Venres 23
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Los pasos dobles" (Estados Unidos-Alemaña-Francia-Bélxica-Gran Bretaña-Holanda, 2011, 86 minutos, V. O. S. en castelán). Dirección: Isaki Lacuesta. A mellor maneira de fuxir dos teus perseguidores sen deixar pisadas é camiñar cara atrás, sobre as túas propias pegadas. Iso cría François Augiéras, que cubriu de pinturas un búnker militar no deserto e logo deixouno afundirse na area para que ninguén o atopase ata o século XXI. Pero quen é Augiéras? Lexionario, pintor, escritor, pistoleiro, santo, ladrón, demo ou unha mestura de todo isto?

Xoves 22
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "The Ballad of Genesis and Lady Jaye" (Estados Unidos-Alemaña-Francia-Bélxica-Gran Bretaña-Holanda, 2011, 75 minutos, V. O. S. en castelán). Dirección e fotografía: Marie Losier. Unha historia de amor que remite a Frankenstein, á arte conceptual e a cultura pop máis bizarra. O músico Genesis P. Orridge e a súa parella Lady Jaye retan á bioloxía: deciden deconstruirse na mesma persoa. Retrato íntimo do estraño e singular a cargo da francesa Marie Losier, rexistra unha significativa aparición do falecido literato William S. Burroughs.

Mércores 21
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Essential killing" (Polonia-Noruega-Irlanda-Hungría, 2010, 83 minutos, V. O. S. en galego). Dirección: Jerzy Skolimowski. Thriller centrado nun prisioneiro político afgano acusado de ter matado a tres soldados americanos. Mentres é trasladado a Europa para ser interrogado, consegue escapar iniciando unha dramática carreira pola supervivencia.

Martes 20
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Dharma guns" (Francia-Portugal, 2010, 93 minutos, V. O. S. en galego). Dirección e guión: F. J. Ossang. O director F. J. Ossang emprega unha potente fotografía en branco e negro para escribir con imaxes un ensaio case filosófico sobre o que el mesmo bautizou como "Odisea da Expiación". Unha nova mostra de talento dun dos referentes do novo cine francés que xa foi homenaxeado en 2009 na Sección “A Rexión Central” do festival navarro Punto de Vista coa proxección do seu "Tríptico da paisaxe". Aparición de Patrick Bauchau.

Sábado 17
18:00
CGAI (Durán Loriga, 10, baixo)
Entrada libre até completar capacidade.

No ciclo "CGAI Júnior" proxección de "¡Qué bello es vivir!" (Estados Unidos, 1946, 130 minutos, V. O. S. en castelán). Dirección: Frank Capra. George Bailey é un cidadán común que saca adiante como pode un pequeno negocio familiar dedicado a conceder empréstitos á xente humilde. En Noiteboa, o tío Billy, socio da empresa, perde oito mil dólares, o que coloca a compañía ao bordo da creba. Bailey, atordado pola situación decide suicidarse pero Clarence, un anxo na procura de méritos para conseguir as súas ás, fai que aconteza algo extraordinario. Clásico do Nadal protagonizado por James Stewart e asinado por Frank Capra, (quen o consideraba o seu mellor filme) retoma, como noutras das súas obras, a idea do heroe-cidadán anónimo. Capra sérvese do drama e da comedia, da traxedia e da fantasía para enxalzar valores como a amizade, o sacrificio, o amor ou o compromiso, todo cunha acaída crítica social como pano de fondo. A partir dos 10 anos.

Venres 16
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Road to Nowhere" (Estados Unidos, 2010, 121 minutos, V. O. S. en galego). Dirección: Monte Hellman. Cine dentro de cine ou o cinematógrafo mesmo como artificio da trama nun filme dirixido polo lendario director de culto estadounidense Monte Hellman, autor da maxistral "Estrada asfaltada en dous sentidos" (1971). Un intenso director atópase inmerso na preparación da rodaxe dunha película baseada nun crime real e recibe a visita dunha moza misteriosa con aterrador parecido coa femme fatale da obra. Un thriller (Sección Oficial do Festival de Venecia en 2010) onde a obsesión e a intriga xogan un papel fundamental, levando a acción das Smoky Mountains de Carolina do Norte a Verona, Roma e Londres.

Xoves 15
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Bertrand Bonello", proxección de "Ingrid Caven, music et voix" (Francia, 2006, 106 minutos, V. O. S. en galego). Dirección e guión: Bertrand Bonello. Concerto da cantante e actriz alemana, antiga musa de Fassbinder, Ingrid Caven. Nos seus recitais alterna Kurt Weill, Erik Satie, os Beatles ou Schönberg con textos escritos por ela mesma ou o malogrado Fassbinder. Neste recital hai unha composición electrónica de Giuseppe Giuliano e novos temas a cargo de Peer Raben, compositor á súa vez de Fassbinder.

Mércores 14
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Bertrand Bonello", proxección de "L'apollonide" (Francia, 2011, 122 minutos, V. O. S. en galego). Dirección e guión: Bertrand Bonello. A inicios do século XX nun prostíbulo de París, unha prostituta é desfigurada por un cliente. Marcada traxicamente, a convivencia e o universo pechado segue o seu discorrer no burdel. Ambicioso retrato de grupo e, en simultáneo, de individualidades que vai ter estrea en España.

Martes 13
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Bertrand Bonello", proxección de "Tiresia" (Francia-Canadá, 2003, 115 minutos, V. O. S. en galego). Dirección e guión: Bertrand Bonello. Tiresia é a un tempo home e muller, seguindo o mito grego do visionario cego. No filme de Bonello é un transexual brasileño que vive co seu irmán na periferia de París. Un home soñador, Terranova, obsesionase por Tiresia ata o punto do secuestro. Longametraxe de estraña e escura beleza, a carnalidade do cine de Pasolini ou Cronenberg casa co ascetismo de Bresson.

Sábado 10
CGAI (Durán Loriga 10)
18:00
Entrada libre até completar capacidade.

Dentro do Ciclo "Off Galicia", proxección de "Milímetros" (2011, 53 minutos). Dirección: Xes Chapela. Documental que indaga sobre a cinematografía, como evolución técnica e como código semántico, a partir do recente descubrimento de 29 rolos de película filmados principalmente en Galicia entre os anos 1929 e 1932, completamente inéditos e sen catalogar. Presentación a cargo do seu autor.

Venres 9
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Bertrand Bonello", proxección de "Le pornographe" (Francia-Canadá, 2001, 108 minutos, V. O. S. en galego). Dirección e guión: Bertrand Bonello. Jacques (Jean-Pierre Léaud) é un autor de filmes porno "de autor" que tivo celebridade nos anos 70-80 con plantexamentos contraculturais que xa non parecen encaixar coas ansias comerciais do xénero. O seu fillo Joseph tamén procura o seu espazo para a utopía. Jacques, separado da súa muller, supervivinte da historia, volve dirixir un filme porno ao tempo que tenta reconducir a relación co seu fillo.

Mércores 7
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Bertrand Bonello", proxección de "De la guerre" (Francia, 2008, 130 minutos, V. O. S. en galego). Dirección e guión: Bertrand Bonello. Un director de cine chamado Bertrand queda pechado accidentalmente toda unha noite nun ataúde. O vindeiro día, Bertrand sente, entre o trauma e a revelación, a necesidade de deixar a súa vida cotiá e unirse a un grupo illado, "O Reino". O grupo procura as súas regras para atopar a felicidade. A orixinalidade de Bonello nun filme tan hipnótico como poderoso.

Sábado 3
CGAI (Durán Loriga 10)
18:00
Entrada libre até completar capacidade.

Dentro do Ciclo "Off Galicia", presentación do libro "Las columnas gallegas hacia Oviedo", de Emilio Grandío, e proxección de "En el frente de Asturias" (España-Portugal, 1936-1937, 15 minutos). Dirección: Films Patria. Documental pertencente á serie "¡Arriba España! La reconquista de la patria", sobre o avance da columna do coronel Martín Alonso na tentativa de romper o cerco a Oviedo no verán-outono de 1936; e "Oviedo, la mártir" (España-Portugal, 1936-1937, 14 minutos). Dirección: Films Patria. Documental pertencente á serie "¡Arriba España! La reconquista de la patria", sobre o estado da cidade de Oviedo logo da ruptura do cerco polo coronel Martín Alonso.

Venres 2
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Bertrand Bonello", proxección de "Where the boys are" (Francia, 2001, 22 minutos, V. O. S. en galego). Dirección e guión: Bertrand Bonello. Catro mozas soñan con atopar o amor mentres asistimos á fin da construción dunha mezquita nunha praza dos arrabaldes de París; e "Quelque chose d'organique" (Francia-Canadá, 1998, 90 minutos, V. O. S. en galego). Dirección e guión: Bertrand Bonello. Paul e Marguerite parecen amarse despois de cinco anos de relación. A primeira longametraxe de Bonello segue liñas mestras trazadas antes por Eustache ou Garrel, unha análise dun amor que semella visceral e orgánico e que quizais estea en proceso de desintegración. Silencios, corpos, músicas, dualidades, Bonello xa perfila os valores da súa filmografía futura.

Xoves 1
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Contact high" (Austria-Polonia-Luxemburgo-Alemaña, 2009, 98 minutos, V. O. S. en galego). Dirección: Michael Glawogger. Filme fóra de categorías e adscricións, tanto comedia chea de situacións equívocas -a historia de Hans e Max- e próximas ao absurdo como sutil combinación de rexistros, do filme de estrada ao romance trash.