Martes 30
Asociación Cultural Alexandre Bóveda (Rúa Olmos, 16-18, 1º)
20:00
Entrada libre até completar capacidade.

Presentación do libro "Os papeis do vagabundo", de Xosé Henrique Rivadulla Corcón, publicado en Espiral Maior. No acto, ademais do autor, participan Miguel Anxo Fernán-Vello e Xavier Seoane.

Venres 12
Igrexa da Orde Terceira
20:30
Entrada libre até completar capacidade.

Prosegue o Ciclo de Concertos do Outono da A. C. Alexandre Bóveda coa actuación do Trío Latexo, formado por Jorge Peña (guitarra), Serxio Moreiras (piano) e Víctor Fernández (percusión). Os tres forman parte da coñecida banda coruñesa Duploson, ainda que nesta ocasión asistiremos ao seu debut como trio acústico no que desenvolven ademais de composicións propias ritmos moi cercanos ao jazz.

Xoves 11
Asociación Cultural Alexandre Bóveda (Rúa Olmos, 16-18, 1º)
20:30
Entrada libre até completar capacidade.

Presentación do libro de poemas "Prenderei a lareira", publicado por Baía Edicións. No acto, acompañando ao autor, participa Xosé Ramón Freixeiro Mato.

Martes 9
A. C. Alexandre Bóveda (Olmos 16-18, 1º)
20:30
Entrada libre até completar capacidade.

Do xoves 4 ao martes 30
A. C. Alexandre Bóveda (rúa Olmos, 16-18, 1º)
De luns a venres, de 16:30 a 20:30
Entrada libre até completar capacidade.

Exposición de gravados da poeta e artista visual Sabela Baña. Inaugúrase o xoves 4 de novembro a partir das 20:00 horas. A súa obra amplamente catalogada recibiu numerosos premios tanto nacionais coma extranxeiros. A súa obra atopase nas institucións tanto publicas coma privadas destacando A Biblioteca Nacional (Madrid).

Venres 5
Igrexa da Orde Terceira
20:30
Entrada libre até completar capacidade.

Comeza o Ciclo de Concertos do Outono da A. C. Alexandre Bóveda coa actuación de Fucoxabier & Felpeto (guitarra e piano). Trátase dunha aposta por reinventar a canción de autor (ou canción, a secas) en galego, fuxindo de tópicos e de enxebrismos. Cobran importancia por tanto os textos, nos que ademais de letras propias hai poesía e versións de temas esquecidos. Na parte musical aposta por unha estética convencional, con estilos que se moven entre o pop-rock, o folk, a balada, etc.

Xoves 28
A. C. Alexandre Bóveda (rúa Olmos 16-18, 1º)
20:30
Entrada libre até completar capacidade.

Proxección de fotografías sobre "O Sudoeste de Francia", por Roberto Catoira.

Martes 26
A. C. Alexandre Bóveda (rúa Olmos, 16-18, 1º)
20:30
Entrada libre até completar capacidade.

Presentación de Onde houbo lume de Marica Campo, publicado por Biblos. No acto participan, ademais da propia autora, o editor Tucho Calvo e María Pilar García Negro.

Xoves 21
Asociación Cultural Alexandre Bóveda (rúa Olmos, 16-18).
20:30
Entrada libre até completar capacidade.

Presentación do libro "Estudos xurídicos sobre o Decreto para o plurilingüismo", publicado por Laiovento, coa participación dos autores Luís Villares e Carlos Amoedo, acompañados por Francisco Pillado.

"Recendo" é o nome do programa de radio semanal da Asociación Cultural Alexandre Bóveda, que leva emitíndose dende outubro de 2009. Trata sobre cultura galega, fálase da axenda cultural da agrupación e da cidade e todos os días contan con relevantes invitados e invitadas que nos ilustran sobre diferentes xeitos de facer cultura e país, con interesantes seccións sobre multitude de disciplinas culturais. O programa emítese en directo todos os martes de 7 a 8 da tarde en CUAC FM, a emisora comunitaria da cidade. As formas de escoitalo son as seguintes: pola radio convencional, na comarca da Coruña, no dial 103.4, ou ben na web da emisora CUAC FM, na sección "Escóitanos". Unha vez emitidos, todos os programas atópanse neste enlace.

Venres 1
A. C. Alexandre Bóveda (rúa Olmos, 16-18, 1º)
De 18:00 a 20:00
Entrada libre e de balde.

Obradoiro de expresión corporal a cargo de Lía Pichel, especialista en arte dramática, dirixido tanto á xente do mundo do teatro como ao público en xeral para, en unión coa música, realizar unha clase maxistral de expresión corporal, a medio camiño entre a ximnasia e a danza.

A A. C. Alexandre Bóveda convoca a II edición do Premio de Ensaio Curto “Alexandre Bóveda”, co obxecto de honrar a figura do insigne galeguista e premiar un traballo que signifique unha contribución ao pensamento e a reflexión sobre a Galiza actual. O tema para desenvolver na presente convocatoria será, como no seu día xa fixera Alexandre Bóveda, a análise económica de Galiza, en calquera das súas facetas. O prazo de presentación de orixinais será do día 1 de setembro ate ao día 29 de outubro.

O comité organizador está composto por:
Presidenta: Dna. María Xosé Bravo San José, Concelleira de Cultura do Concello da Coruña.
Director do Certame: D. Roberto Catoira Viñán, Presidente da A. C. Alexandre Bóveda.
Vogal: Dna. Ana Mourelle Quintáns, Vicepresidenta da A. C. Alexandre Bóveda.
Vogal: D. Miguel Mato Fondo, Vogal da A. C. Alexandre Bóveda.
O xurado, á súa vez, está formado por:
Presidente: Anxo Calvo (profesor titular e Doutor do Departamento de Economía Financieira e Contabilidade da USC).
Vogais: María do Carme Sánchez Carreira (profesora do departamento de Economía Aplicada da USC), Francisco X. Sanjiao (profesor titular de Economía Aplicada da USC) e Miguel Pardo (xornalista económico).
Como secretario da Asociación, con voz e sen voto, D. Xosé Manuel Sánchez.

Toda a información pódese descargar nas Bases do II Premio de Ensaio Curto ou consultar na web da Asociación Cultural Alexandre Bóveda.

Luns 16
Paseo de Alexandre Bóveda (zona Catro Camiños)
20:00
Asistencia libre.

A Asociación Cultural Alexandre Bóveda, en colaboración coa Concellaría de Cultura do Concello da Coruña e a Real Academia Galega, realiza unha homenaxe á exemplar figura de Alexandre Bóveda, con intervencións institucionais e ofrenda floral ao pé do monumento a Bóveda a cargo da Concelleira de Cultura do Concello da Coruña, María Xosé Bravo, Roberto Catoira, presidente da Asociación Cultural, Xosé Luís Axeitos, secretario da RAG, e Xosé Luís Bóveda. A seguir haberá unha leitura poética a cargo de membros do grupo de teatro da Asociación, actuación musical e reparto de flores, dípticos e bandas deseñadas sobre Alexandre Bóveda.

Martes 29
20:30
A. C. Alexandre Bóveda (Olmos, 16-18, 1º)
Entrada libre até completar capacidade.

Preséntase o libro "Organoloxía", de Eva Moreda, publicado en Edicións Positivas, recente gañador da V edición do premio Narrativas quentes. Máis información aquí.

A Asociación Cultural Alexandre Bóveda informa que hoxe venres 19 de febreiro terá lugar a presentación na Coruña da reedición especial da Carpeta homenaxe a Uxío Novoneyra con poemas, fotografías e estampas de pintura que fixeron os creadores na homenaxe de hai dez anos. Esta reedición da carpeta está editada por Rei Zentolo, con motivo da adicatoria a Uxio Novoneyra do Día das Letras Galegas 2010. O acto contará coa participación de Uxio Novoneyra Rei pola Fundación Novoneyra, Salvador Vázquez, director de Rei Zentolo SL. e José Fernández, coordinador da carpeta de homenaxe. Será ás 20:30 h. no salón de actos da asociación (R/ Olmos, 16-18,1º), con entrada libre ate completar o aforo.