Teatro del Andamio (Alcalde Suárez Ferrín 10)
Sábado 17 ás 18:00 h.
Domingo 18 ás 12:30 e 18:00 h.
Entradas: 5 euros.

Representación de "Contos do cestiño", por Raquel Queizás. Había unha vez un cesto que dende pequerrecho esperaba que alguén o enchese de soños, de contos, de estrelas, de risos. Iso pensaba o coitadiño mentras levaba peixe, cebolas e pementos de feira en feira. Ata que comezou a escoitar as historias que a xente contaba. Eu atopei ese cestiño... Dirixido a nenos e nenas maiores de 3 anos.

Venres 16 e sábado 17
Teatro Rosalía de Castro
20:30
Entradas: 8, 10, 13 e 17 euros (carné xove, maiores de 65 anos e desempregados, desconto dun 20%).

Dentro do Ciclo Principal, representación de "Las mujeres de Shakespeare", sobre textos de Harold Bloom, en versión de Rafael Álvarez "El Brujo", pola compañía El Brujo Producciones, con Rafael Álvarez "El Brujo" (actor solista e director) e Javier Alejano (violín). Unha homenaxe á conciencia feminina que tan ben soubo explorar e expresar William Shakespeare a través do enxeño das respostas de Catalina, Beatriz e Xulieta.

Fórum Metropolitano
Sábado 10 ás 20:30 h.
Domingo 11 ás 19:00 h.
Entradas: 8 euros (carné xove, maiores de 65 anos e desempregados, 6 euros).

"Tocar madera" é un espectáculo sobre o Trastorno Obsesivo Compulsivo (TOC), trastorno pertencente ao grupo das desordes de ansiedade, en, a través da mestura de linguaxes escénicas o espectador adéntrase no complexo mundo interior de personaxes que, moitas veces, nos lembran a nós mesmos. Por Sudhum Teatro. Con Luis Andrés Gomes, Natalia Narbón, María Toledo, Pedro Martín, Nicolás Gaude e Irene Ballester, baixo a dirección de Gustavo del Río.

Teatro del Andamio (Alcalde Suárez Ferrín 10)
Sábado 10 ás 18:00 h.
Domingo 11 ás 12:30 e 18:00 h.
Entradas: 5 euros.

Representación de "La gata con botas", por Teatro Arbolé. Nesta obra reúnense os elementos clásicos do conto: as desventuras do rapaz, as aventuras clásicas e a pelexa co ogro co seu sorprendente final; mais nesta ocasión Arbolé engadiu unhas cantas notas novas sobre os roles masculino e feminino, que fan que o título desta obra sexa "La gata con botas". Dirixido a nenos e nenas entre 3 e 9 anos.

Venres 9
Teatro Rosalía de Castro
20:30
Entradas: 6, 7, 9 e 13 euros (carné xove, maiores de 65 anos e desempregados, desconto dun 20%).

Dentro do Ciclo Principal, representación de "La noche de Max Estrella", seguindo a obra de Ramón del Valle-Inclán "Luces de Bohemia". Espállase en escena unha queixa nocturna e dantesca: a loita de Max Estrella por un vivir digno nun Madrid absurdo, brillante e famento. Errando polas rúas madrileñas, borbotando unas cantas verdades, cun espello ao fondo, baixo as luces da bohemia, asistimos a unha denuncia descarnada pola inxustiza en clave de esperpento. Producida polo Centro Andaluz de Teatro, o Centro Dramático Galego e o Centro Párraga de Murcia. Con Carlos Álvarez-Nóvoa, Chiu Longina, Pilar Millán e Rafale Abolafia, baixo a dirección de Francisco Ortuño Millán.

Sábado 3
Fórum Metropolitano
17:00 e 19:00 h.
Entradas: 5 euros (abono familiar de 3 entradas por 12 euros).

Dentro do Ciclo Todo Público, representación de "Vice-versa", pola compañía Vítor Hugo Pontes (Portugal). Canto tempo falta para ser maior? Aguantar cun dedo debaixo dun pé durante cinco minutos, é moito tempo? Esta é unha historia sen pés nen cabeza... ou con dous brazos, varios dedos, xeonllos, pernas e un nariz, nun proceso que vai acompañando o desenvolvimento do concepto de tempo e crecimento durante a infancia. Con Oana Faria e Mafalda Faria. Dirixida a un público maior de 3 anos.

Teatro del Andamio (Alcalde Suárez Ferrín 10)
Sábado 3 ás 18:00 h.
Domingo 4 ás 12:30 e 18:00 h.
Entradas: 5 euros.

Representación de "La princesa Ana", por Tarambana Espectáculos. Chega un día en que a princesa Ana ten que seguir a tradición, ten que casar para poder reinar no seu país. Só hai un problema: ela non quere casar con ningún dos príncipes que viñeron pedir a súa man. Ela só quere seguir sendo feliz xunto á súa mellor amiga, unha doce ra. Cando a ra lle suxire que a bique para probar sorte, en lugar dun príncipe azul, aparece unha fermosa dama. Dirixido a nenos entre 3 e 12 anos.

Venres 2 e sábado 3 ás 20:30 h.
Domingo 4 ás 19:00 h.
Teatro Rosalía de Castro
Entradas: 6, 7, 9 e 13 euros (carné xove, maiores de 65 anos e desempregados, desconto dun 20%).

Dentro do Ciclo Principal, representación de "Unha hora na vida de Stefan Zweig", de Antonio Tabares, representado pola Compañía Lagarta, Lagarta. No espectáculo introducímonos nun día, nunha hora moi especial do matrimonio Zweig, Stefan e Lotte, que nos manterá en vilo sobre no que en realidade sucedeu na vida do grande escritor, ou no que puido suceder. O matrimonio Zweig toma unha gran determinación, calculada con meticulosidade, sobre as súas vidas. Pero no seu fogar preséntase un estraño e inoportuno visitante que nos permitirá profundar nas distintas posturas de todos eles ante a vida, a morte, os medos, o amor, o exilio, as guerras, o poder, a liberdade individual ou a fuxida permanente dun mundo que arrepía. E para iso, deixarán as súas almas ao descuberto, nunha hora, na que se pode dicir todo. Con Ernesto Chao, Belén Constenla e César Cambeiro, baixo a dirección de Rosa Álvarez.

Venres 2
Sala Filomatic (Rúa San Xosé, 21)
22:00
Entradas: 4 euros.

"O mar anda revolto… Non afoguedes!!! Invitámosvos a embarcar noutra aventura máis dos Manicómicos… delirante, metabolizante, indestructible, irónica, indecente, inagotable… con estilo propio! Máis de 10 artistas en diferentes disciplinas: clown, danza, teatro xestual, malabares, monólogos… Permitídevos ser os nosos náufragos particulares! Actuarán: Uxía Vázquez, Guillermo Portas (Guille), Marcial Blanco e Paco Alvarellos (Paco e Xaco), Marta Mato, Ángela Blanco, Carlos Sante, Lorena Tomé, Keke Díez, Vanessa Rivas, Mónica Suárez e Daniel Lozano."

Sábado 26
Fórum Metropolitano
19:00 h.
Entradas: 5 euros (abono familiar de 3 entradas por 12 euros).

Dentro do Ciclo Todo Público, representación de "Caperucita Roja", pola compañía La Baracca (Italia). Un lobo e unha nena ou unha loba e un neno? O importante é vivir a historia das historias, a historia na que o medo e a coraxe van da man. Baracca pon en escena a súa visión e a súa versión do conto clásico. Con Carlota Zini e Bruno Cappagli, baixo a dirección de Fabio Galanti. Dirixida a un público maior de 4 anos.

Teatro del Andamio (Alcalde Suárez Ferrín 10)
Sábado 26 ás 18:00 h.
Domingo 27 ás 12:30 e 18:00 h.
Entradas: 5 euros.

Representación de "Ikú e Elegguá", por Títeres Cascanueces. Lenda afrocubana sobre a eterna controversia entre a vida (Elegguá) e a morte (Ikú). Parabola mitolóxica, fonte inagotabel de reflexión e esperanza. Dirixido a nenos entre 4 e 9 anos.

Venres 25 e sábado 26
Teatro Rosalía de Castro
20:30
Entradas: 8, 10, 13 e 17 euros (carné xove, maiores de 65 anos e desempregados, desconto dun 20%).

Dentro do Ciclo Principal, representación de "Mi mapa de Madrid", pola compañía Teatro de la Danza. Obra de Margarita Sánchez situada na Latina, onde vive o grupo de personaxes que alimenta esta historia, "perdedores" cheos de esperanza: o escritor, a separada ex-alcohólica, a moza co corazón roto... Con Estrella Blanco, Saturna Barrio, Amparo Pamplona, Angel Burgos, Roberto Cairo, José Luis Gaglo e Pablo Viña, baixo a dirección de Amelia Ochandiano.

Venres 25
Libraría Couceiro (Enrique Dequidt, 12)
20:30
Entrada libre até completar capacidade.

Presentación de "Dramatículas", de Afonso Becerra de Becerreá, publicado en Laiovento. No acto, acompañando ao autor, participa Francisco Pillado Maior.

Xoves 24
Teatro Rosalía de Castro
20:30
Entrada libre até completar capacidade.

A Asociación Cultural Alexandre Bóveda organiza o XV Memorial de teatro Ibán Toxeiro, que contará coas seguintes actuacións:
- Grupo de teatro da A. C. Alexandre Bóveda coa representación de "Vida, paixón e morte de Alexandre Bóveda", de Xoán Carlos Mexuto.
- Bucanero Teatro con "Kungfundidos".
- Druída danza con "O anxo exterminador".
- Entrega do IV premio "Alexandre Bóveda de teatro amador Ibán Toxeiro" para o Grupo de teatro do Centro de maiores da Obra social de Novacaixagalicia.
- Todo aderezado coa música en directo de Canta compaña.

Sábado 19
Fórum Metropolitano
19:00
Entradas: 5 euros (abono familiar de 3 entradas por 12 euros).

Dentro do ciclo "Todo Público", representación de "El refugio", pola Compañía La Rous (Granada). Eva é unha nena en metade dunha guerra. Mira o mundo a través do buraco do refuxio no que se esconde e espera. Espera e pregúntase: De que serve unha nena nunha guerra? Unha historia ao mesmo tempo tenra, doce e dolorosa. Con Rosa Díaz, baixo a dirección de Llanos Campos e Rosa Díaz. Para nenas e nenos maiores de 6 anos.