the Moonlight (Los Santos). Director: Nico Campos & Luis Quintana
Karthikeyan (Grasa). Director: Alex del Valle
Que más da (Daga de 2 puntas). Director: Andrea Taboas & Ana Belen Diz
Lagartona (Juanito Broders). Director: d.f.Vieites
Somos siglas (Slowlee). Director: The Zombeats

Máis información: web da Mostra VKRS.

18:00 - CGAI: Coloquio Os antecedentes do videoclip. Filmación de eventos musicais. Proxeccións: Rock, rock, rock. 1º Concurso de Rock Cidade dá Coruña (1982)

23:30 – Pub Loft 46 (Av. Fisterra – Ronda de Nelle): Proxección bloque The Last Waltz ”Sentido e sensibilidade”:

Sitting by the Fire (Carlos Childe). Director: Segundo Grandio (Casa de Tolos)
Cuanto hay que aguantar (Roger de Flor). Director: Carlos Alberto Alonso
A miña bala perdida (Victor Aneiros). Director: Simón Vázquez (GSeis)
Canto de serea (Magín Blanco & Burgas Beat). Director: Segundo Grandio (Casa de Tolos)
Wastin’ My Time No More (Miki Nervio). Director: Segundo Grandio (Casa de Tolos)
Good for Love (Carlos Childe). Director: Segundo Grandio (Casa de Tolos)
Una desconocida más (Roger de Flor). Director: Carlos Alberto Alonso
Hielo sobre hielo (Magín Blanco). Director: Segundo Grandio (Casa de Tolos)
Soia (Victor Aneiros). Director: Simón Vázquez (Gseis)
Reventaba (Silvia Penide). Director: Rita Moreno
Días (Todo el Largo Verano). Director: Rubén Coca
Os dous amigos (Roger de Flor). Director: Carlos Alberto Alonso
Chámalle Rumba (Os Terribles). Director: Segundo Grandio (Casa de Tolos)
A Lira (Uxía). Director: Mario Iglesias
Galicia (Os Carunchos). Director: Segundo Grandio (Casa de Tolos)
Ninfa das frescas augas (Roi Casal). Director: Segundo Grandio (Casa de Tolos)
Santiago (Narf). Director: Xavier Belho Cortizo & Fran Perez
Desde que decidiste no volver (Luís Moro). Director: Enrique Moro Padín
Boppity Bop (Teté y los ciclones). Director: Juan José Ocio (Cine de guerrilla)

Máis información: web da Mostra VKRS.

18:00 - CGAI. Coloquio: Presente e futuro do videoclip en Galicia. Proxección dunha escolma de videoclips inscritos na Mostra VKRS.

23:30 - Pub Picasso (R/ Sol, Orzán). Proxección bloque Blow Up ”Inxenio e creatividade”:

Setecentos (Fanny + Alexander). Director: Noel Feáns
El crimen, cómo ocurre y cómo remediarlo (Triangulo de Amor Bizarro). Director: Diego Delgado
Ta liste deas amities brises (Quant). Director: Álvaro León (Keloide)
Más de lo mismo (Combo Dínamo). Director: Hector Dieguez & Pablo Goluboff
Sr. Anido 16 (Sr. Anido). Director: Ruben Dominguez
Bicho Raro (Indómitos). Director: Manu G. Sanz
Calamar (The homens). Director: Roi Fernandez, Isaac Cordal
Nofunanymore (Ns|Nc). Director: Ángel Santos
Darkness (Kathaarsys). Director: Abelardo Rendo, Fernando Lema
Planeta 19 (Boy Elliott & Plastic Bags). Director: Gorevision TV
Dos piedras (Vale tudo). Director: Francisco Calvelo
Gone to Liverpool (Niño y Pistola). Director: Manuel Portolés (Manolito)
O Xadrez de Mister Spock (Telémaco). Director: Marcos Turnes - Luis Salgado
Vista (6pm). Director: Alberto Baamonde e Cristina López
Girls Girls Girls (Quant). Director: Álvaro Leon & Ruben Coca
Believe In Trane (Sumrrá). Director: idNespereira

Máis información: web da Mostra VKRS.

Dúas bandas españolas, unha portuguesa e o ganador do V Concurso Reggae Galego participarán na final do 20 de xuño no Parque de Santa Margarita de A Coruña. O premio para o gañador deste concurso consiste en dúas actuacións promocionais no festivais La Concha Reggae Vibes (Cantabria, 31 de xullo de 2009) e na Foundation Party no Playa Club (outono 2009).

Os finalistas do certame son os portugueses Jahvai-Loures, os sevillanos El Bazar Orchestra, os barceloneses Universal Rockers e os vigueses Zamaramandi. Organiza a Asociación Cultural Negus. Os concertos comezarán o sábado a partir das 19:30.

Video Killed the Radio Star foi unha marabillosa canción editada a finais dos 70 que chegou a alcanzar o número un durante mais dun ano nas listas de todo o planeta. Interpretada pola banda británica The Buggles, o tema transcendeu a nivel mundial principalmente polo seu vídeo clip, un traballo dirixido polo cineasta australiano Russell Mulcahy (director de Os Inmortais, con Christopher Lambert) que foi o primeiro vídeo musical emitido pola cadea norteamericana MTV no ano 1981, exactamente o 1 de agosto. Tanto a canción coma as imaxes do vídeo facían referencia a unha vella estrela da radio que ve como os seus días de gloria rematan debido á proliferación dos soportes videográficos.

Pareceunos moi axeitado e mesmo irónico bautizar esta I Mostra de Vídeo Clips Cidade da Coruña co título do mítico clip, basicamente porque nos tempos actuais a sorte que corre a exhibición destas obras nos grandes medios de comunicación é cando menos dispar. Hoxe en día resulta tarefa case imposible atopar un espacio en calquera cadea televisiva da península, onde se poida disfrutar destas pezas cunha certa normalidade, en cambio proliferan en internet, bares, locais de ocio, autobuses, etc… e dicir, o vídeo clip esta na rúa as 24 horas do día formando parte das nosas vidas, e exceptuando canais específicos de televisión (maiormente de pago) e algún evento puntual, estas obras que nos últimos tempos están a reflexar á perfección este instante de democratización da técnica audiovisual e que xeneran nalgúns casos aportacións artísticas dunha inusitada calidade e frescura, están a pasar practicamente desapercibidas para os “mass media”.

Decidimos centrar este evento no panorama musical e audiovisual galego porque somos conscientes da existencia de gran cantidade de obras que merecen saír á luz na nosa comunidade, e porque cremos tamén na necesidade de aumentala oferta cultural galega e o tempo ser escaparate e punto de encontro dos profesionais do sector desta tendencia creativa que a pesar de todo, e debido principalmente ao seu carácter industrial (un vídeo clip non deixa de ser o spot publicitario dunha canción) atópase sempre en continuo movemento, e en parte por esta inmediatez, convértese nun xénero secretamente envexado por outras propostas artísticas con pretensións de maior funcionalidade social.

O vídeo clip, aínda que nado coma neto do cine e irmá pequeno da televisión, antóxasenos na actualidade coma fundamental soporte da producción musical de artistas e empresas galegas. É –por tanto- preciso, que vaia recuperando ese lugar propio e mais que merecido que ostentaba nun pasado non tan afastado. Facer que eso sexa unha realidade é a nosa verdadeira é única motivación.

A I Mostra de Vídeo Clips Cidade da Coruña celebrarase na nosa cidade do luns 29 de xuño ao venres 3 de xullo. Iremos dando máis información sobre a programación e contidos ao longo dos próximos días.

Recordámosvos que mañá sábado 16 de maio celebramos o Día Internacional dos Museos cun amplo programa de actividades en toda a cidade.

Deixámosvos aquí algunhas ligazóns interesantes:

-A Programación do Día Internacional dos Museos

-O Cartaz do Día Internacional dos Museos

-As Bases do I Premio Certame de Pintura Cidade Vella

A Concellaría de Cultura do Concello da Coruña, coa colaboración da Asociación de veciños da Cidade Vella “María Pita” e a Asociación de Artistas Plásticos Galegos, convoca o I Certame de Pintura Cidade Vella suxeito ás seguintes bases:

BASES

O día 16 de maio de 2009, entre as 9:00 e as 11:00 horas os participantes deberán presentarse no local da Asociación de Veciños da Cidade Vella “María Pita” (Rúa Santa María 10) para cumprimentar a autorización e selado do soporte da obra. A partir dese instante pódese comezar a pintar.

De 19:00 a 20:00 horas, entregarase a obra sen asinar na sala de exposicións do Arquivo do Reino de Galicia (Xardín de San Carlos, 10. Con posterioridade á entrega dos premios, os autores asinarán as súas obras.

O xurado reunirase de seguido e o fallo farase público a partir das 21.30 horas.

A organización non se responsabiliza das posibles perdas ou danos que poideran sufrir as obras.

1. Requisitos dos participantes: Persoas de calquera nacionalidade, de 16 anos en adiante, provistas de DNI ou pasaporte.

2. Temática: Interpretación libre, relativa á Cidade Vella da Coruña.

3. Técnica: Libre

4. Soporte: Cada participante presentará un único soporte a concurso, debidamente selado. Asimesmo levará o material necesario para o desenvolvemento da súa obra.

5. Dimensións da obra: Tanto a lonxitude como a anchura estarán comprendidas no intervalo de 40 cm. (mínimo) a 100 cm. (máximo).

6. Composición do xurado: O xurado, cuxa composición se dará a coñecer antes da data do certame, estará formado por profesionais das artes plásticas, e de secretario exercerá unha persoa designada pola Asociación de veciños da Cidade Vella “María Pita”, sen dereito a voto.

7. A participación no certame supón a aceptación das súas bases.

8. Premios:

Primeiro premio: 800 €
Segundo premio: 400 €
Terceiro premio: 200 €

Estes premios, que estarán suxeitos á retención fiscal que legalmente corresponda, poderán declararse desertos. A decisión do xurado é inapelábel, reservándose a Concellaría de Cultura o dereito de publicar o resultado desta convocatoria na maneira e polos medios que estime máis acaídos.

9. Propiedade das obras: As obras presentadas ao certame serán propiedade dos seus autores, se ben, ao participaren, autorizan ao Concello da Coruña a reproducilas e utilizalas con fins de promoción e difusión da cultura.

10. Exposición e retirada das obras: As obras participantes estarán expostas no Arquivo do Reino de Galicia (Xardín de San Carlos) o día 16 de 21.30 a 24.00 h., o día 17 de 12.00 a 14.00 e de 17.00 a 20.00 h. Pola semana, até o xoves 21 de maio de 17.00 a 21.00 h. Os participantes poderán retirar as obras presentadas no lugar da exposición o venres 22 de maio de 17.00 a 21.00 h.

Co obxectivo de recuperar os premios literarios que dende os 60 convocou a Agrupaçon Cultural O Facho, este ano convocouse a XLII edición do certame que leva o nome de Carlos Casares como unha agarimosa homenaxe ao que fora o primeiro gañador, no ano 68, co conto A galiña azul. O concurso está dividido en dúas categorías, A (para alumnos de 6 a 12 anos) e B (de 12 a 16); este ano o xurado está formado por Xabier P. Docampo, José Mondelo, Mar Hermida e Soledad González Maside.

O xoves, día 14, ás 12:30, e dentro das actividades programadas pola Agrupación co gallo do Día das Letras Galegas, haberá unha ofrenda floral diante do monumento a Curros Enríquez na que o presidente de O Facho, José Luis Rodríguez Pardo dará a coñecer os gañadores do concurso.

A entrega de premios terá lugar na Fundación Caixa Galicia, no Cantón Grande, o próximo 20 de maio, ás 20:00.