Mércores 4
Fórum Metropolitano
17:00 e 19:00 horas
Entradas: 5 euros.

Mamá Cabra é un grupo de música infantil que mestura poesía, pezas do folclore e temas propios, cun enfoque lúdico, participativo e didáctico. "Xa me tardan estes Magos" é o novo traballo desta formación, un disco que xorde coa intención de renovar as panxoliñas. Unha creación divertida e orixinal para celebrar en familia estas festas. Este novo traballo publicouse a finais de 2011 da man da editorial Galaxia.

Mércores 28
Teatro Rosalía de Castro
20:00
Entradas: 8 euros.

Concerto benéfico a favor da ONG "Terra de homes", que presta axuda directa á infancia desamparada sen preocupación de orde política, racial ou confesional. Con Xoán Eiriz e Rosa Cedrón, xunto á Coral Polifónica da Gaiteira, no que Xoán Eiriz presenta o seu undécimo disco: "30 anos e unha canción de amor", acompañado polo pianista Gabriel Peso. Presenta: Juan Fernán.

Martes 27
Teatro Rosalía de Castro
20:30
Entrada gratuíta con convite.

Concerto da Trova Coruñesa a beneficio da Cociña Económica, organizado pola Asociación Cultural La Trova Coruñesa. Ademais desta entidade, actuarán o Grupo Urtica e o Ballet Druída.

Venres 23
Teatro Rosalía de Castro
20:00
Entrada libre até completar capacidade.

Concerto de "Amizades", acto de cerre do 50 aniversario da Comisión Promotora de las Hogueras de San Juan.

Martes 20
Teatro Rosalía de Castro
18:00
Entrada libre até completar capacidade.

XIV "Encontro de Música no Nadal", organizado pola Concellaría de Asuntos Sociais.

Domingo 18
Teatro Rosalía de Castro
20:30
Entrada libre até completar capacidade.

Concerto benéfico de Nadal a favor de Cáritas, organizado pola Agrupación Musical Albéniz. O programa é o seguinte:

I Parte - Agrupación Musical Albéniz
- "Arizona" (A. Stelzl).
- "Anema e couore" (Salve D. Espósito - Letra: Dominico Titomanlio).
- "La leyenda del beso" (Soutullo e Vert).
- "Si te viera Garay" (E. Rodríguez Iglesias).
- "Coruña Rag". (E. Rodríguez Iglesias).
- "El Barberillo de Lavapiés" (Preludio) (F. Asenjo Barbieri.)
- "Valses peruanos" (Popular).
- "Noche de Paz" (Música: Franz X. Gruber - Letra: Josef Mohr).
- "Navidades blancas" (Irving Berlín).
- "Que más se puede pedir" (A. Gundín - E. Rodríguez).
Director: Enrique Rodríguez Iglesias

II Parte - Tuna de Veteranos
- "La morena de mi copla" (Música: Jofré - Letra: Carlos Castellanos).
- "Teño saudade" (Música: Andrés do Barro - Letra: Xavier Alcalá).
- "Tuna compostelana" (Méndez Vigo).
- "María la portuguesa" (Música: Carlos Cano - Letra: María Villalón).
- "El cóndor pasa" (Música: Daniel Alomia Robles - Letra: Julio de la Paz).
- "Mix gallego" (popular, arreglos de Enrique Melio).
- "La paloma" (Sebastián de Irader y Salaverri).

Domingo 18
Palacio da Ópera
Horario: 12:15
Entrada libre até completar capacidade.

Concerto de Nadal da Banda Municipal de Música, baixo a dirección de José Luis Represas. O programa é o seguinte:

- 1ª Parte
"Harlequín", "Pedro y el lobo".

- 2ª Parte
"España", "Vois sur ton chemin", "Cerf-Volant", "Paxariños que voades", "Canto de berce para unha princesa negra", "Pastores, venid", "Vinde, vinde" e "Fum, fum, fum".

Participan: Coro de nenos da Orquestra Sinfónica de Galicia e Jacobo Pérez Paz, como narrador.

Domingo 18
MACUF (Avenida de Arteixo, 171).
12:30
Entrada libre até completar capacidade.

Concerto "Os tres pelos do diaño", de Project Ensemble, que presentará este conto clásico dos irmáns Grimm a ritmo de jazz, dentro do ciclo "Música animada 2011-2012".

Sábado 17
Palacio da Ópera
20:30
Entradas: 5'50, 7'50, 10 e 13’75 euros.

Concerto da Orquestra Sinfónica de Galicia, no que interpretará a "Sinfonía nº 6 en mi bemol menor, op. 23" de Nikolai Miaskovski. Coa actuación do Coro da Sinfónica de Galicia (dirixido por Joan Company), baixo a dirección de baixo a dirección de Víctor Pablo Pérez, e Lars Vogt como solista ao piano.

"A Coruña e Vigo son a mesma cidade. Así nolo di co seu talento a pintura de Urbano Lugrís. Dous pontóns de amarre no mesmo océano. Para significar unha vez máis esta revelación, o vindeiro sábado 17 de decembro celebrarase –simultaneamente- en Vigo e na Coruña a Acción Urbano. Xornada cívico-bohemia, en honra do gran mestre. O Orzán, o Berbés e un único manifesto en botella polos camiños do mar a prol da creatividade e da arte galega. Sábado 17 de decembro. Percalinópolys e Xouba City (isto é A Coruña e Vigo na terminoloxía do pintor) unidas outra vez pola vida, pola bohemia, polo talento abisal de Urbano Lugrís, profeta do atlantismo. O fato de enxarmantes da Coruña autedonimámonos "IN NAVE CIVITAS" (por suposto ti es membro de honra). Imaxinamos un acto en catro tempos:
1. Ás 20:00 horas: "Obradoiro submarino". Xuntanza no palco da música de Méndez Núñez para decorar paraugas con debuxos de peixes. Así, se chove, facemos da necesidade virtude. Saída da manifestación atlántica presidida, con toda pompa e esplendor, polo son dos gaiteiros "Os Vicentes de Elviña".
2. "Camarote Lugrís". Intervención pictórica rápida na rúa Mantelería, diante do recanto que ocupaba o estudo de Lugrís.
3. "Balada do Porto de Os". Estrea no Borrazás (Rúa Orzán, 165), café moi querido por Lugrís, dunha rapsodia inspirada no poema do mesmo nome, composta por Marcos Aboal e Lourenzo Castro.
4. Na Coiraza do Orzán, lectura e lanzamento -en botella- do manifesto, dirección ribeira do Berbés."
Texto de Xurxo Souto.

Venres 16
Palacio da Ópera
20:30
Entradas: 11, 15, 20 e 27'50 euros.

Concerto da Orquestra Sinfónica de Galicia, no que interpretará o "Concerto para piano e orquestra nº 1" de Johannes Brahms, e a "Sinfonía nº 6 en mi bemol menor, op. 23" de Nikolai Miaskovski. Coa actuación do Coro da Sinfónica de Galicia (dirixido por Joan Company) e Lars Vogt (piano), baixo a dirección de baixo a dirección de Víctor Pablo Pérez.

Xoves 15
Normal (Paseo de Ronda, 47, antigo Maxisterio)
20:00
Entrada libre até completar capacidade.

O ciclo de música contemporánea que Normal programará nos vindeiros meses comeza cun concerto que traza un percorrido a través da música francesa: desde a xestación do impresionismo, que institucionalizou unha cor harmónica e tímbrica característica que impregnaría practicamente a totalidade de compositores desta nacionalidade, pasando polo Grupo dos Seis, á individualidade de Olivier Messiaen. O programa é o seguinte:
- Olivier Messiaen (1908-1992): "L´abisme des oiseaux" (1940).
- Claude Debussy (1862-1918): "Sonata para frauta, viola e arpa" (1915).
- Maurice Ravel (1875-1937): "Introduction et allegro para frauta, clarinete, arpa e cordas" (1905).
- Olivier Messiaen (1908-1992): "Louange à l´immortalité de Jésus" (1940).
- Albert Roussel (1869-1937): "Trío para frauta, viola e violonchelo" (1929).
- André Jolivet (1905-1974): "Chant de Linos, para frauta, arpa e cordas" (1944).

O Ensemble Belle Epoque xorde en 2010 da inquietude de músicos afincados en A Coruña por cultivar o repertorio do século XX. Tocaron concertos para a Universidade da Coruña e no Conservatorio Profesional de Música de A Coruña. Para a presente temporada foron invitados por Rosa Calvo Manzano para ilustrar un concerto con música francesa no Auditorio Manuel de Falla do Conservatorio Superior de Música de Madrid. Próximos compromisos levaranlles á Universidade de Valladolid e ao Museo Arte Contemporánea de A Coruña. Integrantes: Javier Cedrón (violín), Isabel Sanjuán (violín), Diego Segade (viola), Juan A Almarza (violonchelo), César Concheiro (frauta), María Fraile (clarinete), Irantzu Agirre (arpa), Uxía Vilar (piano).

Venres 16
Fórum Metropolitano
20:30
Entradas: 5 euros.

Concerto da Coral Polifónica da Gaiteira e Juanjo Villamor, organizada pola Sociedad Recreativa e Instructiva A Gaiteira.

Xoves 15
Biblioteca da Sagrada Familia (Rúa Antonio Pereira, 1)
19:30
Entrada libre até completar capacidade.

"Tátara Dúo" cerra este xoves a temporada de concertos dos "Xoves na Sagrada". Pablo Díaz e Álex Fente conforman este grupo que interpreta folk e música tradicional galega. Os dous son sobradamente coñecidos no panorama musical galego. Pablo Díaz é compoñente de Ruote, director de Donaire e compositor da música da compañía de danza Entrecaixas, ademais de autor do libro-disco TIC TAC, mentres que Álex Fente toca en formacións tan prestixiosas como Tiruleque, TIC TAC ou a compañía Entrecaixas.