Martes 8
Fundación Caixa Galicia (Cantón Grande)
20:00
Entrada libre até completar capacidade.

Dentro do ciclo "Coñecemento e Ciencia na Galiza" da A. C. O Facho, Anxo Carracedo falará sobre "Aplicación da Xenómica".

Remata a IV Mostra de Ciencia e Cinema, con estas actividades para o venres 28 de outubro:

FUNDACIÓN RODRÍGUEZ IGLESIAS (Rúa Cordelería, 32).
Proxección de filmes a concurso [SO] e da retrospectiva portuguesa [RP]. Vídeo.
De 18:00 a 22:00 horas:

- "La tercera mirada". Colectivo Olhares Nómadas, 2011 [SO] 23 min. Subtítulos en español. Filmado por mulleres do campo de refuxiados saharaui de Dajla (Argelia), nun obradoiro durante os cinco días do Festival Internacional de Cinema do Sahara 2010. No campo de refuxiados de Dajla hai 32 anos que viven miles de saharauis, nunha espera forzada por un referendo pola independencia do seu país, que non dá chegado. Viven no deserto do deserto, sen auga, electricidade nin alimentos. Durante cinco días convivimos con algunhas familias que, ao abriren as súas casas, filman, falan e cantan a súa cultura, música, historias, demandas e soños.
- "Península XY". Juan Lesta e Belén Montero, 2011 [SO] 26 min. Sen diálogos. Coa presenza do coautor, Juan Lesta. Dúas rutas rodadas en formato timelapse, entre o orto e solpor, que percorren a península de sur a norte (Sagres-Bares) e de leste a oeste (Creus-Fisterra) e se cruzan en Galicia. Estas rutas están xeoposicionadas e enriquecidas cun diario de viaxe dixital na web do proxecto.
- "De Ziel van Witgoed". Susanne Engels, 2010 [SO] 50 min. Subtítulos en galego. Esta película escrutina a relación entre humano e máquina dunha maneira visual; a naturalidade coa que as persoas se rodean de electrodomésticos e mesmo a dependencia cara a eles, mais tamén a irritación que nos producen cando parecen actuar de forma incomprensible.
- "A flor, a formiga e a borboleta ameaçada". Bruno Cabral, Ivânia West & Patrícia Garcia-Pereira, 2008 [RP] 25 min. Subtítulos en español. En Portugal, a Maculinea Alcon, a bolboreta azul de montaña, é unha bolboreta ameazada. Vive nunha relación de equilibrio complexo cunha especie de formiga, unha planta e o ser humano. Só no norte de Portugal, nas Serras de Alvão e Marão, aínda podemos observar poboacións desta pequena bolboreta. O documental rexistra o traballo e o esforzo de Ernestino Maravalhas para estudar e percibir estas estrañas relacións ecolóxicas que pasan desapercibidas para a maioría das persoas.
- "Portugal, um retrato ambiental". Francisco Manso, 2004 [RP] 52 min. Subtítulos en español. A opinión pública, tanto portuguesa como internacional, foi alertada sobre as cuestións ambientais cando os medios comezaron a informar dos primeiros acontecementos catastróficos de causa humana e involuntaria. Portugal é un bo exemplo. Case de súpeto, o país viuse enfrontado a unha catástrofe que, sendo en orixe natural, puxo de manifesto o caos suburbano de Lisboa cando unhas choivas torrenciais en 1967 mataron a centenares de persoas ás portas da capital, debido sobre todo á construción desordenada. Na segunda parte do programa, profúndase no problema enerxético que está na xénese das preocupacións ambientais e do propio movemento ambientalista. O episodio termina repasando a historia recente dos incendios, que a desfeita forestal das últimas décadas fixo cada vez máis dramáticos.

CGAI (Rúa Durán Loriga, 10, baixo):
- 18:00 h. "Nostalgia de la luz". Patricio Guzmán, 2010 [SO] 90 minutos. Vídeo. Filme sobre a distancia entre o ceo e a terra, entre a luz do cosmos e os seres humanos e as misteriosas idas e voltas que se crean entre eles. En Chile, a tres mil metros de altura, os astrónomos chegados de todo o mundo reúnense no deserto de Atacama para observar as estrelas. Aquí, a transparencia do ceo permite ver até os confíns do universo. Abaixo, a sequidade do solo preserva os restos humanos intactos para sempre: momias, exploradores, mineiros, indíxenas e ósos dos prisioneiros políticos da ditadura. Mentres os astrónomos buscan a vida extraterrestre, un grupo de mulleres remove as pedras: busca os seus familiares.
- 20:45 h. Programa Max & Dave Fleischer: "Einstein's theory of relativity" e "Darwin's theory of evolution". Filmes mudos con narración en vivo a cargo de Belén Regueira e Susana Rois. 80 minutos. 16mm.

Entrada de balde a todas as actividades.

Continúa a IV Mostra de Ciencia e Cinema, que chegará até este venres 28, coas seguintes actividades para o xoves 27 de outubro:

FUNDACIÓN RODRÍGUEZ IGLESIAS (Rúa Cordelería, 32).
Proxección de filmes a concurso [SO] e da retrospectiva portuguesa [RP]. Vídeo.
De 19:00 a 22:00 horas:

- "Memoirs of a plague". Robert Nugent, 2010 [SO] 77 min. Subtítulos en galego. Un retrato impresionista, impredicible e persoal dunha guerra contra un fenómeno natural: as lagostas e o home, a vida e a morte. A película segue a viaxe do director ao mundo das lagostas e os que as cazan en África e Australia.
- "As horas do Douro". António Barreto & Joana Pontes, 2010 [RP] 100 min. Subtítulos en español. Os "Libros de Horas" son manuscritos iluminados moi comúns na Idade Media. Cada libro contén unha colección de textos, oracións e salmos adecuados para determinadas horas do día. Están marabillosamente ilustrados e mostran a vida tal como era nesa época. Nos calendarios dos Libros de Horas atopamos a enumeración dos traballos rurais e os meses en que estes teñen lugar. As horas do Douro está inspirada nesta idea medieval de inventario e rexistro anual e mostra como o ciclo da viña e do viño determina a vida das persoas nesta rexión. O que se pretende expor, a través do recoñecemento minucioso da transformación da paisaxe ao longo das estacións do ano, é que o viño é unha obra humana e así debe mostrarse.

CGAI (Rúa Durán Loriga, 10, baixo):
- 18:00 h. "Encontros". Pierre-Marie Goulet, 2006 [RP]. 105 minutos. Vídeo. Subtítulos en castelán. Evocación do sentimento dunha tribo poética, humana e musical. Unha tribo cuxo territorio non está definido por unha situación xeográfica. A película intercala distintos encontros, do presente e do pasado, entre persoas e recordos, que nos levan a preguntarnos de que estamos feitos e como nos enriquecen a memoria.
- 20:45 h. "Nostalgia de la luz". Patricio Guzmán, 2010 [SO] 90 minutos. Vídeo. Filme sobre a distancia entre o ceo e a terra, entre a luz do cosmos e os seres humanos e as misteriosas idas e voltas que se crean entre eles. En Chile, a tres mil metros de altura, os astrónomos chegados de todo o mundo reúnense no deserto de Atacama para observar as estrelas. Aquí, a transparencia do ceo permite ver até os confíns do universo. Abaixo, a sequidade do solo preserva os restos humanos intactos para sempre: momias, exploradores, mineiros, indíxenas e ósos dos prisioneiros políticos da ditadura. Mentres os astrónomos buscan a vida extraterrestre, un grupo de mulleres remove as pedras: busca os seus familiares.

Entrada de balde a todas as actividades.

Continúa a IV Mostra de Ciencia e Cinema, que chegará até o venres 28 de outubro, coas seguintes actividades para o mércores 26 de outubro:

FUNDACIÓN RODRÍGUEZ IGLESIAS (Rúa Cordelería, 32).
Proxección de filmes a concurso [SO] e da retrospectiva portuguesa [RP]. Vídeo.
De 19:00 a 22:00 horas:

- "Milho". José Barahona, 2007 [RP] 54 min. Subtítulos en español. Dona Ana prepara unha ensalada de millo para a súa familia. Na televisión, as noticias son contraditorias: algúns predican os beneficios das novas variedades de millo transxénico; outros, pola contra, apuntan aspectos catastróficos relacionados co seu uso. Dona Ana ten dúbidas sobre o que é ou non seguro para alimentar á súa familia.
- "Electric mind". Nadav Harel, 2010 [SO] 60 min. Subtítulos en galego. Viaxe fílmica á cabeza e o corazón de catro persoas afectadas por problemas cerebrais incapacitantes: depresión, desorde bipolar, epilepsia e distonía. Estas persoas -homes e mulleres, novos e vellos- experimentan tratamentos rompedores que implican intervir sobre a actividade eléctrica cerebral. Aparecen entón preguntas sobre a ética médica, as interaccións corpo-cerebro e mente-cerebro e sobre a esencia mesma da nosa identidade persoal.
- "Angst". Graça Castanheira, 2010 [SO] 53 min. Subtítulos en español. Nada do que producimos ou descubrimos nos distingue dos outros animais de maneira tan formidábel como desexariamos. Limitámonos a crear un mundo de ilusións, sen as cales non sobreviviríamos a nós mesmos. Este filme trata diso.
- "Rememorações". José Coimbra & Tiago Guimarães, 2007 [RP] 50 min. Subtítulos en español. Este é un documental sobre a xente do Alentejo, vítimas da ditadura salazarista e das dificultades da vida, que non viviron a súa infancia nunha escola. Este é un documental sobre xente do Alentejo de coraxe que na vellez busca unha identidade que se resume, moitas das veces, no acto de asinar co seu nome. Nun mundo feito de palabras, como é crecer e vivir sendo analfabeto? Podemos imaxinar ese mundo?.

CGAI (Rúa Durán Loriga, 10, baixo):

- 18:00 h. Conferencia de Juan Herbera: "Está en crise o mercado cinematográfico español?". Os números de asistencia ás salas de cinema en España convidan a pensar que o sector pasa por un momento delicado. A realidade do mercado actual explícase, entre outras razóns, pola evolución dos parámetros básicos (número de pantallas, espectadores, recadación, prezo medio, índice de asistencia) ao longo da última década. Tomando como punto de partida a crise da década do oitenta achéganse datos que ilustran a recuperación durante a década do noventa, a consolidación durante a primeira década do século XXI e o descenso até os nosos días.
- 20:45 h. Foco Ben Rivers: "Origin of the species" e "Slow action". 61 minutos. 16mm / Vídeo HD. Subtítulos en galego + "The yellow bank". J. P. Sniadecki, 2010 [SO] 27 minutos. Vídeo.

Entrada de balde a todas as actividades.

Continúa a IV Mostra de Ciencia e Cinema, que chegará até o venres 28 de outubro, coas seguintes actividades para o martes 25 de outubro:

FUNDACIÓN RODRÍGUEZ IGLESIAS (Rúa Cordelería, 32).
Proxección de filmes a concurso [SO] e da retrospectiva portuguesa [RP]. Vídeo.
De 19:00 a 22:00 horas:

- "Anne Vliegt". Catherine van Campen, 2010 [SO] 21 min. Subtítulos en galego. Anne é coma calquera outra nena de once anos: monta en bicicleta, gústalle saltar na cama elástica, pasar o tempo cos amigos. Mais vivir coa síndrome de Tourette supón que ela ás veces fai cousas difíciles de controlar. Anne non quere cambiar a persoa que é, só intenta controlar os seus tics e axudar a que os demais a entendan mellor.
- "Pare, escute, olhe". Jorge Pelícano, 2009 [RP] 100 min. Subtítulos en español. Decembro de 91. Unha decisión política acaba con parte da centenaria liña ferroviaria de Tua, entre Bragança e Mirandela. Quince anos despois, o asubío do tren só é un eco na memoria dos transmontanos; o desenvolvemento da rexión viuse severamente afectado e acentuáronse as diferenzas entre o litoral e o interior de Portugal. Viaxe por un Portugal profundo e esquecido, conducido pola voz soberana dun pobo vítima de promesas incumpridas.
- "Wolframio, un tipo con química". Laureano Jiménez & Gonzo Bello, 2011 [SO] 34 min. Coa presenza de Laureano Jiménez. Toda a química é mala? A química é obrigatoriamente aburrida? Estamos convencidos de que a química se pode presentar de forma amena e transmitir aspectos positivos: queremos contribuír a minimizar a quimifobia. O obxectivo é mostrar algúns aspectos de química cotiá. A serie de oito vídeos vai dirixida á mocidade: estudantes de secundaria, bacharelato ou formación profesional. Para conectar con eles, o ton dos vídeos é deliberadamente gamberro.

CGAI (Rúa Durán Loriga, 10, baixo):
- 18:00 h. Foco Deborah Stratman: "From Hetty to Nancy", "It will die out in the mind", "On the various nature of things" e "Ray's birds". [SO] 80 minutos. 16mm / Vídeo. Subtítulos en galego.
- 20:45 h. "Nénette". Nicolas Philibert, 2010 [SO] 70 min, 35mm. Subtítulos en galego + "La linea generale". Oleg Tcherny, 2010 [SO] 16 min, Vídeo. Subtítulos en galego.

Entrada de balde a todas as actividades.

Comeza a IV Mostra de Ciencia e Cinema, que chegará até o venres 28 de outubro, coas seguintes actividades para o luns 24 de outubro:

FUNDACIÓN RODRÍGUEZ IGLESIAS (Rúa Cordelería, 32).
Proxección de filmes a concurso [SO] e da retrospectiva portuguesa [RP]. Vídeo.
De 18:00 a 22:00 horas:

- "Como as serras crescem". Maria João Soares, 2010 [SO] 28 min. Sen diálogos. Cada ano a salina prepárase para recibir as montañas de sal. A auga, o barro, o vento, o sol e o home son os elementos que o producen.
- "A simple rhythm". Tess Girard, 2010 [SO] 52 min. Subtítulos en español. Exploración filosófica sobre o ritmo e a sincronización. Utilizando conversas con, entre outros, o matemático teórico Steven H. Strogatz (Universidade de Cornell), Roger D. Nelson (Director do Global Consciousness Project, Universidade de Princeton) e o músico gañador do Premio Juno Charles Spearin (The Happiness Project, Broken Social Scene, Do Make Say Think), a película conecta as súas diverxentes disciplinas nunha mesma dirección, a nosa inconsciente tendencia a manternos en sincronía.
- "No gravity". Silvia Casalino, 2010 [SO] 60 min. Subtítulos en galego. A enxeñeira espacial Silvia Casalino soña con ir ao espazo. Os seus soños convértense en realidade ao embarcarse nunha viaxe sorprendente e bizarra que a achega a algúns dos mitos femininos da carreira espacial e a cultura cyborg. Con forma de ensaio documental, No Gravity é unha historia persoal, pero tamén unha aproximación á historia das mulleres no espazo e as relacións entre xénero e tecnoloxía
- "The city dark". Ian Cheney, 2011 [SO] 84 min. Subtítulos en español. Longametraxe documental sobre a contaminación lumínica e a desaparición do ceo nocturno. Despois de marchar a Nova York dende a rural Maine, o cineasta Ian Cheney fíxose unha sinxela pregunta: fannos falta as estrelas? Á vez que se documenta sobre os asteroides potencialmente perigosos en telescopios de Hawai, sobre a incubación das tartarugas na costa de Florida e o rescate de paxaros feridos nas rúas de Chicago, Cheney explora as múltiples implicacións de vivirmos nun planeta que brilla con luces artificiais, entre elas o incremento da taxa de cancro de peito debido á exposición á luz durante a noite, e a existencia dunha xeración de nenos que se criou sen apenas ter noción do universo que se estende sobre as súas cabezas.

Entrada de balde a todas as actividades.

Chega a IV Mostra de Ciencia e Cinema, que se desenvolverá entre o 24 e 28 de outubro co seguinte programa:

Luns 24 de outubro:
- Fundación Rodríguez Iglesias (Rúa Cordelería, 32). Proxección de filmes a concurso [SO] e da retrospectiva portuguesa [RP]. Vídeo. De 18:00 a 22:00 h.
COMO AS SERRAS CRESCEM. Maria João Soares, 2010 [SO] 28 min. Sen diálogos.
A SIMPLE RHYTHM. Tess Girard, 2010 [SO] 52 min. Subtítulos en español.
NO GRAVITY. Silvia Casalino, 2010 [SO] 60 min. Subtítulos en galego.
THE CITY DARK. Ian Cheney, 2011 [SO] 84 min. Subtítulos en español.
Entrada de balde a todas as actividades.

Martes 25 de outubro:
- Fundación Rodríguez Iglesias. Proxección de filmes a concurso [SO] e da retrospectiva portuguesa [RP]. Vídeo. De 19:00 a 22:00 h.
ANNE VLIEGT. Catherine van Campen, 2010 [SO] 21 min. Subtítulos en galego.
PARE, ESCUTE, OLHE. Jorge Pelícano, 2009 [RP] 100 min. Subtítulos en español.
WOLFRAMIO, UN TIPO CON QUÍMICA. Laureano Jiménez & Gonzo Bello, 2011 [SO] 34 min. Coa presenza de Laureano Jiménez.
- CGAI (Rúa Durán Loriga, 10, baixo):
18:00 h. Foco Deborah Stratman: FROM HETTY TO NANCY, IT WILL DIE OUT IN THE MIND, ON THE VARIOUS NATURE OF THINGS e RAY’S BIRDS [SO] 80 minutos. 16mm / Vídeo. Subtítulos en galego.
20:45 h. NÉNETTE. Nicolas Philibert, 2010 [SO] 70 min, 35mm. Subtítulos en galego + LA LINEA GENERALE. Oleg Tcherny, 2010 [SO] 16 min, Vídeo. Subtítulos en galego.
Entrada de balde a todas as actividades.

Mércores 26 de outubro:
- Fundación Rodríguez Iglesias. Proxección de filmes a concurso [SO] e da retrospectiva portuguesa [RP]. Vídeo.
De 19:00 a 22:00 h.
MILHO. José Barahona, 2007 [RP] 54 min. Subtítulos en español
ELECTRIC MIND. Nadav Harel, 2010 [SO] 60 min. Subtítulos en galego.
ANGST. Graça Castanheira, 2010 [SO] 53 min. Subtítulos en español.
REMEMORAÇÕES. José Coimbra & Tiago Guimarães, 2007 [RP] 50 min. Subtítulos en español.
- CGAI:
18:00 h. Conferencia de Juan Herbera: Está en crise o mercado cinematográfico español?
20:45 h. Foco Ben Rivers: ORIGIN OF THE SPECIES e SLOW ACTION. 61 minutos. 16mm / Vídeo HD. Subtítulos en galego + THE YELLOW BANK. J. P. Sniadecki, 2010 [SO] 27 minutos. Vídeo.
Entrada de balde a todas as actividades.

Xoves 27 de outubro:
- Fundación Rodríguez Iglesias. Proxección de filmes a concurso [SO] e da retrospectiva portuguesa [RP]. Vídeo. De 19:00 a 22:00 h.
MEMOIRS OF A PLAGUE. Robert Nugent, 2010 [SO] 77 min. Subtítulos en galego.
AS HORAS DO DOURO. António Barreto & Joana Pontes, 2010 [RP] 100 min. Subtítulos en español.
- CGAI:
18:00 h. ENCONTROS. Pierre-Marie Goulet, 2006 [RP]. 105 minutos. Vídeo. Subtítulos en castelán.
20:45 h. NOSTALGIA DE LA LUZ. Patricio Guzmán, 2010 [SO] 90 minutos. Vídeo.
Entrada de balde a todas as actividades

Venres 28 de outubro:
- Fundación Rodríguez Iglesias. Proxección de filmes a concurso [SO] e da retrospectiva portuguesa [RP]. Vídeo. De 18:00 a 22:00 h.
LA TERCERA MIRADA. Colectivo Olhares Nomadas, 2011 [SO] 23 min. Subtítulos en español.
PENÍNSULA XY. Juan Lesta e Belén Montero, 2011 [SO] 26 min. Sen diálogos. Coa presenza do coautor, Juan Lesta.
DE ZIEL VAN WITGOED. Susanne Engels, 2010 [SO] 50 min. Subtítulos en galego.
A FLOR, A FORMIGA E A BORBOLETA AMEAÇADA. Bruno Cabral, Ivânia West & Patrícia Garcia-Pereira, 2008 [RP] 25 min. Subtítulos en español.
PORTUGAL, UM RETRATO AMBIENTAL. Francisco Manso, 2004 [RP] 52 min. Subtítulos en español.
- CGAI:
18:00 h. NOSTALGIA DE LA LUZ. Patricio Guzmán, 2010 [SO] 90 minutos. Video.
20:45 h. Programa Max & Dave Fleischer: EINSTEIN’S THEORY OF RELATIVITY e DARWIN’S THEORY OF EVOLUTION. Filmes mudos con narración en vivo a cargo de Belén Regueira e Susana Rois. 80 minutos. 16mm.
Entrada de balde a todas as actividades.

Estas son as actividades previstas para o luns 1 de agosto dentro da 40º edición da Feira do Libro:

- 11:00 h. Apertura da feira.
- 12:45 h. Actuación da Banda Municipal de Música da Coruña.
- 13:00 h. Inauguración oficial. Pregón a cargo de Alfonso García Sanmartín, presidente do Cluster do Libro de Galicia.
- 19:00 h. Charla presentación da exposición fotográfica "Tiempo de recreo", patrocinada pola Fundación Telefónica. Participan no acto Fernando Marías, Carlos Spottorno, Marta Rivera de la Cruz e Lola Beccaría.
- 19:30 h. O escritor e académico Xosé Neira Vilas, asinará exemplares dos seus libros.
- 20:00 h. Presentación do libro "Un dedo manchado de tinta", de Manuel Portas, publicado por Edicións Xerais de Galicia. Xunto co autor, participará no acto Manuel Bragado, director da Editorial e actuación de Clara Pino.
- 20:30 h. O profesor Jorge Mira asinará exemplares do seu libro "A ciencia no punto de Mira", publicado por Auga Editora.
- 20:45 h. Presentación dos libros "Penúltimo dietario", de Xosé Neira Vilas e "Aníbal Otero. Lingüística e política en España na guerra civil e no franquismo", de Xesús Alonso Montero, publicados por Edicións Xerais de Galicia. Xunto cos autores, participará no acto Manuel Bragado.

O domingo 26 de xuño os Museos Científicos Coruñeses realizarán a distribución gratuíta dun monográfico informativo sobre a enerxía solar.
A preocupación polo quecemento climático e o encarecemento dos combustibles fósiles dirixiu o interese da población cara a fontes de enerxía pouco contaminantes. E, especialmente, cara a aquelas que están baseadas en recursos naturais renovables, como son a radiación solar e o vento. Esta publicación ofrece aos cidadáns respostas de xeito breve, concreto e nunha linguaxe comprensible a preguntas como "Sería posible o uso de enerxía solar como fonte principal de enerxía para a produción de electricidade?", "Pódese dispor de toda a enerxía necesaria para unha vivenda a partires da enerxía solar?", "Cantas familias poden abastecerse coa produción actual de enerxía solar en España?", "Por qu a enerxía solar é tan cara?", "Cómo funciona un panel solar?".
A información, elaborada nos Museos Científicos, acompáñase de imaxes e gráficos que contribúen a comprender mellor os contidos. Esta publicación está dirixida a toda a poboación e cóntase para a súa distribución coa colaboración dos diarios La Voz de Galicia, El Ideal Gallego, e La Opinión. Publicación realizada co patrocinio da Deputación da Coruña, e a colaboración de Fundación Axencia Enerxética Provincial da Coruña e Novacaixagalicia.
Os Museos Científicos Coruñeses celebraron o inicio do verán coa estrea dun recurso interactivo sobre enerxía solar no seu e-Museo. Inclúe un xogo, un vídeo, un test e información abundante.

Luns 20
Domus (Rúa Santa Teresa, 1)
20:00

Os Museos Científicos Coruñeses rematan a exitosa terceira edición do ciclo "Os luns con ciencia", co título "A saúde é o primeiro", coa intervención da Dra. Susana Monereo, xefa do Servizo de Endocrinoloxía e Nutrición do Hospital Universitario de Xetafe, que falará sobre "A obesidade, unha epidemia que se pode combater", facendo unha análise da situación actual da obesidade no mundo e en España, e dará consellos prácticos a pé de mesa para combatela, trasladando unha mensaxe optimista para as persoas que buscan solucións a este problema de saúde. A Dra. Monereo é actualmente membro do Comité Científico grupo NAOS na Estratexia de Prevención da Obesidade en España, da Comisión Nacional da Especialidade (CNE), e foi membro Comité Científico da Axencia de Seguridade Alimentaria Española (AESA) dende febreiro de 2006 ata 2010. Colabora habitualmente en medios de comunicación sobre temas de endocrinoloxía, nutrición e diabete, e é responsable do programa de control de IMC das modelos da pasarela Cibeles da Comunidade Autónoma de Madrid. Nesta terceira edición de "Os luns con ciencia" o tema central foi a saúde, tratando específicamente os trasplantes, os hábitos cardiosaudables e a obesidade. Por iso, ademáis da colaboración da Universidade da Coruña (Unidade de Divulgación Científica), contou coa do Complexo Hospitalario Universitario de A Coruña (CHUAC). O ciclo Luns con Ciencia logrou incorporar a ciencia á axenda cultural dos cidadáns.
Ao acto de clausura asistirán representates das entidades organizadoras, Universidade da Coruña, CHUAC e Museos Científicos Coruñeses.

Venres 17
MACUF (Avenida de Arteixo, 171).
19:30
Entrada libre até completar capacidade.

Conferencia de José García Pazos: "Enerxía e sociedade", dentro do Ciclo de conferencias Preguntas Frecuentes.

Luns 13
Domus (Rúa Santa Teresa, 1)
20:00

Os Museos Científicos Coruñeses proseguen coa terceira edición do ciclo "Os luns con ciencia", co título "A saúde é o primeiro", coa intervención do Dr. Alfonso Soto González, especialista de endocrinoloxía e nutrición do CHUAC, que falará sobre "Máis aló da obesidade e da diabete. Efectos colaterais", charla na que dará unha visión xeral das complicacións relacionadas coa diabete e coa obesidade. Nesta terceira edición de "Os luns con ciencia" o tema central é a saúde, tratando específicamente os trasplantes, os hábitos cardiosaudables e a obesidade. Por iso, ademáis da colaboración da Universidade da Coruña (Unidade de Divulgación Científica), se conta coa do Complexo Hospitalario Universitario de A Coruña (CHUAC). O ciclo Luns con Ciencia ten como obxectivo incorporar a ciencia á axenda cultural dos cidadáns.

Luns 13
Fundación Caixa Galicia (Cantón Grande, 21-24)
20:00
Entrada libre até completar capacidade.

Conferencia "La expedición Malaspina y la exploración del océano en el s. XXI", de Carlos M. Duarte, coordinador da expedición Malaspina 2010.

Sábado 11
Domus (Rúa Santa Teresa, 1)
A partir das 11:00

Alumnos de cinco equipos de Xinzo de Limia, Ourense, Guntín, Santiago de Compostela e Cambre defenderán os seus traballos na final do XIII "Premio Luis Freire de Investigación Científica para Escolares". Durante o acto, no que se contará coa presenza de familiares e compañeiros de estudos dos participantes, os estudantes deberán expor e defender os seus traballos ante o Xurado.
Estas son as preguntas finalistas e que competirán polo primeiro premio:
- Cales son as mellores condicións para hidratar legumes? Presentado por Laura Domelo Borrajo, Alvaro Dopozo Feijoo e María González Sotelo, do IES Lagoa de Antela de Xinzo de Limia.
- Pódese empregar auga dos deshumidificadores nas baterías eléctricas? Presentado por Diego Dorribo Dacuña , Julián Fernández González, Adrián Gómez Blanco e Brais Sandín Fernández, do IES Universidade Laboral de Ourense.
- Pódese ver medrar a herba? Presentado por Adrián Balsa García, Sofía Díaz Varela, Lucas Lombardía García e Laura López López, do CPI Tino Grandío de Guntín.
- Os nosos carballos sobrevivirán á chuvia ácida? Presentado por Esperanza Alvarez Vilas, Brenda Hermida Varela, Rosana Martins Cotón e Noemí Pena Vidal, do IES de Sar de Santiago de Compostela.
- Pódese recuperar completamente, con calor, unha pelota de tenis de mesa abolada? Presentado por Damián Moar Botana e David Viñas Barciela, do IES David Buján de Cambre.

Convocado polos Museos Científicos Coruñeses, El Corte Inglés e a Asociación de Amigos de la Casa de las Ciencias trátase dun premio de investigación dirixido aos estudantes de secundaria en Galicia que busca fomentar o interese pola ciencia e a formación en actitudes científicas. Tras a exposición dos traballos o Xurado retirarase a deliberar e emitirá o fallo, o que terá lugar sobre as 13:00 horas do mesmo sábado 11 de xuño, para continuar coa entrega dos premios, patrocinados por El Corte Inglés. Os gañadores recibirán como premio unha viaxe a Valladolid para realizar unha visita ao seu Museo da Ciencia. Tamén haberá premios para os demais finalistas. Ademáis, os Museos Científicos Coruñeses farán entrega a todos os finalistas dunha guía didáctica da exposición "Eureka!", sobre ciencia e creatividade, que se exhibe na Domus. Trátase dun material que acaba de ser publicado e que inclúe infomación e actividades relacionadas cos temas tratados na mostra.

Luns 6
Domus (Rúa Santa Teresa, 1)
20:00

Os Museos Científicos Coruñeses proseguen coa terceira edición do ciclo "Os luns con ciencia", co título "A saúde é o primeiro", coa intervención da Dra. Teresa Martínez Ramonde, especialista de endocrinoloxía e nutrición do CHUAC, que falará sobre "A diabetes e a súa alianza coa biotecnoloxía". A Dra. Martínez Ramonde desenvolve o seu traballo con especial dedicación á diabetes tipo 1, para a que na actualidade está a crear unha Unidade no CHUAC. Nesta terceira edición de "Os luns con ciencia" o tema central é a saúde, tratando específicamente os trasplantes, os hábitos cardiosaudables e a obesidade. Por iso, ademáis da colaboración da Universidade da Coruña (Unidade de Divulgación Científica), se conta coa do Complexo Hospitalario Universitario de A Coruña (CHUAC). O ciclo Luns con Ciencia ten como obxectivo incorporar a ciencia á axenda cultural dos cidadáns.