Xoves 10
A. C. Alexandre Bóveda (Rúa Olmos, 16-18, 1º)
20:00
Entrada libre até completar capacidade.

Conferencia polo 50º cabodano do escultor Francisco Asorey, a cargo de Maribel Iglesias Baldonedo, quen, na actualidade, está traballando nunha investigación o artista, do que o pasado 2 de xullo se cumpriron 50 anos do seu pasamento.

Do xoves 6 de outubro ao domingo 15 de xaneiro de 2012
Fundación Luís Seoane (Rúa San Francisco, s/n.)
Martes a sábado de 11:00 a 14:00 h. e de 17:00 a 20:00 h.
Domingos de 11:00 a 14:00 h. Luns pechado.
Entrada libre.

"Campo de sombras" constitúe a primeira exposición individual institucional do artista portugués Rui Chafes en España, un proxecto expositivo que amosa alguhas das súas obras máis significativas dos últimos dez anos, ao tempo que un libro recompilatorio de todos os seus traballos recentes. Co ferro pintado de negro ou cinza como material exclusivos dos seus traballos, Rui Chafes (Lisboa, Portugal, 1966), artista chave á hora de analizar o contexto artístico portugués dos últimos vinte anos, defende unha actitude moi persoal e orixinal de concebir a escultura, ensaiando formas que se moven entre o figurativo e o abstracto, estruturas de aspecto corrente, cunha singular poesía. En palabras de David Barro, comisario da exposición, "cada unha das esculturas de Rui Chafes recórdanos que non hai futuro sen memoria. Porque Rui Chafes traballa unha escultura que quere ser escultura, que non ten présa nen pretende esquecer as súas herdanzas, nin solapar a súa historia. O tempo devén así principal aliado dunha escultura que necesita tornarse arista para ancorarse e sobrevivir, solitaria, independente de cando e como se conxugan os tempos. Unha escultura silenciosa, capaz de revelarse no abismo orixinario de quen, como os románticos, aprehende o natural". Paralelamente á exposición editarase o libro "Rui Chafes. Contramundo", que recolle todos os traballos do artista realizados desde o 2003 ata o 2011, con textos do comisario alemán Ulrich Loock, do crítico Alberto Ruiz de Samaniego e do propio David Barro.

Do martes 7 ao xoves 30 de xuño
Casa Museo Casares Quiroga (Rúa Panadeiras, 12)
De martes a sábado: de 10:30 a 14:00 e de 17:30 a 20:00 h.
Domingos e festivos: de 10:30 a 14:00. Luns, pechado.
Entrada libre até completar capacidade.

"O corpo e o espazo" recolle traballos de alumnos da Escola de Arte e Superior de Deseño Pablo Picasso da Coruña, e permanecerá aberta todo o mes de xuño. A exposición terá dúas sedes, unha na Casa Museo Casares Quiroga e a outra na Escola de Arte e Superior de Deseño Pablo Picasso (Rúa Pelamios, 2). O visitante poderá atopar intervencións de pintura mural, videoarte, cerámica artística, deseño gráfico, escultura, fotografía, maquetas, proxectos de interiorismo e obras de dourado e policromía. Todos os diversos estudos que se poden cursar na Escola Pablo Picasso están representados. O fío condutor da mostra integra as diversas lenguaxes e manifestacións artísticas. A figura humana ten sido un dos temas fundamentais da arte de todos os tempos, esta mostra vai máis aló porque coas súas instalacións intervén e dialoga cos propios espazos da exposición.

Do xoves 7 de abril ao luns 2 de maio
Galería Monty4arte (Rúa Montroig, 4)
De luns a sábado: de 12:00 a 14:00 e 18:00 a 21:00 h.
Entrada libre até completar capacidade.

Jorge Vázquez Carmona presenta na súa exposición "El linaje de las hojas" sorprendentes personaxes formando un remuíño de corpos, caras e acenos, que tanto se despegan da parede en releves buscando nova vida, novos planos imposíbeis de describir como nos ollan asombrados desde o seu encerro bidimensional. A inauguración terá lugar o xoves 7 de abril ás 20:30 h, coa actuación do grupo Ánaga, que porá son durante uns minutos á obra.

Do mércores 30 de marzo ao domingo 22 de maio
Kiosko Alfonso
De luns a domingo: de 12:00 a 14:00 e de 18:00 a 21:00 h.
Entrada libre até completar capacidade.

Exposición "Material/memoria", coa obra de Manuel Quintana Martelo (Santiago, 1949). A instalación consiste nunha selección de varios centos de debuxos do artista, xunto a algún dos seus cadros máis coñecidos, instalacións e as súas últimas creacións escultóricas, que pretenden amosar en profundidade a obra deste artista. A inauguración terá lugar o martes 29 de marzo ás 20:00 h.

Sábado 26
Aquarium Finisterrae
12:00

"Grande Mayday 03, 2009", é o título da peza escultórica de Pepe Galán que se instala na Sala Maremágnum. A peza de 330 x 98 x 98 cm. está realizada en aceiro cortén e luz proxectada secuencialmente, na mesma frecuencia que a lanterna do Faro da Torre de Hércules. Trátase dunha obra que pertence á serie iniciada en 2007.

Do venres 11 de marzo ao venres 13 de maio
Travesía do Orzán s/n.
De luns a venres: de 17:00 a 21:00 h.
Sábados: de 10:00 a 14:00 h.
Entrada libre até completar capacidade.

A exposición colectiva "Escultura: feminino, singular" é unha colección de pezas escultóricas de pequeno formato realizadas todas elas por artistas femininas. É unha pequena contribución ao "Día da Muller Traballadora". A inauguración terá lugar o venres 11 de marzo ás 20:30 h.

Do venres 14 de xaneiro ao domingo 20 de febreiro
Sala de Exposicións do Palacio Municipal
De luns a domingo: de 12:00 a 14:00 e de 18:00 a 21:00 h.
Entrada libre até completar capacidade.

A exposición "Sete momentos" convértese nunha homenaxe da súa cidade á figura do artista contemporáneo Luís Caruncho, onde se recollen unha vintena de pezas nas que podemos seguir as principais etapas da súa producción artística, tanto en pintura como en escultura, grazas a unha moi coidada selección de pezas especialmente significativas de cada unha delas e que abranguen dende os anos cincuenta ata hoxe. Luis Caruncho é, sen dúbida, un dos autores galegos máis recoñecidos. Destaca a súa interpretación da pintura dende presupostos constructivistas, aos que aporta unha lírica moi especial co emprego da cor. Ten feito exposicións nas principais cidades do mundo. A súa vinculación coa súa cidade de nacemento é constante, e tivo sempre un intenso e prolongado labor de promoción das artes xa coa célebre Galería Giannini como todo o seu traballo coa Fundación Fenosa e, especialmente coa antiga Bienal Fenosa e os Museos de Arte Contemporánea. Por todo, Salvador Corroto, Xavier Seoane e un gran grupo de amigos promoveron esta homenaxe que o Concello materializou. Ao longo da exposición faranse diversas actividades. A inauguración terá lugar ás 20:00 h.

Desde o venres 14 de xaneiro até o martes 22 de febreiro
Galería Coleccionan Espacio de Arte (Travesía do Orzán, s/n.)
De luns a venres de 17:00 a 21:00 h.
Entrada libre.

Exposición "Paños de cocina" do artista Senén Olano na Galería Coleccionan Espacio de Arte. A inauguración terá lugar o venres 14 ás 20:30 h.

Desde o 16 de setembro ao 24 de outubro
Kiosko Alfonso
De luns a domingo: de 12:00 a 14:00 e de 18:00 a 21:00 h.
Entrada libre.

Exposición retrospectiva dos sesenta anos de creación de Jesús Núñez (Betanzos, 1927), inaugurada o xoves 16 de setembro ás 20:00 h. Composta de pintura, escultura, gravados e xoias é o compendio de toda unha vida adicada á arte.

Do mércores 25 de agosto ao domingo 26 de setembro
De 12:00 a 14:00 e de 18:00 a 21:00 h., todos os días
Pazo Municipal
Entrada libre.

O grande artista galego Francisco Leiro ilustrou a edición de luxo traducida da obra mestra do Medievo galego, o manuscrito en latín do século XII, conservado na Catedral de Santiago e considerado a primeira guía de viaxes, onde se exalta o universo xacobeo e a figura do Apóstolo Santiago. O traballo do prestixioso escultor de Cambados, residente en Nova York, inclúe as 34 letras capitais coas que comeza cada capítulo do Códex Calixtinus e as seis portadas que creou sobre papel e técnica mixta. A mostra complétase con dúas esculturas de madeira que dan forma, en tres dimensións, a dúas das letras utilizadas como capitulares: a B e a T. As portadas deseñadas por Leiro ilustran o principio da obra e o inicio de cada un dos cinco libros dos que se compón o Códice Calixtino. E as letras capitulares inician cada un dos seus capítulos. Os visitantes poderán, ademais, manipular e consultar un exemplar da edición de luxo traducida ao galego, sempre acompañados pola música de ambiente do Códice Calixtino da que se fai especial mención nos textos.

Do 3 de agosto ao 10 de outubro
Martes a sábado de 11:00 a 14:00 e de 17:00 a 20:00.
Domingos de 11:00 a 14:00. Luns pechado
Fundación Luís Seoane (rúa San Francisco, s/n)
Entrada libre até completar capacidade.

O proxecto escultórico "Negro brillo" estará exposto no patio central da Fundación. A obra de Manuel Mas (Elche, 1976) é un intento de ver alén da propia inmediatez. Coa sobriedade e a elegancia propias dun truco de maxia, proponnos unha toma de conciencia do paso do tempo como dimensión que abre un lugar no espazo; un tempo estático, inmóvil, que se ralentiza como nun soño, organizando os obxectos nunha constelación propia. Un lugar hermético, lunar, atravesado polo reflexo das superficies e disposto a mostrar os ángulos máis esquecidos de mobles e obxectos, a reconstruir o afecto perdido polas costas dos grandes volumes domésticos, a xeometría agachada que somente o equilibro da ilusión pode recuperar. Así, o acto de ilusionarse é a única vía de acceso, e percorrer esa vía, unha ilusión. Deste xeito, materialidade e inmaterialidade, volume e luz, claridade e escuridade, estatismo e movemento configuran un xogo de alternancias no que o escultórico acaba por aproximarse ao ilusorio. Máis información aquí.

11 maio - 13 xuño
12:00 a 14:00; 18:00 a 21:00
Kiosco Alfonso

Desde o 11 de maio reside no Kiosco Alfonso a exposición "3DHD Escultura en Alta Definición", de Tono Galán, 27 pezas deste escultor. Tono Galán presenta na súa primeira exposición en solitario nesta sala, un conxunto de pezas profundamente antropomórficas. Diferentes visións no que o ser humán é o centro, motivo e argumento que utiliza un autor xa maduro, nun momento especialmente interesante da súa produción. Técnicamente emprega os seus amplos coñecementos das artes metalúrxicas para, usando ferro, chumbo, cobre, prata, e constrastándoos coa madeira, o lenzo, os vidros ... para mostrar toda a potencia dos materiais, traballados con diferentes procedementos. Este autor polifacético decántase aquí pola escultura, nunha obra nova á que sabe dotar, dende unha linguaxe moi persoal, dunha sensibilidade que nos toca a todos moi de preto. Son as últimas obras dun autor cheo de futuro. O autor estará dispoñible para entrevistas.

O vindeiro domingo, 15 de novembro, pechará as 21:00 no Kiosco Alfonso da Coruña a mostra Rodin e a mitoloxía simbolista, que inclúe 85 obras entre esculturas -a maioría na súa versión en bronce- e debuxos do artista.

Organizada pola Obra Social Fundación “la Caixa” coa colaboración do Museo Rodin de Paris e o Concello da Coruña, a mostra afonda na conexión do escultor coa corrente simbolista e a interpretación da mitoloxía. Auguste Rodin (1840-1917) é coñecido como un dos escultores que mellor marcaron o camiño cara a arte do século XX, sacándoo da fase académica e convirtíndoo nunha creación absolutamente persoal, plena de análises formais e de enerxía.

A exposición divídese en diferentes apartados a través dos cales o visitante poderá coñecer ao artista, a súa vida e a súa obra; o seu interese pola mitoloxía, a interpretación antropomórfica dos grandes elementos naturais, a natureza salvaxe ou a expresión das pasións e os sentimentos a través das súas esculturas.

Entre as obras mostradas atópanse algunhas das máis importantes creadas polo escultor: O home do nariz roto, considerada polo artista a súa primeira obra importante, Os Burgueses de Calais, Balzac, A Catedral, As Portas do Inferno, O Pensador, O Bico...

Ata o momento visitaron a mostra máis de 20.000 persoas. O gran interese da exposición reflictouse tamén nas visitas de grupos, concertadas previa cita de luns a venres, co seu calendario cuberto ata a clausura da exposición. Aínda temos a posibilidade de facer unha visita guiada para particulares o vindeiro mércores ás 18 horas (sen cita previa). O horario da exposición é de luns a domingo de 12 a 14 e de 18 a 21 horas.