Venres 18 de 17:00 a 20:00 horas
Sábado 19 de 10:30 a 14:00, e de 16:00 a 20:00 horas
Libros para soñar (Avenida de Fisterra, 64)
Prezos: 40 euros para traballadores/as en activo, 30 euros para estudantes e desempregados/as.

Curso de contacontos para adultos impartido por Manuela Rodríguez. Para máis información e reservas, pódense poñer en contacto no teléfono 881-922447 ou no correo electrónico: lpscoruna@kalandraka.com

Durante este curso escolar a Asociación de Veciños de Oza, Gaiteira e Os Castros (Rúa da Merced, 56, baixo. Teléfono e fax 981-298122, correo:  ozagaiteiraoscastros2 at gmail.com) desenvolve as seguintes actividades de formación para os interesados:
- Clases de gaita: martes de 20:00 a 22:00 h. (perfeccionamento) e mércores de 18:00 a 20:00 h. (iniciación).
- Clases de tamboril: martes de 19:00h a 20:00 h.
- Clases de pandeireta: xóves de 21:00 a 22:00 h.
- Como novidade, vanse dar tamén clases de acordeón. Ainda que o horario está pendente, as/os interesadas/os poden anotarse no correo electrónico, no teléfono mencionado ou nos números 618-595472 e 658-565657.

A. C. Manicómicos (Rúa Andrés Gaos, 16, baixo)
Inscricións e máis información:
- Teléfonos 692213292 – 981262604
- Correo electrónico:  manicomicos at hotmail.com
- Páxina web: Formación Manicómicos 2011-2012.

Comeza unha nova tempada de formación na A. C. Manicómicos. Máis cursos, máis completos, máis divertidos, máis tolos, máis manicómicos!!!
- Ioga, con Irene Liaño – Luns 10:00–11:30 h. O Ioga comprende unha serie de posturas e exercicios de respiración que constitúe un sistema de mellora física e mental para calquera idade e condición.
- Canto e técnica vocal, con Carmen Rey – Luns 11:30–13:00 h. Aprender a respirar, colocar, afinar e proxectar a voz, como base para cantar e preparar un repertorio variado de cancións individuais ou en grupo.
- Teatro xuvenil (de 12-17 anos) con Teresa Babío – Martes 18:30–20:00 h. Dende a improvisación, o xogo, o teatro físico, a escoita grupal, e o desenrolo do talento persoal, iremos construíndo un espectáculo colectivo.
- Creación escénica, con Carlos Sante e Gonçalo Guerreiro – Luns 20:00–23:00 h. Posta a punto áxil de cara á montaxe dun espectáculo colectivo que será representado a final do curso. Para antigos alumnos ou xente con experiencia.
- Pilates, con Ana Duro – Martes 10:00–11:30 h. Un programa específico de traballo corpo-mente para reeducar a nosa postura e conseguir melloras eficaces nos nosos hábitos.
- Danza, monográficos, con David Loira – Martes 11:30–14:30 h. A idea é levar adiante tres monográficos de danza contemporánea durante o curso, dende un punto de vista cercano á creación.
- Teatro infantil (de 4-11 anos), con Teresa Babío – Martes 18:30–20:00 h. Unha forma divertida de achegar os peques ao mundo do teatro mediante o xogo e a expresión corporal para facer unha creación colectiva a fin de curso.
- Teatro en movemento, con Gonçalo Guerreiro – Martes 20:30–22:30 h. Xogo físico, teatro xestual, pantomima, cine mudo, bufón, commedia dell’arte… Desenvolve a espontaneidade corporal, o instinto e a percepción.
- Escritura teatral, con Fabiana Gastaldello – Mércores 11:00–12:30 h. Aprende a producir textos a través dun método que esperta a creatividade, nutríndose de literatura, cinema, teatro, xeometría, música, movemento…
- Técnicas de circo (adultos), con Chusmi e Marta Iglesias – Mércores 20:30–22:30 h. Coñece as técnicas básicas das diferentes disciplinas circenses: malabares, acrobacias, equilibrios, aparatos…
- Clown e improvisación, con Carlos Sante – Xoves 20:30-22:30 h. Xogo dramático, presenza escénica, improvisación, clown, creación de personaxes. Un xeito rápido de aprender as normas do xogo teatral escénico.
- Técnicas de circo (peques), con Chusmi e Marta Iglesias – Venres 17:30-19:00 h. Toma de contacto inicial co mundo do circo a través das técnicas de malabares, acrobacias e equilibrios, potenciando a actividade física dun xeito lúdico.
- Mimo, con Fabiana Gastaldello – Sábados 11:00-13:00 h. Coñece as técnicas fundamentais do mimo contemporáneo: o mimodrama moderno de Marcel Marceau e o mimo corporal dramático de Étienne Decroux.

As clases comezan o luns 17 de outubro no local da asociación e rematan cunha mostra pública de fin de curso a mediados de Xuño.

Descarga o dossier coa información completa dos cursos e profesores: DOSSIER FORMACIÓN MANICÓMICOS e o DÍPTICO FORMACIÓN coa información máis básica.

Do luns 9 ao xoves 12 de maio
CasaHamlet (Rúa Alfonso VII, 11, baixo)
De 16:00 a 19:00 h., un total de 12 horas.
Prezo: 15 euros.

Finaliza o Programa "ACtúa", de formación teatral para profesionais, organizado pola CasaHamlet, Manicómicos e Teatro do Andamio, en colaboración coa Concellaría de Cultura e a Deputación da Coruña, co obradoiro "A voz na expresión teatral", por Santiago Fernández e Manuel Lourenzo. Do estudo da voz do actor –un dos eixos da expresión teatral- á súa implicación na personaxe, eixe da acción escénica:
- 1. A voz do actor: Respiración; Relaxación e movemento; O arco vocálico. Orixe dos sons; Os ritmos. Acentos, pausas, minoración, etc.; e Exercicios prácticos: lectura, improvisación.
- 2. A voz da personaxe. Da voz do actor á voz da personaxe; A personaxe. Contexto e características: época-momento, tempo-situación, psicoloxía, episodio-conflito; e Exemplos prácticos.

19, 20, 21, 26 e 27 de xaneiro
Teatro Rosalía de Castro
De 17:00 a 21:00
Prezo: 30 euros. Prazas limitadas. Inscricións en Servinova, no teléfono 902-504 500 e na Billeteira Kiosco Praza de Ourense.

Comeza o Programa "ACtúa", de formación teatral para profesionais, organizado pola CasaHamlet, Manicómicos e Teatro do Andamio, en colaboración coa Concellaría de Cultura e a Deputación da Coruña, co obradoiro "A arte do actor e o proceso creativo", por Óscar Codesido. Para máis información enviar un correo electrónico a  imce at coruna.es.

Dentro das actividades da sexta edición do Iberojazz 2011, o martes 25 de xaneiro ten o seguinte programa:
- Martes 25. Auditorio Andrés Gaos do Conservatorio Superior de Música - De 10:00 a 14:00 h. Clase maxistral a cargo de Antonio Solimene, director de orquestra, pianista, compositor, arranxista e profesor da Saint Louis College of Music de Roma: "Composición motívica".
- Martes 25. Fórum Metropolitano - De 10:00 a 14:00 h. Clase maxistral a cargo de Rosario Giuliani, saxofonista, compositor e arranxista italiano: "Saxo e Improvisación".
Ambos cursos están abertos a todo o mundo e a inscripción pode facerse no propio Conservatorio Superior de Música da Coruña. Entregaranse diplomas acreditados polo Conservatorio e asinados polos profesores italianos.
O programa completo pódese descargar aquí: Iberojazz 2011.

Do martes 1 ao xoves 10 de febreiro
CEIP Curros Enríquez
De 18:30 a 21:30
Matrícula: 99,99 euros. Inscrición no teléfono 666014494, no correo electrónico  cabare3 at gmail.com, ou mediante transferencia bancaria ao número de conta 2091 0004 10 3040015025 indicando como concepto o nome do alumno/a.

Curso de Cabaré e Casting para a Compañía Femme Fatale. Neste enlace pódese consultar o contido da Unidade Didáctica.

Esta sexta edición do Iberojazz 2011, que coincide co comezo da segunda década do século XXI, quere homenaxear a Irving Berlin: quen, sen chegar a ler música máis alá dun nivel elemental, conquistou coas súas composicións a sensibilidade da cultura norteamericana e occidental do século XX. Logo de estrear o "Alexander´s Ragtime Band", un tema que o catapultou á fama no ano 1911, pasou a formar parte do grupo editorial "Tin Pan Alley" da Gran Mazá. A partir desta composición, todo foi unha suma de éxitos para Irving Berlin nunha longa carreira artística. Esta composición honrou as primeiras bandas itinerantes da historia do Jazz, que hoxe cómpre lembrar. É a sexta edición dun festival que, como cada ano, pretende ofrecerlles aos cidadáns da Coruña e a todos os visitantes unha actividade musical con algo máis de tres décadas de actividade na nosa comunidade, que medra silenciosamente cun público cada día máis crítico e cun elenco artístico de alta calidade, dentro do ámbito autonómico, nacional, ibérico e internacional. A organización do Iberojazz toma como fío condutor a composición de Berlin e aposta nesta edición por unha programación relacionada directamente coa creación de novos proxectos musicais: no plano da composición, dos arranxos, da interpretación de temas inéditos, creados para ser estreados no marco do festival. Nestes proxectos participarán artistas noveis xunto a artistas de recoñecido prestixio nacional e internacional e a colaborarán diferentes institucións públicas e privadas de ámbito autonómico e internacional que apostan pola creación e polo apoio aos novos talentos do jazz e da música creativa. Esta edición ofrecerá seis actuacións en directo e dúas máster class concentradas en catro días que terán lugar no Teatro Rosalía de Castro, no Auditorio do Fórum Metropolitano, o Club Filloa Jazz e o Auditorio Andrés Gaos do Conservatorio Superior de Música (C.S.M.) da Coruña:
- Xoves 20. Fórum Metropolitano – 21:00 h. André Sarbib (piano) - Antonio Serrano (harmónica). Ofrecerán un espectáculo creado para o Iberojazz con novas composicións que se estrearán nesta sexta edición, na que tamén interpretarán temas do citado disco de Sarbib. Entrada: 7 euros (carné xove, maiores de 65 anos e desempregados: 5 euros).
- Xoves 20. Filloa Jazz - 22:30 h. Sesión dobre do Grupo Perkutone (José Antonio Rodríguez Outeda, Noli Torres e Vikas Triparti), proxecto que fusiona a través da percusión de parche, os estándares do jazz cos sons latinos e hindús; e o trío formado por José Manuel Rodríguez, Gustavo Hernán e o propio Noli Torres: unha arriscada e non menos interesante formación con temas propios. Ao final, terá lugar unha jam session a cargo dos dous grupos fusionados nos que se renderá homenaxe musical a Irving Berlin. Entradas: 5 euros.
- Venres 21. Fórum Metropolitano - 21:00 h. Chema Sáiz (guitarra) - Israel Sandoval (guitarra), dúo que porá a súa creatividade dentro do marco da improvisación e da interpretación de música propia e estándares de diferentes procedencias culturais, con referencia especial á música norteamericana e española. Entrada: 7 euros (carné xove, maiores de 65 anos e desempregados: 5 euros).
- Venres 21. Filloa Jazz - 22:30 h. Gabriel Peso trío, formado por Gabriel Peso (piano), Gustavo Hernán (contrabaixo), Borja García (batería). Presentarán material de composición propia e temas do repertorio de jazz, desde unha perspectiva histórica, evolutiva e sen esquecer a figura de Irving Berlin. Entradas: 5 euros.
- Martes 25. Auditorio Andrés Gaos do Conservatorio Superior de Música - De 10:00 a 14:00 h. Clase maxistral a cargo de Antonio Solimene: "Composición motívica".
- Martes 25. Fórum Metropolitano - De 10:00 a 14:00 h. Clase maxistral a cargo de Rosario Giuliani: "Saxo e Improvisación".
Ambos cursos están abertos a todo o mundo e a inscripción pode facerse no propio Conservatorio Superior de Música da Coruña. Entregaranse diplomas acreditados polo Conservatorio e asinados polos profesores italianos.
- Mércores 26. Teatro Rosalía de Castro - 21:00 h. Presentación do proxecto orixinal "Galitalia Jazz Meeting", que une a riqueza e madurez do jazz italiano coa frescura do jazz das novas xeracións galegas, encargado pola organización do Iberojazz ao Departamento de Jazz do Conservatorio Superior de Música da Coruña e á Saint Louis College of Music de Roma: un encontro musical de creación propia que servirá para celebrar a primeira licenciatura de Jazz de Galicia. Actuará a Big Band do C. S. M. da Coruña con Rosario Giuliani como artista invitado. Kin García e Antonio Solimene dirixirán a banda. O concerto será gravado en directo para realizar posteriormente un DVD. Entrada: 7 euros (carné xove, maiores de 65 anos e desempregados: 5 euros).
Aquí pode descargarse o programa completo: Iberojazz 2011.

O Programa "ACtúa", de formación teatral para profesionais, organizado pola CasaHamlet, Manicómicos e Teatro do Andamio, en colaboración coa Concellaría de Cultura e a Deputación da Coruña, ten o seguinte calendario de actividades:
- 19, 20, 21, 26 e 27 de xaneiro: "A arte do actor e o proceso creativo", por Óscar Codesido. O programa centrarase no traballo sobre diferentes elementos imprescindibles para a creación escénica que esencialmente se basean no tempo dramático: tempo, duración, repetición e resposta escénica e o espazo dramático: forma corporal, xesto, ... Relación espacial, arquitectura e topografía escénica.
- Do 7 ao 10 de febreiro: "Da interpretación teatral á interpretación para cámara", por Mariana Carballal. O tránsito dende o teatro ao audiovisual pasa por coñecer e recoñecer as características e técnicas específicas que requiren ambos medios, para poder cruzar a ponte dun ámbito ao outro aproveitando ao máximo as posibilidades que ofrecen. Por iso, partindo das técnicas teatrais en canto á utilización psicofísica destas polo actor ou actriz, descubriremos as similitudes e diferenzas da súa utilización na interpretación ante a cámara.
- Do 21 de febreiro ao 4 de marzo: "Curso de interpretación", por John Strasberg. Traballo sobre unha escena escollida por cada alumno ou grupos de alumnos coas seguintes premisas: Una vez feita a inscrición condicional a organización poñerase en contacto coas persoas interesadas para solicitarlles o seu curriculum e a escena ou escenas que queiran traballar para formar un grupo cohesionado. As persoas que queden fóra do grupo poderán asistir como oíntes; cada alumno/a trae a escena coa que vai traballar, estudada de memoria e analizada; nos casos en que varios alumnos traballen xuntos unha mesma escena, dedicaráselles un tempo maior.
- Do 14 ao 17 de marzo: "O teatro en espazos alternativos", por Alberto Romero. Este obradoiro aborda técnicas aplicadas á creación teatral en espazos pechados ou abertos non convencionais, con público expectante ou improvisado, quieto ou en movemento, traballando de modo diferencial aqueles elementos técnicos que o actor e a actriz manexan no seu quefacer interpretativo: expresión, movemento, enerxía, proxección... en consideración a diversos ámbitos escénicos máis alá do clásico escenario á italiana.
- Do 28 de marzo ao 1 de abril: "Do monólogo ao diálogo", por Olga Magaña. Este curso, dirixido a profesionais do teatro, aborda e afonda diversas técnicas de investigación e expresión co obxectivo de servir de utilidade no traballo de creación de actores e actrices á hora de enfrontarse a un monólogo dende os seus diversos formatos, así como a aplicación, desenvolvemento e concreción das devanditas técnicas en escenas dialogadas. En virtude das características peculiares que configuran o interlocutor escénico (público, personaxe presente, ausente, real ou virtual) abordaranse tratamentos específicos do ritmo, a cadencia, o movemento e o espazo discorrendo do texto á escena, da acción á palabra... do monólogo ao diálogo. Direccionalidade, técnica e a combinación dos diferentes rexistros posibilitaranos transmitir organicamente o discurso interpretativo.
- Do 11 ao 16 de abril: "Obxecto, espazo, acción", por José Luis Raymond. Este curso está destinado a actores, actrices ou artistas plásticos que queiran traballar cos conceptos espaciais contemporáneos, así como cos elementos e materiais que xorden das dramaturxias visuais. con estes obxectivos: coñecer a acción teatral a través do obxecto como desenvolvemento visual, conceptual e estético de situacións que pasan pola abstracción , a narración e o simbolismo, e creación de espazos persoais, onde os apéndices corporais forman parte da prolongación da personalidade artística e visual. Tadeus Kantor, coas súas mochilas e apéndices corpóreos.
- Do 27 de abril ao 1 de maio: "A expresión do clown", por Michele Dallaire. O programa deste curso consiste en desenvolver e fixar a arte da autoescoita e o control do fluxo de enerxía en escena con un mesmo e co público tendo en conta a técnica do Clown. Os temas que se van tratar son: a personaxe a través do corpo: disociacións, silueta, pesos, expresividade, transferencias de enerxía, xeitos de camiñar e comportarse, ritmo, marcas, actitudes físicas, tics; o xogo escénico e as técnicas de actuación: a relación co público, a urxencia, o ritmo, o gag, a sorpresa, a reactivación, a escoita, o espazo; e a construción: a entrada a escena, o pretexto, a reacción, a graduación das emocións, o tempo do público, o risco, as bromas, o fracaso, a saída…
- Do 9 ao 12 de maio: "A voz na expresión teatral", por Santiago Fernández e Manuel Lourenzo. Do estudo da voz do actor á súa implicación na personaxe, eixe da acción escénica: A voz do actor: respiración, relaxación e movemento, o arco vocálico, os ritmos e exercicios prácticos; e A voz da personaxe: da voz do actor á voz da personaxe, a personaxe, contexto e características e exemplos prácticos.

Sábado 4
Asociación Fotográfica Posición B (Galerías de Sta. Margarita, 3)
De 16:00 a 21:30
Entrada: o curso conta cun máximo de 25 alumnos. O prezo é de 55 euros. Para acudir é preciso enviar un correo a  asociacion.posicion.b at gmail.com.

Dentro do Outono Fotográfico 2010, o sábado 4 de decembro en Posición B, desenvólvense as seguintes actividades impartidas por Óscar Molina:
- 16:00 a 18:00 h. Charla sobre o proceso creativo: "Detrás de la cámara".
- 18:30 a 21:30 h. Sesión Photolatente.

Máis información neste enlace.

Do luns 22 ao xoves 25
Planetario da Casa das Ciencias
De 19:30 a 21:30 horas.
Prezo: 40 euros (inclúe a matrícula no curso, materiais e a Tarxeta 20, que dá un ano de acceso aos Museos Científicos Coruñeses). Hai unha tarifa reducida de 20 euros para membros da Asociación de Amigos de Casa das Ciencias, da Agrupación Astronómica Io, menores de 14, maiores de 65 e Carné Xove.

O Planetario de Casa das Ciencias organiza, en colaboración coa Agrupación Astronómica Io, un Curso de iniciación á astronomía, dirixido a persoas sen coñecementos previos na materia que desexen aprender a gozar da astronomía a simple vista. Os asistentes adquirirán coñecementos para recoñecer os planetas, estrelas e constelacións máis destacados, e interpretar os seus movementos no firmamento. Tamén se mostrará o uso de prismáticos e pequenos telescopios para descubrir obxectos celestes espectaculares, sen esquecer unha referencia aos últimos achados científicos sobre o Universo. Se as condicións o permiten, o último día do cursiño realizarase unha saída nocturna para ver o firmamento. A inscrición realizarase na Na Secretaría da Casa das Ciencias, teléfono 981-189844.

O Outono Fotográfico 2010 tamén chega a Coruña coas seguintes exposicións e actividades:

- "Entroido en Manzaneda" de Carlos G. Hervella (Manzaneda, Ourense, 1955). 52 fotografias en marcos de 60 x 50.
Biblioteca do Castrillón
Praza Pablo Iglesias s/n. 15009 A Coruña.
Horario: luns a venres de 09.00 h a 21.00 h. Sábado de 10.00 h a 14.00 h.
4 de novembro a 4 de decembro

- "Novas conversas con Atlante" . Colectiva: Xosé Abad, Miguel Harguindey, Xacobe Meléndrez Fassbender, Sandra G. Rey, Paco Rocha e Xosé Teiga. Curador: Xacobe Meléndrez. Unha reflexión sobre o estado actual do movemento social e ambientalista xenerado polo afundimento do Prestige hai 8 anos. 58 fotografias de 40 x 60.
Aquarium Finisterrae
Paseo Alcalde Francisco Vázquez, 34 , 15002 A Coruña
Horario: Lunes a Viernes, 10:00-19:00 ; Sáb, Dom e festivos, 10:00-20:00 h.
Edítase catálogo que se presentará o día 23 na inauguración
23 de novembro a 17 de xaneiro

- "Graphias", de Begoña Pastoriza (A Coruña 1978) e Paz Vicente (Soria 1968). As autoras proporciónannos unha serie de imaxes indefinidas, ás veces borrosas, con espazos para a superposición, como un camiño aberto en múltiples direccións, como dualismo simétrico ou como dobre imaxe. Como imaxe no espello, un símbolo da conciencia, un eco da realidade, un mundo composto por espazos desestruturados, carentes de enerxía, coma se esta se encontrase máis alá, extrapolándose de si mesma, aínda que implícita nela. É aí onde habitan estas "Graphias". Asociación Fotográfica Posición B.
Rúa Galerías de Santa Margarita, 3, C. P. 15007.
Horario: de luns a venres, de 18:00 h. a 21:00 h. , sábado e domingos, de 12 a 14 horas
26 de Novembro ate o 12 de decembro.

- "O mundo é un escenario" de Alejandra Vacuii. (Ourense 1987). 20 fotos de 30x45. Imaxes que reflicten o sentimento, a emoción e a inquedanza da súa autora, nunha mostra organizada por Anacos da Cidade (asociación ourensá).
Casa Museo de María Pita
Rúa Herrerías, 28; 981 189 853 begin_of_the_skype_highlighting              981 189 853      end_of_the_skype_highlighting - Horario: de martes a sábado: de 10:30 a 14:00 e de 17:30 a 20:00; domingos e festivos: de 10:30 a 14:00. Luns, pechado
30 de novembro a 2 de xaneiro

- "La gran recolección". Colectiva. Curadores: José Eugenio Mañas e Mª José Fernández (Albacete). 60 fotos de 30 x 30 cm enmarcadas. A Gran Recolleita é unha proposta de Mª José Fernández e José Eugenio Mañas realizada en colaboración con outros artistas na que se cuestiona a manipulación da natureza desde distintos puntos de vista. Para iso os artistas tiveron que intervir ou manipular unha planta e posteriormente fotografala. O resultado son 60 imaxes en que o lúdico non pecha dimensión á reflexión, senón que ao contrario empraza a arte e á fotografía á necesidade de crear un diálogo e unha dimensión do colectivo que non está fixada de antemán....
Casa Museo de Casares Quiroga
Rúa Panadeiras 12 - Horario: de martes a sábado: de 10:30 a 14:00 e de 17:30 a 20:00; domingos e festivos: de 10:30 a 14:00. Luns, pechado
2 decembro a 2 de xaneiro

Outras actividades no local da Asociación Fotográfica Posición B
- Cursos (asistencia previa matrícula, prazas limitadas)
* Obradoiro de Técnicas ensenciais (Nivel II). Sábado 27 de novembro: impartido por Eduardo Castro Bal. Horario de 10:00 h a 14:00 h. na sede de Posición B e de 16:00 h. a 20:00 h., prácticas de iluminación no plató.
* Obradoiro de Lightroom 3. Sábado e Domingo 11 e 12 de decembro: impartido por Fran Nieto. De 10:00 a 12:00 e de 16:00 a 20:00 h.

- Charlas e seminarios:
* "Identidade e cambio" (Fotografía, arte e compromiso). Xacobe Meléndrez Fassbender. Venres 3 de Decembro a partir das 19:00 h. (Asistencia libre, aforo limitado).
* "Detrás de la Cámara, hacia un proyecto personal" e "Photolatente". Óscar Molina. Sábado 4 de decembro de 16:00 a 21:30 h. (Asistencia previa matrícula, prazas limitadas)

- Proxeccións :
"Fronteira". Montaxe de 34 min. Sete interpretacións persoais diversas da tensión que se xera nos límites xeográficos, conceptuais, formais, procesuais...
Imaxes de Delmi Álvarez, Carmela Gil Vázquez, Maribel Longueira, Luis López Gabú, Carolina Martínez Rodríguez, Xacobe Meléndrez Fassbender e Helena Segura-Torrella.
Coa participación musical de: Fresquiños, Xoán Curiel, Pedro Lamas e Xosé Lois Romero, "Pinnacle roots reggae band" e Manuel Riveiro. Proxectarase o 13 de novembro, ás 20 h, na Sala Cava do Espai Fotogràfic Can Basté de Barcelona, con presentación polo seu curador, Xacobe Meléndrez; o venres, 3 de decembro, ás 20:30 horas en Posición B da Coruña; e do 28 de outubro ao 12 de novembro, na sala de exposicións da Casa da Xuventude de Ourense, en horario de 19 a 23 h, excepto festivos. O 3 de decembro, tras a proxección de "Fronteiras" en Posición B, entre as 21:30 e as 22:15, actuación de "Os Fresquiños".

Neste arquivo pódese descargar máis información: Outono Fotográfico na Coruña 2010.

A Asociación Cultural Manicómicos presenta os seus cursos de formación 2010-2011: teatro de movemento, técnicas de circo, clown e improvisación, mimo contemporáneo, creación escénica, teatro xuvenil, teatro infantil, ioga, pilates, canto, danza e hip-hop. As preinscricións faranse do 1 ao 15 de outubro. Toda a información pódese consultar aquí.