Mércores 30
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Valhalla Rising" (Gran Bretaña-Dinamarca, 2009, 93 minutos, V. O. S. en galego). Dirección: Nicolas Winding Refn. One-Eye, un guerreiro mudo de enorme fortaleza, foxe dunha cautividade prolongada. El e o cativo Are viaxan nunha nave vikinga. En medio da néboa atopan unha terra descoñecida. Trip de aventuras hipnótico, fantástico, apocalíptico, singular e cheo de beleza.

Martes 29
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Xéneros mutantes (I)", proxección de "Rubber" (Francia-Angola, 2010, 82 minutos, V. O. S. en galego). Dirección, guión e fotografía: Quentin Dupieux. Un filme metalingüístico e absolutamente atípico que subvirte a noción tradicional dos xéneros. Unha roda asesina en medio dun desolado deserto californiano. Un coche da policía, a obsesión por unha muller, poderes telepáticos, criaturas de todo tipo. Dirixida polo músico electrónico francés Quentin Dupieux, alias Mr. Oizo.

Luns 28
Centro Galego de Artes da Imaxe (Rúa Durán Loriga, 10, baixo)
20:00
Entrada libre até completar capacidade.

Proxección da película "A maleta de Sofía", de Marcos Gallego, recentemente estreada en Polonia no marco dunhas xornadas dedicadas a Sofía Casanova, de quen este ano se celebra o 150 aniversario do seu nacemento. Este acto é o colofón á exposición bibliográfica que desta autora se fixo durante este mes de novembro na Biblioteca Municipal de Estudos Locais.

Sábado 26
CGAI (Durán Loriga 10)
18:00
Entrada libre até completar capacidade.

Dentro do Ciclo "Off Galicia", proxección de "Sonatas" (España-México, 1959, 105 minutos). Dirección e guión: Juan Antonio Bardem. Coprodución hispano-mexicana que adapta dúas das "Sonatas" de Valle-Inclán, logo de descartar Bardem unha versión de "Tirano Banderas". A historia dun marqués de Bradomín en medio de disputas políticas, históricas e amorosas aparece influida polas derivas do neorrealismo italiano (o Visconti de "Senso"). Bardem superpón unha historia política en dous espazos: a España de 1824 (inclúe a presenza da tradición cultural galega e parte do seu repertorio etnográfico-mítico) e o México da década seguinte.

Venres 25
18:00 e 20:45
CGAI (Rúa Durán Loriga, 10, baixo)
Entrada libre até completar capacidade.

Dentro do ciclo "Por unha nova mirada. O cine ante a Violencia de Xénero", mesa redonda sobre "O cine, unha mirada cómplice na violencia contra as mulleres?", coa presenza de Pilar Aguilar e Chelo Loureiro; e, ás 20:45 horas, "Grbavica" (Alemaña-Austria-Bosnia-Croacia, 2006, 101 minutos, V. O. S. en castelán). Dirección e guión: Jasmila Sbanic. Tempo despois da Guerra da Iugoslavia. Esma vive coa súa filla Sara no barrio de Grbavica (Sarajevo). Organízase unha viaxe no colexio e Esma quere que a súa filla Sara, de doce anos, participe. Sara precisa presentar un certificado que acredite que o seu pai morreu como un mártir na guerra para conseguir un desconto. A situación económica de Esma fai que traballe polas noites de camareira nunha discoteca. Sara quere saber as circunstancias da morte do seu pai e mesmo sofre as burlas dos compañeiros. Esma, perseguida polos violentos acontecementos do seu pasado, asiste a unha terapia de grupo no Centro de Mulleres do barrio. Que feitos terribles garda na súa memoria?

Xoves 24
20:00
CGAI (Rúa Durán Loriga, 10, baixo)
Entrada libre até completar capacidade.

Dentro do ciclo "Por unha nova mirada. O cine ante a Violencia de Xénero", proxección de "Domestic violence 2" (Estados Unidos, 2002, 160 minutos, V. O. S. en galego). Dirección: Frederick Wiseman. O documentalista Frederick Wiseman aproxima a súa cámara aos xulgados, en concreto aos tribunais do condado de Hillsborough, en Tampa (Florida). O tratamento legal dos casos de maltrato (réxime de visitas, ordes restritivas, pensións, xuízos varios,…) retratado con absoluta intensidade contribuindo a completar un díptico asombroso.

Mércores 23
20:00
CGAI (Rúa Durán Loriga, 10, baixo)
Entrada libre até completar capacidade.

Dentro do ciclo "Por unha nova mirada. O cine ante a Violencia de Xénero", proxección de "Domestic violence" (Estados Unidos, 2001, 196 minutos, V. O. S. en galego). Dirección: Frederick Wiseman. Modélico documentalista, Frederick Wiseman (Boston, 1930) disecciona na súa proteica obra practicamente todos os estamentos da sociedade axudando a artellar un retrato multifacético, poliédrico e complexo da sociedade actual. Filmando abundante material e seleccionando cal filme de ficción a metraxe, Wiseman é autor de filmes maxistrais. En "Domestic violence", amosa as posibles respostas á violencia de xénero doméstica e as aplicacións en mulleres e cativos.

Martes 22
18:00 e 20:45
CGAI (Rúa Durán Loriga, 10, baixo)
Entrada libre até completar capacidade.

Dentro do ciclo "Por unha nova mirada. O cine ante a Violencia de Xénero", proxección de "Tyrannosaur" (Gran Bretaña, 2011, 91 minutos, V. O. S. en castelán). Dirección e guión: Paddy Considine. Joseph, un viúvo alcohólico dominado pola violencia atopa esperanzas de redención en contacto con Hannah, unha traballadora da caridade cristiá. Joseph ironiza sobre a fe de Hannah e a súa idílica existencia. Axiña percibe que a vida de Hannah non ten nada de plácida. A relación avanza e descobren que o amor e a amizade aparecen incluso nos lugares máis escuros.

Sábado 19
18:00
CGAI (Durán Loriga, 10, baixo)
Entrada libre até completar capacidade.

No ciclo "CGAI Júnior" proxección de "Cuentos de Rusia (1964-1980)" (Unión Soviética, 1964-1980, 48 minutos, versión en castelán). Dirección: Vladimir Danilevich, Yiury Norshteyn e Roman Kachanov. Escolma de curtametraxes producidas polo prestixioso estudio de animación ruso SoyuzMultFilm e dirixidas polos afamados realizadores Vladimir Danilevich ou Roman Kachanov, coñecido tamén por Cheburashka. A partir de 3 anos.

Venres 18
18:00 e 20:45
CGAI (Rúa Durán Loriga, 10, baixo)
Entrada libre até completar capacidade. Presentación a cargo do seu director.

Dentro do ciclo "Matías Piñeiro / Carta Branca", proxección de "Rosalinda" (Arxentina, Corea do Sul, 2011, 40 minutos). Dirección e guión: Matías Piñeiro. O Festival de Jeonju organiza cada ano o Jeonju Digital Project con tres directores elaborando una peza que constitúe unha longametraxe colectiva. Piñeiro cadra con Denis Côté e James Benning e realiza este persoal achegamento a Shakespeare. Nunha illa do Tigre, a crónica dos ensaios dunha representación teatral de Shakespeare, a obra "Como gustedes". A actriz que interpreta o papel de Rosalinda elixe un mal momento –e un mal medio: un teléfono móvil- para arranxar asuntos sentimentais; e "Castro" (Arxentina, 2009, 85 minutos). Dirección e guión: Alejo Moguillansky. "Presentada como película irmá de "Todos mienten", Castro é o resultado do traballo dun dos directores arxentinos do que máis preto me sinto. Montaxista da maioría das miñas películas, pero sobre todo amigo, a súa preocupación pola musicalidade no cine me axuda a pensar as miñas propias películas dun xeito autónomo e orixinal. Alejo Moguillansky é a persoa da que máis aprendo de cine, porque está sempre por diante do que podo imaxinar." (Matías Piñeiro).

Xoves 17
18:00 e 20:45
CGAI (Rúa Durán Loriga, 10, baixo)
Entrada libre até completar capacidade. Presentación a cargo do seu director.

Dentro do ciclo "Matías Piñeiro / Carta Branca", proxección de "Todos mienten" (Arxentina, 2009, 75 minutos). Dirección e guión: Matías Piñeiro. Un grupo de mozos instálase nunha casa illada da civilización. Un deles escribe unha novela mentres outros tentan converterse nunha banda de ladróns. Algúns namóranse, outros cren ou din facelo. Con sentido de humor e sutís recursos lúdicos, as tramas comezan a superpoñerse; e "Rosalinda" (Arxentina, Corea do Sul, 2011, 40 minutos). Dirección e guión: Matías Piñeiro. O Festival de Jeonju organiza cada ano o Jeonju Digital Project con tres directores elaborando una peza que constitúe unha longametraxe colectiva. Piñeiro cadra con Denis Côté e James Benning e realiza este persoal achegamento a Shakespeare. Nunha illa do Tigre, a crónica dos ensaios dunha representación teatral de Shakespeare, a obra "Como gustedes". A actriz que interpreta o papel de Rosalinda elixe un mal momento –e un mal medio: un teléfono móvil- para arranxar asuntos sentimentais.

Mércores 16
18:00 e 20:45
CGAI (Rúa Durán Loriga, 10, baixo)
Entrada libre até completar capacidade. Presentación a cargo do seu director.

Dentro do ciclo "Matías Piñeiro / Carta Branca", proxección de "El hombre robado" (Arxentina, 2007, 90 minutos). Dirección e guión: Matías Piñeiro, sobre textos de Domingo F. Sarmiento e J. M. de Rosas. Mercedes traballa nun museo e Leticia noutro situado enfronte. Leticia decide entre Pablo e Andrés. Escolle a éste último. Mercedes quere deixar a Leandro pero é incapaz. Porén, escolle entre os obxectos do museo (de Música) e cámbiaos por outros. O seu mozo vende os orixinais nalgunha feira de San Telmo. En correspondencia coa trama, unha audaz narración de cruces, desencontros e traspasos, que remite na súa lograda posta en escea a Rivette ou Godard; e "Todos mienten" (Arxentina, 2009, 75 minutos). Dirección e guión: Matías Piñeiro. Un grupo de mozos instálase nunha casa illada da civilización. Un deles escribe unha novela mentres outros tentan converterse nunha banda de ladróns. Algúns namóranse, outros cren ou din facelo. Con sentido de humor e sutís recursos lúdicos, as tramas comezan a superpoñerse.

Martes 15
18:00 e 20:45
CGAI (Rúa Durán Loriga, 10, baixo)
Entradas para a sesión das 18:00 h.: 1,20 euros (0,60 euros con carné xove). A sesión das 20:45 h. será de entrada libre até completar capacidade, e coa presentación a cargo do seu director.

Dentro do ciclo "Matías Piñeiro / Carta Branca", proxección de "A propósito de Buenos Aires" (Arxentina, 2006, 80 minutos). Experiencia de filme colectivo con todas as súas consecuencias a cargo de alumnos da Universidad del Cine, entre eles Matías Piñeiro. Unidade no fragmentarismo, anonimato nas diversas partes (cinco: trampas, cartos, deserto, luces, mortos), montaxe de Alejo Moguillansky nun relato cheo de ideas, capaz de amosar outro Buenos Aires e de dialogar co seu pasado; e "El hombre robado" (Arxentina, 2007, 90 minutos). Dirección e guión: Matías Piñeiro, sobre textos de Domingo F. Sarmiento e J. M. de Rosas. Mercedes traballa nun museo e Leticia noutro situado enfronte. Leticia decide entre Pablo e Andrés. Escolle a éste último. Mercedes quere deixar a Leandro pero é incapaz. Porén, escolle entre os obxectos do museo (de Música) e cámbiaos por outros. O seu mozo vende os orixinais nalgunha feira de San Telmo. En correspondencia coa trama, unha audaz narración de cruces, desencontros e traspasos, que remite na súa lograda posta en escea a Rivette ou Godard.

Sábado 12
CGAI (Durán Loriga 10)
18:00
Entrada libre até completar capacidade.

Dentro do Ciclo "Off Galicia", proxección de "Premios Social Cine" (2011, 40 minutos). "Ex-tran-ge" (2011, 10 minutos). Dirección, guión e fotografía: Rogelio Fernández; "Losada" (2011, 10 minutos). Dirección e produción: Ximena Losada e Marcos Nine; "Brasilino" (2011, 9 minutos). Dirección, guión, produción e fotografía: Xurxo Chirro; e "Price charming" (2011, 5 minutos). Dirección e produción: Ticiana Ghiglione Darriba. Presentación con presenza dos seus autores.

Venres 11
18:00 e 20:45
CGAI (Rúa Durán Loriga, 10, baixo)
Entradas: 1,20 euros (0,60 euros con carné xove).

Dentro do ciclo "Matías Piñeiro / Carta Branca", proxección de "Serail" (Francia, 1976, 83 minutos, V. O. S. en galego). Dirección: Eduardo de Gregorio. "A súa fermosa preocupación polo xogo, o tempo e o encadre é expresión do cine que máis disfruto. Por momentos, sinto estar pisando ou quizáis desexando pisar sobre as súas pegadas" (Matías Piñeiro); e "A propósito de Buenos Aires" (Arxentina, 2006, 80 minutos). Experiencia de filme colectivo con todas as súas consecuencias a cargo de alumnos da Universidad del Cine, entre eles Matías Piñeiro. Unidade no fragmentarismo, anonimato nas diversas partes (cinco: trampas, cartos, deserto, luces, mortos), montaxe de Alejo Moguillansky nun relato cheo de ideas, capaz de amosar outro Buenos Aires e de dialogar co seu pasado.