Sábado 30. Actividades da III Edición da Mostra de Ciencia e Cinema.

Domus. Sala Leonardo da Vinci.
11:00 h. Lectura do palmarés da III Mostra de Ciencia e Cinema. Coloquio cos membros do xurado.
12:30 h. Filme documental: Pax americana e a conquista militar do espazo (Denis Delestrac, 2009). 85 min. Canadá-Francia. O momento actual é decisivo. Sabemos se actualmente xa hai máquinas de guerra orbitando arredor da Tierra? É posíbel facer acordos internacionais para manter o espazo libre de armas? Hai plans de enviar armamento ao espazo que podería rematar coa vida no planeta en cuestión de segundos? A base de material de arquivo e dun acceso sen precedentes á Unidade Espacial do exército norteamericano, "Pax Americana" mostra como se posicionan xenerais, analistas, políticos, diplomáticos, activistas pola paz e pilotos ante unha cuestión tan crítica como descoñecida.

Venres 29. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Cordão verde ((Hiroatsu Suzuki & Rossana Torres, 2009) 33 min. Poema en imaxes e sons sobre o home e a natureza na Serra do Caldeirão e o val do Guadiana no sur de Portugal.
Plug & Pray (Jens Schanze, 2010) 91 min. Poderá o ser humano ir alén da bioloxía? A creación de máquinas intelixentes que igualen en capacidade aos seus creadores humanos é un soño moi antigo. Expertos en computación de todo o mundo, coma Raymond Kurzwell e Hiroshi Ishiguro, esfórzanse para satisfacer este empeño. Ao mesmo tempo, un dos pioneiros da computación, Joseph Weizenbaum, loita contra a fe ilimitada no poder da tecnoloxía.
A road not taken (Christina Hemauer & Roman Keller, 2010) 66 min. Ensaio documental que conta a historia dos paneis solares que o antigo presidente dos Estados Unidos Jimmy Carter instalou no tellado da Casa Branca en 1979. O seu sucesor, Ronald Reagan, ordenou a retirada dos paneis, dentro dunha campaña de rexeitamento radical da política enerxética de Carter. Os moi simbólicos paneis solares foron gardados nun almacén e caeron no esquecemento. Trinta anos despois Christina Hemauer e Roman Keller seguen a pegada dos paneis solares e trazan a súa historia na viaxe que os leva de volta a Washington e Atlanta.

- CGAI
18:00 h. The nuer. George Breidenbach e Hilary Harris, 1971. 73 min. Clásico do cinema etnográfico. Poética aproximación aos ritmos, ritos e formas de vida dunha aldea do sur de Sudán, os nuer do título, veciños de árabes e dinkas, coñecidos polos estudos realizados sobre eles logo da visita de E.E. Evans Pritchard. Rodada en 16 mm.
21:00 h. Forest of bliss. Robert Gardner, 1986. 90 min. A vida cotiá en Benarés (India), un dos grandes lugares sagrados do mundo. Carente de maneira deliberada de apoio textual, o gran documentalista etnográfico Robert Gardner (Massachusetts, 1925) deixa que as imaxes amosen a súa esencia facendo partícipe ao espectador das experiencias examinadas.

Xoves 28. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Darkened horizons (Karen Aqua & Ken Field, 2010) 4 min. Esta película animada reflicte o derrame de petróleo da plataforma petrolífera Deepwater Horizon no Golfo de México e o seu impacto medioambiental. Foi creada por estudantes de entre once e trece años da escola secundaria Sidney Gutierrez de Roswell, Novo México, Estados Unidos, baixo a dirección da animadora Karen Aqua e o compositor Ken Field. Os estudantes realizaron os debuxos a man e crearon todo o deseño artístico, os efectos de son, a música e a narración da curta.
Cellular movie (Xurxo González, 2010) 4 min. (Ficción) Un filme vai cambiar o destino da humanidade…
Black rain (Ruth Jarman & Joe Gerhardt, 2009) 3 min. Black Rain nace de imaxes compiladas polo satélite solar stereo; o que vemos é froito dos datos obtidos polo HI (Heliospheric Imager) no seu seguimento do vento solar e as execcións de masa da coroa en dirección á Terra. Igual que nunha curta anterior dos Semiconductor, Brilliant noise (segundo premio na Mostra 2008) Joe Gerhardt e Ruth Jarman traballan con datos de satélites científicos que aínda non foron limpados e procesados para o consumo público.
Beste Steve (Herman Asselberghs, 2010) 45 min. Dear Steve amosa a desmontaxe suave e desapiadada dun Macbook-Pro do trinque e o acto de mirarlle as tripas a esta ferramenta de traballo dixital.
Higgs, into the heart of imagination (Hannie van den Berg & Jan van den Berg, 2009) 54 min. Este documental trata da curiosidade, a paixón e o poder da creatividade na ciencia. Amosando ao longo de catro anos o traballo dos físicos do CERN os directores crearon unha viaxe ao corazón da imaxinación. Seguen a Stan Bentvelsen, xefe do grupo de investigación holandés do CERN, e observan como el prepara ao seu equipo para a posta en marcha do LHC, así como a competición científica por atopar a esquiva partícula de Higgs.
The ancient astronomers of Timbuktu (Guy Spiller, 2009) 60 min. Científicos de hoxe en día exploran por primeira vez o gran arquivo de manuscritos de Tombuctú. Os donos dos manuscritos e os expertos en conservación enfróntanse ao espectacular clima de Tombuctú para preservar os documentos mentres os investigadores actuais descobren o coñecemento astronómico dos eruditos africanos de hai séculos.

- Planetario (Casa das Ciencias)
16:30 h. Heard laboratories, de Ernst Karel. Audición colectiva do seu traballo de etnografía sonora nos espazos de investigación científica da Universidade de Harvard. 30 min.

- CGAI
18:00 h. Secrecy. Peter Galison e Robb Moss, 2008. 85 min. Un achegamento ao amplo e invisible mundo da seguridade e os segredos de goberno. A película explora o seu papel e consecuencias, da necesidade ou procura de garantías democráticas ao deterioro das liberdades civís. Participa no Festival de Sundance e gaña premios en Newport e Boston.
21:00 h. Twist of fate (Karen Aqua, 2009). Proxección en 35mm + sesión Lois Patiño. 90 min. Esta curtametraxe experimental de animación explora a transformadora experiencia de ser diagnosticado cunha enfermidade que pon en perigo a vida. Esta peza expresionista captura impresións derivadas desta experiencia: convulsión, incerteza, a sensación de intromisión física, a perda de control. Ao explorar esta paisaxe física e emocional, o filme visualiza un mundo interno dentro do corpo, imaxinado a nivel celular.

- Teatro Rosalía de Castro
20:30 h. Son & moon. Manuel Huerga, 2009. 90 min. ESTA PROXECCIÓN SUSPÉNDESE POR PROBLEMAS TÉCNICOS. TODAS AS DEMAIS ACTUACIÓNS PREVISTAS ATÉ O SÁBADO MANTÉÑENSE.

Mércores 27. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Wild opera (Lauren Frapat, 2010) 75 min. Coas máis grandes composicións clásicas coma fondo musical, de Beethoven a Dvorak e de Bach a Vivaldi, Wild Opera lévanos de Tanzania a Kenya en compañía de ñus e cebras nunha longa viaxe migratoria de ida e volta.
Plug & Pray (Jens Schanze, 2010) 91 min. Poderá o ser humano ir alén da bioloxía? A creación de máquinas intelixentes que igualen en capacidade aos seus creadores humanos é un soño moi antigo. Expertos en computación de todo o mundo, coma Raymond Kurzwell e Hiroshi Ishiguro, esfórzanse para satisfacer este empeño. Ao mesmo tempo, un dos pioneiros da computación, Joseph Weizenbaum, loita contra a fe ilimitada no poder da tecnoloxía.

- Fundación Caixa Galicia
18:00 h. Retrospectiva Semiconductor (Ruth Jarman & Joe Gerhardt). 60 min. Presentación en HD de filmes da parella Semiconductor, Ruth Jarman e Joe Gerhardt, gañadores do segundo premio do festival en 2008 coa curta "Brilliant noise".
19:05 h. Double tide (Sharon Lockhart, 2009). 99 min. Double tide documenta o traballo dunha mariscadora na costa de Maine, xusto no día en que a maré baixa sucede dúas veces en horas de luz -ao amencer e ao solpor. Un retrato dun traballo singular definido polas máis elementais e mutantes forzas da natureza.

- Fundación Luís Seoane
De 12:00 a 14:00 h. e de 17:00 a 20:00 h. Proxección en bucle dos filmes 7 queens de Verena Paravel. Gravada durante un paseo (anti-)etnográfico baixo os pasos elevados da liña de metro número sete de Nova York, 7 Queens experimenta coa idea de borde e fronteira física e captura a noción efémera de intimidade a través de encontros casuais e ás veces abortados, e The truth about Cuba de Bridget Hanna. Cinco estudantes americanos propóñense descubrir (e fracasan) a verdade sobre Cuba.

- CGAI
18:00 h. Sweetgrass. Ilisa Barbash & Lucien Castaing-Taylor, 2009. Subtítulos en español. Elexía carente de sentimentalismo sobre o Oeste americano. Un longo traballo de documentación sobre os últimos vaqueiros dos nosos días, unha viaxe cos rabaños para pacer durante o verán cara ás fermosas e perigosas montañas Absaroka-Beartooth (Montana). Extrema na súa beleza e brutal na veracidade, preséntanos un mundo onde natureza e cultura, vulnerabilidade e violencia, se entrelazan intimamente. Presentada en Berlín, gañou o premio á mellor película no Play-Doc de Tui.
21:00 h. Wünder der Schöpfung. Hanns Walter Kornblum, 1925. Subtítulos en galego. Filme mudo alemán que constitúe unha auténtica lección ilustrada de astronomía. Aderezado por efectos especiais e segmentos de animación erixe unha festa narrada lúdica e chea de información que percorre a historia da astronomía e os seus descubrimentos e tópicos.

- Teatro Rosalía de Castro
21:00 h. Jazz + Ciencia. Recital de textos científicos a cargo de Belén Regueira e Susana Rois. Actuación musical de Abe Rábade.

Martes 26. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
A road not taken (Christina Hemauer & Roman Keller, 2010) 66 min. Ensaio documental que conta a historia dos paneis solares que o antigo presidente dos Estados Unidos Jimmy Carter instalou no tellado da Casa Branca en 1979. O seu sucesor, Ronald Reagan, ordenou a retirada dos paneis, dentro dunha campaña de rexeitamento radical da política enerxética de Carter. Os moi simbólicos paneis solares foron gardados nun almacén e caeron no esquecemento. Trinta anos despois Christina Hemauer e Roman Keller seguen a pegada dos paneis solares e trazan a súa historia na viaxe que os leva de volta a Washington e Atlanta.
Let's talk about sex (James Houston, 2009) 77 min. Unha mirada aos adolescentes e a cultura do sexo en América, á luz dos problemas sanitarios arredor deste asunto.
Oykiagay, el poder del cielo (Diego Julio Ludueña, 2010) 30 min. Durante o Ano Internacional da Astronomía un grupo de astrónomos do Observatorio Astronómico de Córdoba (Arxentina) percorren pobos e paraxes no Impenetrable Chaqueño e en Formosa, levando un telescopio itinerante. Nesta viaxe descobren novas interpretacións sobre o ceo e tamén sobre a Terra.

- Fundación Caixa Galicia
19:15 h. Lunch break. Sharon Lockhart, 2008. Vídeo HD. Por primeira vez na súa carreira move a cámara ao longo dun moi preciso corredor do asteleiro Bath Iron Works en Maine durante a parada para o almorzo, mentres os obreiros se sentan para comer e falar.

- Fundación Luís Seoane
20:00 h. Tres semanas después (José Luis Torres Leiva, 2010). Tres semanas después é unha meditación visual sobre a paisaxe despois dunha catástrofe. Gravada durante oito días na zona máis afectada polo sismo de febreiro de 2010 en Chile, narra unha viaxe que subxectivamente cruza todas as imaxes e sons vividos durante ese período. Este documental forma parte do proxecto 8,8 do artista chileno Fernando Prats. Twist of fate (Karen Aqua, 2009). Esta curtametraxe experimental de animación explora a transformadora experiencia de ser diagnosticado cunha enfermidade que pon en perigo a vida. Esta peza expresionista captura impresións derivadas desta experiencia: convulsión, incerteza, a sensación de intromisión física, a perda de control. Ao explorar esta paisaxe física e emocional, o filme visualiza un mundo interno dentro do corpo, imaxinado a nivel celular. Heliocentric (Semiconductor, 2010) (85 min). Heliocentric emprega a fotografía time lapse e técnicas de seguimento astronómico para trazar a traxectoria do Sol a través dunha serie de paisaxes.

- CGAI
18:00 h. Chaiqian. J. P. Sniadecki, 2008. Subtítulos en galego. Retrato do espazo urbano e as condicións laborais dos traballadores emigrantes en Chengdu (provincia de Suichuan, China). Desde a observación de paisaxes en transformación á participación e interacción cun grupo de traballadores desprazados, unha análise das desigualdades da natureza transitoria da experiencia urbana.
21:00 h. Sweetgrass. Ilisa Barbash & Lucien Castaing-Taylor, 2009. Subtítulos en español. Elexía carente de sentimentalismo sobre o Oeste americano. Un longo traballo de documentación sobre os últimos vaqueiros dos nosos días, unha viaxe cos rabaños para pacer durante o verán cara ás fermosas e perigosas montañas Absaroka-Beartooth (Montana). Extrema na súa beleza e brutal na veracidade, preséntanos un mundo onde natureza e cultura, vulnerabilidade e violencia, se entrelazan intimamente. Presentada en Berlín, gañou o premio á mellor película no Play-Doc de Tui.

Luns 25. Actividades da III Edición da Mostra de Ciencia e Cinema.

- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Tres semanas después (José Luís Torres Leiva, 2010) 60 min. Meditación visual sobre a paisaxe despois dunha catástrofe. Gravada durante oito días na zona máis afectada polo sismo de febreiro de 2010 en Chile, narra unha viaxe que subxectivamente cruza todas as imaxes e sons vividos durante ese período. Este documental forma parte do proxecto 8,8 do artista chileno Fernando Prats.
Cordão verde (Hiroatsu Suzuki & Rossana Torres, 2009) 33 min. Poema en imaxes e sons sobre o home e a natureza na Serra do Caldeirão e o val do Guadiana no sur de Portugal.
Orgasm Inc. (Liz Canner, 2009) 78 min. "Orgasm Inc." é unha poderosa ollada á industria médica e ás campañas de mercadotecnia que literal e figuradamente están a transformar a nosa vida cotiá no que atinxe á saúde, a enfermidade, o desexo e en última instancia o orgasmo.
19:30 h. Sesión especial Un fueguito: la historia de César Milstein (Ana Fraile, 2009) 77 min. Da paixón por rodar e a paixón de César Milstein pola ciencia e a arte xurdiu a idea dunha historia centrada nas conquistas do ser humano cando dedica o seu tempo a investigar e crear en liberdade. Foi en 1963 cando César Milstein, coma moitos outros científicos no mundo, comezou a preguntarse como facían os organismos para se defender, día tras día, dos millóns de virus e bacterias que nos atacan sen parar. Levoulle 35 anos de traballo, concentración e tenacidade atopar unha resposta. Como fixo para conseguilo? A proxección irá precedida da intervención da profesora África González, directora do Centro de Investigacións Biomédicas, e catedrática de Inmunoloxía da Universidade de Vigo. Falará sobre "O científico César Milstein", Premio Nobel de Medicina en 1984 polos seus estudios sobre anticorpos monoclonais, de quen África González foi discípula.

Detallamos a continuación as actividades deste cuarto trimestre da campaña A cidade que le. Nesta última fase da campaña de lectura participan as Bibliotecas da cidade pero tamén outras entidades: Universidade da Coruña,  Fundación Manuel María, Asociación Sócio-Pedagóxica Galega, Asociación de Escritores en Lingua Galega e Real Academia Galega:

- A BIBLIOTECA DO CONSULADO E AS XOIAS DA ILUSTRACIÓN TARDÍA. Unha visita guiada o 2º xoves de cada mes, ás 18:00 h. para amosar á cidadanía a biblioteca da fundación pública máis antiga do estado e os seus fondos. É preciso anotarse no número de teléfono 981 206 274 begin_of_the_skype_highlighting              981 206 274      end_of_the_skype_highlighting ou no correo electrónico  bibliocasaconsulado at gmail.com.

- VISITAS GUIADAS Á REAL ACADEMIA GALEGA. Para coñecer os fondos e pezas senlleiras que acolle esta institución, realízanse visitas guiadas todos os mércores de novembro ás 17:30 h. É preciso anotarse no teléfono 981 189 830, ext. 12026 ou no correo electrónico  cultura at coruna.es. Realizadas pola propia Real Academia Galega.

- OS XOVES NA SAGRADA. O encontro con culturas doutros países a través da súa música. Neste caso música do Brasil con Bernando Tonasse, músicas e bailes do Senegal con Gal Sene, de Cabo Verde, Angola, Portugal e Galiza con Aline Frazão e César Herrans, Huayras do Ecuador, músicas do leste, Rusia, Ucraína...con Nadia Nikitina e reggae con Pinnaacle Roots Reggae Band. Lugar: Biblioteca Sagrada Familia os días 21, 28 de outubro, 4 e 18 de novembro, 2 e 16 de decembro ás 19:30 h. Os concertos complétanse co obradoiro "Desde a sabana africana á música máis occidental" no que se fará un percorrido desde os tambores ancestrais da sabana até a música occidental dos nosos días, o jazz, blues, rock, música latina... os días 13, 20 e 27 de novembro de 11:30 a 13:30 h.

- OUTONARTE: Eu tamén animo! O conto non remata na marxe dos libros e podemos facer que cobren vida de moitas maneiras. Unha delas é convertelo nun filme, e iso imos facer. A partir dun conto de OQO editora, os pequenos desenvolverán coa técnica stop motion a animación da obra, imaxe, voz e música. Na Biblioteca Infantil e Xuvenil os días 15, 22 e 29 de outubro.

- TEATRO: Casa de muñecas de Henrik Ibsen. No Teatro Rosalía de Castro, representación o 29 e 30 de outubro. Farsa das zocas de Ricardo Carvalho Calero. O día 6 de novembro no Fórum.

- CUN LIBRO DEBAIXO DO BRAZO. As Bibliotecas Municipais visitarán o Hospital Materno Infantil para agasallar o primeiro libro a nenos e nenas que nazan entre o 15 de novembro e o 15 de decembro e entregarlles o carné de asociado.

- LETRAS NO MERCADO. No mes de outubro as Bibliotecas Municipais, sairán aos mercados promovendo a lectura, ofrecendo "canapés de lectura", distribuíndo polos postos do mercado libros e guías con recensións de obras, recomendacións de lecturas, etc. Do 21 ao 23 de outubro.

- "RUTA DO BACALLAU". Con motivo da celebración do Ano do Libro e da Lectura, as Bibliotecas Municipais saen aos Mercados Municipais. Unha compra diferente, alternativa, onde os libros e a literatura serán os grandes protagonistas. Un percorrido animado e divertido por todo o mercado coa xente das bibliotecas, con parada en todos os postos, descubrindo sorpresas, xogando na sección téxtil, probando os mellores cafés, deixando voar a imaxinación entre as froitas e verduras, gozando coas riquísimas carnes, navegando entre os sosegados peixes, deixando para o final a mellor das reposterías. Unha boa mestura para pasar un anaquiño coa máis saborosa das compañías: OS NOSOS LIBROS. Datas: do 25 ao 29 de outubro de 11:00 a 11:45 h. nos mercados de Elviña, As Conchiñas, Monte Alto, San Agustín e Praza de Lugo. Sorteo: Participa nesta actividade e entrarás no sorteo dun lote de libros!!! Inscrición: do 21 ao 23 de outubro nos Mercados Municipais, nos postos dos libros.

- ACTIVIDADES NAS BIBLIOTECAS.
Obradoiros de arrolos: cantar e contar desde o principio. Para pais e nais que esperan bebé e queren recibilo con arrolos, nanas e contiños, organízase un obradoiro nas Biblioteca Municipais para aprender a cantarlles e contarlles aos máis pequenos. Con Gloria, do grupo musical "Mamá Cabra". No mes de decembro.
Obradoiro de debuxo e/ou cómic. Santy Gutiérrez desenvolverá divertidos exercicios para que rapaces e rapazas aprendan como ilustrar un conto infantil. Na Biblioteca do Castrillón, o día 20 de outubro.
Obradoiro de banda deseñada. Repaso e posta en prácticas de elementos da linguaxe do cómic. Con Jacobo Fernández Serrano. Na Biblioteca Municipal de Monte Alto, o día 28 de outubro.
Obradoiro de escrita creativa. A través de xogos de prestidixitación literaria, achegarémonos ás claves do proceso da escrita. Con Estíbaliz Espinosa. Na Biblioteca de Estudos Locais os días 9, 11, 16 e 18 de novembro.
Obradoiro de aproximación á ilustración gráfica. Dun xeito lúdico, seguiremos os pasos para a ilustración dun libro infantil. Con Óscar Villán Seoane. Na Biblioteca Infantil e Xuvenil, o día 26 de novembro.
Clubs de Lectura. Para gozar da lectura compartida, grupos de persoas afeccionadas á lectura reúnense periodicamente para comentar e valorar un libro escollido das Bibliotecas Municipais, co apoio dun coordinador/a. Biblioteca do Castrillón, todos os mércores de mes. Fórum, todos os martes de mañá e mércores pola tarde. Biblioteca de Monte Alto, todos os martes de mes.
Escribir é xogar. Obradoiro de escrita creativa para adolescentes. Coordinado por Pedro Ramos, será na Biblioteca Infantil e Xuvenil de Durán Loriga, todos os martes a partir do 19 de 18:00 a 20:00h.
Merendas con Contos. Non esquezas que Fuco, Ratapón e a súa familia convídannos a degustar unha suculenta merenda nas Bibliotecas Municipais. O menú, como non, CONTOS...de aquí e de alá, de antes e de agora. Non faltes á cita.
Concurso de Biblioclips. A entrega de premios aos gañadores deste concurso, será na Biblioteca da Sagrada Familia, o día 28 de outubro ás 19:30h.

- CANTOS DE REIS. Obradoiros nas Bibliotecas Municipais para recuperarmos e continuarmos cantando a tradición do Nadal que perviviu ao longo dos séculos, para aprender os Cantos de Reis e seguirlles transmitindo parte do noso patrimonio ás vindeiras xeracións. Finalizan cun concerto participativo no Fórum.

- PROGRAMA DE LECER NO FÓRUM. No amplo abano de actividades que ofrece o programa de LECER no Fórum, aínda podes participar no obradoiro “As nosas letras”. Unha proposta de Dores Tembrás de explorar os distintos xeitos de ler, os modos con que nos enfrontamos á obra literaria desde a nosa propia literatura. Os mércores de 17:00 a 18:00 h.

- EXPOSICIÓN “ARS LIGATORIA”. ELABORACIÓN DE LIBROS ARTESANAIS. do 17 de novembro ao 9 de xaneiro na Sala de Exposición de Durán Loriga. Pór en valor o traballo artesanal no deseño e encadernación de libros. Faranse obradoiros de encadernación na Biblioteca Infantil e Xuvenil para o alumnado dos centros de primaria os días 22, 23, 25 e 26; para usuarios das bibliotecas o día 30 pola tarde.

- EXPOSICIÓN “A CORUÑA NA CREACIÓN DO LIBRO GALEGO”. Neste 2010 celebramos o bicentenario da edición do primeiro libro escrito en galego: "Proezas de Galicia". Do 13 de outubro ao 21 de novembro na sala de exposicións do Pazo Municipal. En colaboración coa Real Academia Galega.

- EXPOSICIÓN “ROSALÍA SEMPRE VIVA. VIVA ROSALÍA”. Realizada pola Fundación Manuel María, fai un percorrido pola vida e obra da autora máis importante das nosas letras. Do día 8 ao 18 de decembro na Biblioteca do Castrillón.

- EXPOSICIÓN “CARVALHO CALERO. DE PUÑO E LETRA”. Realizada pola AS-PG con motivo do centenario do seu nacemento. É unha homenaxe ao autor da primeira historia da literatura galega. Casa Museo Casares Quiroga do 30 de outubro ao 30 de novembro.

- EXPOSICIÓN “M100guel”. (1910 – 2010) 100 anos de Miguel Hernández. Mostra bibliográfica que recorrerá todas as Bibliotecas Municipais ao longo do último trimestre do ano.

- XORNADAS “RICARDO CARVALHO CALERO: CIENCIA, LITERATURA E NACIÓN”. Un repaso polo miúdo á obra deste insigne ferrolán da man de recoñecidos especialistas. Organiza a Universidade da Coruña. Do 24 ao 27 de novembro, na Reitoría (Maestranza), e o sábado 27 na Casa Casares Quiroga. O día 24 espectáculo poético-musical ás 21:00 h. no Teatro Rosalía Castro con Ugia Pedreira e Fred Martins (Gratuíto)

- POETAS DI(N) VERSOS. No mes de novembro comeza de novo o ciclo de poesía que na anterior edición reuniu a poetas do Estado o tamén de Portugal. Unha vez máis, teremos oportunidade de gozar da poesía galega en comunicación e diálogo con outras voces poéticas. A cita será na Casa da Cultura Salvador de Madariaga unha vez ao mes.

- GALEUSCA. Este ano A Coruña é a sede do Encontro de escritores galegos, vascos e cataláns. Organizado pola Asociación de Escritores en Lingua Galega (AELG), terá lugar do día 29 ao 31 de outubro na Biblioteca de Estudos Locais (rúa Durán Loriga). O encontro finaliza cunha actuación de Xabier Díaz o 31 ás 19.00h. (Entrada libre)

- V ENCONTRO “NOVOS ESCRITORES”. É unha oportunidade para se encontrar e coñecer cales son as necesidades, proxectos e expectativas que dentro da nosa literatura teñen @s nov@s creador@s. Organiza a Asociación de Escritores en Lingua Galega (AELG). Día 6 de novembro no Kiosco Alfonso.

-MEMORIAL IBÁN TOXEIRO. Organizado pola A. C. Alexandre Bóveda, pretende achegar á cidadanía o teatro amador e manter viva a memoria do desaparecido mozo actor. Día 18 de novembro no Teatro Rosalía Castro. (Entrada libre).

- ELAS FALAN. Espectáculo poético-musical co grupo OURIOL. Organiza a Concellaría de Igualdade. Día 26 de novembro no Teatro Rosalía Castro.

- JAZZ+CIENCIA. Recital de textos científicos a cargo de Belén Regueira e Susana Rois. Actuación musical de Abe Rábade. O día 27 de outubro no Teatro Rosalía Castro.

- AS BIBLIOTECAS NA REDE:
- Fancómic, blog de cómic.
- Ciberclub, Club de lectura.
- CCI Clube de Ciencia e investigación.
- Corto e cambio, blog de literatura.
- Galicia móvese, cultura galega.

Aquí se poden descargar todas as actividades en formato .pdf: A cidade que le 2010.

Do 25 ao 30 de outubro desenvólvese a III Edición da Mostra de Ciencia e Cinema.
O programa é o seguinte:
Luns 25:
- Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Tres semanas después (José Luís Torres Leiva, 2010) 60 min.
Cordão verde (Hiroatsu Suzuki & Rossana Torres, 2009) 33 min.
Orgasm Inc. (Liz Canner, 2009) 78 min.
19:30 h. Sesión especial Un fueguito: la historia de César Milstein (Ana Fraile, 2009) 77 min. A proxección irá precedida da intervención da profesora África González, directora do Centro de Investigacións Biomédicas, e catedrática de Inmunoloxía da Universidade de Vigo. Falará sobre "O científico César Milstein", Premio Nobel de Medicina en 1984 polos seus estudios sobre anticorpos monoclonais, de quen África González foi discípula.

Martes 26
Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
A road not taken (Christina Hemauer & Roman Keller, 2010) 66 min.
Let's talk about sex (James Houston, 2009) 77 min.
Oykiagay, el poder del cielo (Diego Julio Ludueña, 2010) 30 min.
Fundación Caixa Galicia (Cantón Grande)
19:15 h. Lunch break. Sharon Lockhart, 2008. Vídeo HD.
Fundación Luís Seoane
20:00 h. Tres semanas después (José Luis Torres Leiva, 2010). Twist of fate (Karen Aqua, 2009). Heliocentric (Semiconductor, 2010) (85 min).
CGAI
18:00 h. Chaiqian. J. P. Sniadecki, 2008. Subtítulos en galego.
21:00 h. Sweetgrass. Ilisa Barbash & Lucien Castaing-Taylor, 2009. Subtítulos en español.

Mércores 27
Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Wild opera (Lauren Frapat, 2010) 75 min.
Plug & pray (Jens Schanze, 2010) 91 min.
Fundación Caixa Galicia (Cantón Grande)
18:00 h. Retrospectiva de Semiconductor (Ruth Jarman & Joe Gerhardt). 60 min.
19:05 h. Double tide (Sharon Lockhart, 2009). 99 min.
Fundación Luís Seoane
De 12:00 a 14:00 h. e de 17:00 a 20:00 h. Proxección en bucle dos filmes 7 queens de Verena Paravel e The truth about Cuba de Bridget Hanna.
CGAI
18:00 h. Sweetgrass. Ilisa Barbash & Lucien Castaing-Taylor, 2009. Subtítulos en español.
21:00 h. Wünder der Schöpfung. Hanns Walter Kornblum, 1925. Subtítulos en galego
Teatro Rosalía de Castro
21:00 h. Jazz + Ciencia. Recital de textos científicos a cargo de Belén Regueira e Susana Rois. Actuación musical de Abe Rábade.

Xoves 28
Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Darkened horizons (Karen Aqua & Ken Field, 2010) 4 min.
Cellular movie (Xurxo González, 2010) 4 min.
Black rain (Ruth Jarman & Joe Gerhardt, 2009) 3 min.
Beste Steve (Herman Asselberghs, 2010) 45 min.
Higgs, into the heart of imagination (Hannie van den Berg & Jan van den Berg, 2009) 54 min.
The ancient astronomers of Timbuktu (Guy Spiller, 2009) 60 min.
Planetario (Casa das Ciencias)
16:30 h. Heard Laboratories, de Ernst Karel. Audición colectiva do seu traballo de etnografía sonora nos espazos de investigación científica da Universidade de Harvard. 30 min.
CGAI
18:00 h. Secrecy. Peter Galison e Robb Moss, 2008. 85 min.
21:00 h. Twist of fate (Karen Aqua, 2009). Proxección en 35mm + sesión Lois Patiño. 90 min.
Teatro Rosalía de Castro
- Teatro Rosalía de Castro
20:30 h. Son & moon. Manuel Huerga, 2009. 90 min. ESTA PROXECCIÓN SUSPÉNDESE POR PROBLEMAS TÉCNICOS. TODAS AS DEMAIS ACTUACIÓNS PREVISTAS ATÉ O SÁBADO MANTÉÑENSE.

Venres 29
Domus. Proxección de filmes a concurso. Vídeo. Sala Leonardo da Vinci.
De 16:00 a 19:00 h.
Cordão verde ((Hiroatsu Suzuki & Rossana Torres, 2009) 33 min.
Plug & pray (Jens Schanze, 2010) 91 min.
A road not taken (Christina Hemauer & Roman Keller, 2010) 66 min.
CGAI
18:00 h. The nuer. George Breidenbach e Hilary Harris, 1971. 73 min.
21:00 h. Forest of bliss. Robert Gardner, 1986. 90 min.

Sábado 30
Domus. Sala Leonardo da Vinci.
11:00 h. Lectura do palmarés da III Mostra de Ciencia e Cinema. Coloquio cos membros do xurado.
12:30 h. Filme documental: Pax americana e a conquista militar do espazo (Denis Delestrac, 2009). 85 min. Canadá-Francia.

Todos os actos son gratuítos. Simultaneamente coa celebración da III Mostra de Ciencia e Cinema na Coruña terá lugar un Seminario de Antropoloxía Visual coa intención de proporcionar aos asistentes unha aproximación aos fundamentos desta materia como técnica e instrumento para a documentación e a comprensión da realidade humana. Toda información pode ser consultada aquí.

Hoxe xoves ás 20:30 no Teatro Rosalía de Castro poderemos ver o documental Sharkwater, dirixido por Rob Stewart en 2006. O filme ofrece visión actual acerca da figura do tiburón e a súa situación, afastándoo da icona creada por Steven Spielberg en "Jaws", que convertiu o tiburón nun monstro para o imaxinario colectivo. Os tiburóns son os animais máis antigos que sobreviviron varias extincións na Terra, e tamén os máis incomprendidos. Son depredadores necesarios para manter o equilibrio ecolóxico no mar e en consecuencia en todo o planeta; porén xa é unha especia en perigo de extinción. Rodado en augas con gran poboación de tiburóns como Cocos Island, Costa Rica e as Galápagos e en moitas outras localizacións, SHARKWATER recolle a explotación e corrupción que hai arredor dos beneficios que dá a súa pesca.

A proxección comezará ás 20:30 e a entrada é libre e gratuíta.

Dentro da Mostra de Ciencia e Cinema hoxe mércores ás 20:30 terá lugar no Teatro Rosalía de Castro un recital co título POESÍA + CIENCIA no que participarán Marica Campo, Emma Couceiro, Estibaliz Espinosa, Alfredo Ferreiro, Manuel Rivas e Xavier Seoane. O acto estará presentado por Lucía Aldao e contará coa actuación musical de Guadi Galego, Guillermo Fernández e Xabier Díaz. A entrada é de balde.

A investigación que hai detrás dos filmes de Barbara Hammer a miúdo está conectado coa investigación científica. Na conferencia que se celebrará esta tarde na Fundación Caixa Galicia Barbara Hammer presentará imaxes, textos e vídeos dos seus filmes que falan da ciencia e explicará como emprega o xénero experimental para expresarse. A charla estará ilustrada con escenas dos seus filmes Pond and Waterfall, Endangered, Bent Time, Sanctus e Dr. Watson’s X-Rays. A conferencia comezará ás 20:30 horas e a entrada é libre.