A Coruña Cultura » obradoiros

“Acción Urbano”, no “Día Lugrís”, o sábado 17 de decembro

admin — Fri, 16 Dec 2011 07:25:35 +0000

“A Coruña e Vigo son a mesma cidade. Así nolo di co seu talento a pintura de Urbano Lugrís. Dous pontóns de amarre no mesmo océano. Para significar unha vez máis esta revelación, o vindeiro sábado 17 de decembro celebrarase –simultaneamente- en Vigo e na Coruña a Acción Urbano. Xornada cívico-bohemia, en honra do gran mestre. O Orzán, o Berbés e un único manifesto en botella polos camiños do mar a prol da creatividade e da arte galega. Sábado 17 de decembro. Percalinópolys e Xouba City (isto é A Coruña e Vigo na terminoloxía do pintor) unidas outra vez pola vida, pola bohemia, polo talento abisal de Urbano Lugrís, profeta do atlantismo. O fato de enxarmantes da Coruña autedonimámonos “IN NAVE CIVITAS” (por suposto ti es membro de honra). Imaxinamos un acto en catro tempos:
1. Ás 20:00 horas: “Obradoiro submarino”. Xuntanza no palco da música de Méndez Núñez para decorar paraugas con debuxos de peixes. Así, se chove, facemos da necesidade virtude. Saída da manifestación atlántica presidida, con toda pompa e esplendor, polo son dos gaiteiros “Os Vicentes de Elviña“.
2. “Camarote Lugrís”. Intervención pictórica rápida na rúa Mantelería, diante do recanto que ocupaba o estudo de Lugrís.
3. “Balada do Porto de Os”. Estrea no Borrazás (Rúa Orzán, 165), café moi querido por Lugrís, dunha rapsodia inspirada no poema do mesmo nome, composta por Marcos Aboal e Lourenzo Castro.
4. Na Coiraza do Orzán, lectura e lanzamento -en botella- do manifesto, dirección ribeira do Berbés.”
Texto de Xurxo Souto.

Aberta a inscrición para o obradoiro de escrita poética “Eu é un outro”, impartido por Xoán Abeleira

admin — Wed, 14 Dec 2011 22:12:55 +0000

Todos os xoves 2 de febreiro ó 19 de abril do 2012.
Centro Psicosom (Rúa Federico Tapia, 43, 2º esquerda)
De 19:30 a 21:00 horas ou de 20:00 a 21:30 horas (consonte a conveniencia da maioría da xente interesada no obradoiro)
Prezo: 150 euros en total -50 euros ó mes -a pagar consonte as posibilidades de cada quen.

Obradoiro de escrita poética “Eu é un outro. Introdución á poesía moderna. A creación como método de coñecemento e de (pro)cura interior”, impartido por Xoán Abeleira. O número máximo de prazas é de 15, cunha duración de tres meses (unha clase á semana, dunha hora e media de duración), con posibilidade de prolongar o curso. Máis información e reservas no teléfono 686397847 e/ou no correo xabeleira@mundo-r.com
Programa: “No obradoiro mesturaremos a teoría coa práctica poética. Por unha banda, e tomando o poeta francés Charles Baudelaire como punto de partida, percorreremos o desenvolvemento da poesía moderna universal, dende o simbolismo ata as vangardas de principios do século XX, lendo, analizando e comentando os textos claves das súas principais figuras: Charles Baudelaire, Arthur Rimbaud, Jules Laforgue, Walt Whitman, Emily Dickinson, Stéphane Mallarmé, Guillaume Apollinaire, T. S. Eliot, Ezra Pound, os poetas expresionistas alemáns, os poetas cubistas, os poetas futuristas, os poetas superrealistas, etc, ocupándonos especialmente da influencia de todos eses autores e movementos na poesía galega e española daquelas épocas. Por outra, e partindo de exemplos concretos dos tipos de técnicas, estruturas, ritmos, recursos… poéticos inventados e/ou desenvolvidos polos autores estudados, os e as participantes no obradoiro escribirán e comentarán os seus propios textos, realizados consonte os modelos analizados en clase: poemas en verso medido, poemas en verso libre, poemas en prosa, poemas cubistas, poemas expresionistas, poetas superrealistas, etc. Así mesmo, e ó fío de cada un dos autores estudados, abordaremos distintos temas vencellados co feito da creación en si (coma, por exemplo, a relación entre a arte e a meditación, a arte e o xamanismo, a arte e a psicoloxía, a arte e a indagación no inconsciente colectivo e persoal, etc), facendo especial fincapé nas distintas vías en que a creación poética, como método de coñecemento e de sanación, nos axuda a medrar no camiño da sabedoría, revelándonos a realidade última das cousas e, xa que logo, de nós.”

Milpedras: xornada temática de portas abertas sobre placas solares

admin — Wed, 07 Dec 2011 08:00:23 +0000

Sábado 10
Taller de Litografía Milpedras (Rúa Brasil, 3)
De 17:30 a 20:00 horas
Entrada gratuíta con reserva previa no correo eventos at milpedras.com

Presentación dun novedoso sistema de traballo e creación de matrices a través de materiais fotosensibles, denominados “placa solar”, a cargo de Yuli Andrea Cadavid, profesora da Universidade de Antioquia, Colombia. O gravado en placa solar é unha técnica relativamente nova no campo da gráfica que pouco a pouco gañou audiencia grazas á riqueza de posibilidades de aplicación analóxica e dixital que ofrece, ademais das súas bondades físicas, é un material de fácil uso, de revelado en auga e nobre co medio ambiente. O programa é o seguinte:
- 17:30 h. Charla teórica sobre o gravado en placa solar. Duración estimada: 30 minutos.
- 18:00 a 20:00 h. Traballo nas placas miniprint que os participantes queiran preparar, os tamaños han de ser de 8 x 10 cm. Ver máis condicións neste arquivo: Xornada portas abertas placas solares Milpedras.

Cursos de decembro e xaneiro en Milpedras

admin — Mon, 14 Nov 2011 07:11:13 +0000

Está aberto o prazo para os seguintes cursos no Taller de Litografía Milpedras (Rúa Brasil, nº 3, baixo) nos meses de decembro e xaneiro:
- “Curso avanzado de placas solares”, impartido por Yuli Andrea Cadavid. Do 14 ao 17 de decembro.
- “Curso de introdución á litografía en pedra con cor”, impartido por Yuli Andrea Cadavid. Do 18 ao 21 de xaneiro.
- “Curso de introdución á caligrafía”, impartido por Jesús Mª Juaristi Linacero. Do 10 ao 12 de febreiro.

Máis información neste enlace, no correo electrónico info at milpedras.com ou chamando ao teléfono 881-926698. As reservas deberán realizarse como mínimo cunha semana de antelación ao inicio do curso.

Festas de outono na Cidade Vella

admin — Fri, 04 Nov 2011 07:04:27 +0000

Sábado 5
Praza da Fariña
Entrada libre até completar capacidade.

Celebración popular das Festas de outono na Cidade Vella, organizada pola Asociación de Veciños Cidade Vella-María Pita, coas seguintes actividades:
- 17:00 h. Comezo do Obradoiro de decoración das cabazas.
- 18:30 h. Representación teatral de “Tristán”, a cargo do grupo O elefante elegante.
- 19:00 h. Magosto tradicional.
- 20:00 h. Roteiro das cabazas iluminadas polas rúas da Cidade Vella.
- 21:00 h. Elaboración e degustación dunha queimada.

Clases de música na Asociación de Veciños de Oza, Gaiteira e Os Castros

admin — Wed, 05 Oct 2011 20:53:41 +0000

Durante este curso escolar a Asociación de Veciños de Oza, Gaiteira e Os Castros (Rúa da Merced, 56, baixo. Teléfono e fax 981-298122, correo: ozagaiteiraoscastros2 at gmail.com) desenvolverá as seguintes actividades de formación para os interesados:
- Clases de gaita: martes de 20:00 a 22:00 h. (perfeccionamento) e mércores de 18:00 a 20:00 h. (iniciación).
- Clases de tamboril: martes de 19:00h a 20:00 h.
- Clases de pandeireta: xóves de 21:00 a 22:00 h.

Para obter máis información poden contactar no teléfono e correo indicados.

Museo de Belas Artes: obradoiro de escrita creativa a cargo de Antía Otero, organizado pola AELG

admin — Tue, 04 Oct 2011 06:30:23 +0000

A Asociación de Escritoras e Escritores en Lingua Galega, co patrocinio de CEDRO, crea a Escola de Escritoras e Escritores da AELG con este “Obradoiro de Escrita Creativa” dirixido a persoas a partir de 16 anos, impartido pola escritora Antía Otero durante oito semanas (unha sesión de dúas horas cada semana de 18:00 a 20:00) os seguintes días: 13, 19 e 26 de outubro e 2, 9, 16, 23 e 30 de novembro. É de balde ata completar matrícula. Será no Museo de Belas Artes (Rúa Zalaeta, s/n – A Coruña). A unha das sesións asistirá outro escritor/a para contar a súa experiencia creativa.
O obradoiro, botando man de imaxes literarias e artísticas, achegará chaves interdisciplinares para descubrir e explorar elementos importantes nas creacións como son a imaxinación, a escoita, o tempo, o espazo, os personaxes, as escenas, os diálogos… Unha alternativa ás aulas propiamente académicas ao redor da experimentación, da comprensión e do diálogo persoal co feito literario e coa arte en xeral. O obxectivo é proporcionar estratexias básicas para a escrita, destacando que para escribir hai que desenvolver a capacidade de observación, no propio interior e na relación que mantemos coa
realidade circundante. O prazo para anotarse comeza hoxe e remata o luns 10 de outubro e pode facerse enviando un correo electrónico a Do martes 18 de outubro ao martes 31 de xaneiro de 2012
Sala de Cubo de Normal (Paseo de Ronda, 47. Antiga Escola de Maxisterio)
Todos os martes de 19:00 a 21:00 (30 horas en total)
Prezos: 35 euros membros da comunidade universitaria, 55 euros público xeral
2 créditos de libre elección.

O obradoiro “Percorrer o ollo da arte“, a cargo de Antía Otero (Licenciada en Historia da Arte, actriz, escritora e docente na Escola de Teatro e Danza Espazo Aberto), permitirá coñecer, descubrir e valorar o feito contemporáneo e a creación artística actual a través dunha mirada propia. No “ollo da arte” percorrerase (valéndose de nocións teóricas e propostas prácticas ) os novos comportamentos artísticos, motivando que @s participantes propoñan e fagan visibles as súas propias ideas, asi como o traballo e o debate en grupo. Este obradoiro realizarase (con nivel iniciación) no primeiro cuatrimestre, podendo continuar tod@s aqueles/as que o desexen nunha segunda parte prevista para o segundo cuatrimestre.
Na segunda parte de “O ollo da arte”, prevista para o segundo cuatrimestre, afondaranse en conceptos, plantexarase nova materia e ofrecerase a posibilidade de desenvolver unha vía de traballo artística personalizada e dirixida para cada participante.

O prazo de matrícula comprende desde o día 30 de setembro até o día 17 de febreiro. A matrícula farase na oficina da Área de Cultura da Coruña. Casa do Lagar s/n. planta baixa. Campus de Elviña. Eventualmente pódense recoller as follas de pagamento en NORMAL. Para calquera aclaración, pódense consultar as dúbidas existentes no teléfono 981167000, extensións 1975, 1954, e 1962, ou no correo electrónico cultura.coruna@udc.es.

O OLLO DA ARTE

from Antía Otero on Vimeo.

Manicómicos: taller de improvisación libre con Chefa Alonso, do 11 ao 13 de outubro

admin — Tue, 20 Sep 2011 10:45:29 +0000

Do martes 11 ao xoves 13 de outubro
Manicómicos (Rúa Andrés Gaos, 16, baixo)
De 17:00 a 21:00 h.
Contacto e inscripcións: manicomicos at hotmail.com – Tlfnos: 981262604 / 692213292. O prezo xeral é de 60€, pagables o primeiro día do taller (prazas limitadas: reservas por orde de inscrición).

Taller de improvisación libre para músicos, bailaríns, artistas escénicos, poetas… con Chefa Alonso. “Para os que aínda non me coñecen e para os que se están preguntando e que nos ensinará Chefa?, aquí van unha serie de ideas e propostas de traballo, que non vos explico en detalle porque para iso está o taller, pero que vos poden dar unha idea do que imos facer. En termos xerais, exporei diversos exercicios para traballar aspectos específicos da improvisación e tamén (máis ben ao final), contareivos un pouco sobre os meus sinais e os meus criterios de condución:
1. Apertura e procura: desaprender o aprendido. Sós e dúos encadeados.
2. Debuxando o esqueleto: outras referencias. Miniaturas.
3. Buscando o propio espazo: onde e cando bailar. O tres desexos.
4. O só e o fondo: cando asollar e cando integrarse no grupo. Grupos con solistas.
5. Buscar o noso propio material ou desenvolver un material dado. Os sós.
6. O traballo en grupo. A orquestra ou o corpo de baile.”

Máis información neste enlace á web de Manicómicos.

Fórum Metropolitano: programa Lecer no Outono 2011

admin — Mon, 12 Sep 2011 09:30:49 +0000

O programa de lecer do Fórum Metropolitano cumpre este novo período 15 anos e quere lembrar a todas as persoas que o fixeron posible. A oferta diríxese preferentemente ás persoas empadroadas no Concello da Coruña. Neste enlace pode descargarse o programa completo.

- Inscrición previa: Os días 12, 13 e 14 de setembro, na conserxería do Fórum Metropolitano de 09:00 a 14:00 h., e de 16:00 a 20:00 h.. Cada solicitante poderá anotar ata catro talleres na ficha, téndose en conta na adxudicación que se respectará a orde fixada polo solicitante e esta non poderá ser modificada unha vez que se realice o sorteo. Cada solicitante recibirá un número que servirá para poder fixar a orde de preferencia. Adxudicaranse un máximo de dous talleres por persoa excepto no caso de que queden prazas vacantes nalgún taller, en que se poderán adxudicar ata catro.

- Sorteo: As solicitudes serán ordenadas a partir do xoves día 15 de setembro de forma correlativa, comezando polo número que corresponda no sorteo público que se realizará ás 10:00 h. dese día na conserxería do Fórum Metropolitano. Unha vez presentado o número máximo de participantes nun taller, o resto de peticións formarán parte dunha lista de espera en función da orde do sorteo.

- Inscrición: Será necesario formalizar a inscrición os días 19, 20 ou 21 de setembro na conserxería do Fórum Metropolitano de 16:00 a 20:00 h.

- Lista de espera e prazas vacantes: As persoas en lista de espera terán preferencia en ocupar as prazas non feitas efectivas polas reservas no taller correspondente. O resto de prazas vacantes poderán ser ocupadas polo público en xeral. A partir do 19 de setembro, as persoas interesadas en solicitar prazas vacantes poderán facelo na conserxería do Fórum de 9:00 a 14:00 h. e de 16:00 a 20:00 h. A partir do 22 de setembro poñerémonos en contacto vía telefónica con aquelas persoas que estean en lista de espera.

- Pago de cotas: Os talleres teñen fixada unha cota: 24 euros. Os maiores de 65 anos aboarán a metade da cota. Ao formalizar a inscrición debe aboarse a cota fixada.

- Inicio dos talleres: A partir do 26 de setembro no día e hora que correspondan a cada taller.

As persoas que falten a máis do 50% das sesións perderán todos os dereitos de matrícula.

Libraría Endo: “Doll Day”

admin — Fri, 19 Aug 2011 08:30:35 +0000

Sábado 20
Libraría Endo (Rúa Entrepeñas, 41, baixo)
De 12:00 a 14:00 e de 17:00 a 20:00 horas
Entrada libre até completar capacidade.

O “Doll Day” é un día totalmente dedicado a estas bonecas de orixe asiática, as Pullip e as BJD. Ao longo do día realizaranse obradoiros e demostracións de customización e maquillaxe, charlas, concursos e exposición de bonecas e complementos.

Viñetas desde o Atlántico 2011: actividades do domingo 14 de agosto

admin — Fri, 12 Aug 2011 09:39:36 +0000

Remata Viñetas desde o Atlántico, que converteu a rúa “Paseo de coches”, nos Xardíns de Méndez Núñez, na “Rúa da Banda Deseñada“. É o último día para visitar as casetas da feira de libreiros e editores e a Carpa do Cómic. Os horarios son: de 12:00 a 14:00 h.; e de 18:00 a 22:00 h. O acceso é libre para todo o público interesado.

Neste día terán lugar as seguintes actividades:

- 12:00 h. Xornada de achegamento ao manga. Charla coloquio: o manga, algo máis que un cómic, a cargo do colectivo Kuro Usagi.

- 13:00 h. Obradoiro Cubeecraft.

- 18:00 h. Xornada de achegamento ao manga. concurso de cosplay.

- 19:00 h. Xornada de achegamento ao manga: BSO Contest.

Viñetas desde o Atlántico 2011: actividades do sábado 13 de agosto

admin — Fri, 12 Aug 2011 09:38:59 +0000

Entre o luns 8 e o domingo 14, Viñetas desde o Atlántico converte a rúa “Paseo de coches”, nos Xardíns de Méndez Núñez, na “Rúa da Banda Deseñada“. Nela sitúanse as casetas da feira de libreiros e editores e a Carpa do Cómic. Os horarios son: de 12:00 a 14:00 h.; e de 18:00 a 22:00 h. O acceso é libre para todo o público interesado.

O sábado 13 de agosto terán lugar as seguintes actividades:

- 12:00 h. Obradoiro de debuxo con José Domingo.
- 13:00 h. Demo Editorial presenta “Cabana de balieiros”, de Tokio.
- 13:30 h. Presentación de novidades de Polaqia.
- 18:30 h. Charla coloquio sobre Tintín con Antonio Altarriba e Pedro Rey.
- 19:00 h. Obradoiro Cubeecraft.
- 20:30 h. Retransmisión en directo do programa de radio “La isla”.
Serán con movemento xove: partidas abertas de iniciación a xogos de mesa.

Viñetas desde o Atlántico 2011: actividades do mércores 10 de agosto

admin — Wed, 10 Aug 2011 08:42:00 +0000

Entre o luns 8 e o domingo 14, Viñetas desde o Atlántico converte a rúa “Paseo de coches”, nos Xardíns de Méndez Núñez, na “Rúa da Banda Deseñada“. Nela sitúanse as casetas da feira de libreiros e editores e a Carpa do Cómic. Os horarios son: de 12:00 a 14:00 h.; e de 18:00 a 22:00 h. O acceso é libre para todo o público interesado.

O mércores 10 de agosto terán lugar as seguintes actividades:

- 12:00 h. Obradoiro de debuxo con José Domingo.
- 13:00 h. Demo Editorial presenta “Punto de fuga”, de Miguel Cuba.
- 13:30 h. Presentación do número 32 de “Retranca“, e da nova revista para nenos “Fiz“.
- De 18:00 a 22:00 h. Tarde con movemento xove: obradoiros, concursos e torneos.

40 Feira do Libro: actividades do mércores 10 de agosto

admin — Tue, 09 Aug 2011 09:44:25 +0000

Estas son as actividades previstas para o mércores 10 de agosto dentro da 40º edición da Feira do Libro, no derradeiro día desta edición:

- 12:00 h. Feira infantil. “Leonardo te enseña a comer”. Obradoiro e conto para pais con fillos, realizado por Pepa Cuentera, baseado no libro “Leonardo da Vinci, el inventor”, publicado pola editorial Rompecabezas.
- 19:00 h. O escritor Pedro Ramos presentará o seu libro “En el país de los méritos”, publicado pola Editorial Noroeste.
- 19:30 h. O escritor Manuel M. Barreiro asinará exemplares do seu libro “A novísima dereita e nós. O bienio gris toupa“, publicado por 2.0 Editora, na colección Supertextos.
- 20:00 h. Presentación do libro “Puntos de vista (Grabaciones emitidas por Punto Radio)”, de Roberto Vila Rodríguez, publicado pola Deputación provincial de Ourense. Xunto co autor, participará no acto Roberto Blanco Fortes, director de Punto Radio.
- 20:30 h. O escritor Quinito López Mourelle asinará exemplares do seu libro “Sin Ana Beatriz“, publicado por Ézaro Ediciones.
- 22:00 h. Peche da Feira do Libro.