A Coruña Cultura » museos

“XVI Día da Ciencia na Rúa”, o sábado 7 de maio

admin — Wed, 04 May 2011 09:19:30 +0000

O “XVI Día da Ciencia na Rúa” pretende ser un acto lúdico arredor da Ciencia que se desenvolve o primeiro sábado do mes de maio, neste ano o 7, nun horario ininterrompido de 11:00 a 19:00 horas. Esta romaría científica ten no Parque de Santa Margarita o núcleo fundamental da celebración, con haimas e actividades paralelas. Asemade, pódense visitar a Casa das Ciencias, a Domus e o Aquarium Finisterrae, que ofrecen unha xornada de portas abertas aos visitantes, e o Centro Oceanográfico da Coruña.
Neste 2011 cúmprense dezaseis anos desde que en 1995 a Asociación de Amigos da Casa das Ciencias e os Museos Científicos Coruñeses puxemos en marcha o Día da Ciencia na Rúa. Unha iniciativa que acadou un notable éxito, o que nos estimula a perseverar na súa celebración. Co mesmo ánimo co que tentamos de ofrecer, durante todo o ano, ao público dos Museos Científicos unha oferta variada e actualizada de cultura científica.
As actividades previstas nos Museos Científicos Coruñeses son as seguintes (pódese descargar a información sobre todas as actividades e participantes neste arquivo .pdf: XVI Dia da Ciencia na Rua 2011):

Casa das Ciencias: Parque de Santa Margarita. Aberto de 10:00 a 19:00 horas. Actividades:
- Maratón de Planetario: as invitacións repartiranse en recepción media hora antes do comezo de cada sesión:
* 11:00 horas: “Invasores de Marte”.
* 12:00 horas: “La noche del vampiro (infantil)”.
* 13:00 horas: “El día de hoy”.
* 16:00 horas: “Evolución”.
* 17:00 horas: “Fugaz (infantil)”.
* 18:00 horas: Programa sorpresa.
- “O asombro de Mr. Darwin“. Exposición temporal dedicada a divulgar o labor de Charles Darwin. Entre os módulos das once unidades expositivas da mostra destacan elementos como un globo terráqueo a grande escala no que os visitantes poden observar o percorrido que fixo arredor do mundo, acompañado dun ordenador permite deterse nalgunhas das súas escalas; uns pupitres interactivos para descubrir as características evolutivas que comparten os seres vivos, como por exemplo os ósos das extremidades de diferentes grupos de vertebrados, e pezas históricas.

Domus: R/ Santa Teresa 1. Aberto de 10:00 a 19:00 horas. Actividades:
- Campionato de Powermind. Participa neste xogo mental que che revelará como se relaxa o teu cerebro. Canto máis te relaxes, máis rápido moverás o pequeno balón que tes diante de ti e poida que consigas marcarlle un gol ao contrario. Pódeste apuntar ao campionato na recepción da Domus. Horario: 12:30 e 17:30 horas
- Exploradomus “SOS Planet“. Nesta edición, os pequenos exploradores ven a película “SOS Planet 3D” e, a continuación, fan experimentos con fenómenos importantes para a vida no noso planeta, como é o caso do efecto invernadoiro. ExploraDomus é unha actividade dirixida a nenos de entre 6 e 10 anos. Na Domus ás 16:45 horas.
- “Wild Safari 3D: Aventura en Sudáfrica” é unha aventura en tres dimensións tras os pasos dos animais mais perigosos e espectaculares de Sudáfrica. É a primeira vez que unha película retrata a vida salvaxe en 3D, situando ao espectador como copiloto dun safari que recorre as diversas reservas naturais de Sudáfrica e no que se enfrontará a impresionantes elefantes, esquivos leopardos ou famentos leóns.

Aquarium Finisterrae: Paseo Alcalde Francisco Vázquez 34. Aberto de 10:00 a 20:00 horas. O acceso péchase unha hora antes. Actividades:
* 12:00 horas: Espectáculo de alimentación das focas no Piscinarium.
* 12:30 horas: Sesión en directo na OceanoSfera e pase do programa “Blue Planet”.
* 13:00 horas: Taller de bioloxía mariña en directo na Charca das Caricias.
* 16:00 horas: Taller de bioloxía mariña en directo na Charca das Caricias.
* 17:00 horas: Espectáculo de alimentación das focas no Piscinarium.
* 18:00 horas: Sesión en directo na OceanoSfera e pase do programa “Frozen”.
- Zona-i. Entéirate, Informa, Participa, Choose, Imaxina, Descubre, Actúa. Novo espazo do Aquarium no que os visitantes poden recibir información, realizar actividades, e sobre todo votar e opinar sobre cuestións científicas que afectan á súa vida cotiá. Todo iso cunha infraestrutura moderna, utilizando ferramentas tecnolóxicas e dixitais.

- Especial mención merece tamén o concerto que a Banda Municipal de Música da Coruña, dirixida por Marcel van Bree, dará na Escalinata da Casa das Ciencias a partir das 12:00 h., co seguinte programa:
* La Bella Helena (Obertura), de Carl Mª von Suppé.
* La Revoltosa (Fantasía), de Ruperto Chapí.
* La Dolorosa (Selección), de José Serrano.
* Estrasantico, de Simón Couceiro.
* El baile de Luis Alonso (Intermedio), de G. Giménez.

- Este programa complétase coas múltiples actividades que desenvolverán estudantes, profesores e membros de diversas entidades (centros educativos, Universidade, Agrupación Astronómica Ío ou as Bibliotecas Municipais da Coruña), nas 29 carpas e espazos de ocio ao aire libre instalados á beira da Casa das Ciencias, xunto ao desfile de cabezudos, a actuación de malabaristas e xogos e concursos para todas e todos.

Adxuntamos tamén o plano de situación das actividades: Plano Dia da Ciencia na Rua 2011.

Baixo as estrelas, no Día Internacional dos Museos, o sábado 14 de maio

admin — Tue, 03 May 2011 10:00:22 +0000

O sábado 14 de maio celebraremos BAIXO AS ESTRELAS o Día Internacional dos Museos cun amplo conxunto de actividades: teatro, música, obradoiros, xogos, visitas guiadas… Entre as 18:00 e as 24:00 horas. Proximamente, máis información.

Biblioteca do Fórum: obradoiro de arrolos, co grupo Mamá Cabra

admin — Thu, 24 Feb 2011 10:01:48 +0000

Sábado 26
Biblioteca do Fórum Metropolitano
12:00
Entrada con convite a recoller na propia Biblioteca.

Obradoiro de arrolos co grupo Mamá Cabra, dentro das actividades de “Biblioteca do Fórum: estamos de volta“.

Portas Ártabras: Charla de Aurelia Balseiro García sobre “Aprender no Museo de Lugo”

admin — Tue, 30 Nov 2010 10:28:13 +0000

Martes 30
Portas Ártabras (Rúa Sinagoga 22, baixo)
20:00
Entrada libre até completar capacidade.

A museóloga Aurelia Balseiro García falara sobre “Aprender no Museo de Lugo“, centro do que é a súa directora. Esta actividade abre ó ciclo que anualmente convocan os Amigos dos Museos de Galicia, a fin de sensibilizar sobre as posibilidades dos museos, así como aprender a interpretar o patrimonio cultural: a arte, os artefactos, os asentamentos arqueolóxicos, os sitios históricos, ecomuseos, etc.

Convocadas catro bolsas de prácticas no Museo Arqueolóxico e Histórico de San Antón

admin — Fri, 16 Jul 2010 07:22:32 +0000

O Concello da Coruña abre o prazo de solicitude para a convocatoria 2010 para a concesión, en réxime de concorrencia competitiva, de catro bolsas de prácticas museísticas no Museo Arqueolóxico e Histórico Castelo de San Antón da Coruña destinadas a titulados universitarios, para realizaren prácticas nas tarefas museísticas propias do Museo Arqueolóxico e Histórico da Coruña. Dúas destas bolsas estarán destinadas a titulados universitarios recentes.
O prazo de presentación rematará o vindeiro 26 de xullo. Os solicitantes deberán presentar a súa instancia de solicitude segundo modelo normalizado, acompañada da documentación pertinente, no Rexistro do Concello da Coruña.
A resolución de concesión das bolsas publicarase nos taboleiros de edictos do Concello e na páxina web municipal, onde se pode consultar máis información.

Mañá celebraremos o Día Internacional dos Museos

admin — Fri, 21 May 2010 09:57:11 +0000

Sábado 22

Este sábado desenvolverase o programa ‘Baixo as estrelas’ (baixa aquí o programa en PDF), deseñado para celebrar o Día Internacional dos Museos. Inclúense multitude de propostas con teatro, música, obradoiros, xogos, visitas guiadas e moitas actividades máis co obxetivo de que os cidadáns coñezan máis sobre os museos e sobre a nosa propia cidade.

Deste xeito os museos, galerías e as propias rúas e prazas da cidade uniranse a esta celebración cun amplio programa que abarcará todo o día e continuará na madrugada do domingo.

“Baixo as estrelas”: o programa do Día Internacional dos Museos

admin — Tue, 18 May 2010 16:11:49 +0000

Sábado 22

Presentouse xa o programa ‘Baixo as estrelas’ (baixa aquí o programa en PDF) con motivo da celebración do Día Internacional dos Museos, no que se inclúen multitude de propostas con teatro, música, obradoiros, xogos, visitas guiadas e moitas actividades máis co obxetivo de que os cidadáns coñezan máis sobre os museos e sobre a nosa propia cidade.

Deste xeito, o vindeiro sábado 22 de maio os museos, galerías e as propias rúas e prazas da cidade uniranse a esta celebración cun amplio programa que abarcará todo o día e continuará na madrugada do domingo.

Homenaxe ao arqueólogo galego José María Luengo

admin — Fri, 16 Apr 2010 09:25:03 +0000

O Concello da Coruña rende este venres unha merecida homenaxe ao arqueólogo galego José María Luengo inaugurando unha rúa na zona do Campus Universitario de Elviña (ás 18:00 horas). José María Luengo foi o principal impulsor da creación do Museo Arqueolóxico da Coruña, conseguindo a cesión do Castelo de San Antón para a súa utilización como sede do Museo. Foi o primeiro director da instalación desde 1965 até 1972 pasando desde entón a ser director honorario. Así mesmo é xunto con Luís Monteagudo autor das primeiras excavacións do Castro de Elviña nos anos 40 do pasado século, lugar moi próximo á rúa que se inaugura hoxe. Recentemente a súa filla, Dolores Luengo, cedeu todo o seu arquivo e biblioteca ao Concello, que pasarán a formar parte dos fondos do Museo Arqueolóxico.

A Casa Casares Quiroga xa é museo

admin — Thu, 15 Apr 2010 10:43:49 +0000

No día de onte foi inaugurado o proxecto co que se completa a musealización da Casa Museo Casares Quiroga coincidindo coa celebración do Día da II República. No ano 2007 inaugurouse a Casa Museo Casares Quiroga deixando unha parte das estancias valeiras, sin contido museográfico, co obxetivo de resaltar o expolio que sufriu a familia Casares Quiroga co levantamento militar do 36. Co este obxetivo xa cumplido, decidiuse no 2009 completar a musealización desta casa que supón unha homenaxe aos valores republicanos. O proxecto de musealización actual é elaborado polo historiador Emilio Grandío quen centrou a musealización e dous aspectos fundamentais. Por unha banda a distribución temática que presenta a Casa Museo Casares Quiroga como un referente no contexto do Estado no referente aos Museos vencellados ao republicanismo, especialmente ao periodo da II República –só comparable á Casa Museo de Niceto Alcalá Zamora en Priego de Córdoba-. E por outra, realiza unha nova formulación do discurso permitindo ao visitante facer a súa propia interpretación dos textos. Así en cada habitación atopamos textos explicativos sobre a estancia en cuestión e o que nos quere trasmitir pero tamén frases textuais sen comentario para que cada persona atope o seu propio significado. Con este novo proxecto de musealización dotouse de contido ás dúas primeiras plantas:

* Primeira: adicada ó periodo da Segunda República, integrada por varias salas temáticas –a proclamación do novo réxime, política, cultura, ensino, traballo e vida cotidiana, ademais dun espazo para a cronoloxía dos cinco anos en España e Galiza

* Segunda: adicada a Casares Quiroga e a súa familia tamén integrada por varios espazos –o espolio, a persoa de Casares Quiroga e a súa familia –cunha sala especial adicada a súa filla Ester Casares, retida ata o ano 1955 na Coruña-, ; e o seu proxecto político: a ORGA-IR. Tamén eiquí nesta segunda planta hai un espazo para seguir a traxectoria cronolóxica do protagonista desta Casa Museo.

A vontade do proxecto desta fase de musealización é a de que cada quén se constrúa o seu propio discurso sobre a figura e a época representada a partir da interrelación de varios elementos que interveñen na definición museística como son as fotografías da época, videos con testemuñas directas como a realizada a sua neta Esther Varela Casares polo Proxecto Voces e Nomes-, sons, materiais da época e textos –breves presentacións das salas e no interior frases textuais da época para contextulizar os espazos.

Vídeo-resumo do Día dos Museos na Coruña

admin — Fri, 22 May 2009 21:00:54 +0000

O sábado 16 de maio celebramos o Día Internacional dos Museos

admin — Fri, 15 May 2009 09:30:46 +0000

Recordámosvos que mañá sábado 16 de maio celebramos o Día Internacional dos Museos cun amplo programa de actividades en toda a cidade.

Deixámosvos aquí algunhas ligazóns interesantes:

-A Programación do Día Internacional dos Museos

-O Cartaz do Día Internacional dos Museos

-As Bases do I Premio Certame de Pintura Cidade Vella

Programación do Día Internacional dos Museos

admin — Wed, 13 May 2009 09:00:11 +0000

Música, teatro, proxeccións, visitas guiadas, happening… son algunhas das moitas propostas para celebrar na cidade o Día Internacional dos Museos, o sábado 16 de maio de 17.30 ás 24.00 h. Este é o programa completo de actividades:

Praza de Azcárraga (Praza da Fariña)
Ás 17.30 h a Escola Municipal de Música da Coruña dará un concerto do grupo de jazz.

CASAS MUSEO
Gozaremos con dous divertidos roteiros con animación de rúa e fin de festa musical co dúo de gaita e acordeón de Suso Vaamonde e Xosé Lois Romero para descubrir e visitar as casas-museo da cidade.
Ás 18.00 e ás 19.45 h. Roteiro Picasso e Casares Quiroga. Comezará na Casa Museo Picasso.
Ás 18.00 e ás 19.45 h. Roteiro María Pita e Dona Emilia Pardo Bazán: Comeza na Casa Museo María Pita.

SALAS DE EXPOSICIÓNS

Sala Palexco
Exposición A Escola da Haia: trátase dunha mostra integrada por 74 pezas pertencentes ao prestixioso Rijksmuseum de Ámsterdam, un dos museos máis importantes do mundo. Haberá visitas guiadas á exposición ás 18.30, 20.00 e 22.00 h. Concerto do cuarteto Scherzo da OSG ás 21.30 h.

Kiosco Alfonso
Exposición antolóxica de Julio Pujales.
Concerto do cuarteto Scherzo da OSG ás 22.30 h.
Espectáculo de danza Ver fondo do envase diante do Kiosco ás 19.00 h da Aula de Teatro e Danza da Universidade da Coruña. Dirixe: Rut Balbís.

Pazo Municipal
Visitas guiadas á Planta Nobre ás 20.00 e 22.00 h.

Sala de Exposicións do Pazo Municipal
O Traballo Visible das Coruñesas nos Documentos do Arquivo Municipal

Casa da Cultura Salvador de Madariaga
Deshoras: obras de Mª Martín Carmona.

Museo Arqueolóxico-Castelo de San Antón
Visitas guiadas ás 12.30, 18.30 e 20.00 horas.
Concerto de Pepe Vaamonde Grupo ás 23.30 h. no patio do Castelo.

Torre de Hércules
Aberta até as 00.00 h. Entrada de balde a partires das 18.00 h.

Museos Científicos da Coruña
Entrada de balde a partires das 18.00 h. A Casa das Ciencias estará aberta até as 00.00 h. Despois das 20.00 h haberá pases cada hora para ver o audiovisual Evolución no Planetario. O día 18 a entrada aos museos científicos é de balde.

I Certame de Pintura Cidade Vella
Terá lugar o día 16 de maio. Está organizado coa colaboración da Asociación de Veciños da Cidade Vella e a Asociación de Artistas Plásticos Galegos. Será de temática libre, relativa á Cidade Vella. Ler bases

Arquivo do Reino de Galicia
Estará aberto das 21.30 ás 00.00 h. Exporanse as obras presentadas ao I Certame de Pintura Cidade Vella (Xardín de San Carlos, s/n)

Obelisco
Proxectarase O Pulso Artístico da Cidade con obras de artistas plásticos da cidade: será das 22.00 ás 00.00 h.

Museo de Arte Contemporáneo Unión Fenosa (MACUF)
Festival ArtEx Sonora II, actuación de Stephen Cornford ás 22 horas. Despois do concerto realizarase una visita nocturna guiada á exposición: Antes de ayer y pasado mañana; o lo que puede ser pintura hoy. O museo permanecerá aberto até as 00.30 do día 17 de maio.

Fundación Barrié
Nunha instalación especial, a Fundación mostrará obras da colección de Pintura Internacional da Fundación, baixo o título Puntos de Luz. Nove obras de gran formato de Imi Knoebel, Pedro Calapez, Sandra Cinto, Ángela de la Cruz, Jason Martin, Álvaro Negro, Adrian Schiess, Fiona Rae e Peter Zimmermann serán os puntos que proxectarán a arte cara a rúa. No Cantón Grande, até as 02.00 h.

Fundación Luís Seoane
Exposición de Alberto Datas (1935-2007) e Andrei Tarkovski (Rúa San Francisco, s/n).

Sede Fundación Caixa Galicia
Miradas. Desde o Informalismo ao Multicolor, da Colección Caixa Galicia (Cantón Grande, 21-24)

Centro Sociocultural Fundación Caixa Galicia
Exposición Auga. O sangue da terra (Rúa Médico Rodríguez)

GALERÍAS DE ARTE
A partir das 18.00 h un happening a cargo dos artistas Tabo Ayala e Ricardo Morente percorrerá as galerías de arte da Coruña.

Galería Ana Vilaseco
Exposición de Jose Pedro Croft (Rúa Padre Feijoo, 5, 1º)

Galería Atlántica Centro de Arte
Exposición de Luís Caruncho

Atlántica Novo Espazo
Exposición de Blanca Silva (Rúa Federico Tapia, 15, baixo)

Arte – Imagen
Exposición de Vanessa Lodeiro (Rúa Ramón y Cajal, 5, baixo)

Galería Teresa Taxes
Lugrís Vadillo, Fernández Pera, José Bellosillo, Miguel Galano, Chema Peralta e Javier Victorero exporán baixo o título En la Pintura (Praza de María Pita, 25, baixo)

Galería de Arte Xerión
Exposición de Ramón Generó (Rúa Modesta Goicouría, 7, baixo)

Galería de Arte COLECCIONan
Obras de Francisco Escudero (Rúa do Orzán, 22, baixo)

Galería de Arte Julia Ares
Ás 20.00 h haberá unha tertulia con motivo do Día Internacional dos Museos (Rúa Curros Enríquez, 5, baixo)

Isadora ART DECÓ
Exposición colectiva de Alfonso Abelenda, A. Datas, Xaquin Chaves, Rosa Úbeda, Alfonso Costa, Valbueno, Julio Sanjurjo, Baldo Ramos, Jorge Cabezas, Alberto Gulias e F. Pazos (Rúa Alfredo Vicenti, 26)

Coarte. Galería de Arte
Obras de María José Filella Muset (Rúa Paio Gómez, 18-baixo)

Galería Moret Art
Exposición de Xurxo Gómez Chao. Das 22.00 ás 23.30 h terá lugar unha actividade literaria titulada Noite, Luz e Sombra con Manuel Rivas, Eva Veiga, Yolanda Castaño, Liño Braxe e Xulio Valcárcel entre outros, acompañados pola música de Rómulo (Rúa Olmos, 12-14, 1.º C)

Galería Matt Concept (Music + Art)
Exposición de Alfonso Sicilia Sobrino (Avda. Porta de Aires, 15, baixo). Ás 20.00 h Os nenos cantores e o Coro da OSG darán un concerto na Colexiata.

Cartaz do Día Internacional dos Museos

admin — Wed, 13 May 2009 08:00:52 +0000

Descarga o cartaz en PDF (4,1 MB)

Dinosauros 3D na Domus

admin — Mon, 09 Feb 2009 11:52:24 +0000

O documental Dinosauros 3D segue a proxectarse todos os días na Sala Leonardo da Vinci da Domus. O filme preséntanos o traballo do científico Rodolfo Coria, que descubriu na Patagonia (Arxentina) unha ducia de especies novas de dinosauros, incluído o de maior tamaño coñecido: o Argentinosaurus huinculensis, un saurópodo cuadrúpedo de cola longa, de máis de 40 metros e 100 toneladas de peso. Partindo dos datos científicos a película recrea mediante espectaculares imaxes en tres dimensións a flora e a fauna da época na que viviron os dinosauros xigantes, que son os verdadeiros protagonistas e dos que veremos como se desprazaban, como se alimentaban, como criaban a súa prole e como se relacionaban con outras especies. Poden asistir aos pases de Dinosauros 3D de luns a venres ás 18:00 (en galego) e os sábados e domingos ás 12:00 e 17:00 (en galego) e ás 13:00 e 18:00 (en español).

Mañá abre ao público a nova Casa das Ciencias

admin — Tue, 27 Jan 2009 10:09:28 +0000

Mañá mércores 28 de xaneiro ás 12:00 terá lugar o acto de reapertura da Casa das Ciencias, despois dun proceso de remodelación que contou co patrocinio de Caixanova. O planetario incorpora un sistema de proxección dixital que achega unha maior definición e permite empregar imaxes en movemento en toda a cúpula, como poderemos comprobar no novo programa Invasores de Marte. Doce novos módulos de experiencias desenvolvidos polo Exploratorium de San Francisco renovan por completo a primeira planta, mentres que na segunda, a das exposicións temporais, disfrutaremos da exposición Anfibios, a vida entre dous mundos. A reforma da Casa das Ciencias supuxo tamén algúns cambios estruturais de singular importancia, como a creación dun novo ascensor que facilitará o acceso dos discapacitados até o planetario.

Para celebrar a reapertura, desde o mércores 28 até o domingo 1 de febreiro a entrada á Casa das Ciencias será de balde. O horario de funcionamento é de 10:00 a 19:00. Máis información, na web dos museos científicos.