O Fórum Metropolitano acolle o vindeiro domingo 21 de marzo ás 18.00 horas a presentación do proxecto Tic-Tac do músico coruñés Pablo Díaz que contará coa colaboración de músicos como Xabier Díaz, Carmen Rey, Pedro Lamas, Diego Rodríguez Sánchez, Axeitadiñas e o grupo Ruote entre outros.

Tic Tac é un libro-disco do músico coruñés Pablo Díaz, con ilustracións de Marc Taeger, un deseñador suizo afincado en Galicia, e numerosas colaboracións musicais. Conta tamén coas achegas de Santiago Auserón e de Xurxo Souto no prólogo e no epílogo da obra, respectivamente. Está editado por Kalandraka.

O concerto celébrase o domingo 21 de marzo ás 18.00 horas no Forum Metropolitano. O prezo da entrada é de 5 euros (carné xoven, + 65 anos e desempregados 3 euros).

Con motivo da conmemoración, o pasado 8 de marzo, do Día das Mulleres Traballadoras, a Deputación da Coruña organiza o sábado, 20 de marzo, ás 20.30 horas, no Teatro Colón da Coruña, un concerto da cantante portuguesa Cristina Branco, no que presentará o seu último traballo discográfico Kronos.

As invitacións para o concerto poden retirarse no despacho de billetes do teatro o xoves, 18 de marzo, de 12.00 a 14.00 e de 18.00 a 20.30 horas, e o mesmo día do concerto. A entrada será libre ata completar a capacidade.

Kronos é o décimo disco na carreira de Cristina Branco. Un disco que ten ao tempo como fío condutor. Neste traballo colaboraron unha decena de compositores portugueses de primeira líña que compuxeron os 14 temas que forman o disco: José Mário Branco, Sérgio Godinho, Amélia Muge, Rui Veloso, Vitorino, Janita Salomé, Maestro Victorino d'Almeida, Mário Laginha, Carlos Bica, Joao Paulo Esteves da Silva e Ricardo Dias.

Os suecos Entombed, unha das bandas máis influintes no rock duro das últimas dúas décadas, actuarán este xoves 18 de marzo na discoteca Ola Green da Coruña. Despóis de once discos, tres nominacións aos Grammy, xiras con Iron Maiden e colaborar con grandes compañías coma Sony, Marvel ou mesmo o Ballet Nacional Sueco, os inventores do Death 'n' Roll (mezcla de Death Metal e Rock 'n' Roll) visitarán a nosa cidade para demostrar o seu magnífico momento de forma. No concerto estarán acompañados polos madrileños Avulsed e os coruñeses Hongo. O espectáculo dará comezo ás 23:45 e o aforo é limitado. O prezo das entradas é de 18 € en venda anticipada (21 € en taquillas). Para máis información, pódese descargar o dossier de prensa neste enderezo.

O domingo 7 de marzo a partir das 19 horas o Teatro Rosalía acolle o espectáculo SEREAS, que recolle a creación feminina de sete nomes fundamentais da música galega actual. Con este espectáculo pretenden amosar o inmenso potencial creativo das sucesivas xeracións de cantoras e escritoras que as precederon e que usaron a nosa lingua e expresaron sen complexos os seus sentimentos máis profundos. SEREAS é un punto de encontro, un xeito concreto de achegarnos e de apostar pola creación colectiva, pola comunicación e polo coñecemento entre as mulleres que transitamos pola música deste país.

As SEREAS son:

Uxía. En 2010 cumpre 25 anos de carreira artística que a convirten nunha das voces máis populares e valoradas de Galicia, Portugal e Brasil. As súas cancións teñen sempre a presenza latente ou explícita da música tradicional, cun tratamento anovador e persoal.

Mercedes Peón. Premio Nacional de Música no 2008. Da recolleita e investigación da tradición popular á vangarda da música galega, é unha das artistas galegas máis destacadas dos primeiros anos do século XXI, con recoñecementos a nivel internacional.

Rosa Cedrón. Cantora e intérprete de violoncello, coñecida por ser durante nove anos a voz do grupo Luar na Lubre, co que mantivo unha intensa actividade con numerosos concertos por todo o mundo. No ano 2.005 abandonou o grupo e iniciou a súa carreira en solitario.

Ugía Pedreira. Unha das voces mais transgresoras e eclécticas do panorama musical. Actualmente lidera o grupo Marful e participa no proxecto Nordestin@s, xunto a Guadi Galego e o pianista Abe Rábade. Ademáis, ten colaborado con numerosos artistas en discos e proxectos conxuntos.

Guadi Galego. Acaba de publicar un disco en solitario baixo o título Benzón, onde se recolle o seu proxecto máis íntimo e persoal. Participa nos proxectos Nordestin@s e Espido, xunto a Guillerme Fernández. Durante 10 anos foi a vocalista e gaiteira de Berrogüeto, banda coa que fixo xiras por todo o mundo.

Silvia Penide. Cantautora, solista pop, experimental, sincera, cercana, dóce. Cos seus tres discos editados conquistou un gran número de fans agrupados en torno ao seu foro de internet. Imparable, está xirando continuamente por toda España.

Sonia Lebedinsky. Cantora do grupo Fia na Roca, fundado nos anos 90 e considerado referencia dentro do noso panorama musical. Cun son elegante e uns arranxos sorprendentes, transforma a tradición para construír un dos repertorios máis importantes da música galega.  

Sereas é o primeiro concerto do Ciclo Caixanova "Música con raíces", que proseguerá ao longo dos meses de marzo, abril e maio.

Apúntate no evento en Facebook

Mañá xoves 18 de febreiro ás 21:00, concerto de Albert Pla no Teatro Rosalía de Castro. O prezo das entradas oscila entre os dez e os quince euros en función da zona.

Hoxe no Teatro Rosalía Castro a Orquestra Gaos ofrecerá un concerto en solidaridade con Haiti. A recadación destinarase a proxectos de apoio no país devastado polo catastrófico sismo de hai un mes. O concerto comezará ás 20:30.

O domingo 14 de febreiro dentro do ciclo Xacobeo Importa, concerto de Richard Hawley. No Teatro Rosalía de Castro, a partir das 20:30. Entradas a 18, 20 e 22 €.