Mañá mércores 17 de marzo ás 20:00 preséntase en Portas Ártabras (Sinagoga 22, detrás da Colexiata) o libro A rocha imantada (aforismos), escrito por Xavier Seoane (Ed. Laiovento). No acto intervirán o autor acompañado por Xulio López Valcárcel e Francisco Pillado. A entrada é libre até completar capacidade.

O libro de Victorino Pérez Prieto Prisciliano na cultura galega. Un símbolo necesario preséntase mañá mércores 17 de marzo na Biblioteca de Estudos Locais ás 20 horas, con entrada libre. No acto participarán a Concelleira de Cultura, María Xosé Bravo; o director xeral da Editorial Galaxia, Víctor F. Freixanes; a catedrática da Universidade da Coruña e autora do prólogo, Pilar García Negro, e o propio autor do libro, Victorino Pérez Prieto.

O Centro Galego de Artes da Imaxe (Rúa Durán Loriga, 10 baixo, A Coruña) presenta mañá sábado día 13 de marzo (20.30 horas) a publicación (editada por Cátedra) dun estudo monográfico dedicado polo historiador galego José Luis Castro de Paz ao polivalente e malogrado director, actor, guionista e literato Fernando Fernán-Gómez. O acto, no que o autor estará acompañado por Julio Pérez Perucha, presidente da Asociación Española de Historiadores del Cine (AEHC), e José Ramón Garitaonaindía, profesor da Universidade da Coruña, permite volver a unha das obras magnas da filmografía de Fernán-Gómez, El mundo sigue (1963). A entrada é gratuíta.

O 23 de marzo no Paraninfo da Maestranza.

Mañá mércores 3 de marzo preséntase o libro Moncho Reboiras e o nacionalismo dos anos 70, editado pola Fundación Bautista Álvarez de Estudos Nacionalistas. O acto terá lugar ás 8 da tarde na Casa Museo Casares Quiroga (rúa Panadeiras 12), e contará coa presenza de Lois Diéguez Vázquez, director de Programación de Cursos e Publicacións da Fundación Bautista Álvarez; e Francisco Rodríguez Sánchez, doutor en Filoloxía Románica e autor dunha ampla obra investigadora e de ensaio en temas culturais e políticos.

O músico Pablo Díaz presenta este venres 19 de febreiro a partir das 18:00 horas, no Fórum FNAC (A Coruña), un concerto para todos os públicos con algúns temas deste traballo. No espectáculo van participar, entre outros artistas, Carmen Rey e Xabier Díaz.

Editado por Kalandraka, Tic-Tac contén cancións do músico coruñés Pablo Díaz e ilustracións de Marc Taeger, deseñador suizo afincado en Galicia, e conta con numerosas colaboracións musicais: Xabier Díaz, Guadi Galego, Carmen Rey, Ruote… así como as achegas de Santiago Auserón e de Xurxo Souto no prólogo e no epílogo da obra, respectivamente.

Mañá martes 2 de febreiro ás 19:30 inaugúrase a exposición Ramón Cabanillas, a roseira dos recordos na sala de exposicións do Pazo Municipal da Coruña (Praza de María Pita, 1).

Podedes descargar aquí o díptico da exposición, organizada pola Editorial Galaxia: PDF, 1,2 MB.

Hoxe mércores 20 de xaneiro ás oito do serán preséntase na sala de prensa da Fundación Caixa Galicia (Cantón Grande, 21-24) o libro Facendo Historia con memoria de Lourenzo Fernández Prieto. No acto intervirán Ernesto Sánchez Pombo –xornalista–, Manolo Martínez Barreiro –analista político e autor do limiar–, X. Amancio Liñares Giraut –director editorial de 3C3– e o propio autor.