Do martes 8 de novembro ao domingo 15 de xaneiro de 2012
Domus (Rúa Santa Teresa, 1)
Planta baixa

"Atapuerca, Arco da Vella da evolución humana" é unha selección de 19 acuarelas do pintor Fernando Fueyo nas que están presentes de forma recorrente os lugares, os achados, a actividade humana e os animais e plantas que conviven coas escavacións arqueolóxicas dos xacementos da Serra de Atapuerca.

O próximo xoves, 15 de abril, ás 20 horas, a Domus acolle a conferencia titulada “El paisaje de Atapuerca al microscopio”, impartida pola Dra. Gloria Cuenca, que é membro do equipo de Investigación de Atapuerca. A Dra. Cuenca ten escritas preto de 150 publicacións científicas, das que cómpre salientar as publicacións sobre Atapuerca nas que resolveu problemas de idade dos primeiros europeos, reconstrucións ambientais e paleoclimáticas e de correlación entre os distintos depósitos.

Palexco continúa a acoller os obradoiros didácticos organizados pola Concellaría de Cultura sobre a exposición Atapuerca e a evolución humana. As propostas están dirixidas a escolares de entre 8 e 12 anos e desenvolveranse entre o 13 de marzo e 25 de abril. A inscrición nos talleres será gratuíta, logo de reserva no teléfono 981 189 840, ata un máximo de 25 nenos por taller. Os talleres terán lugar na sede da exposición (Avda. da Prensa, s/n).

TALLER DE ARQUEOLOXÍA: Detectives do Pasado
Escavar baixo os nosos pés pode darnos moito "xogo". Durante estes depósitos-taller serán os nenos os que irán percorrendo estas etapas ata chegar a coñecer as historias que alí mesmo aconteceron atrás no tempo.
Días: Sábados 13 e 27 de marzo, e 24 de abril. Horario: ás 12h.

TALLER DE PALEONTOLOXÍA: Coñeceremos os vertebrados
Compararemos os seus esqueletos e dentes cos nosos e reconstruiremos as súas cabezas con plastilina, bólas, perrucas, etc.
Días: Sábados 13 e 27 de marzo, e 24 de abril. Horario: ás 18h.

TALLER DE ARTE RUPESTRE: Queres coñecer que pintaban os nosos antepasados e por que o facían?
O taller mostrará aos participantes os temas principais das pinturas rupestres e os pigmentos, ramas e pedras que os nosos antecesores utilizaban como ferramentas para reproducir o seu ámbito. Bisontes, cabalos salvaxes, osos, xentes e enigmáticos símbolos... O chamán ensinarate a realizar debuxos e gravados utilizando pigmentos, ramas, pedras e os teus propios dedos como ferramentas.
Días: Domingos 14 e 28 de marzo, e 25 de abril. Horario: ás 12h.

Mañá xoves 11 de marzo ás 20 horas a Domus acolle a conferencia titulada CSI ATAPUERCA, impartida pola paleontóloga Ana Gracia Téllez, que é investigadora e responsable da área de Conservación do Centro Mixto UCM-ISCII de Evolución y Comportamiento Humanos, ademais de membro do equipo de investigadores de Atapuerca. Na actualidade ocúpase da patoloxía dos homínidos fósiles. A charla forma parte do programa de actividades arredor da exposición Atapuerca y la evolución humana.

Atapuerca e a evolución humana, que reúne as reconstrucións das pezas máis importantes achadas na Gran Dolina e na Sima dos Ósos, poderá visitarse do 26 de febreiro ao 25 de abril na Sala Municipal de Exposicións en Palexco e servirá para dar a coñecer os depósitos burgaleses da Serra de Atapuerca en toda España como paso previo e preparación á apertura en 2010 do Museo da Evolución Humana de Burgos. Este Museo está presente na exposición a través dun espazo específico no que se detallan as súas instalacións e os contidos que albergará. A exposición está dirixida por Juan Luis Arsuaga, co-director do Equipo de investigacións de Atapuerca, e virá apoiada por actividades complementarias como conferencias e proxección de documentais que abordan distintos aspectos relativos á evolución humana e á relevancia científica dos Depósitos de Atapuerca. Haberá visitas guiadas para grupos escolares, previa inscrición no teléfono 981 18 98 40, e conferencias no Salón de Actos da Domus, de acordo ao seguinte programa:

26/02/10 ás 20h: Darwin e a evolución humana, a cargo do Profesor Juan Luis Arsuaga
11/03/10 ás 20h: A paisaxe de Atapuerca ao microscopio a cargo da Doctora Gloria Cuenca Bescós.
15/04/10 ás 20h: CSI Atapuerca a cargo da Doctora Ana Gracia Téllez.

A mostra inclúe ademáis unha serie de obradoiros para escolares que serán impartidos por miembros vinculados aos equipos de Atapuerca, destinados a estudantes entre 8 e 12 anos. Para participar é preciso inscribirse previamente no teléfono 981 18 98 40:

13, 27 de marzo e10 de abril de 2010, de 12 a 13’30h: Detectives do Pasado (Obradoiro de Arqueoloxía).
13, 27 de marzo e 10 de abril de 2010, de 18 a 19’30h: Coñeceremos os vertebrados (Obradoiro de Paleontoloxía)
14, 28 de marzo e 11 de abril de 2010, de 12 a 13’30h: ¿Queres coñecer qué pintaban os nosos antepasados e por qué o facían? (Obradoiro de Arte prehistórico)

Descargar dossier informativo (PDF, 888 KB)