Dende o 1 de xullo ate o 31 de agosto o Castro de Elviña está aberto todos os días ás visitas do público.
De luns a venres ás 18 horas, e sábados, domingos e festivos ás 11 horas, ábrese o recinto e un guía acompaña aos visitantes explicando as características do xacemento.
É un servizo gratuíto sen inscrición previa. Ao castro accédese dende o vial que comunica o Campus Universitario de Elviña co Campus da Zapateira.
Para máis información, o Concello pon a disposición dos interesados os teléfonos 010 (chamadas locais), 981 184278 e 981 189850 do Museo Arqueolóxico Castelo de San Antón.

VISITAS GUIADAS AO CASTRO DE ELVIÑA 2010

Horario de verán (xullo e agosto):
De luns a venres ás 18:00 h
Sábados e domingos ás 11:00 h
Horario de inverno: setembro e outubro: domingos ás 12:00 h.

Sábado 22
17:30

Organizado por Portas Ártabras (Sinagoga 22, tras Colexiata – tfno.: 981 210101). Máis información no tfno. ou na web da Asociación.

A Concellería de Cultura vén de editar unha Guía Didáctica sobre o Castro de Elviña, que fica a disposición do profesorado dos distintos centros escolares co obxetivo de dar a coñecer e difundir o patrimonio da Coruña e o mesmo tempo facilitar o achegamento dos máis pequenos ao Castro.

O material editado pola Concellaría de Cultura está organizado en catro unidades didácticas formadas por diferentes fichas.

-Visita escolar, Guía para o profesorado: breve descrición do Castro seguindo o percorrido da visita.
-Caderno para o profesorado con información, orientacións e respostas das unidades didácticas.
-Unidades Didácticas ou Cadernos de Campo:
Unidade Didáctica 1: Coñecemos o Castro (recomendado para 1º e 2º ciclos de Primaria)
Unidade Didáctica 2: Situación e características do Castro.
Unidade Didáctica 3: A arquitectura do Castro.
Unidade Didáctica 4: Do Castro ao Museo.
- CD que contén todo o material.

Pola súa banda a responsable das visitas guiadas ao Castro de Elviña e redactora da guía, Begoña Bas, explicou que esta guía enviarase a todos os centros escolares da cidade e tamén a algúns da provincia. Ademáis da Guía de recursos para profesorado, publicáronse outras como Coñecemos o Castro, Situación e Características, Do castro ao Museo e A Arquitectura do Castro. O ano pasado houbo máis de 250 visitas organizadas ao Castro de Elviña grazas ás cales 3200 persoas puideron coñecer o recinto. Todos os domingos ás 12:00 hai visitas de balde e sen inscripción previa; para máis información pódese chamar ao teléfono do Museo Arqueolóxico, 981 18 98 50, ou a través do correo electrónico.