Mércores 20
Biblioteca Municipal dos Rosales (Praza Elíptica, 1)
12:00
Entrada con convite a recoller na propia Biblioteca desde o sábado 16 de xullo.

Sesión das "Merendas con contos": "Os Ratapón na Galicia das Marabillas", da Compañía do Trinke trinke.

Xoves 14
Biblioteca Municipal do Fórum Metropolitano (Rúa Río Monelos, 1)
12:00
Entrada con convite a recoller na propia Biblioteca desde o sábado 9 de xullo.

Sesión das "Merendas con contos": "Os Ratapón na Galicia das Marabillas", da Compañía do Trinke trinke.

Xoves 14
Biblioteca Municipal do Castrillón (Praza de Pablo Iglesias, s/n.)
12:00
Entrada con convite a recoller na propia Biblioteca desde o sábado 9 de xullo.

Sesión das "Merendas con contos": "Os Ratapón na Galicia das Marabillas", da Compañía do Trinke trinke.

Mércores 6
Biblioteca Municipal de Monte Alto (Praza dos Avós, s/n. - 3º)
18:30
Entrada con convite a recoller na propia Biblioteca desde o sábado 2 de xullo.

Sesión das "Merendas con contos": "Os Ratapón na Galicia das Marabillas", da Compañía do Trinke trinke.

Sábado 18
Biblioteca dos Rosales (Praza Elíptica, 1)
11:00 e 12:30
Entradas: con convite a recoller desde o 11 de xuño na propia Biblioteca.

"Descubrindo xuntos: programa para bebés".

Xoves 16
Biblioteca da Sagrada Familia (Rúa Antonio Pereira, 1)
20:00
Entrada libre até completar capacidade.

"Os Xoves na Sagrada" pecha a súa tempada coa visita de "The Underscore Orkestra", unha banda que chega desde Portland (Oregón – Estados Unidos). A súa música é unha mestura de klezmer, gypsy jazz, swing e música balcánica. A súa instrumentación inclúe violín, acordeón, guitarra, banxo, clarinete, trompa, frauta, harmónica, baixo, voz e percusión. Cada un dos membros desta formación proveñen de distintos lugares de Estados Unidos e de países do Leste europeo. "The Underscore Orkestra" levou xa a súa arte por todos Estados Unidos, Europa, Canadá, México e Guatemala. Este ano, dentro da súa viaxe por Europa –Irlanda e Bélxica entre outros países- inclúen esta actuación na Coruña.

Sábado 11
Biblioteca Municipal dos Rosales (Praza Elíptica, 1)
18:00
Entrada libre até completar capacidade.

O ciclo "Érase unha vez o cine: Introducción á historia do cine en 6 sesións" achegará o público interesado ao mundo cinematográfico a través do visionado comentado e contextualizado de fragmentos de películas dende os inicios ata o cine moderno. Nesta sexta e derradeira sesión: "Os novos cines".

Sábado 4 de xuño
Biblioteca do Fórum Metropolitano
17:30 e 18:00 horas.
Entrada: con inscrición previa, convite a recoller desde o sábado 28 de maio.

- 17:30 horas: "Descubrindo xuntos", programa para bebés de 0 a 1 anos.
- 18:00 horas: "Descubrindo xuntos", programa para bebés de 1 a 2 anos.

Xoves 2
Biblioteca da Sagrada Familia (R/ Antonio Pereira, 1)
19:00
Entrada con inscrición previa, e gratuíta, na Biblioteca ou no teléfono 981-184392. Para calquera persoa a partir de 12 anos.

O obradoiro "Hip-Hop/Poema Pop" achegará toda a cultura do hip-hop a esta actividade, dirixida por Juan Carlos Vázquez Otero, profesor do Conservatorio de Grao Profesional de Melide, e que tamén contará coa participación de MC Jumen (MC do grupo LHV). As rimas de creación propia dos participantes e algúns textos literarios clásicos, serán a base para que, coa música urbana actual, se creen pezas de estilo "rap" ou "hip-hop" que darán lugar a un "concerto exprés" final con coreografía breakdance incluída. Todo o traballo irá acompañado da elaboración dun graffiti en vivo.

Xoves 2
Biblioteca Municipal de Estudos Locais (Rúa Durán Loriga, 10, 1º)
20:00
Entrada libre até completar capacidade.

Presentación de "Elos", un libro con fotografías de Paula Gómez del Valle e poemas de Txiki Calvo, François Davo e Rodrigo Varela, publicado en Edicións Morgante. Deixamos unha parte do seu prólogo, a cargo de Tati Mancebo: "Paula abre os nosos ollos ou enfoca as nosas vistas inexperientes para cousas que só alcanzaremos a ver nas súas fotografías. As súas fotos son así lentes máxicos, con que nos agasalla para ela ter con quen partillar o seu gozo: un brillo único que precisa dunha garrafa ou dun violín onde pousar, para deixarse atrapar por quen ten a capacidade de o ver, un brillo como ser etéreo na procura de ollos activos que lle concedan unha identidade bidimensional. (...) "Elos" é tamén un diálogo aberto entre a imaxe e a palabra, ou entre a palabra visual e a palabra escrita, onde François Davo, Txiki Calvo e Rodrigo Varela toman o papel de interlocutores, de primeiros destinatarios das mensaxes da medium, cuxos testemuños se recollen e dan unha nova dimensión aos retratos do invisíbel de Paula."

Luns 30
Biblioteca Municipal dos Rosales (Praza Elíptica, 1)
19:00
Entrada libre até completar capacidade.

Con motivo da entrega de premios do "Concurso de contos do Barrio dos Rosales", terá lugar un programa de actos composto por unha pequena presentación, a actuación musical dos rapaces da Escola de Música e, posteriormente, a entrega de premios.

Sábado 28
Biblioteca Municipal dos Rosales (Praza Elíptica, 1)
18:00
Entrada libre até completar capacidade.

O ciclo "Érase unha vez o cine: Introducción á historia do cine en 6 sesións" achegará o público interesado ao mundo cinematográfico a través do visionado comentado e contextualizado de fragmentos de películas dende os inicios ata o cine moderno. Nesta quinta sesión: "A Nouvelle Vague".

Sábado 28 de maio
Biblioteca do Fórum Metropolitano
Horario: 17:30
Entrada: inscrición previa, convite a recoller desde o sábado 21 de maio.

"Descubrindo xuntos", programa para bebés de 1 a 2 anos.

Martes 24
Biblioteca Municipal da Sagrada Familia (Rúa Antonio Pereira, 1-3)
19:30
Entrada con convite a recoller na propia Biblioteca a partir do 18 de maio.

"Fantasmic II", contacontos do "Club dos sete medos": sesións quincenais de contos de misterio para mozos e mozas a partir de 11 anos que poderán gozar de historias universais de misterio recollidas por grandes escritores e de lendas locais coñecidas en Galicia.

Venres 20
Biblioteca Municipal de Estudos Locais (Rúa Durán Loriga, 10, 1º)
20:00
Entrada libre até completar capacidade.

Conferencia "Unha tarde con Lois Pereiro", a cargo de Mercedes Queixas Zas, autora do libro "Lois Pereiro, a urxencia poética dun futuro alleo", publicado en Laiovento, e a actuación do músico galego-arxentino Manu Clavijo. Os asistentes poderán ademais contemplar a mostra bibliográfica "Lois Pereiro e o posmodernismo coruñés" que presenta a Lois Pereiro na súa implicación coa movida dos anos oitenta.