Do 3
de agosto ao 20 de setembro
Casa Museo Casares Quiroga
De martes a sábado: de 10:30 a 14:00 e de 17:30 a 20:00 h.
Domingos e festivos: de 10:30 a 14:00. Luns, pechado
Entrada libre.
"En el Oeste" é unha exposición de 35 fotografías que reflicten a visión do autor sobre a transformación constante das terras galegas.
Do 16 ao 29 de
xullo
De luns a venres, de 10:00 a 13:00 e de 18:00 a 21:00
Sala de exposicións BBVA (Durán Loriga, 14)
Entrada libre.
Un total de 22 fotografías de grande formato ilustran a aventura, as paisaxes por onde transita a expedición e as emocións dos expedicionarios nas últimas edicións en Chile, México, Panamá e España. A cámara de Ángel Colina consegue capturar algúns dos mellores instantes e reflectilos como se se tratar dun diario de viaxe.
Do 16 de xullo ao 10 de outubro
De martes a sábado: de 11:00 a 14:00 e de 17:00 a 20:00,
Domingos de 11:00 a 14:00; luns: pechado
Fundación Luís Seoane (rúa San Francisco, s/n)
Entrada libre até completar capacidade.
"A interpretação dos sonhos", ademais de dar título á exposición, é o nome dunha serie de fotografías do artista portugués Jorge Molder que, xunto a "O pequeno mundo" e "Não me tem que contar o que seja for", conforman a mostra que acollerá a Fundación Líis Seoane a partir do 16 de xullo, no que constituirá a súa única escala no noso país, despois de terse inaugurado no ano 2009 na Fundação Calouste Gulbenkian de Lisboa e viaxado á sé que a institución portuguesa ten en París, no ano 2010.
Sábado 10
De 11 a 14 h. e de 16 a 20 h.
Xardíns de Méndez Núñez.
Acceso libre. De 10 a 12 h. inscrición e entrega do percorrido do maratón fotográfico.
Máis información sobre o maratón fotográfico no CEIDA (Centro de Extensión Universitaria e Divulgación Ambiental de Galicia, o seu teléfono é o 981 630 618) ou aquí.
Ás 13 e ás 18 h. poderanse ver exhibicións de voo coas aves rapaces. Aquí se pode descargar o cartaz das xornadas.
Do xoves 8 de xullo ao 1 de agosto
De luns a domingo, de 12:00 a 14:00 e de 18:00 a 21:00
Casa da Cultura "Salvador de Madariaga"
Entrada libre
Ábrese a exposición de Lola García Garrido, "Fotos da apocalipse". A Apocalipse é o momento da verdade. Como a morte. Como unha enfermidade que te deixa en cama sen poderes moverte durante moito tempo. Como unha crise. É o momento no que desaparece o cotián, a rotina, o predicíbel. Todo o que até agora era dunha maneira, supetamente vólvese doutra. Na sensación de fin áchase o esclarecemento. O que onte era importante, crucial, imprescindíbel, nos días de apocalipse ou enfermedade é insignificante. Desaparece a nebulosa de trivialidades e descóbrese o mundo simple, básico e sólido. Despois da apocalipse ou a enfermidade chega a paz e a aprendizaxe. A apocalipse é descontextualización: unha persoa nunha balsa na intersección de dúas avenidas anegadas de Bos Aires, unha galiña sentada sobre unha cociña rodeada de cascallos logo dun terremoto. A descontextualización lévanos á reflexión. Despéganos da nosa lóxica diaria e obríganos a tratar de descifrar o mundo desde outra perspectiva onde as causas e os efectos non son tan mecánicos como semellan. Nesta serie de fotos encontrei na descontextualización un xeito de expor un diario íntimo e universal. A técnica da fotomontaxe permite que convivan nunha mesma imaxe elementos que pertencen a diferentes dimensións temporais e espaciais. O resultado é unha fotomontaxe atemporal, que xoga cos pontos dunha liña de tempo, salteándose planos e atravesando oceanos. Que perde a noción de tempo e espazo e acha a liberdade na idea. Que desintegra, cando menos por un intre, a forma de lóxica mecánica que reina na rotina. Un recreo surrealista, apocalíptico, que nos permita mergullarnos nun mundo onde a lóxica non é tan lóxica.
Aquí se poden descargar a portada e o interior do catálogo.
Do 6 ao 25 de xullo
De luns a domingo: de 12:00 a 14:00 e de 18:00 a 21:00
Sala de Exposicións do Palexco
Entrada libre.
Atravesando unha espesa cortina de veludo vermello adentrámonos na escuridade. Como faros, as fotografías de Manuel Sendón convertidas imaxes luz, nos van mostrando os cines que, mortos de solemnidade, seguen dalgunha maneira a reclamar as historias que alí se viviron. Cadáveres de pinturas rebentadas e madeiras carcomidas que manteñen de modo algo fantasmal, a presenza da luz que algún día alí se presentou en forma de películas. Espazos maxestousos e impoñentes, ruínas que claman por recuperar o antigo esplendor esixindo a xustiza de apelar a memoria dun mundo ido. Benvidos ao espectacular fenómeno do cinematógrafo… Se escoita, e atravesando un cartel luminoso propio dos cines de antano, vemos como o documental "Os fabulosos irmáns da luz", recupera eses espazos representados nas fotos utilizándoos de pantalla para unha película de luces e sombras de presenza case fantasmal.
"Derradeira Sesión" é un proxecto colectivo representado polas fotografías de Manuel Sendón e o documental de Olaia Sendón "Os fabulosos irmáns da luz", que aborda dende dous medios e dúas miradas diferentes, a morte do cine como fenómeno colectivo.
Venres 25
20:00
Domus
Entrada libre até completar capacidade.
Pecha Kucha é un evento no que profesionais vinculados a diferentes actividades creativas expoñen o seu traballo co único apoio gráfico de 20 imaxes que son proxectadas durante 20 segundos cada unha. Nesta segunda edición de Pecha Kucha Night Coruña, os participantes son: Alberto Vázquez (ilustración), Rubén López Ares (fotografía), Luigi Mazucato (música), Lucía Ruiz de Aguirre (moda), Brijuni (arquitectura), Luís Díaz Díaz (fotografía), Estudio mmasa (arquitectura), Xurxo García Penalta (cómic), Nouvelle Cuisine (música), Ernesto Carmena (ciencia). Máis información aquí.
Martes 22
19:30
Biblioteca Sagrada Familia (Antonio Pereira, 1, baixo)
Entrada libre até completar capacidade.
Inaugúrase a exp
osición fotográfica do artista David Salgado, “Galicia, a noite, a maxia, os contos”, onde mostra a súa visión das paisaxes da Galicia vistas a través do seu obxectivo, que estará exposta até o 31 de xullo.
Contarase tamén coa actuación de BellónMaceiras Quinteto, que veñen de presentar neste mes o seu último traballo discográfico “FolkFusión”, e haberá ocasión de escoitar en directo algúns dos temas deste disco.
Completarase o acto cunha lenda autóctona, narrada por unha das bibliotecarias, e cunha mostra de libros que tinguirán de intriga as tardes estivais.
Até finais de agosto 2010
Un ano máis o Aquarium Finisterrae presenta a exposición de fotografías de natureza máis importante do mundo: "Fotógrafos da Natureza 2010". Contén as imaxes gañadoras e finalistas nas diferentes seccións do certame "Wildlife Photographer of the Year”. O concurso, considerado polos profesionais como o máis prestixioso, está promovido polo Natural History Museum de Londres e a BBC Wildlife Magazine. A sala Isabel Castelo do Aquarium Finisterrae, única no noso país dedicada en exclusiva a exposicións de Natureza, acolle unha selección das mellores fotografías do concurso.
Foron seleccionadas entre as 43.135 que se presentaron ao concurso, obra de fotógrafos profesionais e afeccionados de 94 países. Entre eles, 4 españois, un dos cales, Ana Retamero, resultou gañadora na categoría “Eloxio das plantas”.
Xoves 20
20:00
IES de Monelos
O certame de fotografía é organizado pola Asociación de Antigos Alumnos do Instituto de Monelos e está dirixido especialmente a alumnos e alumnas de ensino secundario de Galiza. As características técnicas do certame foron a temática libre, as fotografías en branco/negro ou cor e un máximo de tres fotos por participante.
Do 6 ao 27 de maio
Aquarium Finisterrae
POR PRIMEIRA VEZ EN ESPAÑA, UNHA EXPOSICIÓN DAS MELLORES FOTOGRAFÍAS REALIZADAS POR FOTOXORNALISTAS DE TODO O MUNDO, PREMIADAS NO MAIOR E MÁIS PRESTIXIOSO CONCURSO DE FOTOGRAFÍA DE PRENSA.
A fotografía gañadora desta edición é unha instantánea do italiano Pietro Masturzo, na que se observa unha muller berrando dende a terraza dun edificio en Teherán. É parte dunha historia que ilustra as noites seguintes ás polémicas eleccións presidenciais en Irán, nas que os cidadáns protestaban dende os seus tellados e balcóns tras unha xornada de manifestacións nas rúas. En palabras de Ayperi Karabuda Ecer, presidente do xurado do concurso, "a foto mostra o inicio de algo, o comezo dunha grande historia. Engade unha perspectiva á noticia. Chégate tanto visual coma emocionalmente".
Os galardoados, cuxos traballos compoñen a exposición, foron 62 fotógrafos de 22 países: Alemaña, Arxentina, Australia, Brasil, Canadá, Chile, China, Ecuador, Estados Unidos, Francia, Holanda, Hungría, Irlanda, Israel, Italia, Mali, México, Palestina, Perú, Reino Unido, Somalia, Suecia. O Xurado tivo que examinar un total de 101.960 fotografías, récord de participación, de 5.847 autores de 128 países. A exposición contén as fotografías premiadas neste concurso, que considera dez categorías temáticas.
* Noticias de actualidade
* Temas de actualidade
* Personaxes de actualidade
* Deportes e fotografías de acción
* Reportaxes de deportes
* Temas contemporáneos
* Vida cotiá
* Retratos
* Arte e entretemento
* Natureza
World Press Photo é unha organización que promove e apoia o traballo dos profesionais da fotografía de prensa a nivel internacional. As actividades que desenvolve inclúen un concurso anual, exposicións, programas educativos e publicacións que amplifican a visión da creación fotoperiodística.
Inscrición gratuíta. Máis información na conserxaría do Fórum Metropolitano.
A mellora da calidade de vida dos países en vías de desenvolvemento pasa pola incorporación da muller á vida económica, social e cultural. A exposición Nais de África mostra os retratos que Gabriel Tizón fixo dunhas nais que comprenden idades entre 14 e 65 anos, da rexión de Biur, en Guinea Bissau. Reivindica o valor destas mulleres na súa sociedade. Traballan dentro e fóra de casa, son responsables da educación e a supervivencia dos seus fillos... son unhas heroínas anónimas. A exposición estará nas ventás exteriores da Subdelegación do Goberno até o día 11 de abril.
Hoxe venres 5 ás 20 horas no vestíbulo da Domus inaugúrase unha exposición fotográfica de Xacobe Meléndrez: Caiuco, fame e emigración.
O tempo na Coruña
