Conferencia sobre “A faceta musical e coralista de Alexandre Bóveda“, a cargo de Xaquín Vales, membro e estudoso da Coral de Ruada, que ven de publicar un estudo sobre a faceta musical de Alexandre Bóveda.

En conmemoración do Día Internacional contra a Violencia de Xénero, terá lugar unha mesa redonda baixo o título “O xogo das cadeiras e outras invisibilizacións“, en que participarán Mercedes Queixas, Ana Pontón, Pilar García Negro e Ana Rúa.

Presentación do libro de Xosé Manuel Sánchez Rei “O complemento preposicional en galego. Análise desde a gramática de valencias”. Acompañará ao autor Xosé Ramón Freixeiro Mato.

* Sábado 14. “Baixo as estrelas. Celebración do Día Internacional dos Museos“:
- 18:00 h.- Obradoiro didáctico Encaixas. Para nenos e nenas de 1 a 10 anos.
- 18:00 h.- Brancas: Itinerario Escénico Urbano.
- 18:00 h.- Visita guiada á exposición de Quintana Martelo no Kiosko Alfonso.
- 19:00 h.- Concerto do Grupo de Jazz da Escola Municipal de Música da Coruña.
- 20:00 h.- Actuación do Centro Coreográfico Galego: “Fragmentos” (30 minutos).
- 22:00 h.- Proxección do filme “La Coruña, la ciudad en la que nadie es forastero”, de Ramón Sáiz de la Hoya. En colaboración co CGAI.

* Domingo 15:
- 12:00 h.- Obradoiro “Creación dunha personaxe: Golfiño”, realizado por Fausto Isorna. A partir de 6 anos. Diante do Kiosco Alfonso.
- 12:30 h.- Presentación de “Agullas de ironía”, documental sobre Lois Pereiro feito polo alumnado de Comunicación Audiovisual da Facultade de Ciencias da Comunicación da Universidade da Coruña. No Kiosco Alfonso.
- 13:30 h.- Sinatura de exemplares por parte de Fausto Isorna. No posto das Bibliotecas Municipais.
- 18:00 h.- Presentación do libro de ilustración de Pinturero “Rapazas, las pin-up de Pinturero” (Editorial Dibbuks). No Kiosco Alfonso.
- 18:00 h.- Sinaturas do libro “A Frecha Azul do Teixo” por parte de Eva Veiga, publicado en Espiral Maior Edicións. No posto das Bibliotecas Municipais.
- 18:30 h.- Sinaturas de Diana Varela Puñal do seu último poemario “Animalabismo”, publicado en Espiral Maior Edicións. No posto das Bibliotecas Municipais.
- 19:00 h.- Sinaturas dos libros do ilustrador Mariano Casas Gil “A historia xamais contada”, “La mancha negra” e outras obras do autor. No posto das Bibliotecas Municipais.
- 19:00 h.- Presentación da revista “Fiz” (Retranca Editora), por Kiko da Silva. No Kiosco Alfonso.
- 20:00 h.- Presentación do libro de Miguel Mato “Señardade da luz (A obra poética de Manuel María)”,  publicado pola Asociación Cultural Alexandre Bóveda, con Alberte Ansede, Roberto Catoira e o propio autor. No Kiosco Alfonso.

Presentación do libro “Lois Pereiro. A urxencia poética dun futuro alleo“, de Mercedes Queixas, acompañada por Francisco Pillado.

Organizada pola Asociación Cultural Alexandre Bóveda, a Gala homenaxe a Lois Pereiro comporase dun recital poético de compañeiros de Lois Pereiro no grupo “De Amor e Desamor” e un concerto de Manu Clavijo versionando obras do autor homenaxeado este ano no Día das Letras Galegas.

Conferencia sobre arte gráfica por Alberto Cartón, organizada pola A. C. Alexandre Bóveda en colaboración co Taller de litografía e galería Milpedras.

A Asociación Cultural Alexandre Bóveda prosegue o ciclo de charlas titulado “Unha película, unha canción, un libro”, no que se amosarán as vivencias de distintos persoeiros desde un punto de vista totalmente separado da súa profesión, contando cales son os seus libros, películas e cancións preferidas e como incluso marcaron momentos importantes das súas vidas. Nesta ocasión falará a directora da Casa Museo Pardo Bazán, Xulia Santiso, que falará das súas vivencias nestes campos.

A Asociación Cultural Alexandre Bóveda comeza un ciclo de charlas titulado “Unha película, unha canción, un libro”, no que se amosarán as vivencias de distintos persoeiros da nosa cidade desde un punto de vista totalmente separado da súa profesión, contando cales son os seus libros, películas e cancións preferidas e como incluso marcaron momentos importantes das súas vidas. Nesta primeira ocasión falará a popular xornalista e locutora de Radio Coruña, Consuelo Bautista.

Exposición “50 anos de Brasilia“, do Arquivo Público do Distrito Federal de Brasília. Participará Carlos Jorge Mota, directivo da ONG “Mares a navegar”, coordinadora da exposición. A inauguración terá lugar o xoves 13 ás 20:00 h.

Presentación do libro de poemas A cidade sen roupa ao sol, de Marga do Val, publicado en Espiral Maior. No acto intervirán, coa autora, Miguel Anxo Fernán-Vello e Carme Fernández-Pérez Sanjulián.

Presentación do libro “Antón Moreda. Memória do exílio”, de Uxío-Breogán Diéguez e Antom Santos, editado pola Asociación Galega de Historiadores. No acto participa, ademais dos propios autores, Antom Santamarinha, ex-presidente das Mocedades Galeguistas (1953).

Desde o venres 1 de outubro a A. C. Alexandre Bóveda, en colaboración coa Asociación de Veciños da Agra do Orzán, organiza un obradoiro de canto a cargo de Ricardo Seixo Fernández, “Para desfrutarmos cantando”. Ricardo Seixo, ben coñecido no mundo da música tanto pola súa grande afición ás cancións e ás músicas tradicionais, como por ser vocalista da, tamén, ben popular, Tombalobos Orquestra, será o profesor do obradoiro e o autentico impulsor desta actividade, que busca desfrutar do canto e axudar a recuperación ou cando menos ao non esquecemento das cancións tradicionais galegas.

Rubén Ruibal presenta o seu libro “A néboa amarela”, editado por Biblos, coa participación, ademais do propio autor, do editor Tucho Calvo e de César Candelas. A obra orixinal na que se basea “A néboa amarela” é unha canción titulada Black Diamond Bay, escrita xusto na metade da 2ª metade do século pasado por Bob Dylan e Jacques Levy. Tamén é unha obra de teatro, malia que fora pensada nese caso para ser cantada.

A exposición da obra pictórica “Campos lineais“, de Maribel dos Anjos, inaugúrase o xoves 2 ás 20:00 h.