O mércores 13 de abril comeza o "Encontro Internacional: Conservando a Riqueza da Vida na Terra", organizado polo Ceida e os Museos Científicos Coruñeses, que se celebrará do 13 ao 15 de abril no Castelo de Santa Cruz (Oleiros) e no Aquarium Finisterrae (A Coruña). A sesión inaugural terá lugar no Castelo de Santa Cruz ás 9:45 horas, coa intervención de José Jiménez García-Herrera, director xeral de Medio Natural e Política Forestal do Ministerio de Medio Ambiente e Medio Rural e Marino, que falará sobre "O desafío de conservar a riqueza da vida na Terra". Neste Encontro participarán expertos internacionais e representantes de relevantes institucións relacionadas coa conservación e xestión dos recursos naturais. O obxectivo é dar a coñecer os desafíos aos que se enfronta a conservación da riqueza da vida na Terra, tanto desde unha perspectiva global como facendo referencia a diferentes lugares emblemáticos do planeta. Así mesmo, preténdese divulgar actuacións e traballos de investigación que se están a desenvolver desde distintas institucións a prol da biodiversidade, así como amosar distintas ferramentas e instrumentos que nos capacitan para a conservación dos valores naturais e das áreas protexidas. O Encontro está dirixido a xestores de espazos naturais, estudantes universitarios, educadores ambientais, guías de espazos naturais protexidos, grupos ecoloxistas, técnicos medioambientais, axentes de desenvolvemento local, público en xeral. Coa colaboración da Universidade da Coruña, Universidade de Vigo, Universidade de Santiago de Compostela, e o patrocinio de Nova Caixa Galicia e o Programa "Bo para o mar, bo para ti".

Mércores 6
Salón de Actos da Real Academia Galega (Rúa Tabernas, 11)
20:00
Entrada libre até completar capacidade.

Segunda conferencia dos "IV Encontros Cidade da Coruña", baixo o lema "Ser Escritor, Ser Escritora", organizados pola Asociación de Escritoras e Escritores en Lingua Galega, co patrocinio da Concellaría de Cultura do Concello da Coruña e a colaboración da Real Academia Galega. Mariasun Landa fará un percorrido pola súa extensísima obra guiada polo título "Creación, Lingua e Identidade", nun acto presentado por Mercedes Queixas. Nada en Rentería en 1949, Mariasun Landa Etxebeste licenciouse en Filosofía en París en 1973 e en Filosofía e Letras pola Universidade de Valencia. Exerceu como profesora de Educación Básica durante varios años, así como no Servizo de Euskaldunización do Profesorado (IRALE-Goberno Vasco). Actualmente é profesora titular de Didáctica da Literatura na Escola Universitaria do Profesorado de Donostia (UPV / EHU). Colaborou en numerosas revistas e xornais do País Vasco, pero o seu labor creativo céntrase sobre todo na literatura infanto-xuvenil en lingua vasca. Autora de máis dunha trintena de títulos para nenas e nenos, grande parte da súa obra foi traducida a castelán, catalán, galego, así como a outras linguas extrapeninsulares: inglés, francés, alemán, grego, árabe, coreano albanés,... Entre algúns dos premios literarios que recibiu, destacan o premio de maior tradición na literatura vasca, o "Lizardi de Literatura Infantil" en éuscaro co conto "Txan Fantasma" en 1982 (do que existe versión en galego, "Chan, a pantasma") e o Premio Euskadi de Literatura Infanto-xuvenil en 1991 coa obra "Alex". En 2003 gañou o Premio Nacional de Literatura Infanto-xuvenil do Ministerio de Cultura coa obra "Un crocodilo debaixo da cama" escrita orixinalmente en lingua vasca ("Krokodiloa ohe azpian"). O seu libro "Iholdi" foi incluído na lista de honra do IBBY en 1992, e "Un crocodilo debaixo da cama" en 2006. "Elefante corazón de paxaro" foi seleccionado para a lista dos White Raven de 2001 que elabora a recoñecida Biblioteca Internacional do Libro Infanto-xuvenil de Múnic.

O programa definitivo das actividades de Chat ao vivo, Cara a Cara, Mesas de Debate e Encontros Sectoriais do Achegarte 2011 será o seguinte:

- Chat ao vivo. Sala de audiovisuais:
* Sábado 2:
* 20:30 - 21:15 h. Ataque Escampe.

* Domingo 3:
* 11:30 - 12:15 h. Manolo González.
* 19:15 - 20:00 h. Lino Braxe.

Poderás seguir o streaming de vídeo en directo desde este blogue e no perfil de Achegarte en Facebook.
Para participares podes desde agora enviar as túas preguntas a través da etiqueta #chataovivo especificando se é para Lino, para Ataque ou para Manolo. Tamén poderás facer preguntas en directo a través deste blogue.

- Cara a Cara. Dous creadores e un xornalista conversan sobre os seus últimos traballos, sobre o proceso e o contexto da creación, os públicos, os medios, ...
* Sábado 2:
* 20:00 h. Daniel Salgado fala con Emilio José e Oliver Laxe.

* Domingo 3:
* 12:00 h. Alberto Ramos fala con Manuel Rivas e Mercedes Peón.
* 13:00 h. Iolanda Casal fala con Uxía e Xurxo Souto.

- Mesas de Debate. Na Sala de Conferencias:
* Sábado 2:
* 11:30 - 13:00 h. "Situación do teatro infantil en Galiza".

* Domingo 3:
* 12:00 - 14:00 h. "A escrita de guión audiovisual en Galiza".

- Encontros Sectoriais. No Kiosko Alfonso:
* Sábado 2:
* 11:30 - 14:00 h. Asociación Galega de Profesionais da Xestión Cultural. Xestión e xestores culturais en Galiza.

* Domingo 3:
* 11:30 - 14:00 h. Federación de Asociacións Galiza Cultura. Encontro Nacional de Asociacións Culturais.

Facemos público o programa de actividades do Achegarte 2011, que se desenvolverá no Palexco (salvo algunhas actividades que sinalamos máis abaixo) con estes horarios:
Sábado 2 de abril: de 11:30 h. a 14:30 h., e de 16:30 h. a 22:00 h.
Domingo 3 de abril: de 11:30 h. a 14:30 h., e de 16:30 h. a 21:00 h.

En total hai 114 participantes, co seguinte desglose:
- Editoriais: 20.
- Librarías: 9.
- Institucións: 6.
- Asociacións profesionais: 7.
- Entidades culturais: 11.
- Distribuidoras: 8.
- Teatro: 14.
- Danza: 6.
- Audiovisuais: 4.
- Servizos culturais: 5.
- Outros: 6.

O programa completo pódese descargar aquí: Programa Achegarte 2011:

- Música:
* Sábado 2: Rap Regueifa: Noe Orosa, Ninguén Melide e Senlleiro, Marta Quintana, Coral Follas Novas, Manu Clavijo, Xacarandaina, Xoán Curiel, Habelas, Luar na Lubre, Fuco Xabier, Pradairo: "Pateado", Noitarega: "Vinteún", Silvia Penide e Tiruleque.
* Domingo 3: Pablo Díaz e o grupo "Tic-Tac", Pel de noz, Bellón Maceiras (no stand de Abada), A nena e o grilo, Pesdelán: "Na punta do pé", Saltanocribo, Luvas Verdes, Os da Troula e Cignus, Guillerme Fernández e Xabier Díaz: "Arrolos de Salitre", Combo Dinamo, Tonecho Castelos & Pablo Esqueira, Ulträqäns, Maghúa, Tres Azoteas, Doa e Duplo Son.

- Teatro:
* Sábado 2: "Carlota e Marieta van en bicicleta". A Locamotora; Recital de poesía satírica galego-portuguesa por Celso Parada, do Teatro do Morcego; "Tristán". Elefante Elegante; "Pa cama". Katarsis; "Carapuchiña vermella ou o conto do lobo". Danthea Teatro; "Formigas". CasaHamlet e "Cabaret". Manicómicos.
* Domingo 3: "Contos para un caldiño". Baobab Teatro; "Historia dunha semente". Caramuxo Teatro; Cabraret; Viravolta Títeres; "A verdadeira historia dos tres porquiños e o lobo feroz". Teatro do Andamio; "Os Feirantes". Ramiro Neira e "O trolebús de Celso". Gari.

- Danza:
* Sábado 2: "Territorio marcado", por Fran Riveiro, de Danesga e "Rede na rede". Aula de danza da UDC.
* Domingo 3: "IN-NOVA danza". As Dríadas; "Blondy’s coffe", de Danesga e Nova Galega de Danza.

- Maxia:
* Sábado 2: espectáculo de maxia a cargo de Magos profesionais de Galicia. Ademais, actuacións de maxia no seu stand.

- Obradoiros. Para escolares. Podes apuntarte no AcheGARTE ou garantir a túa praza inscribíndote previamente nas Bibliotecas Municipais:
* Sábado 2: "Demostración de pintura en directo". Pedro Bueno; "Obradoiro de pintura (+ 6 anos)". Begoña Tojo; "Obradoiro de escrita creativa e reciclaxe de camisetas"; Obradoiro "Pequenos deseñadores. Moda creativa". Proxecto GV; "Sesión de retrato fotográfico". A. C. Alexandre Bóveda; Concurso "Tinta de Lura: canto sabes de literatura?". (Agasallo de camisetas e libros aos gañadores); "Obradoiro de ilustración". Pablo Otero (Kalandraka); "Obradoiro de títeres e monicreques". Colectivo Bululú; "Obradoiro de formas e cor. Técnica: plantillas con ceras". Escola de Arte e Superior de Deseño Pablo Picasso; "Obradoiro de caligrafía artística". Escola de Arte e Superior de Deseño Pablo Picasso; "Obradoiro de clown". Manicómicos; "Exhibición de pintura dixital". Diego Ogando; "Obradoiro de Ilustración (+ 7 anos)". Carlos Arrojo e "Obradoiro de danza". Compañía Bruma.
* Domingo 3: "Demostración de xadrez", pola A. C. Alexandre Bóveda; "Demostración en directo do acuarelista Manolo Gandullo"; "Obradoiro de pintura (+ 6 anos)". Begoña Tojo; "Obradoiro de baile". Xacarandaina; "Creación de personaxes de banda deseñada". Kiko Dasilva; "Obradoiro de animación á lectura". Reverso; "Obradoiro de baile". Donaire; "Mira e xoga con Luís Seoane. Obradoiro de arte para familias". Crearte; "Obradoiro de baile". Cántigas da Terra; Obradoiro "Sen novas de Gub". Reverso;  e "Obradoiro de barquiños". Músicas de Salitre. Durante todo o día "Obradoiro Infancia creativa" no stand de Reverso, "Obradoiro de videoxogos" diante do stand de Imaxín Software.

- Presentacións:
* Sábado 2: Entrega do premio "Meiga Moira". Baía; Presentación da Normal. Luís Caparrós, vicerreitor da UDC; "Noente Paradise". Ugia Pedreira; Presentación das novidades de Demo Editorial. Manel Cráneo; 25 aniversario de "O misterio das badaladas" de Xabier P. DoCampo. Conversa co autor e co ilustrador (Xosé Cobas), Xerais; Animación "Abrapalabra!", con Antón Cortizas e o mago Carlos Coira. Galaxia; Presentación do Boletín da Real Academia Galega "Xosé María Álvarez Blázquez", con presidente Xosé Luís Méndez Ferrín e o secretario Xosé Luís Axeitos; "Ricardo Carvalho Calero: a ciencia ao servizo da nación", con Pilar García Negro. Laiovento; Presentación de MEUBOOK; Colección de ensaio "Supertextos". 2.0 Editora.
* Domingo 3: "Páxinas de Carricanta". Ana Mª Fernández. Ilustrador D.N.L; Lectura dramatizada de collage, de Esther F. Carrodeguas. Edicións Barbantesa. Con Raquel Nogueira como Alicia e a colaboración especial de Antonio Mourelos como Alberto; "Planeta Mincha". Manel Cráneo; "Divírtete co paxaro Rodribico". Baía; Presentación do programa "E-ducando". AS-PG; Conclusións do foro sobre o estado da cultura. Tati Mancebo; "Antoloxías Poéticas Sonoras". Xosé María Álvarez Cáccamo e Chus Pato. Cumio; "Impresións dunha viaxe por Galicia en 1935", Federica Montseny. Trifolium; presentación de "S8 Mostra de cinema periférico", 2ª edición. Ángel Rueda; presentación de "Señardade da luz: a obra poética de Manuel María", de Miguel Mato.

- Audiovisuais:
* Sábado 2: Programación da Academia Galega do Audiovisual: proxección de curtas de animación finalistas dos Premios Mestre Mateo, "Checkout", de Ficción Producciones e Audiovisual de Servicios Kairos, "Cribba, o vampiro", de Matriuska Producciones e "Gato encerrado", de María Helena Varela Sánchez e Silvina Cornillón; "A escola das areas" de Algarabía Animación e Lúa Films; "A Xaguarana" de Algarabía Animación e Lúa Films; "Alistán, o demo oveiro" de Algarabía Animación e Lúa Films; "O Soldadiño de Chumbo" de Algarabía Animación e Continental Producciones; Curtas de animación de OQO Editora: "Corre corre, cabaciña"; "A princesa do Caurel"; "A bruxa regañadentes"; "Os sete cabritos" e "Un gato na árbore"; Entrega de premios e proxeccións "Curtas para Rosalía". AS-PG.
* Domingo 3: Proxección de "Contra a morte". Documental sobre Lois Pereiro. IBCinema; proxección de curtas de Mr. Misto Films: "Cousiñas", "O castelo da meiga", "A nena que tiña unha soa orella", "Neggy coñece a Sammy", "A flor máis grande do mundo"; "O pintor de ceos"; e pase promocional da película "A casa da Luz" (esta última no Teatro Rosalía [con convite]) e presentación do guión de "O divino ferrete". Reverso.

- Cara a cara. Dous creadores e un xornalista conversan sobre os seus últimos traballos, sobre o proceso e o contexto da creación, os públicos, os medios, ...
* Sábado 2: Daniel Salgado fala con Emilio José e Oliver Laxe.
* Domingo 3: Alberto Ramos fala con Manuel Rivas e Mercedes Peón; Iolanda Casal fala con Uxía e Xurxo Souto.

- Espazos vertebrados. Experiencias e actividades de asociacións e colectivos culturais, organizados e/ou vertebrados nos últimos tempos. Na Sala de Conferencias:
* Sábado 2: Fundación Manuel María; A Central Folque; Musiqueoh!; Milpedras; Teatro Resoante; El Fracaso; Presentación do selo "Pulp Books". Rinoceronte; Presentación da nova colección "Alcaián". Urco; e "Casa de Manuel Antonio en Rianxo". Xosé Luís Axeitos e Grupo Revisión.

- Mesas de debate. Na Sala de Conferencias:
* Sábado 2: Situación do teatro infantil en Galiza.
* Domingo 3: A escrita de guión audiovisual en Galiza.

- Encontros sectoriais. No Kiosko Alfonso:
* Sábado 2: Asociación Galega de Profesionais da Xestión Cultural. Xestión e xestores culturais en Galiza.
* Domingo 3: Federación de Asociacións Galiza Cultura. Encontro Nacional de Asociacións Culturais.

- Chat ao vivo. Sala de audiovisuais:
* Sábado 2: Ataque Escampe.
* Domingo 3: Manolo González; Lino Braxe.

- Lecturas compartidas:
Diversos autores lerán o sábado e o domingo, de 17:00 a 21:00 no stand da Asociación de Escritoras e Escritores en Lingua Galega.

Venres 25
Kiosko Alfonso
De 18:00 a 21:00
Entrada libre até completar capacidade.

Xornada de reflexión e debate coa presenza de:
-Leonardo Anselmi, voceiro da Comisión Promotora ILP Prou!.
-Mireya Barbeito, enlace político da Asociación Animalista Libera!.
-Marius Kolff, director executivo do CAS-International.
Organizada por CAS-International, Asociación Animalista Libera e Galicia, Mellor Sen Touradas. Colaboran: Concellaría de Cultura e Concellaría de Mocidade, Normalización Lingüística e Solidariedade do Concello da Coruña.

Sábado 19
Sala de Exposicións de Palexco
Horario: de 11:00 a 14:00 e de 17:00 a 21:00
Entrada: libre até completar capacidade.

O "Espazo Solidario: II Encontro de Entidades de Acción Voluntaria", organizado pola Concellaría de Mocidade, Solidariedade e Normalización Lingüística, ofrece un amplo abano de espectáculos en vivo, degustacións, comercio xusto, artesanías, obradoiros, formación, sorteos. O programa completo pódese descargar aquí.

Luns 29
Fundación Caixa Galicia (Rúa Médico Rodríguez, 2-4)
Entrada libre até completar capacidade.

O Clúster do Libro promove estas xornadas de formación, que contan co seguinte programa:
- 10:00 h.
* 1ª Parte (mañá)
CONTIDOS INTERACTIVOS PARA O SECTOR EDITORIAL. Poñente: Ana Prado (Netex)
1. Funcións dos materiais multimedia: perspectiva pedagóxica. Facilidade de uso, versatilidade, etc.
2. O multimedia: hipermedia, hipertexto, interactividade...
3. Estruturación do proxecto multimedia: deseño, distribución da información ...
4. Fundamentos básicos da dixitalización de vídeo e audio.
5. Soportes e formatos de publicación.
- 12:00 h. Pausa-Café
* 2ª Parte.
A COMERCIALIZACIÓN DO LIBRO GALEGO. Para Libreiros e editores. Por Manuel Pan (Abertal).
1. Propostas para a aplicación das novas tecnoloxías na comercialización conxunta e individualizada do libro.
2. Ferramentas, enfoques e funcionalidades necesarias para unha venda colectiva na rede.
3. Claves dunha xestión individual e unha venda colectiva, o poder do "coñecemento colectivo", o uso da web como punto de venta, márketing do libro electrónico ou dixital.
4. O libro electrónico: unha nova oportunidade de negocio.
- 14:00 h. Pausa.
* 3ª Parte (Serán)
- 16:00 h. "AUDITORÍA DE IMPACTO". (Por Hexis, Galinus e Abertal).
1. Realizarase a análise das diferentes presencias en Internet que os asistentes propoñan, desde os puntos de vista de deseño, 2.0 e programación.
- 18:00 h. ¿DESCARGAR É DELITO? Bufete Pintos & Salgado (Por Víctor Salgado Seguín).
1. Análise da lexislación xeral de dereitos de autor, problemática e aplicación ás descargas de contidos protexidos por copyright a través de Internet.
2. A propiedade intelectual, copia privada, o canon, as redes P2P, o Streaming, delito de "piratería", accións de entidades xestoras (SGAE, etc.) límites do ilícito e límites do delito, medidas de protección de contidos e vulneración das mesmas.

O programa completo pódese descargar aquí: Xornada formativa Cluster do Libro 29-11-2010.

Os Museos Científicos Coruñeses organizan na Domus o Simposio de Museoloxía Científica "Públicos da Ciencia", na busca de fórmulas que permitan manter e revitalizar a sintonía cos diversos públicos da ciencia. Asemade, co evento pretenden apostar pola profesionalización da museoloxía científica. Asistirá máis dun centenar de persoas (as prazas están esgotadas) procedentes de diversos puntos de España, e entre os que hai traballadores de museos de ciencia, profesionais da divulgación científica, estudiantes universitarios e en xeral persoas interesadas na comunicación da ciencia.
A actividade, programada no marco da celebración do XXV aniversario da Casa das Ciencias, conta coa colaboración da Universidade da Coruña (Unidade de Cultura Científica).
O Simposio comezará ás 11:15 coa intervención do rector da Universidade da Coruña e a concelleira de Cultura do Concello da Coruña, e continuará coas seguintes ponencias:
- 11.30. Presentación do Simposio por Xosé A. Fraga, director dos Museos Científicos Coruñeses: "Os públicos da ciencia".
- 12.00. "A nova estratexia de divulgación científica da Fundación la Caixa", por Ignaci López Verdeguer (Subdirector Área de Ciencia, Investigación e Medio Ambiente Fundación "la Caixa").
- 12.45. "O foro marino do Aquarium Finisterrae: unha nova infraestrutura para axudar ao público a navegar pola actualidade científica", por Francisco Franco del Amo (Director técnico do Aquarium Finisterrae, Museos Científicos Coruñeses).
- 13.30. "Sabemos quen ven ao noso museo? O perfil do visitante e o plan de Marketing e Comercial", por Alejandro Fernández de las Peñas (Director de Cosmocaixa Madrid).
- 16.30. "O museo, é unha escola?", por Paz Posse Hernanz (Xefa do Departamento de Educación e Actividades, Parque de las Ciencias, Granada).
- 17.15. "Adaptación dos obxectivos de comunicación expositiva aos distintos tipos de público", por María Isabel Parra Lledó (Directora do Museo de la Ciencia y el Agua de Murcia).
- 18.15. "Como achegar a investigación biomédica aos mozos a través de Internet?", por Rosina Malagrida (Directora de Difusió de la Ciència, Parc Científic Barcelona).
- 19.00. "O sistema territorial do mNACTEC: patrimonio, identidade e públicos", por Carme Prats Joaniquet (Coordinadora do sistema territorial mNACTEC, Departamento de Cultura e Medios de Comunicación. Generalitat de Catalunya).

O Simposio continuará o sábado 27 coas últimas sesións e a presentación de conclusións.

As Xornadas Ricardo Carvalho Calero: ciencia, literatura e nación, organizadas pola Asociación Sócio-Pedagóxica Galega, a Concellaría de Cultura e a Universidade da Coruña, terán lugar os días 24, 25, 26 e 27 de novembro, na Sala de xuntas da Reitoría (Maestranza), co obxectivo de achegarse á súa vida e obra tanto desde a súa faceta literaria como da propia historia, dando visibilidade a un dos grandes da literatura galega e darlle o recoñecemento que merece. O programa é o seguinte:

Mércores 24
17:00 - 17:30 h. Recepción e entrega de material.
17:30 - 17:40 h. Inauguración.
17:40 - 20:30 h. Mesa redonda "Ricardo Carvalho Calero na memoria".
- Proxección de "Carvalho Calero: a posibilidade de rectificar a história", Francisco Salinas Portugal, 1988.
- Presenta, introduce e modera: Carme Fernández Pérez-Sanjulián, escritora e profesora do departamento de Galego-Portugués, Francés e Lingüística da Universidade da Coruña.
- Participan:
* Carmen Blanco, escritora e profesora titular de Literatura Galega da Universidade de Santiago de Compostela na Facultade de Humanidades do Campus de Lugo.
* Araceli Herrero, escritora e profesora na Universidade de Santiago de Compostela.
* Aurora Marco, escritora e profesora de Didáctica da Lingua e a Literatura Galega na Facultade de CC da Educación da Universidade de Santiago de Compostela.
* Francisco Pillado, escritor, actor e profesor.
* Miguel Anxo Fernán Vello, escritor e director de Edicións Espiral Maior.
21:00 h. Espectáculo no Teatro Rosalía de Castro: "Isto é o que nos foi dado". Homenaxe escénica a Ricardo Carvalho Calero:
* 1ª Parte: Recital a cargo de Lino Braxe, Flor Maceira, Santiago Fernández e Manu Clavijo.
* 2ª Parte: Concerto de Ugia Pedreira e Fred Martins.

Xoves 25
18:00 - 20:00 h. Mesa redonda: "Pensamento, intervención e ciencia".
- Presenta, introduce e modera: Mª do Pilar García Negro, escritora e profesora titular do Departamento de Galego-Portugués, Francés e Lingüística da Universidade da Coruña: "Ensaio lingüístico e literario".
- Participan:
* Francisco Rodríguez, Licenciado e Doutor en Filoloxía Románica e Catedrático de Literatura Española: "O compromiso co nacionalismo".
* José Luís Rodríguez, profesor e catedrático da Universidade de Santiago de Compostela: "O labor universitario".
20:10 - 21:40 h. Presentación do libro "Cautiverio de Fingoi. Os anos lugueses (1950-1965) de D. Ricardo Carvalho Calero" e proxección do vídeo inédito do seu autor, R. Raimunde Noreña.

Venres 26
17:00 - 21:00 h. "A creación literaria".
17:00 - 18:15 h. "A poesía de Ricardo Carvalho Calero".
- Conferencista: Francisco Salinas, profesor titular da Universidade da Coruña.
- Argüente: César Morán, profesor asociado da Universidade da Coruña e catedrático de Lingua e Literatura Galega no IES Agra do Orzán.
18:15 - 19:45 h. "A narrativa de Ricardo Carvalho Calero".
- Conferencista: Claudio Rodríguez Fer, Licenciado en Filoloxía Hispánica, profesor na Universidade de Santiago e ocasionalmente en Nova York e na Bretaña.
- Argüente: Henrique Rabuñal Corgo, Licenciado en Filoloxía Galego-Portuguesa, escritor e profesor.
19:45 - 21:00 h. "O teatro de Ricardo Carvalho Calero".
- Conferencista: Laura Tato, Doutora en Filoloxía Galego-Portuguesa e profesora titular das Facultades de Filoloxía e Humanidades da Universidade da Coruña.
- Argüente: Carlos C. Biscaínho, profesor do Departamento de Galego-Portugués, Francés e Lingüística da Universidade da Coruña.

Sábado 27
10:00 - 13:00 h. Mesa redonda "O pensamento lingüístico de Ricardo Carvalho Calero".
- Presenta, introduce e modera: Xosé Ramón Freixeiro Mato, profesor titular da área de Filoloxías Galega e Portuguesa da Facultade de Filoloxía da Universidade da Coruña.
- Participan:
* Rosario Álvarez Blanco, profesora de Filoloxía Galega na Universidade de Santiago de Compostela: "A gramática galega no século XX: O contributo de Carvalho Calero".
* Martinho Montero Santalha, profesor catedrático da Universidade de Santiago de Vigo: "Etapas do pensamento lingüístico de Carvalho Calero".
* Goretti Sanmartín, profesora titular de Filoloxía Galega na Universidade da Coruña: "A sociolingüística galega antes e despois de 1936. O contributo de Carvalho Calero".
* Bernardo Penabade Rei, Licenciado en Filoloxía Galego-Portuguesa pola Universidade de Santiago de Compostela: "Carvalho Calero, planificador da língua galega".
13:00 - 14:00 h. Visita guiada á exposición sobre Carvalho Calero instalada na Casa Casares Quiroga da Coruña.
14:00 h. Clausura.

A matrícula realizarase a través da web da AS-PG, no apartado de Formación. O prezo da matrícula é de:
- Socios/as da AS-PG. 11 euros.
- Parados: 21 euros.
- Normal: 41 euros.
- Estudantes universitarios: gratuíta. Os/as estudantes universitarios, á hora de rexistrarse para facer a matrícula, deben indicar, onde pide o número de rexistro persoal, que son universitarios/as.

O número de prazas é limitado e cubrirase por rigorosa orde de inscrición tendo en conta que hai unha reserva máxima dun 30% para aquelas persoas que nunca traballasen como docentes para a Consellería de Educación. Os estudantes non se contabilizan nesta porcentaxe. Solicitada a homologación por 15 horas lectivas.

Aquí se pode descargar o programa en .pdf: Xornadas Ricardo Carvalho Calero.

Neste enlace deixamos á disposición de todo o público a reportaxe fotográfica dos "Encontros de novos modelos participativos de xestión cultural", que se desenvolveron este venres 19 e sábado 20 de novembro na cidade. Agradecemos novamente a Xiana de la Peña a súa amabilidade e bon facer para compartir con todos as súas fotografías.

A Concellaría de Cultura organiza, en colaboración con eSe8, os "Encontros sobre novos modelos participativos de xestión cultural", que se celebrarán o venres 19 e o sábado 20 de novembro co obxectivo de favorecer o diálogo entre os distintos sectores e a xente da cultura emerxente de Galiza, creando un foro de intercambio de ideas arredor doustros modelos de organización, desenvolvemento, produción e xestión dentro do ámbito social e cultural. Neste contexto analizaranse as diferentes opcións de implantación e asentamento destes modelos de xestión aplicados á rehabilitación e recuperación do edificio do antigo cárcere da Coruña, como novo espazo cultural e motor de dinámicas de renovación dos sistemas artísticos, educativos, sociais e económicos dos espazos públicos.

O programa xeral está formado por:

Venres 19. No C. I. F. P. Ánxel Casal:
- 11:00 a 12:00 h. Presentación do proxecto de investigación, C.C.I. (Centros de Cultura Independente), a cargo do seu coordinador José Luis Rodríguez, e da Rede Europea de Centros Culturais Independentes, Trans Europe Halles, a cargo do seu representante en España, Xavi Pérez.
- 12:00 a 13:00 h. Debate entre os asistentes para analizar a situación actual dos centros culturais independentes en España e a cooperación con outros centros nacionais e internacionais.
- 16:30 a 18.00 h. Presentación de WUK, 30 anos de espazo cultural e compromiso social. Tras a presentación abrirase un diálogo entre o representante de WUK (David Stelzig) e os asistentes ás xornadas.
- 18:30 a 20:00 h. Presentación do HANGAR, centro para a produción e investigación artística. Tras a presentación abrirase un diálogo entre o representante de HANGAR, Joana Cervà, e os asistentes ás xornadas.

Sábado 20 No Antigo Cárcere Provincial.
- 11:00 h. Visita dos participantes do encontro ao antigo Cárcere Provincial da Coruña.
- 12:15 a 13:30 h. Mesa redonda "Alternativas para a implantación de modelos de xestión participativa na cidade de A Coruña" cos asistentes onde se abordará o potencial de edificios como en desuso como o Cárcere como novos espazos de cultura, onde se abordará o potencial de edificios como en desuso como o Cárcere como novos espazos de culturae clausura.

Estes encontros contarán coa presenza de José Manuel Sande, que exercerá de moderador dos debates. Programador cultural, licenciado en Filoloxía Hispánica, master en Teatro e Cine, traballa desde 1998 como historiador e escritor cinematográfico, colaborando na organización de numerosas iniciativas socioculturais e artísticas, predominantemente desde ámbitos autónomos, autoxestionarios e de intervención no espazo público, cunha ampla experiencia en centros sociais radicados en Galiza.

Os interesados en participar nestes encontros deberán inscribirse na páxina web. Dita inscrición será gratuíta. As prazas serán limitadas e asignaranse por orde de inscrición. O venres 12 de novembro xa se completou o aforo, co que rematou xa o prazo para inscribirse por non haber máis prazas libres.

Neste arquivo en .pdf pódese descargar toda a información: Encontros novos modelos participativos 2010.

Rematou o prazo para a inscrición nos "Encontros sobre novos modelos participativos de xestión cultural", que se celebrarán o venres 19 e o sábado 20 de novembro,  ao completarse xa o aforo. Desde a Concellaría de Cultura queremos agradecer a boa acollida desta iniciativa e o interese demostrado pola cidadanía ante este tipo de eventos.

O sábado 6 de novembro, no Palacio de Exposicións Kiosko Alfonso da Coruña, terá lugar o V Encontro de Escritores/as novos/as ante vellas preocupacións, organizado pola Asociación de Escritores en Lingua Galega, co patrocinio do Centro Español de Dereitos Reprográficos (CEDRO), a Deputación Provincial da Coruña e a Concellaría de Cultura da Coruña, e que pretende amosar o que se está a facer a día de hoxe na literatura. O programa está formado por:

10:00 a 11:30 h.
Mesa redonda: Que ten a poesía que ninguén a le pero todos a precisamos.
Con Celso Fernández Sanmartín, Óliver Laxe e Álvaro Negro.
Coordinación de Antía Otero.

12:00-14:00 h.
Mesa redonda: MAIS tan importantes son os premios literarios?
Con Ledicia Costas, Olalla Cociña e Lucía Novas.
Coordinación de Francisco Castro.

17:00-18:30 h.
Mesa redonda: Recóllote i érgote no verbo inteiro. A literatura galega de hoxe ante o seu idioma.
Con María Lado, Olalla Tuñas e Xosé Daniel Costas.
Coordinación de Marta Dacosta.

19:00-20:00
Recital e clausura.

Toda a información está disponíbel neste enlace á páxina do V Encontro. O acceso será libre até completar capacidade.

Detallamos a continuación as actividades deste cuarto trimestre da campaña A cidade que le. Nesta última fase da campaña de lectura participan as Bibliotecas da cidade pero tamén outras entidades: Universidade da Coruña,  Fundación Manuel María, Asociación Sócio-Pedagóxica Galega, Asociación de Escritores en Lingua Galega e Real Academia Galega:

- A BIBLIOTECA DO CONSULADO E AS XOIAS DA ILUSTRACIÓN TARDÍA. Unha visita guiada o 2º xoves de cada mes, ás 18:00 h. para amosar á cidadanía a biblioteca da fundación pública máis antiga do estado e os seus fondos. É preciso anotarse no número de teléfono 981 206 274 begin_of_the_skype_highlighting              981 206 274      end_of_the_skype_highlighting ou no correo electrónico  bibliocasaconsulado at gmail.com.

- VISITAS GUIADAS Á REAL ACADEMIA GALEGA. Para coñecer os fondos e pezas senlleiras que acolle esta institución, realízanse visitas guiadas todos os mércores de novembro ás 17:30 h. É preciso anotarse no teléfono 981 189 830, ext. 12026 ou no correo electrónico  cultura at coruna.es. Realizadas pola propia Real Academia Galega.

- OS XOVES NA SAGRADA. O encontro con culturas doutros países a través da súa música. Neste caso música do Brasil con Bernando Tonasse, músicas e bailes do Senegal con Gal Sene, de Cabo Verde, Angola, Portugal e Galiza con Aline Frazão e César Herrans, Huayras do Ecuador, músicas do leste, Rusia, Ucraína...con Nadia Nikitina e reggae con Pinnaacle Roots Reggae Band. Lugar: Biblioteca Sagrada Familia os días 21, 28 de outubro, 4 e 18 de novembro, 2 e 16 de decembro ás 19:30 h. Os concertos complétanse co obradoiro "Desde a sabana africana á música máis occidental" no que se fará un percorrido desde os tambores ancestrais da sabana até a música occidental dos nosos días, o jazz, blues, rock, música latina... os días 13, 20 e 27 de novembro de 11:30 a 13:30 h.

- OUTONARTE: Eu tamén animo! O conto non remata na marxe dos libros e podemos facer que cobren vida de moitas maneiras. Unha delas é convertelo nun filme, e iso imos facer. A partir dun conto de OQO editora, os pequenos desenvolverán coa técnica stop motion a animación da obra, imaxe, voz e música. Na Biblioteca Infantil e Xuvenil os días 15, 22 e 29 de outubro.

- TEATRO: Casa de muñecas de Henrik Ibsen. No Teatro Rosalía de Castro, representación o 29 e 30 de outubro. Farsa das zocas de Ricardo Carvalho Calero. O día 6 de novembro no Fórum.

- CUN LIBRO DEBAIXO DO BRAZO. As Bibliotecas Municipais visitarán o Hospital Materno Infantil para agasallar o primeiro libro a nenos e nenas que nazan entre o 15 de novembro e o 15 de decembro e entregarlles o carné de asociado.

- LETRAS NO MERCADO. No mes de outubro as Bibliotecas Municipais, sairán aos mercados promovendo a lectura, ofrecendo "canapés de lectura", distribuíndo polos postos do mercado libros e guías con recensións de obras, recomendacións de lecturas, etc. Do 21 ao 23 de outubro.

- "RUTA DO BACALLAU". Con motivo da celebración do Ano do Libro e da Lectura, as Bibliotecas Municipais saen aos Mercados Municipais. Unha compra diferente, alternativa, onde os libros e a literatura serán os grandes protagonistas. Un percorrido animado e divertido por todo o mercado coa xente das bibliotecas, con parada en todos os postos, descubrindo sorpresas, xogando na sección téxtil, probando os mellores cafés, deixando voar a imaxinación entre as froitas e verduras, gozando coas riquísimas carnes, navegando entre os sosegados peixes, deixando para o final a mellor das reposterías. Unha boa mestura para pasar un anaquiño coa máis saborosa das compañías: OS NOSOS LIBROS. Datas: do 25 ao 29 de outubro de 11:00 a 11:45 h. nos mercados de Elviña, As Conchiñas, Monte Alto, San Agustín e Praza de Lugo. Sorteo: Participa nesta actividade e entrarás no sorteo dun lote de libros!!! Inscrición: do 21 ao 23 de outubro nos Mercados Municipais, nos postos dos libros.

- ACTIVIDADES NAS BIBLIOTECAS.
Obradoiros de arrolos: cantar e contar desde o principio. Para pais e nais que esperan bebé e queren recibilo con arrolos, nanas e contiños, organízase un obradoiro nas Biblioteca Municipais para aprender a cantarlles e contarlles aos máis pequenos. Con Gloria, do grupo musical "Mamá Cabra". No mes de decembro.
Obradoiro de debuxo e/ou cómic. Santy Gutiérrez desenvolverá divertidos exercicios para que rapaces e rapazas aprendan como ilustrar un conto infantil. Na Biblioteca do Castrillón, o día 20 de outubro.
Obradoiro de banda deseñada. Repaso e posta en prácticas de elementos da linguaxe do cómic. Con Jacobo Fernández Serrano. Na Biblioteca Municipal de Monte Alto, o día 28 de outubro.
Obradoiro de escrita creativa. A través de xogos de prestidixitación literaria, achegarémonos ás claves do proceso da escrita. Con Estíbaliz Espinosa. Na Biblioteca de Estudos Locais os días 9, 11, 16 e 18 de novembro.
Obradoiro de aproximación á ilustración gráfica. Dun xeito lúdico, seguiremos os pasos para a ilustración dun libro infantil. Con Óscar Villán Seoane. Na Biblioteca Infantil e Xuvenil, o día 26 de novembro.
Clubs de Lectura. Para gozar da lectura compartida, grupos de persoas afeccionadas á lectura reúnense periodicamente para comentar e valorar un libro escollido das Bibliotecas Municipais, co apoio dun coordinador/a. Biblioteca do Castrillón, todos os mércores de mes. Fórum, todos os martes de mañá e mércores pola tarde. Biblioteca de Monte Alto, todos os martes de mes.
Escribir é xogar. Obradoiro de escrita creativa para adolescentes. Coordinado por Pedro Ramos, será na Biblioteca Infantil e Xuvenil de Durán Loriga, todos os martes a partir do 19 de 18:00 a 20:00h.
Merendas con Contos. Non esquezas que Fuco, Ratapón e a súa familia convídannos a degustar unha suculenta merenda nas Bibliotecas Municipais. O menú, como non, CONTOS...de aquí e de alá, de antes e de agora. Non faltes á cita.
Concurso de Biblioclips. A entrega de premios aos gañadores deste concurso, será na Biblioteca da Sagrada Familia, o día 28 de outubro ás 19:30h.

- CANTOS DE REIS. Obradoiros nas Bibliotecas Municipais para recuperarmos e continuarmos cantando a tradición do Nadal que perviviu ao longo dos séculos, para aprender os Cantos de Reis e seguirlles transmitindo parte do noso patrimonio ás vindeiras xeracións. Finalizan cun concerto participativo no Fórum.

- PROGRAMA DE LECER NO FÓRUM. No amplo abano de actividades que ofrece o programa de LECER no Fórum, aínda podes participar no obradoiro “As nosas letras”. Unha proposta de Dores Tembrás de explorar os distintos xeitos de ler, os modos con que nos enfrontamos á obra literaria desde a nosa propia literatura. Os mércores de 17:00 a 18:00 h.

- EXPOSICIÓN “ARS LIGATORIA”. ELABORACIÓN DE LIBROS ARTESANAIS. do 17 de novembro ao 9 de xaneiro na Sala de Exposición de Durán Loriga. Pór en valor o traballo artesanal no deseño e encadernación de libros. Faranse obradoiros de encadernación na Biblioteca Infantil e Xuvenil para o alumnado dos centros de primaria os días 22, 23, 25 e 26; para usuarios das bibliotecas o día 30 pola tarde.

- EXPOSICIÓN “A CORUÑA NA CREACIÓN DO LIBRO GALEGO”. Neste 2010 celebramos o bicentenario da edición do primeiro libro escrito en galego: "Proezas de Galicia". Do 13 de outubro ao 21 de novembro na sala de exposicións do Pazo Municipal. En colaboración coa Real Academia Galega.

- EXPOSICIÓN “ROSALÍA SEMPRE VIVA. VIVA ROSALÍA”. Realizada pola Fundación Manuel María, fai un percorrido pola vida e obra da autora máis importante das nosas letras. Do día 8 ao 18 de decembro na Biblioteca do Castrillón.

- EXPOSICIÓN “CARVALHO CALERO. DE PUÑO E LETRA”. Realizada pola AS-PG con motivo do centenario do seu nacemento. É unha homenaxe ao autor da primeira historia da literatura galega. Casa Museo Casares Quiroga do 30 de outubro ao 30 de novembro.

- EXPOSICIÓN “M100guel”. (1910 – 2010) 100 anos de Miguel Hernández. Mostra bibliográfica que recorrerá todas as Bibliotecas Municipais ao longo do último trimestre do ano.

- XORNADAS “RICARDO CARVALHO CALERO: CIENCIA, LITERATURA E NACIÓN”. Un repaso polo miúdo á obra deste insigne ferrolán da man de recoñecidos especialistas. Organiza a Universidade da Coruña. Do 24 ao 27 de novembro, na Reitoría (Maestranza), e o sábado 27 na Casa Casares Quiroga. O día 24 espectáculo poético-musical ás 21:00 h. no Teatro Rosalía Castro con Ugia Pedreira e Fred Martins (Gratuíto)

- POETAS DI(N) VERSOS. No mes de novembro comeza de novo o ciclo de poesía que na anterior edición reuniu a poetas do Estado o tamén de Portugal. Unha vez máis, teremos oportunidade de gozar da poesía galega en comunicación e diálogo con outras voces poéticas. A cita será na Casa da Cultura Salvador de Madariaga unha vez ao mes.

- GALEUSCA. Este ano A Coruña é a sede do Encontro de escritores galegos, vascos e cataláns. Organizado pola Asociación de Escritores en Lingua Galega (AELG), terá lugar do día 29 ao 31 de outubro na Biblioteca de Estudos Locais (rúa Durán Loriga). O encontro finaliza cunha actuación de Xabier Díaz o 31 ás 19.00h. (Entrada libre)

- V ENCONTRO “NOVOS ESCRITORES”. É unha oportunidade para se encontrar e coñecer cales son as necesidades, proxectos e expectativas que dentro da nosa literatura teñen @s nov@s creador@s. Organiza a Asociación de Escritores en Lingua Galega (AELG). Día 6 de novembro no Kiosco Alfonso.

-MEMORIAL IBÁN TOXEIRO. Organizado pola A. C. Alexandre Bóveda, pretende achegar á cidadanía o teatro amador e manter viva a memoria do desaparecido mozo actor. Día 18 de novembro no Teatro Rosalía Castro. (Entrada libre).

- ELAS FALAN. Espectáculo poético-musical co grupo OURIOL. Organiza a Concellaría de Igualdade. Día 26 de novembro no Teatro Rosalía Castro.

- JAZZ+CIENCIA. Recital de textos científicos a cargo de Belén Regueira e Susana Rois. Actuación musical de Abe Rábade. O día 27 de outubro no Teatro Rosalía Castro.

- AS BIBLIOTECAS NA REDE:
- Fancómic, blog de cómic.
- Ciberclub, Club de lectura.
- CCI Clube de Ciencia e investigación.
- Corto e cambio, blog de literatura.
- Galicia móvese, cultura galega.

Aquí se poden descargar todas as actividades en formato .pdf: A cidade que le 2010.

Venres 15
Fundación Luís Seoane
Desde as 09:30 h.
Entrada libre até completar capacidade.

Organizado polo Colexio Profesional de Xornalistas de Galicia e o Observatorio Galego dos Medios, conta coa participación de Luis Álvarez Pousa, Jesús J. Blanco Rosas, Lino Braxe, Xosé Ramón Fandiño, Gloria López, Fernando Martínez Vilanova, Xesús Alonso Montero e María Antonia Pérez Rodríguez. Este encontro reúne a unha serie de expertos na figura do artista galego, así como profesionais dos medios de comunicación, historiadores e críticos da arte que afondarán na relación de Seoane co mundo da edición, os artigos e a ilustración en prensa, entre outras cuestións. Máis información aquí.