Venres 21
A. C. Alexandre Bóveda (Rúa Olmos, 16-18, 1º)
20:00
Entrada libre até completar capacidade.

Presentación do libro "Lingua galega e variación dialectal", do profesor da Universidade da Coruña Xosé Manuel Sánchez Rei, publicado en Laiovento. No acto estará acompañado por Francisco Pillado e Xosé Ramón Freixeiro.

Martes 4
Fundación Caixa Galicia (Cantón Grande)
20:00
Entrada libre até completar capacidade.

Conferencia do profesor da Universidade de Santiago de Compostela Benevides Eculica Maurício sobre "Angola e Galiza, Língua", dentro do ciclo "Lingua, Literatura e Nación" da A. C. O Facho.

Xoves 25
Portas Ártabras (Rúa Sinagoga 22, baixo)
20:00
Entrada libre até completar capacidade.

Conferencia "A linguaxe como definición do pobo galego", impartida por Juan José Súarez Losada, coruñés de nacimento, madrileño de adopción que exerce como notario no barcelonés Paseo de Gracia. Viaxeiro, conferenciante que busca e propaga a beleza, amante do clásico e da arte das vangardas, do jazz, da filosfía, da psicoloxía e da socioloxía.

Estas son as actividades previstas para o mércores 3 de agosto dentro da 40º edición da Feira do Libro:

- 12:00 h. Feira infantil. Obradoiro de decoración de lapiseiros, impartido por Brétema Animación.
- 19:00 h. Presentación do libro "Todo é silencio", de Manuel Rivas, publicado en Xerais. No acto acompañará ao autor Rómulo Sanjurjo e Manuel Bragado.
- 19:30 h. O escritor Manuel Sánchez Dalama asinará exemplares do seu libro "La mancha negra", publicado por Algaida.
- 20:00 h. Presentación da novela negra titulada "Pegadas nun labirinto baleiro", da autoría de Xosé Manuel García López, publicada por Baía Edicións.
- 20:30 h. O poeta Miguel Anxo Fernán-Vello asina exemplares do libro "Territorio de la desaparición" (edición bilingüe castelán e galego), publicado por Huerga y Fierro Editores.
- 21:00 h. Presentación do libro "Como defenderes os teus dereitos lingüísticos", de Carlos Callón, publicado en Xerais, coa participación do autor, acompañado por Xabier P. DoCampo, Fran Rei e Manuel Bragado.

Estas son as actividades previstas para o luns 1 de agosto dentro da 40º edición da Feira do Libro:

- 11:00 h. Apertura da feira.
- 12:45 h. Actuación da Banda Municipal de Música da Coruña.
- 13:00 h. Inauguración oficial. Pregón a cargo de Alfonso García Sanmartín, presidente do Cluster do Libro de Galicia.
- 19:00 h. Charla presentación da exposición fotográfica "Tiempo de recreo", patrocinada pola Fundación Telefónica. Participan no acto Fernando Marías, Carlos Spottorno, Marta Rivera de la Cruz e Lola Beccaría.
- 19:30 h. O escritor e académico Xosé Neira Vilas, asinará exemplares dos seus libros.
- 20:00 h. Presentación do libro "Un dedo manchado de tinta", de Manuel Portas, publicado por Edicións Xerais de Galicia. Xunto co autor, participará no acto Manuel Bragado, director da Editorial e actuación de Clara Pino.
- 20:30 h. O profesor Jorge Mira asinará exemplares do seu libro "A ciencia no punto de Mira", publicado por Auga Editora.
- 20:45 h. Presentación dos libros "Penúltimo dietario", de Xosé Neira Vilas e "Aníbal Otero. Lingüística e política en España na guerra civil e no franquismo", de Xesús Alonso Montero, publicados por Edicións Xerais de Galicia. Xunto cos autores, participará no acto Manuel Bragado.

Martes 31
A. C. Alexandre Bóveda (Rúa Olmos, 16-18, 1º).
20:30
Entrada libre até completar capacidade.

Presentación dun vídeo e unha publicación sobre "A recuperación microtopónimica da Península da Torre". Na realización destes traballos tiveron especial importancia o percebeiro Emilio Mariñas e Xurxo Souto, xunto coa axuda da Concellaría de Mocidade, Solidariedade e Normalización Lingüística.

Luns 23
Paraninfo da Universidade (Maestranza, 9)
De 10:00 a 14:00 h.
Entrada libre até completar capacidade.

"Voces nas letras" é unha lectura pública de textos en galego no Paraninfo da Reitoría, organizada polo Servizo de Normalización Lingüística da Universidade da Coruña.

Xoves 19
A. C. Alexandre Bóveda (Rúa Olmos, 16-18, 1º)
20:30
Entrada libre até completar capacidade.

Presentación do libro de Xosé Manuel Sánchez Rei "O complemento preposicional en galego. Análise desde a gramática de valencias". Acompañará ao autor Xosé Ramón Freixeiro Mato.

Sábado 14
Parque de Santa Margarida
21:00
Entrada libre até completar capacidade.

Dentro da campaña "O galego medra contigo!", organizada pola Concellaría de Mocidade, Solidariedade e Normalización Lingüística, concerto de Ondas Martenot (en homenaxe a Lois Pereiro), Os Tres Trebóns e Skacha.

Venres 6
A. C. Manicómicos (Rúa Andrés Gaos, 16, baixo)
18:00
Entrada libre até completar capacidade.

Prosegue a campaña "O galego medra contigo!", organizada pola Concellaría de Mocidade, Solidariedade e Normalización Lingüística, cun obradoiro lúdico musical impartido por Pablo Díaz, Olga Kirk e Álex Fente.

Sábado 30
Praza das Conchiñas
12:30
Entrada libre até completar capacidade.

Comeza a campaña "O galego medra contigo!", organizada pola Concellaría de Mocidade, Solidariedade e Normalización Lingüística, co concerto de Pablo Díaz e Tic Tac.

Martes 26
Fundación Novacaixagalicia (Cantón Grande)
20:00
Entrada libre até completar capacidade.

O Fiscal Xefe do Tribunal Superior de Xustiza de Galiza, Carlos Varela García, falará, dentro do ciclo "Economía, Historia e Ciencias Sociais" da A. C. O Facho, sobre "A Xustiza e o Idioma Galego".

Martes 5
Sede da Real Academia Galega e Casa Museo Pardo Bazán (Rúa Tabernas, 11, 1º andar)
De 19:00 a 21:00
Entrada libre do público interesado até completar capacidade.

"Recendo", o programa de radio da Agrupación Cultural Alexandre Bóveda que se emite todos os martes de 19:00 a 20:00 h. en Cuac FM (103.4), emitirase desde a Casa Museo Pardo Bazán e a Real Academia Galega, dentro das conmemoracións do 75º cabodano do asasinato de Alexandre Bóveda. Este "Recendo" especial terá dúas horas de duración, de 19:00 a 21:00 h. e estará dividido en varios bloques:
* Historia e actualidade da Real Academia Galega coa participación do seu secretario D. Xosé Luís Axeitos.
* Charla sobre a situación da lingua galega con Francisco Xosé Rei García e Xosé Ramón Freixeiro Mato.
* Charla sobre a participación da muller na literatura galega con Xulia Santiso e Dores Tembrás.
* Charla sobre Lois Pereiro con Miguel Mato e Miguel Anxo Fernán-Vello.

E ademais de todo isto, música galega baseada en letras compostas por académicos actuais da Real Academia Galega ou homenaxeados nas Letras Galegas, fragmentos do curso de galego "Isto é galego" realizado pola emisora CUAC FM, falarase sobre Alexandre Bóveda, a Rede estatal de Medios Comunitarios e a propia emisora CUAC FM, que cumpre no 2011 15 anos. Lembremos que para escoitar o programa existen as seguintes posibilidades:
- Neste caso, asistir en directo á emisión.
- Pola radio, en CUAC FM no 103.4 na comarca da Coruña.
- Por Internet, na páxina da emisora.
- E se non puideran escoitalo en directo, na páxina Recendo.posdcast están todos os programas xa emitidos.

Martes 29
Fundación Caixa Galicia (Cantón Grande)
20:00
Entrada libre até completar capacidade.

O profesor e Doutor da Universidade da Coruña Celso Álvarez Cáccamo falará, dentro do ciclo "Lingua, Literatura e Nación" da A. C. O Facho, sobre "A hegemonia social do galego: Uma necessidade histórica".

"Para darlle continuidade ao premio creado o ano pasado en memoria de Rosalía de Castro, coa fin de recoñecer a promoción e dignificación do noso patrimonio lingüístico de forma desinteresada, a Deputación da Coruña convoca a II edición do premio de acordo coas seguintes bases:
- Primeira. Obxectivos:
* Darlle continuidade á convocatoria do Premio "Rosalía de Castro" iniciada o ano pasado, destinado a recoñecer iniciativas, traballos recentes, traxectorias, de persoas individualmente, colectivos ou entidades comprometidas coa promoción e dignificación social do noso patrimonio lingüístico, ben no ámbito da provincia, autonómico, exterior ou global, que apostan decididamente de forma desinteresada ou cun apoio insignificante.
* Manter viva a memoria de "Rosalía de Castro".
- Segunda. Destinatarios:
Calquera persoa individualmente, colectivo, asociación ou entidade asentada en Galicia, coa súa residencia ou sede social no territorio da comunidade autónoma e aquelas que teñan unha especial incidencia ou desenvolvan a súa actividade na provincia da Coruña.
- Terceira. Méritos que se valoran. Para conceder os premios o xurado terá en conta os seguintes criterios:
* Tarefa continuada desenvolvida en favor da normalización lingüística do galego.
* Actuacións concretas en favor da dignificación social da lingua galega.
* Uso habitual e digno do galego nas súas actividades e nos seus servizos.
* Campañas de información e/ou publicitarias en galego.
* Contribución á galeguización de sectores de especial relevancia económica, social e cultural.
O xurado poderá valorar outros méritos, que dará a coñecer, das persoas ou entidades que se propoñan.
- Cuarta. Premio:
O premio concederáselle á persoa, colectivo, asociación ou entidade de ámbito galego en xeral e na provincia da Coruña en particular, que destaque pola súa traxectoria na promoción e dignificación da lingua galega ou que saliente por actividades que impliquen o espallamento da lingua galega no ano en curso. O Premio "Rosalía de Castro" de Lingua 2011 non ten dotación económica. O galardón consistirá nun recoñecemento honorífico acreditativo desta distinción.
- Quinta. Prazo:
O prazo de presentación das candidaturas comezará o día seguinte da publicación desta convocatoria no Boletín Oficial da Provincia e rematará o 31 de marzo de 2011, a proposta de candidaturas será libre e non se poderá autocandidatar. As solicitudes presentaranse no Rexistro Xeral da Deputación da Coruña, Avda. Alférez Provisional 2, 15006 A Coruña, tomando como modelo o que figura como anexo a estas bases. Indicarase no sobre II Premio "Rosalía de Castro" de Lingua 2011, ou no enderezo electrónico  normalizacion.linguistica at dicoruna.es. O xurado poderá propor candidaturas no transcurso da súa reunión.
- Sexta. Xurado:
O xurado estará presidido polo presidente da Deputación, e formarán parte del: o deputado presidente da Comisión de Benestar Social, Políticas de Igualdade de Xénero e Normalización Lingüística, unha persoa representante de:
* Secretaría Xeral de Política Lingüística,
* Movemento asociativo da provincia da Coruña,
* Equipos de Normalización e Dinamización Lingüística dos centros de ensino da provincia da Coruña,
* Universidade da Coruña ou Santiago de Compostela,
* Medios de comunicación, nomeado polo Colexio Profesional de Xornalistas de Galicia,
* Unha persoa de recoñecido prestixio pola súa contribución a prol da lingua galega.
Será nomeado polo presidente da Deputación, e actuará como secretario o da corporación ou o funcionario no que delegue. A composición farase pública, con anterioridade á súa reunión, no taboleiro e na páxina web da Deputación, co fin de que se poidan interpor, se é o caso, os recursos legais pertinentes. O xurado reunirase en sesión a ser posible única, sendo necesaria a asistencia da maioría simple dos seus membros. Para os efectos da validez da súa constitución aplicarase o disposto no art. 26.1 da Lei 30/1992 do réxime xurídico das administracións públicas e do procedemento administrativo común. As deliberacións serán secretas e delas redactarase a acta correspondente. O xurado poderá declarar deserto o premio. A decisión do xurado terá lugar no mes de abril de 2011 e darase a coñecer no taboleiro de anuncios e na páxina web da Deputación, e a través dos distintos medios de comunicación. O xurado queda facultado para interpretar estas bases.
- Sétima. Entrega do premio:
A entrega do premio realizarase o 7 de maio na IV Festa da Lingua que esta Deputación prevé realizar na Casa de Cultura de Carballo.
- Oitava. Candidaturas non seleccionadas:
Poderanas recoller ata finais de maio logo da presentación dun escrito asinado por algunha das persoas que formalmente presentaron a proposta no Servizo de Fomento-Unidade Técnica de Normalización Lingüística. Pasado este tempo entenderase que renuncian á súa propiedade.
- Novena. A participación nesta convocatoria supón a total aceptación destas bases."