"A Coruña e Vigo son a mesma cidade. Así nolo di co seu talento a pintura de Urbano Lugrís. Dous pontóns de amarre no mesmo océano. Para significar unha vez máis esta revelación, o vindeiro sábado 17 de decembro celebrarase –simultaneamente- en Vigo e na Coruña a Acción Urbano. Xornada cívico-bohemia, en honra do gran mestre. O Orzán, o Berbés e un único manifesto en botella polos camiños do mar a prol da creatividade e da arte galega. Sábado 17 de decembro. Percalinópolys e Xouba City (isto é A Coruña e Vigo na terminoloxía do pintor) unidas outra vez pola vida, pola bohemia, polo talento abisal de Urbano Lugrís, profeta do atlantismo. O fato de enxarmantes da Coruña autedonimámonos "IN NAVE CIVITAS" (por suposto ti es membro de honra). Imaxinamos un acto en catro tempos:
1. Ás 20:00 horas: "Obradoiro submarino". Xuntanza no palco da música de Méndez Núñez para decorar paraugas con debuxos de peixes. Así, se chove, facemos da necesidade virtude. Saída da manifestación atlántica presidida, con toda pompa e esplendor, polo son dos gaiteiros "Os Vicentes de Elviña".
2. "Camarote Lugrís". Intervención pictórica rápida na rúa Mantelería, diante do recanto que ocupaba o estudo de Lugrís.
3. "Balada do Porto de Os". Estrea no Borrazás (Rúa Orzán, 165), café moi querido por Lugrís, dunha rapsodia inspirada no poema do mesmo nome, composta por Marcos Aboal e Lourenzo Castro.
4. Na Coiraza do Orzán, lectura e lanzamento -en botella- do manifesto, dirección ribeira do Berbés."
Texto de Xurxo Souto.

Do venres 9 de decembro ao xoves 5 de xaneiro
De 11:00 a 14:00 h. e de 16:30 a 21:30 horas
Hotel Hesperia (Rúa Juan Flórez, 16)
Entrada libre até completar capacidade.

IV edición da "Feira de Arte Galega", coa participación de máis de 50 artistas con máis de 1500 obras orixinais. A inauguración terá lugar o venres 9 de decembro, ás 20:00 horas, cunha homenaxe poética a Alfonso Abelenda, na que participan Pablo Bouza, Miguel Anxo Fernán-Vello, Olga Patiño, Ánxeles Penas, Dores Tembrás, Xulio L. Valcárcel, Diana Varela e Eva Veiga. Posteriormente, terá lugar a actuación en directo do músico Pablo Bicho.

Xoves 1
Real Academia Galega (Rúa Tabernas, 11)
18:00
Entrada libre até completar capacidade.

Homenaxe da Real Academia Galega e a Universidade da Coruña a Nicomedes Pastor Díaz no 200 aniversario do seu nacemento. Luís Caparrós analizará o seu labor poético, faceta literaria na que afondarán tamén o investigador Emílio Xosé Ínsua e o académico Henrique Monteagudo. O doutor Fausto Galdo, pola súa banda, lembrará a relación do intelectual coa súa vila natal e, por último, o académico e historiador Xosé Ramón Barreiro Fernández dará conta da intensa actividade política do deputado Pastor Díaz. Previamente, ás 17:00 horas, na rúa da cidade que leva o seu nome, terá lugar unha ofrenda floral na que intervirán Xosé Luís Méndez Ferrín, Xosé María Barja, e a poeta Luz Pozo Garza.

Sala de Exposicións do Palacio Municipal
Do mércores 23 ao luns 28 de novembro
De luns a domingo: de 12:00 a 14:00 e de 18:00 a 21:00 h.
Entrada libre até completar capacidade.

Exposición conmemorativa do 50º aniversario da Sociedade Filatélica da Coruña, nunha homenaxe ao relevante labor cultural que realiza, mostrando as importantes coleccións dos seus socios e amigos. Participarán un total de 15 coleccións, e contará tamén con catro vitrinas contendo medallas e trofeos obtidos pola Sociedade ao longo destes 50 anos, así como libros e publicacións, diplomas e selos personalizados.

Xoves 24
Teatro Rosalía de Castro
20:30
Entrada libre até completar capacidade.

A Asociación Cultural Alexandre Bóveda organiza o XV Memorial de teatro Ibán Toxeiro, que contará coas seguintes actuacións:
- Grupo de teatro da A. C. Alexandre Bóveda coa representación de "Vida, paixón e morte de Alexandre Bóveda", de Xoán Carlos Mexuto.
- Bucanero Teatro con "Kungfundidos".
- Druída danza con "O anxo exterminador".
- Entrega do IV premio "Alexandre Bóveda de teatro amador Ibán Toxeiro" para o Grupo de teatro do Centro de maiores da Obra social de Novacaixagalicia.
- Todo aderezado coa música en directo de Canta compaña.

Xoves 3
Auditorio da Fundación Caixa Galicia (Cantón Grande)
19:30
Entrada libre até completar capacidade.

"Homenaxe á guerrilla antifranquista. Manuel Ponte Pedreira (1911-2011)", organizada pola Comisión pola Recuperación da Memoria Histórica da Coruña, cos seguintes actos:
- Estrea do documental "Miracielo, vida e morte de Manuel Ponte Pedreira", de Pablo Ces, presentado por Aurora Marco.
- Mesa-coloquio coa participación de Maruchi Ponte (filla de Manuel Ponte), Bernardo Máiz, Manuel Pazos e Rubén Afonso Lobato.
- Recital de poesía.
- Actuación musical de Mini e Mero (do grupo A Quenlla) e de Miro Casabella.

Xoves 8
Sala Municipal de Exposicións no Palexco
Do xoves 8 ao domingo 25 de setembro
Entrada libre até completar capacidade.

A Consellería de Cultura, Editorial Galaxia, e Fundación Penzol, coa colaboración do Concello da Coruña, presentan a exposición "No niño novo do vento", conmemorativa do centenario de Álvaro Cunqueiro. Comisariada por María García Liñeira e Víctor F. Freixanes, estrutúrase en cinco grandes apartados, que describen o universo cunqueiriano a través de elementos tan íntimos como a reprodución do seu escritorio de traballo, a narración biográfica no seu contexto histórico e vital ou a exhibición de materiais de grande valor tanto emocional como patrimonial. Un espazo audiovisual reproduce en vídeo distintos documentais, entrevistas e gravacións das súas obras teatrais; e dous computadores con pantallas interactivas permiten a consulta de datos, fotos e bibliografía. Editouse así mesmo, como material complementario, un catálogo sobre os contidos da exposición. A inauguración terá lugar o xoves 8 de setembro ás 12:00 horas.
O mesmo día, ás 19:00 h., no mesmo recinto, Ánxeles Cuña, Manuel Lourenzo, Euloxio R. Ruibal e Laura Tato participarán nun faladoiro baixo o título "A obra dramática de Álvaro Cunqueiro".

Mércores 7
Teatro Rosalía de Castro
20:30
Entrada libre até completar capacidade.

"Homenaxe a Manuel María", no sétimo cabodano do seu falecemento, coa estrea do audiovisual "De amor e cantería", de Pixel Films, dirixido por Anxa G. Refoxo e realizado por Mikel Fontes, traballo de 10 minutos de duración que recrea os poemas de "Sonetos á casa de Hortas" nos que o autor chairego expresa a significación que para el tivo a súa casa natal en Outeiro de Rei. Posteriormente terá lugar a actuación musical de Xabier Díaz e Guillerme Fernández, no que estrearán cinco pezas sobre poemas de Manuel María e outras gravadas en traballos anteriores.

Xardíns de Méndez Núñez
19:00
Entrada libre.
Teatro infantil. Caramuxo Teatro: "Historia dunha semente".

Praza de María Pita
21:00
Entrada libre.
Homenaxe a Pucho Boedo. Coa participación da Banda Municipal de Música.

Sábado 2
Fachada do Teatro Rosalía de Castro
De 13:00 a 13:50 horas
Entrada libre.

A Real Academia Galega e a Concellaría de Cultura promoven "Unha estrela no ceo de Galicia", acto conmemorativo do 150 aniversario dos "Xogos Florais da Coruña" de 1861, co seguinte programa (Xogos Florais 1861-2011 Unha estrela no ceo de Galicia):
- 13:00 h. Abre o acto un baile de Nova Galega de Danza.
- 13:05 h. Saúdo e presentación do acto polo secretario da Real Academia Galega, Xosé Luís Axeitos Agrelo.
- 13:10 h. Lectura dalgúns poemas galegos do Álbum de la Caridad, publicado un ano despois dos Xogos Florais de 1861. Coa intervención de: Consuelo Bautista, xornalista de Radio Coruña; Manuel Gallego, arquitecto; Begoña Varela Bárcena, libreira de Nova Colón; Gonzalo de la Huerga, conselleiro do Consello Consultivo de Galicia; Marisol López Facal, médica; Xosé María Barja, reitor da Universidade da Coruña; Luísa Merelas, actriz; Roberto Pérez Vila, presidente do comité de empresa de Zara Loxística; Laura Gayoso, sumiller e restauradora; Ánxel Vázquez de la Cruz, médico; e Charo Soto Arias, vicedirectora do IES Eusebio da Guarda.
- 13:25 h. A presidenta da Asociación de Compositores de Galicia Margarita Viso Soto interpreta ao piano a muiñeira de Canuto Berea, peza que se escoitou nos Xogos Florais de 1861.
- 13:30 h. Discurso do presidente da Real Academia Galega, Xosé Luís Méndez Ferrín.
- 13:40 h. Desde a Serra de Outes, terra natal do poeta Francisco Añón, galardoado nestes Xogos Florais, traen unha ofrenda vexetal para os promotores e organizadores dos Xogos. O secretario da Asociación cívico-cultural Terra de Outes, Ramón Blanco, fai entrega dun carballo ao presidente da Fundación Juana de Vega, Enrique Sáez Ponte, e dun loureiro á descendente dos irmáns de la Iglesia, María Rosa Saurín de la Iglesia.
- 13:45 h. Pecha o acto a Banda Municipal de Outes coa interpretación do Himno galego.

Sábado 2
Fachada do Teatro Rosalía de Castro
De 13:00 a 13:50 horas
Entrada libre.

A Real Academia Galega e a Concellaría de Cultura promoven "Unha estrela no ceo de Galicia", acto conmemorativo do 150 aniversario dos "Xogos Florais da Coruña" de 1861, co seguinte programa (Xogos Florais 1861-2011 Unha estrela no ceo de Galicia):
- 13:00 h. Abre o acto un baile de Nova Galega de Danza.
- 13:05 h. Saúdo e presentación do acto polo secretario da Real Academia Galega, Xosé Luís Axeitos Agrelo.
- 13:10 h. Lectura dalgúns poemas galegos do Álbum de la Caridad, publicado un ano despois dos Xogos Florais de 1861. Coa intervención de: Consuelo Bautista, xornalista de Radio Coruña; Manuel Gallego, arquitecto; Begoña Varela Bárcena, libreira de Nova Colón; Gonzalo de la Huerga, conselleiro do Consello Consultivo de Galicia; Marisol López Facal, médica; Xosé María Barja, reitor da Universidade da Coruña; Luísa Merelas, actriz; Roberto Pérez Vila, presidente do comité de empresa de Zara Loxística; Laura Gayoso, sumiller e restauradora; Ánxel Vázquez de la Cruz, médico; e Charo Soto Arias, vicedirectora do IES Eusebio da Guarda.
- 13:25 h. A presidenta da Asociación de Compositores de Galicia Margarita Viso Soto interpreta ao piano a muiñeira de Canuto Berea, peza que se escoitou nos Xogos Florais de 1861.
- 13:30 h. Discurso do presidente da Real Academia Galega, Xosé Luís Méndez Ferrín.
- 13:40 h. Desde a Serra de Outes, terra natal do poeta Francisco Añón, galardoado nestes Xogos Florais, traen unha ofrenda vexetal para os promotores e organizadores dos Xogos. O secretario da Asociación cívico-cultural Terra de Outes, Ramón Blanco, fai entrega dun carballo ao presidente da Fundación Juana de Vega, Enrique Sáez Ponte, e dun loureiro á descendente dos irmáns de la Iglesia, María Rosa Saurín de la Iglesia.
- 13:45 h. Pecha o acto a Banda Municipal de Outes coa interpretación do Himno galego.

Xoves 23
Bar Patachim (Rúa Beiramar, 16)
22:00
Entrada libre até completar capacidade.

Presentación do libro "Lois Pereiro. Unha persecución", de Mario Regueira, publicado en 2.0 Editora. Posteriormente participarán, coa lectura de poemas de Lois e música en directo, Ataque Escampe, David Pobra, Arsenio Iglesias Pazos, Haizea Barzenilla, Fayez Khalaf e Andrea Nunes Brións, nunha homenaxe a Lois Pereiro aberta á participación do público asistente.

Venres 17
Librería Cascanueces (Travesía de Cordonería, 10)
20:00
Entrada libre até completar capacidade.

"Brinde á saúde de Jorge Luis Borges e Ernesto Sábato". Lectura de textos e brinde con viño arxentino escollido para a ocasión. Para abrir boca, se leranse diversos fragmentos destes dous mestres da literatura, nunha lectura dirixida por Pedro Ramos, e que correrá a cargo de calquera persoa que desexe participar nesta homenaxe. Posteriormente, Óscar Rodríguez dirixirá a cata do viño (arxentino) elexido para a ocasión.

Martes 7
Biblioteca Miguel González Garcés (Rúa Miguel Glez. Garcés, 1)
20:00
Entrada libre até completar capacidade.

"V Agasallo a Luís Seoane", no que se inaugurará a exposición "Cento Un", selección dos libros de arte de Luís Seoane cedidos pola súa muller á Real Academia Galega, aberta até o vindeiro 30 de xuño no horario de apertura da Biblioteca, coa intervención de Laura González-Garcés, María Xosé Bravo, Xosé Luís Axeitos e Rosa Espiñeira, coordinadora da mostra. Deseguido, na Praza Luís Seoane, ao pé do busto do artista, plantación das rudas e o allo verde.

Mércores 1
Paseo das Ciencias (Parque de Santa Margarita)
19:00
Entrada libre até completar capacidade.

Inauguración dun monolito en honra á matemática galega María Wonenburger no Paseo das Ciencias do Parque de Santa Margarita. A iniciativa, que se celebra con motivo do XXVI aniversario da Casa das Ciencias, dá continuidade á colocación hai un ano dun monolito homenaxe a Isidro Parga Pondal, co ánimo de establecer esa data como celebración anual de recoñecemento aos científicos galegos relevantes.