Dentro da programación de lectura da cidade "Eu amo ler", desenvolverase unha nova edición da FESTA DO LIBRO, do venres 13 ao martes 17 de maio nos Xardíns de Méndez Núñez, organizada pola Concellaría de Cultura e a Agrupación de Libreiros da Coruña. O horario da Festa será de 11:30 a 14:00 e de 17:30 a 21:30 horas, e os participantes son: Bibliotecas municipais, Alita Comics, Couceiro, A Libreira, Nós, Xiada, Sisargas, Queixume, Arenas, 7 Mares e Tanxencias. Este é o programa de actividades (sinaturas, presentacións, actuacións, obradoiros, lecturas colectivas, descontos...): PROGRAMA ACTIVIDADES FESTA DO LIBRO MAIO 2011:

- Caseta de atención primaria: As Bibliotecas Municipais terán un consultorio de lectura, onde a súa xente "receitará" libros que se poden atopar nas bibliotecas e nas casetas da festa.

* Venres 13:
- 11:30.- Inauguración da Festa do Libro.
- 18:00.- Presentación do DVD "Lois Pereiro" realizado polo alumnado do IES Urbano Lugrís. No Kiosco Alfonso.
- 18:00.- Sinatura por parte de Mercedes Queixas Zas dos libros "Lois Pereiro. A Urxencia poética" e "Vivir, aventura irrepetíbel. Biografía de Mª do Carme Kruckenberg". No posto das Bibliotecas Municipais.
- 19:00.- Presentación do libro "Futuro Imperfecto", de Xulia Alonso. No Kiosco Alfonso.
- 20:00.- Presentación do libro de Antón Patiño "Lois Pereiro. Radiografía do abismo", conferencia do autor e proxección de imaxes sobre a figura de Lois Pereiro. No Kiosco Alfonso.

* Sábado 14. "Baixo as estrelas. Celebración do Día Internacional dos Museos":
- 18:00.- Obradoiro didáctico Encaixas. Para nenos e nenas de 1 a 10 anos.
- 18:00.- Brancas: Itinerario Escénico Urbano.
- 18:00.- Visita guiada á exposición de Quintana Martelo no Kiosko Alfonso.
- 19:00.- Concerto do Grupo de Jazz da Escola Municipal de Música da Coruña.
- 20:00.- Actuación do Centro Coreográfico Galego: "Fragmentos" (30 minutos).
- 22:00.- Proxección do filme "La Coruña, la ciudad en la que nadie es forastero", de Ramón Sáiz de la Hoya. En colaboración co CGAI.

* Domingo 15:
- 12:00.- Obradoiro "Creación dunha personaxe: Golfiño", realizado por Fausto Isorna. A partir de 6 anos. Diante do Kiosco Alfonso.
- 12:30.- Presentación de "Agullas de Ironía", documental sobre Lois Pereiro feito polo alumnado de Comunicación Audiovisual da Facultade de Ciencias da Comunicación da UDC. No Kiosco Alfonso.
- 13:30.- Sinatura de exemplares por parte de Fausto Isorna. No posto das Bibliotecas Municipais.
- 18:00.- Presentación do libro de ilustración de Pinturero "Rapazas, las pin-up de Pinturero". No Kiosco Alfonso.
- 18:00.- Sinaturas do libro "A Frecha Azul do Teixo" por parte de Eva Veiga. No posto das Bibliotecas Municipais.
- 18:30.- Sinaturas de Diana Varela Puñal do seu último poemario "Animalabismo". No posto das Bibliotecas Municipais.
- 19:00.- Sinaturas dos libros do ilustrador Mariano Casas Gil "A historia xamais contada", "La mancha negra" e outras obras do autor. No posto das Bibliotecas Municipais.
- 19:00.- Presentación da revista "Fiz" por Kiko da Silva. No Kiosco Alfonso.
- 20:00.- Presentación do libro de Miguel Mato "Señardade da luz (A obra poética de Manuel María)". No Kiosco Alfonso.

* Luns 16:
- 18:00.- Sinatura do libro do ilustrador Macus Romero "Cuentos clásicos para soñar". No posto das Bibliotecas Municipais.
- 19:00.- Presentación do libro ilustrado de Alberto Guitián "El Circo Lorza". No Kiosco Alfonso.
- 20:00.- Presentación da Guía AGPI 2011. Asociación Galega de Profesionais da Ilustración. No Kiosco Alfonso.

* Martes 17:
- 12:00.- Lectura colectiva e música. Organiza Queremos Galego. No Obelisco.
- De 17:30 a 19:30.- "Se queres un retrato faicho Xurxo Lobato". Se compras libros na Festa agasallámosche cun retrato que che fará Xurxo Lobato e que poderás visualizar, engadir notas, comentarios e descargar en tamaño e resolución orixinal desde Flickr. No Palco da Música.
- 18:00.- Presentación da serie de novelas "Suso Espada", de Francisco X. Fernández Naval e lectura de fragmentos da última entrega "Suso Espada. Nota Roja". No Kiosco Alfonso.
- 18:00.- Visita guiada á exposición Quintana Martelo. No Kiosco Alfonso.
- 19:00.- Actuación de Nova Galega de Danza: "Tradicción". Diante do Kiosco Alfonso.
- 20:00.- "Declaración audiovisual: Lois Pereiro", por Xurxo Souto e Fran Amil. No Kiosco Alfonso.
- 20:30.- "Moita poesía, pouca diversión". Lucía Aldao e María Lado. Diante do Kiosco Alfonso.

O sábado 14 de maio celebraremos  BAIXO AS ESTRELAS o Día Internacional dos Museos: un día de festa cun amplo conxunto de actividades: teatro, música, obradoiros, xogos, visitas guiadas... Entre as 18:00 e as 24:00 horas. Este é o programa previsto: BAIXO AS ESTRELAS 14 DE MAIO 2011:

* BRANCAS: ITINERARIO ESCÉNICO URBANO NO DÍA INTERNACIONAL DOS MUSEOS:
Un equipo multidisciplinar de profesionais da danza, do mimo, da performance, do teatro, do cabaré ou do teatro de rúa crearán un espazo imaxinario en branco no medio da cidade que irá percorrendo diferentes prazas e Casas Museo. Formarán o elenco Bea Bravo, Cristina Casas Pou, Fabiana Gastaldello, Greta Mari Rodríguez, Inés Barcia, Iván Villar, María Polo, María Manero, Uxía Vázquez ou Yolanda Paz, de compañías como Femme Fatale, Contra2, A Pie Alzado, entre outras, nunha proposta coordenada por Nélson Quinteiro:
- 18:00 h. Xardíns de Méndez Núñez (25 minutos).
- 19:00 h. Praza de Pontevedra (25 minutos).
- 20:00 h. Casa Museo Emilia Pardo Bazán (25 minutos).
- 21:00 h. Casa Museo María Pita (25 minutos).
- 22:00 h. Casa Museo Casares Quiroga (25 minutos).

* UN ENCONTRO ESPECIAL COAS PERSONAXES DAS CASAS-MUSEO:
Visitas dramatizadas ás catro Casas Museo realizadas por Crearte Servizos Culturais:
- CASA MUSEO PICASSO:
18:00 h. "María Picasso fai memoria". A nai de Picasso, Dona María, simpática andaluza, lévanos de viaxe ao tempo no que a familia vivía na cidade e cóntanos as aventuras do seu fillo. Familias e público xeral.
- CASA MUSEO EMILIA PARDO BAZÁN:
18:00 h. "Dona Emilia é moita Emilia". Dramatización lúdica sobre a escritora. A Sra. Condesa convídanos a particiar da súa paixón polos contos na súa ilustre casa.
"Esa chapa é moita chapa"... Obradoiro de chapas durante toda a xornada dos museos.
20:45- 21:00 h. Audiovisual "Autobiografía" de Ana Domínguez. A proxección será en bucle durante toda a xornada.
21:00-21:50 h. Obradoiro de Tammorriata, baile tradicional do sur de Italia (Rexión de Campania). Irene Gonzalez.
22:00-22:30 h. "Cidades de Vento e de Mar". Ruta temática sobre Xénova e A Coruña a través das imaxes, da literatura e da música. Irene Gonzalez y Rellero e Nadia Pilsinelli.
- CASA MUSEO MARÍA PITA:
18:00 h. "Coñece a María Pita e axúdaa a vencer ao alférez abandeirado!". María Pita, aguerrida coruñesa, amósanos a súa casa e convídanos a participar na emocionante persecución e loita contra os ingleses. (Familias e público xeral).
- CASA MUSEO CASARES QUIROGA:
19:30 h. "I Encontro de personaxes históricos da Coruña". María Picasso, María Pita e Dona Emilia viaxan no tempo para acudir ao convite de Casares Quiroga na súa casa. Cada un trae consigo a súa memoria da cidade e todos comparten co público divertidas vivencias. Todos os públicos.

* MÚSICA:
- 19:00 h. Concerto do grupo de Jazz da Escola Municipal de Música da Coruña. Xardíns de Méndez Núñez (Diante do Kiosco).
- 23:00 h. Concerto de Melanie Marañón e Amaia Garrido (Conservatorio Superior de Música): "Dúos do repertorio de violoncello dos séculos XVIII, XIX e XX)". No xardín da Casa Museo Casares Quiroga.

* TEATRO:
- 19:00 h. Número de clown "Total training chair", de Marta Iglesias Martín. Na Casa Emilia Pardo Bazán (10 minutos).
- 19:30 h. Extracto da obra "In-comunicando", da Compañía Mequetrefes: Patricia Coucheiro, Estevo Azañón e Lucía Abarrategui. Na Casa Emilia Pardo Bazán (20 minutos).
- 21:00 h. Fragmento de "A noite vai como un río", de Álvaro Cunqueiro, pola Aula de Teatro do Forum Metropolitano. Casa Museo Casares Quiroga.
- 22:45 h. Número de clown "Desclowntrol", de Mónica Suárez e Marta Iglesias. Na Casa Emilia Pardo Bazán (10 minutos).

* CINEMA (en colaboración co CGAI):
De 22:00 a 24:00 h. "La Coruña, la ciudad en la que nadie es forastero" (Ramón Sáiz de la Hoya, 1965). Diante do Kiosco Alfonso.

* DANZA:
- "Fragmentos", unha obra composta por diferentes pezas coreográficas. Centro Coreográfico Galego. Diante do Kiosco Alfonso ás 20:00 h. (30 minutos).
- "Trop...PeZ...eime". Performance Danza-Teatro. Lía Pichel Garrido. Ás 23:00 h. na Casa Emilia Pardo Bazán (10 minutos).
- "Eu=x + (o resto)". Danza Contemporánea. Compañía Ciacisma Danza: Isabel Sánchez e Fiona B. McCuden. Ás 23:30 h. na Casa Emilia Pardo Bazán. (10 minutos).

* SALAS DE EXPOSICIÓNS:
- Kiosko Alfonso: "Quintana Martelo, escultor e pintor". Un dos nosos autores máis profundos cunha linguaxe moi persoal e moderno. Visita guiada por Tonecho Otero ás 18:00 h.
- Sala de exposicións do Concello: "Desembarco dos 80. Cando A Coruña foi postmoderna" (Homenaxe a Lois Pereiro). Visita guiada por Xurxo Taxes ás 19:00 h.
- Casa da Cultura Salvador de Madariaga: "Elos". As visións fotográficas de Paula Gómez del Valle, fusiónanse con textos de distintos autores. Ven ler con nós ás 22:00 h. Lectura poética "Poesía e Nocturnidade".
- Normal (Paseo de Ronda 47 – Antiga Escola de Maxisterio): exposición "Action/Reaction: O Universo Creativo de David Lynch".

* VISITAS GUIADAS A OUTROS ESPAZOS:
- Casa do Concello / María Pita: Visitas guiadas á Pinacoteca e ao Museo dos Reloxos. Ás 20:00 e as 22:00 h.
- Teatro Rosalía de Castro: Ven coñecer o teatro por dentro: visita guiada ás 23:00 h.
- Museo Arqueolóxico de San Antón. Visita guiada ás 22:00 h.
- Torre de Hércules: entrada de balde a partires das 18:00 h.
- Museos Científicos Coruñeses: o Aquarium abrirá o día 14 até as 24:00 h. A entrada é de balde desde ás 18:00 h. Exposición "World Press Photo 2011".

* OBRADOIROS NA RÚA:
- Obradoiro de caligrafía artística, pola Escola de Arte e Superior de Deseño Pablo Picasso. Na Praza das Bárbaras de 18:00 a 19:00 h.
- Encaixas: Artefacto plástico. Obradoiro didáctico para nenos e nenas de 1 a 10 anos nun espazo artístico e dinámico. Diante do Kiosco Alfonso. Unha proposta de Aula de Ideas desenvolvida por Anxela Caramés, Eva Alfonso e Adriana Pazos.

* MUSEO DE BELAS ARTES (Rúa Zalaeta, s/n). Aberto até as 23:30 h.
- Visita guiada ao Museo "O Museo en torno á memoria". Ás 20:30 h.
- Concerto de jazz de Quinito Mourelle-Roberto Somoza Dúo. De 21:30 a 22:30 h.
- Visita guiada "O que contan os cadros". Ás 22:30 h.

* FUNDACIÓN BARRIÉ (Cantón Grande). Aberto até as 02:00 h.:
- "A Cultura está máis cerca do que cres" é o lema baixo o cal a Fundación Barrié se suma o sábado 14 de maio á celebración da Noite dos Museos 2011 coa apertura especial do seu vestíbulo, no que amosará en imaxes a historia das exposicións da Fundación desde 2005 até a actualidade, para facer memoria e recordar as exposicións máis destacadas nas sedes da Coruña e Vigo, sobre arquitectura, deseño, fotografía e patrimonio. Ademais, a Fundación instalará un gran painel no que o público poderá deixar as súas mensaxe de apoio á cultura e a cambio levarse unha chapa commemorativa da celebración.

* FUNDACIÓN LUÍS SEOANE (Rúa San Francisco, s/n):
- Exposicións "Cabanas para pensar" e "Arquitectura escrita".
- Obradoiro para rapaces e rapazas sobre a figura de Luís Seoane: "Un edificio, un mar, un artista" (para maiores de 4 anos) ás 19:00 h.

* MACUF Museo de Arte Contemporáneo Gas Natural Fenosa (Avenida de Arteixo, 171):
- Presentación da actividade "Académicos sen barba". A partir das 22:00 h. Nenos e nenas de 7 a 10 anos de idade descobren a Colección de Arte Contemporáneo Gas Natural Fenosa aos nosos visitantes, a través de comentarios gravados en dispositivos portátiles de vídeo.
- Visita guiada á exposición "Frecuencias", de Eugènia Balcells, de Eugenia Ballcels.

* Sede Fundación Caixa Galicia (Cantón Grande, 21-24). Aberta até as 22:00h.:
- "Descubrindo outras culturas a través da arte". Obradoiros para rapaces e rapazas. Das 11:00 ás 14:00 e de 17:00 a 20:00 h.
- Exposición "Amelia Pérez, unha mirada retrospectiva".

* GALERÍAS DE ARTE. Anímate a visitar as súas exposicións:
- Galería 981 Style: "Pintura en directo" (Óscar Cabana). "Fotografía e retoque en directo" (Pablo Mella). "Proxección dun filme sobre arquitectura". (As actividades comezan a partir das 21:30 h.). Rúa Marqués de Pontejos 7.  981style at 981style.com
- Galería 9THE13: Inauguración ás 18:00 h. da exposición "Prometeo y la caja de Pandora", de Yolanda Relinque. Rúa Tabernas, 9-baixo.  9the13 at 9the13.com
- Galería A botica das artes: Horario ininterrompido de 11:00 a 24:00 h. "Exposición de pintura e escultura de Guada". Obradoiros para todo tipo de público a partir de 6 anos: "Actividade de pintado e esmaltado sobre pezas de cerámica" polo Obradoiro Androx de Tomiño (artistas: Patricia Cardoso e María Teresa Iglesias) de 12:00 a 14:00 e de 16:00 a 18:00 h. "Obradoiro de pintura pola artista Guada": realización dunha obra en acrílico de 18:00 a 20:00 h. Obradoiro de arte realizado por Emilio Celeiro de 20:00 a 21:30 h. Actuación de Xurxo Mares ás 21:00. Avenida da Pasaxe, Estrada do Burgo 37 - Parking privado Farmacia Rilo.  info at boticaarte.com
- Galería Alen Klass (aberta até ás 23:00 h.): "Exposición da artista Serra Sanabra". "Obradoiro en directo de creación artística" a cargo de dous pintores. (Para todos os públicos. De 18:00 a 21:00). Realización do mural de creación libre "Pezas da Memoria" entre todos os visitantes da galería. De 18:00 a 23:00. Rúa Dolores Rodríguez Sopeña 9 – Zona Santa Margarida.  Alenklass at yahoo.es
- Galería Ana Vilaseco (aberta até ás 22:00 h): Exposición "Frame", de Nico Munuera. "Obradoiro para nenos e nenas" ás 18:00 h. Rúa Padre Feijoó, 5 1ª.  galeria at anavilaseco.com
- Galería ARGA: "Exposición Colectiva de ARGA" e "Mural colectivo" realizado coa participación dos visitantes. Horario especial de 10:00 a 13:30 h. e 17:30 a 24:00 horas. Rúa Real 34. Primeira Planta.
- Galería Arte-Imagen: Exposición "Músicos y vida cotidiana", de Juan Galdo. Rúa Ramón y Cajal, 5 baixo.  Arimagen at ozu.es
- Galería Atlántica Centro de Arte: Aberta até ás 22:00 h. Rúa Federico Tapia 15 – baixo.  Atlantica at atlantica-arte.com
- Galería de Arte COLECCIONan: Inauguración ás 21:00 h da mostra colectiva de 15 artistas que leva por título "De libros y de artistas". Travesía do Orzán, s/n.  coleccionan at gmail.com
- Galería de Arte Julia Ares: "Exposición permanente". "Tertulia con artistas da cidade". Rúa Curros Enríquez 5, baixo.  info at elreflejo.com;  juliares at live.com
- Galería de Arte Xerión: Exposición "Jordi Isern". Rúa Modesta Goicouría 7.  Galeriaxerion at hotmail.com
- Galería Monty4arte: Inauguración da exposición: "Obra seleccionada, Os nosos artistas" (Abelenda, Caruncho, Caneda, Benito Freire, Yolanda Dorda, Victoriano Fernández...). Obradoiros, Artistas na rúa (dirixidas a público de 7 a 13 anos. Precísase previa inscrición no 881-968519 begin_of_the_skype_highlighting              881-968519      end_of_the_skype_highlighting). De 18:00 a 20:30. Santiago Caneda, Victoriano Fernández (pintura); Colectivo Mano Izquierda (intevencións en cabezas de manequín); Mariola Romero (escultura en barro); Jorge Vázquez Carmona (xogos de pintura e luz). Montroig 4.  Info at monty4.com. Actuación do grupo ÁNAGA.
- Galería Moret Art (aberto até as 20:00). Obradoiro didáctico "Unha viaxe a través da escultura: modela en Moret Art". De 12:00 a 13:30 h. (de 4 a 8 anos- inscrición previa en 981 927 376 –  moretart at moretart.com). Rúa Olmos 12-14, 1º B.

O sábado 26, con motivo do 15º aniversario da radio comunitaria CUAC FM, o programa "ArdeCoruña", magazine semanal sobre a vida na cidade, será emitido en directo desde o Obelisco, entre as 12:00 e as 14:00 h.
Ese mesmo día haberá unha xornada de portas abertas para todos os que queiran coñecer CUAC FM, entre as 11:00 e 14:00 h. pola mañá, e de 18:00 a 20:00 h. á tarde, na Rúa Lisboa, 8, no Campus da Zapateira, preto da Facultade de Filoloxía.

Achegamos o programa de actos de homenaxe á figura de Lois Pereiro, o poeta falecido na cidade no ano 1996 e ao que se lle dedica o Día das Letras Galegas 2011:

- Domingo 20 de marzo:
* 12:30-12:50 h. Pasarrúas desde a Praza de María Pita pola Rúa Rego de Auga até chegar ao Teatro Rosalía de Castro, coa actuación da Banda Municipal de Música.
* 13:00 h. Teatro Rosalía de Castro. Recital espontáneo con poetas e aberto a toda a cidadanía que queira asistir á actividade. No acto repartiranse octavillas cunha escolma que Manuel Rivas fixo de Lois Pereiro e escoitarase a palabra cantada de Manu Clavijo e outros cantautores. O mantedor do acto será Lino Braxe.
Para a lectura no Teatro Rosalía chámase a toda a cidadanía para ler textos, que poden ser versos de Lois, versos de poetas/autores que lle gustaban a Lois ou poemas escritos para a ocasión, e darlle deste xeito a mellor das homenaxes, a voz e o recoñecemento común de todos nós.

- Xoves 7 de abril. Teatro Rosalía de Castro. Espectáculo escénico "Mundo Lois", ideado por Antón Reixa e dirixido por Lino Braxe, co que se pretende difundir a través da imaxe a obra de Lois Pereiro.

- Asimesmo desde a Concellaría de Cultura estase a traballar nunha pequena publicación que incluirá un roteiro que nos levará por aqueles lugares da cidade que foron importantes na vida de Lois Pereiro. Este roteiro está sendo preparado por Inés, a súa irmá.

- Pola súa banda, Xosé Manuel Pereiro e Manuel Rivas chamaron á participación nun concerto de música a celebrar en varios lugares. Animan a todo aquel que estea interesado en musicar a obra de Lois Pereiro a informarse e anotarse na páxina web dedicada ao autor, onde tamén se poderán enterar de todas as novidades do ano Lois. Esta actividade é realizada en colaboración coa Asociación de Escritoras e Escritores en Lingua Galega (A.E.L.G.), Pen Club, Asociación Galega de Editores (A.G.E.) e Real Academia Galega.

Deixamos aquí esta escolma da "Modesta proposición para renunciar a facer xirar a roda hidráulica dunha cíclica historia universal da infamia", de Lois Pereiro, preparada por Manuel Rivas:

Loita, furia, humor... Amén!

"Xa entendes o que quero dicir:
non cambiar de señores, senón non ter ningún"
Bertolt Brecht

"Vivimos malos tempos para a reflexión e a resistencia neste imperio zombie de Microsoft mental.
¿E de que parte estaba eu? Da parte dos que intenten dalgún xeito non contribuír a que esa roda opresiva e maldita (unha historia da infamia que xa non nos permite ser inxenuos) continúe a xirar eternamente, perpetuando, cun cíclico cambio de papeis de amos ou escravos, a mesma situación ata que a terra estoupe de noxo e perversión, farta de nós.
Se alguén non o sabía xa é que estaba cego: non queremos ter amos.
Pode que xa nos atopemos a poucos metros da nosa extinción, pero o sentido do humor pervivirá sempre, e o sentido crítico deixa un rastro detrás, con mans, sen elas, cos miolos no cranio ou espallados polo chan. Volveremos á terra, e aos outros elementos primordiais. Como dicía Zeca Afonso: "Camaradas de armas dos catro elementos!..."
Agora aínda teño liberdade de opción para exiliar o meu espírito no Ártico, en Asia ou no Nepal, e teño permiso para que nada humano me sexa alleo. Por iso podo decidir militar na miña propia lingua, "porque me peta e quero e dáme a gaña...". Moitas culturas crúzanse no meu espírito e no meu corazón non hai fronteiras. Ninguén me impediu nunca ser máis crítico e sarcástico co que eu sinto máis meu, propio e herdado.
Se me permite seguir axudando á defensa que non procura dominar nin agredir, seguirá a ser unha loita compartida por min: da tropa dos vencidos. Terra, Lingua, Cultura, Dereito á diferenza. Mente aberta ao mundo... e nada máis.
Defendámonos, logo, caladamente, con furia, ou con humor tibetano, pero non transixamos cunha soia agresión máis.
Sempre haberá novas vías para resistir, para opoñernos e non ser submisos, como a estratexia humilde e provocadora de Bartleby, o gris e lúcido escribente de Melville, que para non someterse sen máis ás ordes arbitrarias, dicía simplemente, sen ira, pero teimosamente: "Preferiría non facelo".
A reflexión, as ideas, a creación ou as palabras. A arte e a cultura é sempre o que me salva da tentación da morte e me anima a reiniciar.
A verdadeira poesía nunca minte, por ferinte que sexa. Quen crea algo sen intencións perversas é inocente da súa posible perversión. Bernhard, Beckett, Cioran, Genet, Celan, Valente, Shopenhauer, Pound, Carver, Poe... tiñan razón, temos razón. E tiñan razón Yeats, Dylan Thomas, Eliot, Joyce, Homero, Dante... temos razón tamén a un tempo, como todos os atormentados ou felices pintores da Beleza e das tebras que cohabitan comigo o meu cerebro, discutindo sen pausa dentro da miña alma...
E a verdade é que "na miña vida nunca vin máis que tolos e enfermos” (Bernhard); que "Morrer é ben doado; vivir é o difícil" (Maiakowski) e tamén que "Vivir é fácil. Arduo sobrevivir ao vivido" (Valente).
O obxectivo ha ser sempre un Universo que se expande.
A dor, a escuridade, o mal tamén existen por nós e contra nós, pero axudan a que a beleza e o pracer sexan aínda máis brillantes. Por iso non debemos evitar, para aforrarnos sufrimento, a parte máis escura en cada cousa, porque produce a lucidez e o horror de seu coñecemento.
Aprender é unha vitoria. Dubidar é unha loita continua, e a Crítica nunca hai que desterrala.
Porque se non hai dogmas nin bandeiras que nos guíen estamos obrigados a escoller as cousas e as ideas máis dignas do noso nivel de ética e de xenerosidade, sen o inxenuo optimismo escarmentado, e sen un pesimismo opaco e ben alimentado que nos deteña e nos permita unha indiferente neutralidade falsa.
Xa non imos ser cómplices do que nos indigne ou nos avergoñe. Nada é inmutable. Todo se transforma. Amén."

Dende a Asociación Cultural O Mural promóvese o Día Lugrís este sábado 18 de decembro, unha homenaxe ao artista no que participará toda a sociedade: artistas, pintores, intelectuais e estudantes que plasmarán a súa particular visión sobre o autor. A xornada arrancará a partires das 11:30 horas coa lectura dun manifesto na honra de Urbano Lugrís. As actividades previstas inclúen unha campaña gastronómica, na que participarán media ducia de restaurantes da cidade, a través da os que visiten a A Coruña poderán degustra un menú especial Lugrís, o cal irán destinado a financiar as actividades de O Mural. Na tarde dese día o público que se acerque a carpa ubicada en Xeneral Mola poderá participar na xornada de debuxo, ilustrando a súa propia creación ou observando como algúns artistas o fan. O "Día Lugrís" cerrarase cunha ruta polo centro da Coruña, un paseo polo legado que Lugrís deixou en bares e tascas da cidade de man de algunhas das persoas que mellor coñecen a súa obra. Toda a información pode descargarse neste arquivo: Dia Lugris.

A edición de OUTONARTE#2010, promovida pola Concellaría de Cultura do Concello da Coruña, preséntase este ano baixo o título global de "CARTOGRAFÍAS QUEBRADAS", un proxecto comisariado por Seve Penelas, no que participan un total de 14 artistas e colectivos. A inauguración será o sábado 2 de outubro ás 12:00 na Sala Municipal de Exposicións do Palexco, onde haberá unha interpretación de danza contemporánea, a cargo da Compañía PISANDO OVOS, e, posteriormente, un percorrido polas dúas sedes expositivas e os traballos de intervención en espazos públicos, no eixo entre o Palexco e a Casa da Cultura Salvador de Madariaga.
Esta edición de Outonarte#2010 ofrecerá un itinerario expositivo por propostas de actualidade das artes visuais en Galicia, a través dunha xeira de xoves artistas que traballan con diferentes contidos, linguaxes e soportes técnicos: pintura, fotografía, vídeo, cortos de animación en stop-motion, instalacións, performances e rexistros de accións, intervencións no espazo público, danza contemporánea, etc., acompañados dun programa de actividades paralelas -a desenvolver ao longo do mes de outubro e a primeira semana de novembro -, entre as que se incluirán proxeccións, obradoiros, charlas, videolecturas e accións poéticas, presentación do catálogo da exposición, e outras iniciativas. As sedes fixas distribuense entre a Sala Municipal de Exposicións do PALEXCO (Palacio de Exposicións e Congresos) –Avda. da Asociación da Prensa, s/n-, e a Casa da Cultura Salvador de Madariaga –Rúa Durán Loriga, 10- (onde se atopan a Biblioteca Municipal Infantil e Xuvenil e o CGAI, Centro Galego de Artes da Imaxe).
O percorrido entre ambos espazos transita tamén entre fitos sinalados de intervencións públicas: comezando no entorno do propio Palexco (Avda. da Asociación da Prensa), pasando polos Xardíns de Méndez Núñez, Obelisco, Cantón Grande, ate a arco-pasaxe na esquina entre as rúas Durán Loriga e Huertas, para rematar cunha gran pintura mural na Travesía da rúa Huertas, ou á inversa. Un itinerario de ida e volta con todos os seus quebros, propios das olladas dunha escolla de artistas representativos da actualidade artística en Galicia que vertebran esta exposición entre as revisións de poéticas clásicas e modernas, e cunha especial atención á cidade, ao lugar, ao corpo e o relato, como escenarios e territorios cargados de simbolismos, cruces, significados e significantes. Faros, vistas áereas de cidades, paisaxes enredadas en terra de ninguén, labirintos, ambientes sonoros e proxeccións orgánicas, estruturas cromáticas e lumínicas, pinturas murais, intervencións na escenografía urbana, mapeados e inventarios da cidade, restitucións e desprazamentos de estatuaria pública e relectura monumental, animacións de contos e relatos de diversas tradicións, épocas e culturas, pezas de danza contemporánea, e outras fabulacións... Todo un convite á cidadanía para o coñecemento e disfrute da arte actual en Galicia, a partir dun proxecto colectivo co que incidir, puntualmente, nunha das áreas máis identificativas da cartografía urbana da Coruña, entre o Sábado 2 de outubro –día da inauguración- e o Domingo 7 de novembro -día da clausura- de 2010.

A distribución de artistas, sedes e intervencións en espazos públicos é a seguinte:
SALA MUNICIPAL DE EXPOSICIÓNS DO PALEXCO (Avda. da Asociación da Prensa, s/n):
- Fruela Alonso (Lloro, Asturias, 1974). Vive e traballa en Pontevedra. Pintura. (Paisaxes e vistas aéreas de cidades). Grandes e pequenos formatos.
- Christian García Bello (A Coruña, 1986). Vive e traballa entre A Coruña e Pontevedra. Debuxos, serigrafías, fotografías e transferencias de imaxes gráficas sobre diferentes soportes. Temáticas de paisaxes de terra de ninguén, arquitecturas e edificios, ruinas e outros escenarios, etc.
- Sofía Grandío (Vilalba, Lugo, 1986). Vive e traballa entre Vilalba (Lugo) e Bilbao. “Acción en 3 partes” (2009). Proxección de vídeo (15 min. en bucle), nunha sala pechada e acondicionada dentro do Palexco.
- Borxa Guerrero (Feás, Cariño, A Coruña, 1983). Vive e traballa en Pontevedra. “Cosmogonías” (2008). Debuxos-paisaxes-constelacións en caixas de luz.
- Holga Méndez (Pontevedra, 1971). Vive e traballa en Teruel. “Velocidad + Sentimiento = Luz” (2010)
Instalación (Proxección con 2 proxectores e 1 diapositiva de mica en cada un deles, e unha “paisaxe sonora” de 60 min. de audio).
- Andrés Pinal (Vigo, 1969). Vive e traballa entre Vigo e Pontevedra. Fotografía. Serie Faros. 28 Fotos de 130x130 cm c/u + Vinilos con mapa litoral de Galicia + Liña de costa para ubicación xeográfica dos faros e as súas alturas.
- Pisando Ovos. Compañía de Danza Contemporánea.
- Rut Balbis (Ourense, 1979). Vive e traballa en Oleiros. Peza de danza contemporánea, “MENOS 1”, para o Sábado 2 Outubro, día da inauguración, no interior da Sala de Exposicións do Palexco. (Duración aprox. 15-20 min.)
- Mar Vicente (Lugo, 1979). Vive e traballa en Wolfsberg, Graz, Austria. Pintura, obxeto, instalación. Estructuras cromáticas de cores primarias e secundarias, xogos de complementarios, con branco.

CASA DA CULTURA SALVADOR DE MADARIAGA (Rúa Durán Loriga, 10).
- Arturo Fuentes (Ourense, 1975). Vive e traballa en Vigo. Instalación dun “labirinto” de 12 caixas de cartón xiratorias, apoiadas sobre 12 banquetas con un libro en cada unha delas, no patio central da Planta Baixa.
- Damián Ucieda (A Coruña, 1980). Vive e traballa entre Sada (A Coruña), Londres e Nova York. Fotografías. Escolma de 11 imaxes da serie “Los Invisibles - Before Blue” (2009-2010). Distribuidas en montaxe disperso, non lineal, polas paredes da Primeira Planta.
- OQO Filmes (Pontevedra). Editora de libros ilustrados e produtora audiovisual radicada en Pontevedra. Proxeccións de entre 10-25 curtametraxes -de 10 minutos de duración media-, de animación en stop-motion. Proxeccións repartidas entre a Sala do CGAI, Centro Galego de Artes da Imaxe, e a Biblioteca Municipal Infantil e Xuvenil.

INTERVENCIÓNS EN ESPAZOS PUBLICOS
- Mar Vicente (Lugo, 1979). Vive e traballa en Wolfsberg, Graz, Austria. Intervención no entorno, accesos e fachadas frontais e lateral da sala do Palexco.
- Martín Pena (A Coruña, 1974). Vive e traballa entre A Coruña e Valencia. Intervencións no espazo público ao redor do concepto de “restitución e desprazamentos da estatuaria e os monumentos” (Obelisco e Xardíns de Méndez Núñez).
- María Marticorena (A Coruña, 1977). Vive e traballa en Houston (Texas), Estados Unidos. Proxección dentro dun contáiner, ubicado no Cantón Grande, dunha escolma retrospectiva de rexistros en vídeo das súas performances e accións. Bucle en torno a 20-25 minutos.
- Christian García Bello (A Coruña, 1986). Vive e traballa entre A Coruña e Pontevedra. Instalación de audio e imaxes (fixas e/ou animadas) dentro dun contáiner, ubicado no Cantón Grande. Mapeado e inventario revisado de lugares e monumentos da cidade.
- Mar Vicente (Lugo, 1979). Vive e traballa en Wolfsberg, Graz, Austria. Intervención no arco-túnel-pasaxe da rúa Huertas / esquina edificio Casa da Cultura Salvador de Madariaga.
- Alejandro Castro, "Nano" (Carballo, A Coruña, 1986). Vive e traballa entre Carballo (A Coruña) e Barcelona. Pintura mural en paredes medianeiras-traseiras da Travesía da rúa Huertas. Configuran a estructura dun retablo eclesiástico: dous laterais en ángulo, cunha altura aprox. de 5-6 metros, e 2 metros de ancho, máis un pano central de 3-4 metros de alto por 6-7 metros de ancho.

Neste arquivo, grazas a Seve Penelas, recóllese un extenso resumo, con textos e imaxes, desta edición: Cartografias quebradas Outonarte 2010.

Xoves 23
13:00 h. Obelisco. IV Festival Internacional de Maxia de Rúa. Con Toby van Deisner e Adrián Conde.
18:00-20:00 h. Fundación Caixa Galicia. IV Festival Internacional de Maxia de Rúa. Con Frazer.
20:00 h. Barco máxico: Juan Tamariz e outros magos do 18 ao 25 de setembro na Goleta Nostramo atracada no porto deportivo.
20:30 h. Fundación Caixa Galicia: conferencia de Susana Martínez Conde: "Ilusión e ilusionismo: como enganar ao cerebro con maxia e outros trucos".
21:00 h. Teatro Rosalía de Castro: GALA GRANDES PREMIOS DA MAXIA, con Soma, Enric Magoo, Sergi Buka, Miguel Angel Gea, John Calvert e Norbert Ferré, coa presentación de Roger Princep e a dirección de Jorge Blass. As entradas son de: 8, 10, 13 e 17 euros (carné xove, maiores de 65 anos ou desempregados/as, desconto dun 20%).
A información completa pode descargarse aquí: A Coruña máxica 2010.

Mércores 22
13:00 h. Explanada do Palexco. Inauguración do Congreso Máxico coa aparición de decenas de bolboretas.
13:30 h. Obelisco. IV Festival Internacional de Maxia de Rúa. Con Toby van Deisner e Miguelillo.
17:00-18:00 h. Hospital Teresa Herrera (Materno-Infantil). Maxia en hospitais. Con Kayto.
18:00-20:00 h. Fundación Caixa Galicia. Obradoiros de iniciación á arte da maxia. Con Jean Philippe.
18:30-19:15 h. Biblioteca Municipal do Castrillón. Obradoiros de iniciación á arte da maxia. Con Luis Manuel.
18:30 h. Praza Elíptica (Os Rosales). IV Festival Internacional de Maxia de Rúa. Con Toby van Deisner e Miguelillo.
18:30 h. Praza das Conchiñas. IV Festival Internacional de Maxia de Rúa. Con Adrián Conde e Kayto.
18:30 h. Parque Europa. IV Festival Internacional de Maxia de Rúa. Con Justo Thaus, Myster Yurgen e Florette.
19:00 h. Fundación Caixa Galicia. Conferencia de Jorge Mira: "A ciencia física e a maxia".
20:00 h. Barco máxico: Juan Tamariz e outros magos do 18 ao 25 de setembro na Goleta Nostramo atracada no porto deportivo.
21:00 h. Torre de Hércules: A maldición do acuario, co Mago Antón.
Todas as actividades son de balde. A información completa pode descargarse aquí: A Coruña máxica 2010.

Martes 21
13:00 h. Paseo Marítimo-Orzán. IV Festival Internacional de Maxia de Rúa. Con Miguelillo e Tobi van Deisner.
17:00-18:00 h. Hospital Teresa Herrera (Materno-Infantil). Maxia en hospitais. Con Myster Yurgen e Florette.
18:00-20:00 h. Fundación Caixa Galicia. Obradoiros de iniciación á arte da maxia. Con Willy Monroe.
18:30-19:15 h. Biblioteca Municipal de Monte Alto. Obradoiros de iniciación á arte da maxia. Con Kayto.
18:30-19:15 h. Biblioteca Municipal de Os Rosales. Obradoiros de iniciación á arte da maxia. Con Luis Manuel.
18:30-19:15 h. Biblioteca Municipal da Sagrada Familia. Obradoiros de iniciación á arte da maxia. Con Civic Civiac.
18:30 h. Praza Isaac Díaz Pardo (2ª fase de Elviña). IV Festival Internacional de Maxia de Rúa. Con Justo Thaus e Jean Philippe.
18:30 h. Parque de San Diego. IV Festival Internacional de Maxia de Rúa. Con Miguelillo e Frazer.
18:30 h. Praza de Pontevedra. IV Festival Internacional de Maxia de Rúa. Con Toby van Deisner e Adrián Conde.
20:00 h. Barco máxico: Juan Tamariz e outros magos do 18 ao 25 de setembro na Goleta Nostramo atracada no porto deportivo.
Todas as actividades son de balde. A información completa pode descargarse aquí: A Coruña máxica 2010.

Luns 20
13:00 h. Cantón Grande: IV Festival Internacional de Maxia de Rúa. Con Kayto e Jean Philippe.
18:00-19:00 h. Auditorio da Fundación Caixa Galicia: Gala de maxia para cegos (e videntes). Con Juan Esteban.
18:30 h. Parque de Oza: IV Festival Internacional de Maxia de Rúa. Con Kayto e Jean Philippe.
18:30 h. Campo de Marte: IV Festival Internacional de Maxia de Rúa. Con Miguelillo e Willy Monroe.
18:30 h. Avenida da Mariña (parque infantil): IV Festival Internacional de Maxia de Rúa. Con Tobi van Deisner e Adrián Conde.
18:00-20:00 h. Fundación Caixa Galicia: Obradoiros de iniciación á arte da maxia. Con Civic Civiac.
20:00 h. Barco máxico: Juan Tamariz e outros magos do 18 ao 25 de setembro na Goleta Nostramo atracada no porto deportivo.
Todas as actividades son de balde. A información completa pode descargarse aquí: A Coruña máxica 2010.

Domingo 19
12:00-14:00 h. Fundación Caixa Galicia: obradoiros de iniciación á arte da maxia. Con Civic Civiac.
13:00 h. Paseo Marítimo-Orzán: IV Festival Internacional Maxia de Rúa. Con Justo Thaus e Malo, el malísimo.
13:00 h. Cantón Grande: IV Festival Internacional Maxia de Rúa. Con Adrián Conde, Myster Yurgen e Florette.
13:00 h. Novo Mesoiro: IV Festival Internacional Maxia de Rúa. Con Willy Monroe e Frazer.
13:00-14:00 h. Hospital Abente y Lago: Maxia no hospital. Con Luis Manuel.
17:00-18:00 h. Asilo Santa Teresa Jornet (asilo de Eirís). Maxia en centro de terceira idade. Con Luis Manuel.
18:30 h. Praza de Vigo: IV Festival Internacional Maxia de Rúa. Con Adrián Conde e Malo, el malísimo.
18:30 h. Parque de Vioño: IV Festival Internacional Maxia de Rúa. Con Justo Thaus, Myster Yurgen e Florette.
18:30 h. Xardíns de Méndez Núñez (na zona do parque infantil): IV Festival Internacional Maxia de Rúa. Con Civic Civiac e Willy Monroe.
20:00 h. Centro de ocio do Porto: IV Festival Internacional Maxia de Rúa. Con Civic Civiac e Willy Monroe.
20:00 h. Barco máxico: Juan Tamariz e outros magos do 18 ao 25 de setembro na Goleta Nostramo atracada no porto deportivo.
Todas as actividades son de balde. A información completa pode descargarse aquí: A Coruña máxica 2010.

Sábado 4
Zona comercial Soho-Orzán
Ás 13.00 e 19.00 horas.
Entrada libre.

Concerto de música popular con Hortensio, o home orquestra de Viveiro.

A Coruña acollerá a cuarta edición do Festival Internacional de Maxia de Rúa, do 18 ao 24 de setembro. Espectáculos para todos os públicos percorrerán espazos abertos por toda a cidade. Actuarán os mellores especialistas de maxia de rúa chegados de todo o mundo.
Adiantamos o programa:
- Obradoiros de iniciación á arte da Maxia. Nenos e adultos terán a oportunidade de iniciarse na sorprendente e divertida arte da maxia durante o mes de setembro. Magos profesionais ensinarán técnicas e xogos máxicos co apoio de material exclusivo para o curso. Durante os días do 18 o 26 de setembro, as Bibliotecas Municipais, xunto coa sede da Fundación Caixa Galicia serás os espazos onde se poderán apuntar os interesados que queran aprender a divertir e sorprender coa maxia.
- Ciclo de cine e maxia • Auditorio Caixa Galicia. Proxectarase no auditorio da Fundación Caixa Galicia unha selección de películas onde a arte do ilusionismo é protagonista. Directores da talla de Orson Welles, Woody Allen, George Marshall ou Christopher Nolan serán parte desta mostra cinematográfica.
- Conferencias públicas • Auditorio Caixa Galicia. Ciclo de conferencias públicas que presentará a figuras internacionais do ilusionismo, a estudosos da historia secreta da maxia, e a científicos como a prestixiosa Dr. Susana Martínez Conde e o Dr. Stephen Macknik, que investigan as bases neurais e cognitivas das ilusións visuais que os magos producen.
- Inauguración Congreso con aparición de centos de bolboretas. Acto público de presentación no que aparecerán da nada centos de bolboretas que voarán pola cidade, enchéndoa de maxia, durante o XXX Congreso Máxico Nacional A Coruña 2010.
- Gala de maxia para cegos. Maxia para cegos é unha experiencia única no mundo: maxia na máis completa escuridade. Cegos e videntes, dirixidos polo mago chileno Juan Esteban Varela, comparten un mundo invisible onde os efectos máxicos ocorren unha e outra vez nas mans dos espectadores. Un espectáculo insólito e pioneiro que poderase disfrutar no auditorio da Fundación Caixa Galicia.
- Maxia en colexios, centros da terceira idade e hospitais. A maxia máis social e solidaria encherá estes espazos da cidade para que os máis novos, os nosos maiores e, dun xeito especial, os nenos que se atopan hospitalizados, sexan os protagonistas que participen da maxia.
- Barco Máxico de Juan Tamariz • Goleta Nostramo. Tódalas noites, un barco antigo abrirá as súas portas para gozar de sesións de maxia de cerca. Toda a xente que pase pola dársena da marina poderá ver proxeccións sobre a vela do barco, que retrasmitirá en directo o que suceda no interior. O gran Juan Tamariz será o patrón desta goleta atracada no porto deportivo e, xunto a outros magos como Luis Piedrahita ou Dani Daortiz, converterán a noite nunha experiencia única e irrepetible.
- A Maldición do Acuario na Torre de Hércules. O faro máis antigo patrimonio da humanidade iluminará un acto sorpresa no que o Mago Anton fará un dos escapes máis arriscados da historia da maxia. Proxeccións sobre a Torre e un gran acuario baixo ela, crearán un espectacular e multitudinario evento cuxa maxia e repercusión excederán os límites da cidade.
- Gala dos Grandes Premios da Maxia • Teatro Rosalía de Castro. Un espectáculo homenaxe a aqueles que conseguiron a máxima distinción no mundo da maxia. O televisivo Jorge Blass dirixe unha gala na que estará, entre outros, o incrible John Calvert aos seus 99 anos de idade.
- Gala Internacional de Creativos da Maxia • Teatro Rosalía de Castro. A innovación na arte do imposible dáse cita no Teatro Rosalía de Castro. Presentará a gala Gaetan Bloom, rodeado dun elenco insólito e cheo de sorpresas que reúne os ilusionistas máis creativos do mundo.

Aquí se pode descargar o programa completo de A Coruña Máxica na Rúa setembro 2010.

Toda a información en detalle pode consultarse aquí.

Sábado 10
De 11 a 14 h. e de 16 a 20 h.
Xardíns de Méndez Núñez.
Acceso libre. De 10 a 12 h. inscrición e entrega do percorrido do maratón fotográfico.

Máis información sobre o maratón fotográfico no CEIDA (Centro de Extensión Universitaria e Divulgación Ambiental de Galicia, o seu teléfono é o 981 630 618) ou aquí.
Ás 13 e ás 18 h. poderanse ver exhibicións de voo coas aves rapaces. Aquí se pode descargar o cartaz das xornadas.