Luns 28
Centro Galego de Artes da Imaxe (Rúa Durán Loriga, 10, baixo)
20:00
Entrada libre até completar capacidade.

Proxección da película "A maleta de Sofía", de Marcos Gallego, recentemente estreada en Polonia no marco dunhas xornadas dedicadas a Sofía Casanova, de quen este ano se celebra o 150 aniversario do seu nacemento. Este acto é o colofón á exposición bibliográfica que desta autora se fixo durante este mes de novembro na Biblioteca Municipal de Estudos Locais.

Xoves 2
Biblioteca Municipal de Estudos Locais (Rúa Durán Loriga, 10, 1º)
20:00
Entrada libre até completar capacidade.

Presentación de "Elos", un libro con fotografías de Paula Gómez del Valle e poemas de Txiki Calvo, François Davo e Rodrigo Varela, publicado en Edicións Morgante. Deixamos unha parte do seu prólogo, a cargo de Tati Mancebo: "Paula abre os nosos ollos ou enfoca as nosas vistas inexperientes para cousas que só alcanzaremos a ver nas súas fotografías. As súas fotos son así lentes máxicos, con que nos agasalla para ela ter con quen partillar o seu gozo: un brillo único que precisa dunha garrafa ou dun violín onde pousar, para deixarse atrapar por quen ten a capacidade de o ver, un brillo como ser etéreo na procura de ollos activos que lle concedan unha identidade bidimensional. (...) "Elos" é tamén un diálogo aberto entre a imaxe e a palabra, ou entre a palabra visual e a palabra escrita, onde François Davo, Txiki Calvo e Rodrigo Varela toman o papel de interlocutores, de primeiros destinatarios das mensaxes da medium, cuxos testemuños se recollen e dan unha nova dimensión aos retratos do invisíbel de Paula."

Venres 20
Biblioteca Municipal de Estudos Locais (Rúa Durán Loriga, 10, 1º)
20:00
Entrada libre até completar capacidade.

Conferencia "Unha tarde con Lois Pereiro", a cargo de Mercedes Queixas Zas, autora do libro "Lois Pereiro, a urxencia poética dun futuro alleo", publicado en Laiovento, e a actuación do músico galego-arxentino Manu Clavijo. Os asistentes poderán ademais contemplar a mostra bibliográfica "Lois Pereiro e o posmodernismo coruñés" que presenta a Lois Pereiro na súa implicación coa movida dos anos oitenta.

Como cada ano, a Biblioteca Municipal de Estudos Locais súmase aos actos de homenaxe do Día das Letras Galegas coa elaboración dunha guía de lectura sobre a figura protagonista, que neste ano 2011 corresponde ao poeta monfortino Lois Pereiro. Así, a través da elaboración desta guía de lectura, a Biblioteca de Estudos Locais pretende contribuír a dar resposta a esta necesidade ofrecendo toda a información de que dispón sobre a figura deste poeta, vangardista e universalista militante, e á vez, un creador ferreamente fiel ás súas raíces. Tras uns breves apuntamentos biográficos sobre o autor, cítanse as distintas referencias bibliográficas correspondentes á documentación presente na biblioteca sobre a súa vida e a súa obra. Pódese descargar neste arquivo en .pdf: Guia_Lois_Pereiro Biblioteca Estudos Locais Coruña.

As Bibliotecas Municipais teñen a seguinte programación de lectura na nosa cidade do 25 de abril ao 30 de maio, baixo o nome de "EU AMO LER": porque estimula a creatividade, a fantasía, agudiza o enxeño, crea pensamento e sobre todo permite soñar outros mundos...
O programa completo pódese descargar neste arquivo: Eu amo ler actividades nas Bibliotecas Municipais en abril e maio 2011, e está composto por:

ACTIVIDADES PARA ADULTOS NAS BIBLIOTECAS
- "Entre o universo e a tinta". Xoves 28 de abril. Biblioteca do Fórum. Recital e coloquio literario con proxeccións en vídeo, por Estíbaliz Espinosa.
- 17 de maio. Día das letras Galegas na Biblioteca Os Rosales. Espazo expositivo de Galicia Móvese: LOIS PEREIRO. No espazo expositivo Virtual: Unha proxección do artista e a súa obra. No espazo físico: Mostra bibliográfica (libros, documentais, etc.).
- Espazo expositivo de Galicia Móvese: MACUF. No espazo expositivo Virtual: Unha proxección a modo de documental / entrevista sobre o Macuf. No espazo expositivo físico: Unha mostra de catálogos e obra bibliográfica sobre os artistas que durante este ultimo ano expuxeron neste museo. Biblioteca dos Rosales: luns 23 de maio.
- Visita guiada á exposición "Frecuencias" do MACUF. Biblioteca: Os Rosales. Martes 31 de maio.
- Club de lectura. Reúne periodicamente a grupos de persoas amantes da lectura, para comentar e valorar un libro proporcionado polas Bibliotecas Municipais e coa axuda dun coordinador/a. Bibliotecas: Castrillón, todos os mércores de mes; Fórum: todos os martes de mañá e os mércores pola tarde; Monte Alto: todos os martes de mes.
- Obradoiro: "Érase unha vez o cine...". Ciclo de introdución á historia do cine en seis sesión, no que se levará a cabo un achegamento ao nacemento e ao desenvolvemento da súa linguaxe narrativa, a través do visionado comentado de fragmentos de películas. Biblioteca: Os Rosales, até o sábado 11 de xuño.
- Presentación do libro "Vivir, unha aventura irrepetíbel". Trátase da biografía de Mª do Carme Kruckenberg realizada por Mercedes Queixas Zas e editada por Galaxia. Participan no acto Francisco Castro, editor, a autora Mercedes Queixas e Mª do Carme Kruckenberg. Biblioteca: Estudos Locais, o luns 25 de abril.
- "Unha tarde con Lois Pereiro". Mercedes Queixas, autora do libro "Lois Pereiro, a urxencia poética dun futuro alleo" falará sobre a obra e vida do autor. Concerto de Manu Clavijo con poemas musicados de Lois. Biblioteca: Estudos Locais, o venres 20 de maio ás 20:00 h.
- Mostras bibliográficas e exposicións:
BIBLIOTECA CASTRILLÓN: "Preparados, listos, lede". ATÉ O XOVES 30 DE XUÑO.
BIBLIOTECA CASTRILLÓN: "Libros con premio". ATÉ O XOVES 30 DE XUÑO.
BIBLIOTECA ESTUDOS LOCAIS: "Lois Pereiro e o postmodernismo coruñés". MES DE MAIO.
BIBLIOTECA ESTUDOS LOCAIS: "Conmemorando a Valle Inclán e Castelao". ATÉ O XOVES 30 DE XUÑO.
BIBLIOTECA FORUM METROPOLITANO: "Tomates verdes libros". ATÉ O LUNS 9 DE MAIO.
BIBLIOTECA INFANTIL E XUVENIL: "BD A nosa banda". ATÉ O VENRES 20 DE MAIO.
BIBLIOTECA MONTE ALTO: "Xapón". ATÉ O LUNS 30 DE MAIO.
BIBLIOTECA MONTE ALTO: "Viaxa coa túa biblioteca". ATÉ O LUNS 30 DE MAIO.
BIBLIOTECA ROSALES: "En Semana Santa...atréveste?". ATÉ O LUNS 30 DE MAIO.

ACTIVIDADES PARA OS MÁIS PEQUENOS
- Merendas con Contos. Fuco Ratapón e a súa familia convídannos a degustar unha suculenta merenda nas Bibliotecas Municipais. O menú, como non: CONTOS... de aquí e de alá, de antes e de agora, que lle contaron ou que ten lido.
BIBLIOTECAS:
INFANTIL E XUVENIL: O SÁBADO 14 DE MAIO.
SAGRADA FAMILIA: O MARTES 3 E O LUNS 16 DE MAIO.
MONTE ALTO: OS MÉRCORES 4 E 18 DE MAIO.
CASTRILLÓN: OS XOVES 5 E 19 DE MAIO.
OS ROSALES: OS VENRES 6 E 20 DE MAIO.
FORUM: OS SÁBADOS 7 E 21 DE MAIO.
- Os nosos contos
Dirixido a nenos e nenas de entre 3 e 11 anos que visitan habitualmente a biblioteca do Forum Metropolitano. Biblioteca: Fórum. Venres 20 de maio.
- Bebeteca:
OS ROSALES. "BBENCONTRO": OS SÁBADOS 30 DE ABRIL E 21 DE MAIO. FORUM: "SOMOS AZUIS"; "SOMOS LILAS"; "SOMOS VERDES"; "SOMOS NEGROS". SÁBADO 30 DE ABRIL, SÁBADOS 14 E 28 DE MAIO E 4 DE XUÑO.
- Caramuxo teatro: "Glub, glub".
Unha montaxe para pequenos de seis meses a tres anos acompañados por adultos. "Glub, glub" conta a historia de amizade entre un barquiño de papel afundido no fondo do mar e un peixe xoguetón. Unha montaxe chea de estímulos e cunha linguaxe sinxela, case xestual que introduce aos máis novos nunha aventura fantástica e sorprendente. Unha oportunidade para gozar cos fillos e fillas da primeira viaxe polo mundo do teatro. Biblioteca: Os Rosales: o mércores 11 de maio ás 17:30 e ás 19:00 h.
- Mostras Bibliográficas e Exposicións:
Fórum: "De Dragóns e Heroes". ATÉ O SÁBADO 30 DE ABRIL. / Infantil e Xuvenil: "O libro lembra". ATÉ O LUNS 25 DE ABRIL.
- Obradoiro de escritura creativa:
Obradoiro para mozos e mozas maiores de 14 anos que se queiran introducir no mundo da creación literaria. Biblioteca: Infantil e Xuvenil: os luns 2, 9, 16, 23 e 30 de maio.
- Xuntos por Xapón:
Acto solidario con Xapón na Biblioteca dos Rosales. Ven facer grúas de papel, estas figuras de origami, e xuntos deixaremos voar os nosos desexos até Xapón. Biblioteca: Os Rosales. Xoves 5 de maio ás 18:30 h.
- Club de Ciencia e Investigación (CCI):
No CCI reúnense rapaces e rapazas de entre 9 e 13 anos que teñan espírito aventureiro e curiosidade científica. Este ano conmemoramos o Ano Internacional da Química. Biblioteca: Fórum: o sábado 7 de maio; Infantil e Xuvenil: o sábado 14 de maio.
- 3º Concurso de Contos Os Rosales:
No marco das festas do barrio e en colaboración coa Asociación de veciños, celebraremos a terceira edición do concurso de contos para nenos e nenas. Entrega de premios o luns 30 de maio na Sala Infantil. Biblioteca: Os Rosales. Xoves 5 de maio ás 18:30 h.

ESTAMOS DE FESTA!
- Festa do libro:
Organizada pola Agrupación de Libreiros da cidade do 13 ao 17 de maio nos Xardíns de Méndez Núñez. Achégate a mercar o teu libro e gozar das actividades!
- Os libros saen á rúa:
As bibliotecas levan os libros a outros espazos, estarán o mércores 27 de abril na estación de autobuses e na estación de ferrocarril de 11:00 a 19:00 horas.
- Caseta de Atención Primaria:
As Bibliotecas Municipais terán un consultorio lector na Festa do Libro para atender todas as doenzas relacionadas coa literatura. Consellos para mercar o libro máis acaído, a importancia da lectura… e todo o que queiras preguntar.

OUTRAS ACTIVIDADES
- Salas de Exposicións:
* "O DESEMBARCO DOS 80". A actividade cultural na Coruña dos anos oitenta. A revista La Naval e Homenaxe a Lois Pereiro. Sala de exposicións da Casa do Concello.
* "ELOS". Corenta e sete fotografías en diálogo coa palabra, de Paula Gómez del Valle. Sala de exposicións Casa da Cultura Salvador de Madariaga.
* "DE LIBROS E DE ARTISTAS". Inauguración: Sábado 14 de maio na Galería COLECCIONan ESPACIO DE ARTE (Travesía do Orzán, s/n.)
- Teatro:
* Teatro Rosalía Castro: "LA VIOLACIÓN DE LUCRECIA", de William Shakespeare. Do 29 de abril ao 1 de maio.
* Forum Metropolitano: "A VERDADEIRA HISTORIA DOS TRES PORQUIÑOS E O LOBO FEROZ". Teatro del Andamio. Día 14 de maio ás 19:00 horas.
- Concertos:
* CONCERTO EXPANSIVO EN HOMENAXE A LOIS PEREIRO. Duplo Son e Loretta Martin. Xoves 12 de maio no cárcere ás 21:00 h.
* CONTOS DO MUNDO: HISTORIA DUN HOME FELIZ (creación musical de Aram Khachaturian, Komidas e Ara Malikian). Sábado 7 de maio no Teatro Rosalía de Castro.
- IV Encontro Cidade da Coruña:
CHARLA DE ANTONIO GAMONEDA: "DA NATUREZA E A XERACIÓN DO PENSAMENTO. LINGUAXE POÉTICA". Venres 29 de abril ás 20:00 horas na Real Academia Galega. Organiza a AELG.
- Poetas di(n)versos::
Recital de peche do ciclo Poetas di(n) versos que se ven celebrando nos últimos meses na Casa da Cultura Salvador de Madariaga. Poetas: Carlos Marzal e Ana Romaní. Luns 23 de maio ás 20:30 horas.
- Cinema no Fórum:
CICLO CINE E LITERATURA. A partir do 24 de abril, na Sala Marilyn Monroe.
- Concurso de fotografía "VER UN LIBRO":
As fotografías deben reflectir unha recreación, unha impresión, unha escenificación, dun libro ou dun fragmento dun libro de ficción, dun personaxe, dunha situación, dun diálogo ou calquera outro aspecto dunha obra literaria. Escolle a túa obra preferida, popular ou non, de calquera orixe ou época, e pona en imaxes. Convocatoria do 23 ao 30 de abril. Prazo de envío das fotografías, do 1 de maio ao 5 de xuño do 2011. A publicación das persoas gañadoras farase do 13 ao 19 de xuño do 2011. Entrega de premios na semana do 20 ao 25 de xuño nunha biblioteca ou local anunciado con antelación.

Mércores 22
Biblioteca de Estudos Locais (Rúa Durán Loriga, 10)
20:00
Entrada libre até completar capacidade.

Concerto de Nadal do Coro de Cámara da Coruña, dirixido por Julián Pérez.

Organizados pola Asociación de Escritores en Lingua Galega, os encontros Galeusca chegan á súa XXVII edición, congregando na cidade da Coruña, entre os días 29, 30 e 31 de outubro,  a escritores e escritoras da AELG, da Euskal Idazleen Elkartea e da Associació d´Escriptors en Llengua Catalana.
As sesións da XXVII Congreso Galeusca celebraranse na Biblioteca de Estudos Locais (rúa Durán Loriga, s/n.), baixo o epígrafe Literatura en galego, éuscaro e catalán: unha viaxe con futuro.
O XXVII Congreso Galeusca promoverá neste 2010 o debate ao redor da importancia das nosas literaturas en lingua propia como subministradoras de contidos para unha fértil industria cultural que a todos e todas sen excepción preocupa e interesa, pois na lingua e na literatura susténtase a identidade senlleira dun pobo, unha historia pensada e debuxada tamén polos seus escritores e escritoras, voces reveladoras dunha viaxe colectiva cara un país con futuro propio. Para falar destes aspectos e doutros puntos de vista que o tema suxira, distribúese o programa:

Venres, 29 de outubro:
Chegada das delegacións.

Sábado 30 de outubro
10:00-11:30 Mesa redonda: A literatura como fornecedora de contidos da industria cultural: a literatura e o audiovisual, coordinada por Raúl Veiga:
• Héctor Carré
• Harkaitz Cano (elaboración do relatorio) | Ander Iturriotz (relator)
• Manel Bonany
12:00-13:30 Mesa redonda: As viaxes na literatura, coordinada por Xulio L. Valcárcel:
• Anxo Angueira
• Urtzi Urrutikoetxea
• Ignasi Riera
17.00: Percorrido Rosaliano pola Coruña, por Diego Pardo Amado (con saída na Rúa do Príncipe,3 –Cidade Vella–).
18.30: Recepción na Casa do Concello da Coruña (Praza de María Pita, 1).

Domingo 31 de outubro
10:00-11:30 Asemblea da Federación Galeusca.
12:00-13:30 Mesa redonda: A literatura como fornecedora de contidos da industria cultural: a literatura como modelo de convivencia de vellos e novos soportes, coordinada por Tati Mancebo:
• Marcos S. Calveiro
• Nikolas Zimarro
• Guillem-Jordi Graells
19:00-20:00 Recitado/Lectura de textos + Música:
• Olalla Cociña e Dores Tembrás
• Nikolas Zimarro
• Miquel Bezares
• Xabier Díaz (música).

Estas son as pezas doadas para a exposición "A Coruña na creación do libro galego":

- Pola Real Academia Galega:
- Fernández Neira, Xosé, "Proezas de Galicia, explicadas baxo la conversación rústica de los compadres Chinto y Mingote", A Coruña, Imp. de Vila, 1810.
- Pardo de Andrade, Manuel, "Os rogos d’un gallego, dedicados os seus paysanos para abrirlles os ollos sobre certas inorancias, e o demais que vera o curioso lector", A Coruña, Caxa Tipográfica do Diario, 1813.
- "Vello do Pico-Sagro", 1860 (A Coruña) núm. 1.
– "Álbum de la caridad. Juegos Florales de la Coruña en 1861, seguido de un mosáico poético de nuestros vates gallegos contemporáneos", A Coruña, Imp. do Hospicio Provincial, 1862.
- "Diccionario gallego-castellano, su autor, el presbítero Francisco Javier Rodríguez, ahora difunto, Bibliotecario que fué de la universidad literaria de Santiago. Dalo á la luz La Galicia, Revista Universal de este Reino, bajo la dirección de D. Antonio de la Iglesia y González", A Coruña, Imp. do Hospicio Provincial, 1863.
- Iglesia González, Francisco M.ª de la, "A fonte do xuramento: drama de costumes gallegos en dous autos en verso", A Coruña, Imp. de Vizenzo Abade, 1882.
- Fotografías de Irmáns De la Iglesia: -Retrato de Antonio de la Iglesia: albumina R. 1977- tarxeta americana (14,4 x 10,1 cm)//-Retrato de Francisco M.ª de la Iglesia: a) colodión. Colección da familia Saurin de la Iglesia (15 x 11 cm).
- Cadro coas sinaturas de persoeiros ilustres da cultura galega en homenaxe a D. Andrés Martínez Salazar.
- "Crónica Troyana: códice del siglo XIV de la Biblioteca Nacional de Madrid con apuntes gramaticales y vocabulario por M. Rodriguez; publícalo a expensas de la Excma. Diputación de esta provincia Andrés Martínez Salazar", A Coruña, Imp. de la Casa de la Misericordia, 1900.
- Carimbo de D. Andrés Martínez Salazar coas iniciais "A. M.".
- Timbre de mesa de D. Andrés Martínez Salazar coas iniciais "A. M.".
- Foto Martínez Salazar.
- Fotografía dos fundadores.
- "Galicia. Revista regional de ciencias, letras, artes, folk-lore".
- Murguía, Manuel, "Los precursores", Biblioteca Gallega I, A Coruña, Imp. de La Voz de Galicia, 1885.
- Curros Enríquez, Manuel, "Aires d’a miña terra", Biblioteca Gallega II, A Coruña, Imp. de La Voz de Galicia, 1886.
- Iglesia, Antonio de la, "El idioma gallego. Su antigüedad y vida", Biblioteca Gallega, III, A Coruña, Imp. de La Voz de Galicia, 1886.
- Pondal Abente, Eduardo, "Queixumes d’os pinos", Biblioteca Gallega VII, A Coruña, 1886.
- Rodríguez González, Eladio, "Folerpas. Poesías galegas", Biblioteca Gallega XXXV, A Coruña, Imp. de La Voz de Galicia, 1894.
- "Biblioteca Gallega. Obras publicadas". 1 folla solta (sig. 326/7).
- Deseño de capa Biblioteca Gallega (manuscrito e debuxado) (sig. 326/7).
- "Revista Gallega. Semanario de literatura e intereses regionales".
- "A Nosa Terra" (núm. 1, gaiteiro e mais escudo).
- "Boletín bibliográfico de la Librería Gallega".
- Diploma de membro da Asociación tipográfica da Coruña.
- Martínez Murguía, Manuel, "Historia de Galicia, vol. IV", A Coruña, Librería de D. Eugenio Carré, 1891.
- Tettamancy y Gaston, Francisco, "La Revolución gallega de 1846", A Coruña, Librería Regional de E. Carré, 1908.
- Carré Aldao, Uxío, "Brétemas: prosa e verso", A Coruña, Emprenta e Libreiría de E. Carré, 1896.
- Foto dos académicos con Chané.
- Busto de Uxío Carré Aldao.
– Ramón Cabanillas, e Antón Villar Ponte, "O Mariscal: traxedia histórica en verso", A Coruña, Lar, 1926.
- Lesta Meis, Xosé, "Estebo", A Coruña, Lar, 1927.
- Foto de Ánxel Casal no cemiterio.
- Bernardino Machado, "O militarismo", 1927.
- Carré Alvarellos, Leandro, "Diccionario gallego-castellano, t. I", A Coruña, Lar, 1928; t. II, A Coruña, Lar, 1931.
- Amado Carballo, Lois, "O galo", A Coruña, Nós, 1928.
- Blanco Torres, Roberto, "Orballo da media noite", A Coruña, Nós, 1929.
- Otero Pedrayo, Ramón, "Pelerinaxes I", A Coruña, Nós, 1929.
- Castelao, "Cincuenta homes por dez reás", A Coruña, Nós, 1930.
- Manuel Antonio, "De catro a catro: follas sin data d'un diario d'abordo", A Coruña, Nós, 1928.
- "Catálogo dos castros Galegos. Val de Vilamarín". Pubricazóns do Seminario de Estudos Galegos. Seizón de Prehistoria, fascículo I, A Coruña, Nós, 1927.
- Arquivos do SEG II.
- Foto retrato de Casal.
- Nós (2 núms.)
- Díaz Baliño, Camilo, "Conto de guerra", A Coruña, Nós, 1928.

Pola Biblioteca Provincial da Deputación da Coruña:
- Pondal Abente, Eduardo, "A campana d’Anllóns", A Coruña, Imprenta y Librería de Carré, 1895.
- Carré Aldao, Uxío, "La literatura gallega en el siglo XIX", A Coruña, Librería Regional de Carré, 1903.
- Castelao, "Cousas", A Coruña, Lar, 1926.
- Prada, Xaime, "Linoleums", A Coruña, Nós, 1927.

Pola Biblioteca Municipal de Estudos Locais:
- "Galicia. Revista Universal de este Reino [1860-1865]" (entregas I e II).
- Carré Aldao, "A terra chama", A Coruña, Lar, 1925.
- Carré Alvarellos, "Naiciña", A Coruña, Lar, 1925.
- López Abente, "Buserana", A Coruña, Lar, 1925.
- Florencio Vaamonde, "Anxélica", A Coruña, Lar, 1925.
- Herrera Garrido, "Martes d’antroido", A Coruña, Lar, 1925.
- Risco, "O lobo da xente", A Coruña, Lar, 1925.
- Álvaro de las Casas, "O xardín do castelo de vidre", A Coruña, Lar, 1926.
- M. Magariños, "O Kalivera 30 H. P.", A Coruña, Lar, 1926.
- Xacobe Casal, "De como claudicou Xaquín Quiroga", A Coruña, Lar, 1927.
- Villar Ponte, Ramón, "Historia sintética de Galicia", A Cruña, Nós, 1927.

Polo Museo Carlos Maside de Sada:
- Marca de identidade de edicións Nós por Castelao.
- Debuxo a lapis de Anxel Casal por Camilo Díaz.

Por dona Adela Carré:
- Bandeira galega de sobremesa.
- Caderno autógrafo: "Apuntes del natural por L. Carre".
- Máquina de escribir de Leandro Carré.
- Fotografía de Leandro Carré.
- Fotografía en que aparece Uxío Carré cos fillos.

Por don Alfonso Posse Romero:
- Fotografía de Bernardino Machado, Villar Ponte e Cebreiro.

Por dona Elvira Varela Bao:
- Contos para nenos: "O rei avarento", A Coruña, Imp. Zincke Hermanos, 1921.
- Debuxo orixinal de Cebreiro para a capa do libro. Clixé metálico tamén.
- Orixinais manuscritos de Vicente Risco para outros contos non editados no seu día.
- Pluma estilográfica de Bernardino Varela Docampo.
- Foto de parella de Bernardino Varela Docampo e mais de Elvira Bao.

Por don Pablo Rodríguez Castro:
- Reloxio pertencente a Ánxel Casal.

Pódense ver as seguintes mostras bibliográficas nas Bibliotecas Municipais:
Na Biblioteca de Estudos Locais (Durán Loriga, 10, 1º): "Tempo de viaxar", durante os meses de xullo e agosto. Máis información aquí.
Na Biblioteca Infantil e Xuvenil (Durán Loriga, 10, baixo): "Ultreia: mostra arredor do Camiño de Santiago", até o 16 de setembro.
Na Biblioteca do Fórum Metropolitano (Río de Monelos, s/n): mostra bibliográfica sobre viaxes "Que me piro" durante o mes de xullo.
Na Biblioteca do Castrillón (Praza de Pablo Iglesias, s/n): mostras do verán “Aprende idiomas”, “Contos animados” e “Mergúllate lendo”.
E na Biblioteca da Sagrada Familia (Antonio Pereira 1, baixo): segue a exposición de fotografía "Galicia, a noite, a maxia, os contos", de David Salgado, e comezan a mostra "Verán de cine", durante o mes de xullo, e o obradoiro "Verán de cine", do 5 ao 9 de xullo.
Máis información das Bibliotecas Municipais pódese consultar aquí.

Até o 27 de xuño
Casa da Cultura "Salvador de Madariaga"
Horarios: de luns a domingo: de 12:00 a 14:00 e de 18:00 a 21:00

Até o 26 de xullo a Casa da Cultura Salvador de Madariaga acolle dúas exposicións da editorial Galaxia: RAMÓN PIÑEIRO OLLADAS NO FUTURO, un percorrido pola vida e obra da figura a quen este ano se lle adicou o día das Letras e a A OLLADA DO DESEXO, unha mostra de fotografías de Blanco Amor, testemuñas da súa faceta de viaxeiro incansable.

Ademais, a Biblioteca de Estudos Locais organiza coincidindo co 50 aniversario da primeira edición d'A Esmorga unha mostra bibliográfica a modo de homenaxe á novela de Blanco Amor que inaugura o realismo social e marca un fito na narrativa galega contemporánea.

Hoxe luns 6 de abril ás 19:30 horas na Casa de Cultura Salvador de Madariaga (Durán Loriga, 10, A Coruña) inaugúrase a exposición Libros para ver: fondos da Biblioteca Municipal de Estudos Locais. O acto é de entrada libre.

Mañá mércores 25 de marzo o escritor Manuel Rivas visitará a Biblioteca Municipal de Estudos Locais para falar da súa obra como peche do Obradoiro de escritura que veu realizándose na Biblioteca no presente trimestre conducido por Pedro Ramos.

O encontro terá lugar ás 19:00 h.nos locais da Biblioteca (Durán Loriga 10 1º) y estará aberto a todo o publico.

Mañá martes 27 ás 20:00 na Biblioteca de Estudos Locais (na rúa Durán Loriga) impartirá unha conferencia o historiador Xosé Ramón Barreiro, Presidente da Real Academia Galega, co título “A Coruña na Guerra da Independencia”. A entrada é de balde até completar o aforo.